२. पच्चयपच्चनीयं

२. सङ्ख्यावारो

४३. नहेतुया पञ्च, नआरम्मणे छ, नअधिपतिया अट्ठ, नअनन्तरे छ, नसमनन्तरे छ, नअञ्ञमञ्ञे छ, नउपनिस्सये छ, नपुरेजाते सत्त, नपच्छाजाते एकादस, नआसेवने एकादस, नकम्मे छ, नविपाके दस, नआहारे द्वे, नइन्द्रिये द्वे, नझाने द्वे, नमग्गे पञ्च, न सम्पयुत्ते छ, नविप्पयुत्ते तीणि, नोनत्थिया छ, नोविगते छ (वित्थारेन गणेतब्बं).

३. पच्चयानुलोमपच्चनीयं

४४. हेतुपच्चया नआरम्मणे छ…पे… नोविगते छ. (वित्थारेन गणेतब्बं.)

४. पच्चयपच्चनीयानुलोमं

४५. नहेतुपच्चया आरम्मणे चत्तारि…पे… अविगते पञ्च.

पच्चयवारो.