२. पच्चयपच्चनीयं

४२. सिया कुसलं धम्मं पटिच्च कुसलो धम्मो उप्पज्जेय्य नहेतुपच्चया.

(यथा अनुलोमे हेतुपच्चयो वित्थारितो, एवं पच्चनीयेपि नहेतुपच्चयो वित्थारेतब्बो.)

४३. सिया कुसलं धम्मं पटिच्च कुसलो धम्मो उप्पज्जेय्य नआरम्मणपच्चया… नअधिपतिपच्चया… नअनन्तरपच्चया… नसमनन्तरपच्चया… नसहजातपच्चया… नअञ्ञमञ्ञपच्चया… ननिस्सयपच्चया… नउपनिस्सयपच्चया… नपुरेजातपच्चया… नपच्छाजातपच्चया … नआसेवनपच्चया… नकम्मपच्चया… नविपाकपच्चया… नआहारपच्चया… नइन्द्रियपच्चया… नझानपच्चया… नमग्गपच्चया… नसम्पयुत्तपच्चया… नविप्पयुत्तपच्चया… नोअत्थिपच्चया… नोनत्थिपच्चया… नोविगतपच्चया… नोअविगतपच्चया.

४४. सिया कुसलं धम्मं पटिच्च कुसलो धम्मो उप्पज्जेय्य नहेतुपच्चया नआरम्मणपच्चया….

(यथा अनुलोमे एकेकस्स पदस्स एकमूलकं, दुमूलकं, तिमूलकं, चतुमूलकं, याव तेवीसतिमूलकं एवं पच्चनीयेपि वित्थारेतब्बं. )

(ख) तिकञ्च पट्ठानवरं दुकुत्तमं,

दुकं तिकञ्चेव तिकं दुकञ्च;

तिकं तिकञ्चेव दुकं दुकञ्च,

छ पच्चनीयम्हि नया सुगम्भीराति.