२३. तेवीसतिमवग्गो

(२१९) २. अरहन्तवण्णकथा

९०९. अरहन्तानं वण्णेन अमनुस्सा मेथुनं धम्मं पटिसेवन्तीति? आमन्ता. अरहन्तानं वण्णेन अमनुस्सा पाणं हनन्ति…पे… अदिन्नं आदियन्ति, मुसा भणन्ति, पिसुणं भणन्ति, फरुसं भणन्ति, सम्फं पलपन्ति, सन्धिं छिन्दन्ति, निल्लोपं हरन्ति, एकागारिकं करोन्ति, परिपन्थे तिट्ठन्ति, परदारं गच्छन्ति, गामघातकं करोन्ति…पे… निगमघातकं करोन्तीति? न हेवं वत्तब्बे…पे….

अरहन्तवण्णकथा निट्ठिता.