(१५२) ८. दुतियसञ्ञावेदयितकथा

७३०. सञ्ञावेदयितनिरोधसमापत्ति लोकियाति? आमन्ता. रूपन्ति? न हेवं वत्तब्बे…पे… वेदना… सञ्ञा… सङ्खारा… विञ्ञाणन्ति? न हेवं वत्तब्बे…पे… कामावचराति? न हेवं वत्तब्बे…पे… रूपावचराति? न हेवं वत्तब्बे…पे… अरूपावचराति? न हेवं वत्तब्बे…पे….

७३१. न वत्तब्बं – ‘‘सञ्ञावेदयितनिरोधसमापत्ति लोकियाति? आमन्ता. लोकुत्तराति? न हेवं वत्तब्बे. तेन हि लोकियाति.

दुतियसञ्ञावेदयितकथा निट्ठिता.