११. एकादसमवग्गो

(११४) ९. धम्मट्ठितताकथा

६२७. धम्मट्ठितता परिनिप्फन्नाति? आमन्ता. ताय ठितता परिनिप्फन्नाति? न हेवं वत्तब्बे…पे… ताय ठितता परिनिप्फन्नाति? आमन्ता. ताय तायेव नत्थि दुक्खस्सन्तकिरिया, नत्थि वट्टुपच्छेदो, नत्थि अनुपादापरिनिब्बानन्ति? न हेवं वत्तब्बे…पे….

रूपस्स ठितता परिनिप्फन्नाति? आमन्ता. ताय ठितता परिनिप्फन्नाति? न हेवं वत्तब्बे…पे… ताय ठितता परिनिप्फन्नाति? आमन्ता. ताय तायेव नत्थि दुक्खस्सन्तकिरिया, नत्थि वट्टुपच्छेदो, नत्थि अनुपादापरिनिब्बानन्ति? न हेवं वत्तब्बे…पे….

वेदनाय ठितता…पे… सञ्ञाय ठितता…पे… सङ्खारानं ठितता…पे… विञ्ञाणस्स ठितता परिनिप्फन्नाति? आमन्ता. ताय ठितता परिनिप्फन्नाति? न हेवं वत्तब्बे…पे… ताय ठितता परिनिप्फन्नाति? आमन्ता. ताय तायेव नत्थि दुक्खस्सन्तकिरिया, नत्थि वट्टुपच्छेदो, नत्थि अनुपादापरिनिब्बानन्ति? न हेवं वत्तब्बे…पे….

धम्मट्ठितताकथा निट्ठिता.