१०. दसमवग्गो

(१०४) १०. विञ्ञत्ति सीलन्तिकथा

६०१. विञ्ञत्ति सीलन्ति? आमन्ता. पाणातिपाता वेरमणीति? न हेवं वत्तब्बे…पे… अदिन्नादाना वेरमणीति? न हेवं वत्तब्बे…पे… कामेसुमिच्छाचारा वेरमणीति? न हेवं वत्तब्बे …पे… मुसावादा वेरमणीति? न हेवं वत्तब्बे…पे… सुरामेरयमज्जपमादट्ठाना वेरमणीति? न हेवं वत्तब्बे…पे….

अभिवादनं सीलं, पच्चुट्ठानं सीलं, अञ्जलिकम्मं सीलं, सामीचिकम्मं सीलं, आसनाभिहारो सीलं, सेय्याभिहारो सीलं, पादोदकाभिहारो सीलं, पादकथलिकाभिहारो सीलं, न्हाने पिट्ठिपरिकम्मं सीलन्ति? आमन्ता. पाणातिपाता वेरमणीति? न हेवं वत्तब्बे…पे… सुरामेरयमज्जपमादट्ठाना वेरमणीति? न हेवं वत्तब्बे…पे….

६०२. न वत्तब्बं – ‘‘विञ्ञत्ति सील’’न्ति? आमन्ता. दुस्सिल्यन्ति? न हेवं वत्तब्बे…पे… तेन हि विञ्ञत्ति सीलन्ति.

विञ्ञत्ति सीलन्तिकथा निट्ठिता.