१०. सङ्घभेदक सङ्घादिसेस सिक्खापुच्छा

पुच्छा – यं तेन आवुसो भगवता…पे… सम्मासम्बुद्धेन सङ्घभेदकस्स भिक्खुनो यावततियं समनुभासनाय अप्पटिनिस्सज्जन्तस्स सङ्घादिसेसो कत्थ पञ्ञत्तो.

विस्सज्जना – राजगहे भन्ते पञ्ञत्तो.

पुच्छा – कं आवुसो आरब्भ किस्मिं वत्थुस्मिं पञ्ञत्थो.

विस्सज्जना – देवदत्तं भन्ते आरब्भ पञ्ञत्तो.

देवदत्तो भन्ते समग्गस्स सङ्घस्स भेदाय परक्कमि, तस्मिं भन्ते वत्थुस्मिं पञ्ञत्तो.