राधसंयुत्त

सत्तसुत्त

पुच्छा – राधसंयुत्ते पनावुसो दुतियं सत्तसुत्तं भगवता कत्थ कं आरब्भ किस्मिं वत्थुस्मिं कथञ्च भासितं.

विस्सज्जना – सावत्थियं भन्ते आयस्मन्तं राधत्थेरं आरब्भ भासितं. आयस्मा भन्ते राधत्थेरो भगवन्तं एतदवोच ‘‘सत्तो सत्तोति भन्ते वुच्चति, कित्तावता नु खो भन्ते सत्तोति वुच्चती’’ति. तस्मिं भन्ते वत्थुस्मिं ‘‘रूपे खो राध यो छन्दो यो रागो या नन्दी या तण्हा, तत्र सत्तो तत्र विसत्तो, तस्मा सत्तोति वुच्चती’’ति एवमादिना भगवता भासितं.