४. अदन्तवग्ग

पुच्छा – चतुत्थे पनावुसो अदन्तवग्गे भगवता कीदिसी धम्मदेसनायो देसिता.

विस्सज्जना – चतुत्थे भन्ते अदन्तवग्गे ‘‘नाहं भिक्खवे अञ्ञं एकधम्मम्पि समनुपस्सामि, यं एवं अदन्तं महतो अनत्थाय संवत्तति, यथयिदं भिक्खवे चित्तं, चित्तं भिक्खवे अदन्तं महतो अनत्थाय संवत्तति. नाहं भिक्खवे अञ्ञं एकधम्मम्पि समनुपस्सामि, यं एवं दन्तं महतो अत्थाय संवत्तति, यथयिदं भिक्खवे चित्तं, चित्तं भिक्खवे दन्तं महतो अत्थाय संवत्तती’’ति एवमादिका भगवता धम्मदेसनायो देसिता.