५. पणिहितअच्छवग्ग

पुच्छा – पञ्चमे आवुसो पणिहितअच्छवग्गे भगवता कीदिसी धम्मदेसनायो देसिता.

विस्सज्जना – पञ्चमे भन्ते पणिहितअच्छवग्गे ‘‘सेय्यथापि भिक्खवे सालिसूकं वा यवसूकं वा मिच्छापणिहितं हत्थेन वा पादेन वा अक्कन्तं हत्थं वा पादं वा भेच्छति, लोहितं वा उप्पादेस्सतीति नेतं ठान विज्जति. तं किस्सहेतु, मिच्छापणिहितत्ता भिक्खवे सूकस्स. एवमेव खो भिक्खवे सो वत भिक्खु मिच्छापणिहितेन चित्तेन अविज्जं भेच्छति, विज्जं उप्पादेस्सति, निब्बानं सच्छिकरिस्सतीति नेतं ठानं विज्जति, तं किस्स हेतु, मिच्छापणिहितत्ता भिक्खवे चित्तस्सा’’ति एवमादिका भगवता धम्मदेसनायो देसिता.