१७१. रा नस्स णो

रन्ततो क्रियत्था पच्चयनकारस्स ण होति. करणीयो.

भर=भरणे, भरीयतीति भरितब्बो भरणीयो. गह=उपादाने ‘‘मं वा रुधादीनं’’ति अन्तसरा परोमं वा होति. मकारो+नुबन्धो. ‘‘णो निग्गहीतस्सा’’ति निग्गहीतस्स णो, संगय्हतीति संगण्हितब्बो संगण्हनीयो, ‘‘तथनरा’’दिना णकारे गहणीयो. रम=कीळायं, रमीयतीति रमणीयो विहारो. आप=पापुणने, ‘‘सकापानं कुककू णे’’ति एत्थ ‘सकापानं कुक+कू’ति योगविभागा कु, ऊआगमे नागमस्स णे च कते पापीयतीति पापुणितब्बो. पररूपे पत्तब्बो, पापुणनीयो, पापनीयो.