२१. ईआदो वचस्सोम

ईआदीसु वचस्स ओम होति. मकारानुबन्धत्ता ‘‘मानुबन्धो सरान+मन्ता परो’’ति परिभासतो सरा परो. अवोचि, अवोचुं, अवोचो इच्चादि. अनज्जतने-अवच अवचा वचा इच्चादि. क्रियातिपत्तियं-अवक्खा अवचिस्सा, अवक्खिंसु अवचिस्सिंसु इच्चादि. वचेय्य इच्चादि. कम्मे-वुच्चेय्य इच्चादि. तथा वचतु, वुच्चतु इच्चादि.

भुज=पालनज्झोहारेसु, ‘‘भुजा’’ दिना क्खवादेसे भोक्खति भुञ्जिस्सति.

कुस=अक्कोसे, आपुब्बो, तस्स रस्सो च, अक्कोसति इच्चादि ञेय्यं, लविकरणलोपवुद्धियो.