२९. गमिस्सा

आआदो ईआदो च गमिस्स आ होति वा. सो अगा अगमि गमि अगमित्थो गमित्थो अगमत्थो गमत्थो. ईपच्चये लस्साकारस्स ‘‘हिमिमेस्व+स्सा’’ति एत्थ ‘‘अस्सा’’ति योगविभागा दीघे ‘‘दीघा ईस्सा’’ति ईस्स सिआदेसो, अगमासि अगमि गमि अगमी गमी, अगमिंसु गमिंसु अगमंसु गमंसु अगमुं गमुं. ओस्स अआदेसे अज्झगुं. त्वं अज्झगा परस्स लोपो. तुम्हे अज्झगुत्थ. अहं अज्झगं, मयं अज्झगम्ह. परच्छक्के – ‘‘एय्याथा’’दिना त्थे सो अगच्छित्थ गच्छित्थ अगञ्छित्थ गञ्छित्थ अगमित्थ गमित्थ अगम गम अगमा गमा. ते अगमू गमू, ओस्स आआदेसे अज्झगुं. त्वं अगमिसे गमिसे. तुम्हे अगमिव्हं. ‘‘एय्याथा’’ दिना अ+मादेसे अहं अगमं गमं अज्झगं. मयं अगमिम्हे गमिम्हे. कम्मेअगच्छीयि अगमीयि, अगच्छियुं अगमियुं इच्चादि. तथा अघम्मी घम्मी इच्चादि.