५,३. निन्दायं गुप+बधा बस्स भो च

निन्दायं गुप+बधेहि छो होति बस्स भो च. गुप=रक्खने+तीमस्मा छप्पच्चये ‘‘अञ्ञत्रापी’’ति ओत्ताभावे च पररूपादिम्हि ‘‘कवग्गहा’’ दिना गस्स जे च कते ‘‘गुपिस्सुस्सा’’ति द्वित्ते पुब्बस्स उस्स इ होति. त्यादि+लविकरणादिम्हि जिगुच्छति इच्चादि. निन्दायं-बध=बन्धने+तीमस्मा छप्पच्चये च इमिनाव बस्स भकारे च पररूपे पठमक्खरे भच्छभच्छइति द्वित्ते अनादिब्यञ्जनस्स लोपे ‘‘चतुत्थदुतियानं ततियपठमा’’ति द्वित्ते पुब्बस्स भस्स बकारे ‘‘खछसेस्वस्सी’’ति इकारे दीघे च कते बीभच्छधातुतो त्यादयो होन्ति. बीभच्छति, बीभच्छन्ति इच्चादि. अञ्ञत्र गोपेति+च्चादि.