१३. सा+स्स देवता पुण्णमासी

सेति पठमन्ता अस्सेति छट्ठियत्थे णो होति, यं पठमन्तं, सा चे देवता पुण्णमासी वा. सुगतो देवता अस्स सोगतो, माहिन्दो, यामो, वारुणो. बुद्धो अस्स देवताति बुद्धो. फुस्सी पुण्णमासी अस्स सम्बन्धिनीति फुस्सो मासो. एवं माघो, फग्गुनो, चित्तो, वेसाखो, जेट्ठमूलो, आसाळ्हो, सावणो, पोट्ठपादो, अस्सयुजो, कत्तिको, मागसिरो. पुण्णमासी च भतकमाससम्बन्धिनी न होति, पुण्णो मा अस्सन्ति निब्बचना, अतो एव निपातना णो, सागमो च.