१४. त+मधीते तं जानाति क+णिका च

दुतियन्ततो त+मधीते तं जानातीति एतेस्व+त्थेसु णो होति को णिको च. एत्थ चसद्दो को चणिको च होतीति समुच्चिनो, नो णपच्चयं. ब्याकरण+मधीते जानातीति वा वेय्याकरणो, वि+आ+करणन्ति विच्छिज्ज कतयादेसस्सि+कारस्स ‘‘तदादेसा तदीव भवन्ती’’ति ञाया ‘‘सरान’’मिच्चादिना एकारे यागमद्वित्तानि. एवं मोहुत्तो, नेमित्तो, अङ्गविज्जो, वत्थुविज्जो, छन्दसो, ‘‘मना, दीनं सक’’ इति सकागमो. कमको, पदको, वेनयिको, सुत्तन्तिको, आभिधम्मिको. द्वितग्गहणं अज्झेनजानने च विसुं विसुं पच्चयविधानत्थं, अज्झेनविसयदस्सनत्थं, पसिद्धुपसंहरणत्थञ्च.