७. तिट्ठग्वादीनि

तिट्ठगुआदीनि अञ्ञत्थेन सिद्धापि अस्मिं असंख्यसमासे निपातियन्ति. तिट्ठन्ति गावो यस्मिं कालेति तिट्ठन्तसद्द+गोसद्देहि पठमायोम्हि कते ‘‘वा+नेकञ्ञत्थे’’ति समासो, इमिना निपातना लोपे नपुंसकत्थे च कते सिम्हि गोस्स ‘‘गोस्सु’’ति उकारे ‘‘पुब्बस्मा+मादितो’’ति विभत्तिलोपो. एवं वहन्ती गावो यस्मिं कालेति वहग्गु इच्चादि. वेलाप्पकासकपातोआदीनम्पि एत्थेव सङ्गहो, पातो नहानन्ति सत्तमीअमादिसमासे पातनहानं, एवं सायनहानं, पातकालं, सायकालं, पातमेघं, सायमेघं, पातमग्गं, सायमग्गं, एत्थ ‘‘एओन+म वण्णे’’ति अकारो, निग्गहीतस्स लोपो च होति.