१३. कुपादयो निच्च+मस्यादिविधिम्हि

कुसद्दो पादयो च स्याद्यन्तेन सहे+कत्था होन्ति निच्चं स्यादिविधिविसयतो+ञ्ञत्थ. एत्थ अब्यभिचारिपादिसहचरणत्थेन कुइति निपातोव, न पथवीवाचको कुसद्दो. स्यादिविधिविसयो नाम ‘‘लक्खणित्थम्भूता’’ दिना पतिआदीनं विसये कतदुतिया, तञ्च अन्वद्धमासन्ति असंख्यसमास+मिव मा होतूति ‘‘अस्यादिविधिम्ही’’ति निसेधो. कुच्छितो ब्राह्मणो कुब्राह्मणो, निच्चसमासत्ता असपदेन विग्गहो.