२४. चतुत्थी सम्पदाने

अचेतनं सचेतनं वा पटिग्गाहकभावेना+पेक्खितं, तं सम्पदानं, तञ्च दा-दानेति धातुतो ब्यप्पेन युत्तमेव, तत्थ चतुत्थी होति. तञ्च दीयमानस्स वत्थुनो अनिवारण+ज्झेसना+नुमतितो तिविधो, यथा बुद्धस्स पुप्फं देति, बोधिरुक्खस्स जलं देति, याचकस्स धनं देति, भिक्खूनं दानं देति.

अनिराकरणा+राध-न+ब्भनुञ्ञवसेन हि;

सम्पदानं तिधा वुत्तं, रुक्ख+याचक+भिक्खवो.

आधारविवक्खायं सत्तमीपि, सङ्घे गोतमि देहि, सङ्घे दिन्ने अहञ्चेव पूजितो भविस्सामि, या पलालमयं मालं, नारी दत्वान चेतियेति.