११०. क्वचे+वा.

अकारन्ततो नामस्मा परस्स सिस्स ए होति वा क्वचि. गुम्बे गुम्बो, गुम्बा. भो गुम्ब गुम्बा, भवन्तो गुम्बा इच्चादि सुगतसमं. एवं फुस्सितग्गे फुस्सितग्गो, वत्तब्बे वत्तब्बो इच्चादि. सिस्सो+कारस्स निच्चत्ता कत्थचि पक्खे एकारत्त+मिद+मारद्धन्ति सिस्सो+कारपक्खे एव भवतीति ‘‘अं नपुंसके’’ति अ+मादेसेन एकारस्स नपुंसकविसये बाधितत्ता ‘‘बहुलं’’ विधाना नपुंसकेपि सुखे दुक्खेति क्वचि होतेव.

‘‘योस्स’’ ‘‘टे’’ति च वत्तते.