२३३. योनंहिस्व+पञ्चम्या वो+नो

अपञ्चमियायोनंहिस्व+पादादो वत्तमानानं पदस्मा परेस+मेकवाक्ये ठितानं तुम्हअम्हसद्दानं सविभत्तीनं वो+नो होन्ति वा यथाक्कमं. गामं वो गच्छेय्याथ, गामं तुम्हे गच्छेय्याथ. गामं नो गच्छेय्याम, गामं अम्हे गच्छेय्याम. पहाय वो गमिस्सामि, मा नो विकन्तिंसु. दीयते वो, दीयते तुम्हं. दीयते नो, दीयते अम्हं. तुट्ठो+स्मि वो पकतिया, तुट्ठो+स्मि तुम्हं. सत्था नो भगवा, एसो अम्हाकं सत्था. कतं वो, कतं तुम्हेहि. कतं नो, कतं अम्हेहि.