११६. ये पस्सि+वण्णस्स

पसञ्ञस्स इवण्णस्स लोपो होति वा यकारे. ‘‘परो क्वची’’ति अनुवत्तितक्वचिग्गहणा ये परे च-कार+पुब्बरूपा- नि न होन्ति. मत्यो. अञ्ञत्र ‘‘जन्त्वा’’दिना योलोपो, दीघो, मती मतियो. भो मति मती, मत्यो मती मतियो. मतिं, मत्यो मती मतियो. मतिया, मतीहि मतीभि. मत्या मतिया, मतीनं. स्मिनो यं, मत्यं मतियं मत्या मतिया, मतीसु. एवं –

पत्ति युत्ति वुत्ति कित्ति, मुत्ति तित्ति खन्ति कन्ति;

सन्ति तन्ति सिद्धि सुद्धि, इद्धि वुद्धि बुद्धि बोधि.

भूमि जाति पीति सुति, नन्दि सन्धि सोणि कोटि;

दिट्ठि वुट्ठि तुट्ठि यट्ठि, पाळि आळि नाळि केळि.

सति मुति गति चुति, धिति युवति विकति;

रति रुचि रस्मि असनि, वसनि ओसधि अङ्गुलि;

धूलि दुद्रभि दोणि, अटवि छवि इच्चादि.