८५. कूतो

कूपच्चयन्ततो योनं नो वा होति पुल्लिङ्गे. सब्बञ्ञुनो. अञ्ञत्र ‘‘ला योनं वो पुमे’’ति न वो, ‘‘कूतो’’ति जन्त्वादीहि पुथक्करणा. योलोपे सब्बञ्ञू. भो सब्बञ्ञु सब्बञ्ञू, सब्बञ्ञुनो सब्बञ्ञू इच्चादि.

एवं मग्गञ्ञू धम्मञ्ञू अत्थञ्ञू कालञ्ञू रत्तञ्ञू मत्तञ्ञू कतञ्ञू कथञ्ञू विञ्ञू विदू इच्चादयो. एत्थ ‘‘विदा कू’’ ‘‘वितो ञातो’’ ‘‘कम्मा’’ति तीसु सुत्तेसु कूपच्चयस्स गहितत्ता वेदगूआदयो रूपच्चयन्ता न गहिता.

ऊकारन्तं.

गो, सि, सिलोपो. गो.