पदमञ्जरी |ओ०.०००१|

नमो तस्स भगवतो अरहतो सम्मासम्बुद्धस्स

निरुत्तिकायोदधिपारगं जिनं,

विसुद्धधम्मञ्च गणं अनुत्तरं;

तिधा नमित्वा पदमञ्जरी मया,

करीयतो बालकबुद्धिवुद्धियाति.

अथ अकारन्तपुल्लिङ्गो बुद्धसद्दो वुच्चते.

बुद्धो देवमनुस्सानं धम्मं देसेसि

बुद्धा देवमनुस्सानं धम्मं अदेसिंसु

भो बुद्ध त्वम्पिखो मं पालय

भो बुद्धा तुम्हेपि खो मं पालेथ.

बुद्धं भगवन्तं सक्कच्चं वन्दामहं

बुद्धे भगवन्ते सक्कच्चं वन्दाम मयं

बुद्धेन भगवता धम्मो देसीयते

बुद्धेहि भगवन्तेहि धम्मो देसितो

बुद्धेन भगवता महाजनो सुचरति

बुद्धेहि भगवन्तेहि सिवपदं यन्ति

बुद्धस्स भगवतो पुप्फं यजति

बुद्धानं भगवतं पुप्फानि यजति

बुद्धा भगवता सिवपदं लभेय्य

बुद्धेहि भगवन्तेहि पभा निच्छरति

बुद्धस्स भगवतो इद्धि किं न करे

बुद्धानं भगवन्तानं इद्धिपाटिहारियानि

बुद्धे भगवन्ते महाजनो पसीदति.

बुद्धेसु भगवन्तेसु मनं पतिट्ठितं.

इति पठमो पाठो.

अकारन्तपुल्लिङ्गो अत्तसद्दो वुच्चते.

अत्ता संसारदुक्खं पापुणाति

अत्तानो सुखदुक्खं पापुणन्ति

भो अत्त सुखदुक्खं अनुभोसि

भो अत्तनो सुखदुक्खं अनुभोथ

अत्तानं पस्सति बुद्धो भगवा

अत्तानो |ओ०.०००२| पस्सति सम्मा सम्बुद्धो

अत्तना सुखदुक्खं अनुभुत्तं

अत्तनेहि कम्मफलं अनुभुत्तं

अत्तना संसारसुखं नाम नत्थि

अत्तनेहि भवसुखं नाम नत्थि

अत्तनो अत्ताव पतिट्ठा सिया

अत्तानं कम्ममेव पतिट्ठा सिया

अत्तनापि महब्भयं उप्पज्जति

अत्तनेहि महब्भयानि जायन्ति

अत्तनो मातापितरो होन्ति

अत्तानं पञ्चगतियो होन्ति

अत्तनि सब्बं बलं हरति रोगो

अत्तनेसु सब्बं बलं हरन्ति रोगा.

इति दुतियो पाठो.

अकारन्त पुल्लिङ्गो राजसद्दो वुच्चते.

राजापि महाजनं तोसेति

राजानो महाजनं तोसेन्ति

भो राजा महाजनं पालय

भो राजानो महाजनं पालेथ

राजानं पस्सति महाजनो

राजानो पस्सन्ति महाजना

रञ्ञा कारीयते महापासादो

राजूहि कारापिता महाविहारा

रञ्ञा महाजनो सुखं चरति

राजूही महाजना सुखं चरन्ति

रञ्ञो पण्णाकारं देति महाजनो

राजूनं पण्णाकारं देन्ति महाजना

रञ्ञा महब्भयं उप्पज्जति

राजूहि महब्भयानि उप्पज्जन्ति

रञ्ञो वप्पमङ्गलं होति

राजूनं सब्बाभरणानि होन्ति

रञ्ञे महाजनो पन पसीदति

राजुसु महाजना पन पसीदन्ति.

इति ततियो पाठो.

अकारन्तपुल्लिङ्गो गुणवत्तुसद्दो वुच्चते.

गुणवा पुरिसो सुन्दरं निब्बाणं गतो

गुणवन्तो |ओ०.०००३| पुरिसा सुन्दरं निब्बाणं गता

भो गुणवं पुरिस त्वम्पि दानं देहि

भो गुणवन्तो पुरिसा तुम्हे दानं देथ

गुणवन्तं पुरिसं धम्मं बोधेति आचरियो

गुणवन्ते पुरिसे धम्मं पाठयति आचरियो

गुणवन्तेन पुरिसेन कारितो विहारो

गुणवन्तेहि पुरिसेहि कारिता विहारा

गुणवन्तेन पुरिसेन लोको सुचरति

गुणवन्तेहि पुरिसेहि लोका सुचरन्ति

गुणवतो पुरिसस्स सक्कारं करोति

गुणवतं पुरिसानं सक्कारं करोन्ति

गुणवता पुरिसस्मा भयं नूप्पज्जति

गुणवन्तेहि पुरिसेहि भयानि नूप्पज्जन्ति

गुणवतो पुरिसस्स कित्तिसद्दो अङ्गुग्गच्छति

गुणवतं पुरिसानं गुणघोसो होति

गुणवन्ते पुरिसे मे रमति मतो

गुणवन्तेसु पुरिसेसु सप्पुरिसो पसीदति.

इति चतुत्थो पाठो.

अकारन्तपुल्लिङ्गो गच्छन्तसद्दो वुच्चते.

गच्छं यञ्ञदत्तो पुरिसं भारं हारयति

गच्छन्ता यञ्ञदत्ता पुरिसं कम्मं कारयन्ति

भो गच्छं यञ्ञदत्त त्वं मं पालय

भो गच्छन्ता यञ्ञदत्ता मं पालेथ

गच्छन्तं यञ्ञदत्तं कम्बलंयाचयति द्विजो

गच्छन्ते यञ्ञदत्ते कम्बलं याचयति द्विजो

गच्छता यञ्ञदत्तेन रुक्खो पुप्फानि अवचीयते

गच्छन्तेहि यञ्ञदत्तेहि रुक्खो पुप्फानि अवचितो

गच्छता यञ्ञदत्तेन कोचि मग्गं जानाति

गच्छन्तेहि यञ्ञदत्तेहि केचिमग्गं जानन्ति

गच्छतो यञ्ञदत्तस्स छत्तं धारयते

गच्छतं यञ्ञदत्तानं छत्तानि धारयन्ते

गच्छता यञ्ञदत्तस्मा भयं नूप्पज्जति

गच्छन्तेहि यञ्ञदत्तेहि भयानि नूप्पज्जन्ति

गच्छतो यञ्ञदत्तस्स छत्तो होति

गच्छतं यञ्ञदत्तानं आभरणानि होन्ति

गच्छन्ते यञ्ञदत्ते कोचि पसीदति

गच्छन्तेसु यञ्ञदत्तेसु केचि पसीदन्ति.

इति |ओ०.०००४| पञ्चमो पाठो.

इकारन्तपुल्लिङ्गो अग्गिसद्दो वुच्चते.

अग्गि पन कट्ठमङ्गारं करोति

अग्गयो कट्ठमङ्गारं करोन्ति

भो अग्गि त्वं सीतं विनोदेहि

भो अग्गी तुम्हे सीतं विनोदेथ

अग्गिं निब्बापेति यो कोचि

अग्गयो निब्बापेन्ति ये केचि

अग्गिना कोचि अकारो दड्ढो

अग्गीहि केचि अगारा दड्ढा

अग्गिना किञ्चि आगारं झापेति

अग्गीहि केचि अगारे झापेति

अग्गिनो उपादानं ददाति ब्राह्मणो

अग्गीनं उपादानं ददन्ति ब्राह्मणा

अग्गिना धूमो अपेति निच्चं

अग्गीहि’धूमापि अपेन्ति निच्चं

अग्गिनो आलोको च होति

अग्गीनं आलोकापि होन्ति

अग्गिम्हि यो कोचि पसीदति

अग्गीसु ये केचि पसीदन्ति.

इति छट्ठो पाठो.

इकारन्तपुल्लिङ्गो आदिसद्दो वुच्चते.

आदि बन्धीयते समग्गेन सङ्घेन

आदयो बन्धीयन्ते समग्गेहि भिक्खुहि

भो आदि त्वं दीघकालं पवत्तेहि

भो आदी तुम्हे दीघकालं पवत्तेथ

आदिं पस्सति समग्गो सङ्घो च

आदयो पस्सति भिक्खु सङ्घो च

आदिना परिसुद्धेन पन भूयते

आदीहि परिसुद्धेहि पन भूयते

आदिना समग्गो सङ्घो सुचरति

आदीहि भिक्खु सङ्घो सुचरति

आदिनो कोचि उपकरणं देति

आदीनं केचि उपकरणं देन्ति

आदिना समग्गो सङ्घो अपेति

आदीहि भिक्खु’सङ्घो अपेति

आदिस्स |ओ०.०००५| उपकारिका खो पन होति

आदीनं उपकारिकायोपि होन्ति

आदिम्हि समग्गो सङ्घो निसीदति

आदीसू भिक्खु सङ्घोपि निसीदति.

इति सत्तमो पाठो.

ईकारन्तपुल्लिङ्गो दण्डीसद्दो वुच्चते.

दण्डी पुरिसोपि दण्डं छड्डेतु

दण्डिनो पुरिसा दण्डं छड्डेन्तु

भो दण्डी पुरिस दण्डं छड्डेहि