१२. सम्भा

योग्गताज्झवसानन्तीमस्सात्थपदं, सत्तिसद्दहनन्ति सामत्थियस्स सद्दहनन्ति अत्थो. पयोगानुसारितं दीपेती सम्बन्धो. गम्ममानेति सम्भावेमिच्चादिना भ्वादिधातूहि अवुच्चमानेपि गम्यमाने. उदाहटं ‘अपिपब्बतं सिरसा भिन्देय्या’ति. महाबलताय हत्थिहनने अलमत्थविसये सम्भावने सत्यपि अलं सद्दो-त्रालमत्थो युत्तोति न भवन्तेत्यादयो हनिस्सति. धातुनाति एत्थ धातुग्गहणेन भ्वादयो गय्हन्ते तत्थ धातुसद्दस्स रुळ्हत्ता पुब्बाचरियसञ्ञाय वा. उदाहटन्ति भुञ्जेय्य भवं त्यादिना.