९७. अभ्या

ननु च किं इमिना सुत्तेन, पञ्चम्यन्ता ‘‘तो पञ्चम्या’’ति (४-९५) भविस्सति, अपञ्चम्यन्तातु ‘‘आद्यादीही’’ति (४-९८) नेतदेवं दट्ठब्बं. ‘‘तो पञ्चम्या’’ति (४-९५) पकतिविसेसानमपरामासतो कुतोचि पञ्चम्यन्ता होतु, अपञ्चम्यन्ता पन ‘‘आद्यादीही’’ति सुत्ते ससङ्ख्यस्सादिसद्दस्स गहणेन तंसदिसा ससङ्ख्याएवोपलक्खीयन्तीतिपि विञ्ञायेय्य ततो अपञ्चम्यन्तेहि अभ्यादीहि तो न सियाति अभितोच्चादि न सिज्झतीति ‘‘अभ्यादीही’’ति सुत्तन्ति दट्ठब्बं.