६६. तस्स

तस्साति सामञ्ञेन वुत्तेपि विकारसम्बन्धीयेव छट्ठियन्तो गय्हति, छट्ठियन्तसम्बन्धीयेव च विकारो गय्हति सम्बन्धवसाति दस्सेतुमाह ‘यस्सा’च्चादि. कोसकारकपाणविसेसेहि कतो कोसो. पाणयो सत्ता, ओसध्योफलपाकन्ता, रुक्खा पुप्फफलूपगाति रुक्खोसधीनं लक्खणं वदन्ति तल्लक्खणेनेत्थ रुक्खो सधयो न गय्हन्ति, किञ्चरहि ओसधिसद्देन लतादिपि गय्हति, रुक्खसद्देन (वनप्प)तयोपि, वनप्पतयो हि फलवन्ता न पुप्फवन्ता. कथं गावस्स विकारे पुरिसे मयोच्चाह- ‘अञ्ञस्मि’न्तिआदि. गावस्स इदं गोमयं.