७६. नखा

सञ्ञासद्देसुचातिआदिना अवयवत्थनिरपेक्खानम्पि यथाकथञ्चि निप्फत्तिं दस्सेन्तो सब्बेसमेव सद्दानं निप्फन्नवाचितञ्चात्तनो दीपेति, यथाकथञ्चि निप्फत्ति, रुळ्हिया अत्थनिच्छयो, तेन सञ्ञेच्चादो-धिप्पायं विवरति ‘यंकिञ्चि’त्यादिना, इत्थी च पुमा च इत्थिपुमं, न इत्थि पुमन्ति समासे निपातनेनिमिना नपुंसकादेसो [नपुंसकनिद्देसो (पोत्थके)] ति दस्सेति ‘न इत्थि’च्चादिना. खी-खये, खर-विनासे चाति हि एतेहि ‘न खीयति न खरती’ति अत्थे ‘‘भावकारकेस्व घण घका’’ति (५-४४) अप्पच्चये’ न खय न खर’इति ठिते खत्तादेसोति आह- न खीयति’च्चादि.