३३. मातु

भरियायन्ति पकतिविसेसनत्ता माह- ‘भरियाय’न्तिआदि. पुन्नामधेय्याति पुरिसस्स समञ्ञाभूता, पुंयोगेनाति पुरिसेन सह सम्बन्धेन हेतुना. इत्थियं वत्तन्तीति सोयमित्यभेदवचनिच्छायं यदा भरियासङ्खातायमित्थियं वत्तन्ते, नदादिपाठाति वुत्ते विञ्ञायति ‘आकतिगणत्ता नदादिपाठो होन्तो एवं होती’ति दस्सेति, पुन्नामस्मायोगाअपालकन्ताति नदादिपाठतोति अत्थोति सेसो. इदञ्च नदादीसु गणसुत्तन्ति वेदितब्बं, तस्स अत्थं वदति-‘पुमुनो’इच्चादि, अपालकन्ताति किंपसुपालिका खेत्तपालिका.