१. पठमदानसुत्तं

३१. [दी. नि. ३.३३६] ‘‘अट्ठिमानि, भिक्खवे, दानानि. कतमानि अट्ठ? आसज्ज दानं देति, भया दानं देति, ‘अदासि मे’ति दानं देति, ‘दस्सति मे’ति दानं देति, ‘साहु दान’न्ति दानं देति, ‘अहं पचामि, इमे न पचन्ति; नारहामि पचन्तो अपचन्तानं दानं अदातु’न्ति दानं देति, ‘इमं मे दानं ददतो कल्याणो कित्तिसद्दो अब्भुग्गच्छती’ति दानं देति, चित्तालङ्कारचित्तपरिक्खारत्थं दानं देति. इमानि खो, भिक्खवे, अट्ठ दानानी’’ति. पठमं.