४. उपासिकासुत्तं

२१४. ‘‘दसहि, भिक्खवे, धम्मेहि समन्नागता उपासिका यथाभतं निक्खित्ता एवं निरये. कतमेहि दसहि? पाणातिपातिनी होति…पे… मिच्छादिट्ठिका होति…. इमेहि खो, भिक्खवे, दसहि धम्मेहि समन्नागता उपासिका यथाभतं निक्खित्ता एवं निरये.

‘‘दसहि, भिक्खवे, धम्मेहि समन्नागता उपासिका यथाभतं निक्खित्ता एवं सग्गे. कतमेहि दसहि? पाणातिपाता पटिविरता होति…पे… सम्मादिट्ठिका होति…. इमेहि खो, भिक्खवे, दसहि धम्मेहि समन्नागता उपासिका यथाभतं निक्खित्ता एवं सग्गे’’. चतुत्थं.