२. दुतियवग्गो

१९८. ‘‘एतदग्गं, भिक्खवे, मम सावकानं भिक्खूनं मनोमयं कायं अभिनिम्मिनन्तानं यदिदं चूळपन्थको’’ [चुल्लपन्थको (सी. स्या. कं. पी.)].

१९९. … चेतोविवट्टकुसलानं यदिदं चूळपन्थको.

२००. … सञ्ञाविवट्टकुसलानं यदिदं महापन्थको.

२०१. … अरणविहारीनं यदिदं सुभूति.

२०२. … दक्खिणेय्यानं यदिदं सुभूति.

२०३. … आरञ्ञकानं यदिदं रेवतो खदिरवनियो.

२०४. … झायीनं यदिदं कङ्खारेवतो.

२०५. … आरद्धवीरियानं यदिदं सोणो कोळिविसो.

२०६. … कल्याणवाक्करणानं यदिदं सोणो कुटिकण्णो.

२०७. … लाभीनं यदिदं सीवलि.

२०८. … सद्धाधिमुत्तानं यदिदं वक्कलीति.

वग्गो दुतियो.