7. виссаджджана̄ва̄ро

350. йасмим̣ самайе саммукха̄винайена ча сативинайена ча адхикаран̣ам̣ вӯпасаммати – йаттха сативинайо таттха саммукха̄винайо, йаттха саммукха̄винайо таттха сативинайо, на таттха амӯл̣хавинайо, на таттха пат̣ин̃н̃а̄такаран̣ам̣, на таттха йебхуййасика̄, на таттха тассапа̄пийасика̄, на таттха тин̣аваттха̄рако. йасмим̣ самайе саммукха̄винайена ча амӯл̣хавинайена ча…пе… саммукха̄винайена ча пат̣ин̃н̃а̄такаран̣ена ча…пе… саммукха̄винайена ча йебхуййасика̄йа ча…пе… саммукха̄винайена ча тассапа̄пийасика̄йа ча…пе… саммукха̄винайена ча тин̣аваттха̄ракена ча адхикаран̣ам̣ вӯпасаммати – йаттха тин̣аваттха̄рако таттха саммукха̄винайо, йаттха саммукха̄винайо таттха тин̣аваттха̄рако, на таттха сативинайо, на таттха амӯл̣хавинайо, на таттха пат̣ин̃н̃а̄такаран̣ам̣, на таттха йебхуййасика̄, на таттха тассапа̄пийасика̄.