1. катхинааттхата̄ди

403. касса катхинам̣ [кат̣хинам̣ (сӣ. сйа̄.)] анаттхатам̣? касса катхинам̣ аттхатам̣? кинти катхинам̣ анаттхатам̣? кинти катхинам̣ аттхатам̣?

касса катхинам̣ анаттхатанти? двиннам̣ пуггала̄нам̣ анаттхатам̣ хоти катхинам̣ – анаттха̄ракасса ча ананумодакасса ча. имесам̣ двиннам̣ пуггала̄нам̣ анаттхатам̣ хоти катхинам̣.

касса катхинам̣ аттхатанти? двиннам̣ пуггала̄нам̣ аттхатам̣ хоти катхинам̣ – аттха̄ракасса ча анумодакасса ча. имесам̣ двиннам̣ пуггала̄нам̣ аттхатам̣ хоти катхинам̣.

кинти катхинам̣ анаттхатанти? чатувӣсатийа̄ а̄ка̄рехи анаттхатам̣ хоти катхинам̣, на улликхитаматтена аттхатам̣ хоти катхинам̣, на дхованаматтена аттхатам̣ хоти катхинам̣, на чӣваравича̄ран̣аматтена аттхатам̣ хоти катхинам̣, на чхеданаматтена аттхатам̣ хоти катхинам̣, на бандханаматтена аттхатам̣ хоти катхинам̣, на оват̣т̣ийакаран̣аматтена аттхатам̣ хоти катхинам̣, на кан̣д̣усакаран̣аматтена [на ган̣д̣усакаран̣аматтена (ка.)] аттхатам̣ хоти катхинам̣, на дал̣хӣкаммакаран̣аматтена аттхатам̣ хоти катхинам̣, на анува̄такаран̣аматтена аттхатам̣ хоти катхинам̣, на парибхан̣д̣акаран̣аматтена аттхатам̣ хоти катхинам̣, на оваддхеййакаран̣аматтена [на оват̣т̣еййакаран̣аматтена (сӣ. сйа̄.), на овадеййакаран̣аматтена (ка.)] аттхатам̣ хоти катхинам̣, на камбаламадданаматтена аттхатам̣ хоти катхинам̣, на нимиттакатена аттхатам̣ хоти катхинам̣, на парикатха̄катена аттхатам̣ хоти катхинам̣, на куккукатена аттхатам̣ хоти катхинам̣, на саннидхикатена аттхатам̣ хоти катхинам̣, на ниссаггийена аттхатам̣ хоти катхинам̣, на акаппакатена аттхатам̣ хоти катхинам̣, на ан̃н̃атра сан̇гха̄т̣ийа̄ аттхатам̣ хоти катхинам̣, на ан̃н̃атра уттара̄сан̇гена аттхатам̣ хоти катхинам̣, на ан̃н̃атра антарава̄сакена аттхатам̣ хоти катхинам̣, на ан̃н̃атра пан̃чакена ва̄ атирекапан̃чакена ва̄ тадахева сан̃чхиннена саман̣д̣алӣкатена аттхатам̣ хоти катхинам̣, на ан̃н̃атра пуггаласса аттха̄ра̄ аттхатам̣ хоти катхинам̣, самма̄ че аттхатам̣ хоти катхинам̣ там̣ че ниссӣмат̣т̣хо анумодати. евампи анаттхатам̣ хоти катхинам̣.

нимиттакаммам̣ на̄ма нимиттам̣ кароти – ‘‘имина̄ дуссена катхинам̣ аттхарисса̄мӣ’’ти. парикатха̄ на̄ма парикатхам̣ кароти – ‘‘има̄йа парикатха̄йа катхинадуссам̣ ниббаттесса̄мӣ’’ти. куккукатам̣ на̄ма ана̄дийада̄нам̣ вуччати. саннидхи на̄ма две саннидхийо – каран̣асаннидхи ва̄ ничайасаннидхи ва̄. ниссаггийам̣ на̄ма кайирама̄не арун̣ам̣ ут̣т̣хахати [удрийати (сӣ. сйа̄.)]. имехи чатувӣсатийа̄ а̄ка̄рехи анаттхатам̣ хоти катхинам̣.

кинти катхинам̣ аттхатанти? саттарасахи а̄ка̄рехи аттхатам̣ хоти катхинам̣. ахатена аттхатам̣ хоти катхинам̣, ахатакаппена аттхатам̣ хоти катхинам̣, пилотика̄йа аттхатам̣ хоти катхинам̣, пам̣сукӯлена аттхатам̣ хоти катхинам̣, па̄пан̣икена аттхатам̣ хоти катхинам̣, анимиттакатена аттхатам̣ хоти катхинам̣, апарикатха̄катена аттхатам̣ хоти катхинам̣, акуккукатена аттхатам̣ хоти катхинам̣, асаннидхикатена аттхатам̣ хоти катхинам̣, аниссаггийена аттхатам̣ хоти катхинам̣, каппакатена аттхатам̣ хоти катхинам̣, сан̇гха̄т̣ийа̄ аттхатам̣ хоти катхинам̣, уттара̄сан̇гена аттхатам̣ хоти катхинам̣, антарава̄сакена аттхатам̣ хоти катхинам̣, пан̃чакена ва̄ атирекапан̃чакена ва̄ тадахева сан̃чхиннена саман̣д̣алӣкатена аттхатам̣ хоти катхинам̣, пуггаласса аттха̄ра̄ аттхатам̣ хоти катхинам̣, самма̄ че аттхатам̣ хоти катхинам̣, там̣ че сӣмат̣т̣хо анумодати, евампи аттхатам̣ хоти катхинам̣. имехи саттарасахи а̄ка̄рехи аттхатам̣ хоти катхинам̣.

саха катхинасса аттха̄ра̄ кати дхамма̄ джа̄йанти? саха катхинасса аттха̄ра̄ паннараса дхамма̄ джа̄йанти – ат̣т̣ха ма̄тика̄, две палибодха̄, пан̃ча̄нисам̣са̄. саха катхинасса аттха̄ра̄ име паннараса дхамма̄ джа̄йанти.