5. парапаккха̄диаваджа̄нанам̣

391. катхам̣ ладдхапаккхомхӣти парапаккхам̣ аваджа̄на̄ти? идхекаччо ладдхапаккхо хоти ладдхапарива̄ро паккхава̄ н̃а̄тима̄. ‘‘айам̣ аладдхапаккхо аладдхапарива̄ро на паккхава̄ на н̃а̄тима̄’’ти тасса аваджа̄нанто адхаммам̣ дхаммоти дӣпети, дхаммам̣ адхаммоти дӣпети…пе… дут̣т̣хуллам̣ а̄паттим̣ адут̣т̣хулла̄ а̄паттӣти дӣпети, адут̣т̣хуллам̣ а̄паттим̣ дут̣т̣хулла̄ а̄паттӣти дӣпети. евам̣ ладдхапаккхомхӣти парапаккхам̣ аваджа̄на̄ти.

392. катхам̣ бахуссутомхӣти аппассутам̣ аваджа̄на̄ти? идхекаччо бахуссуто хоти сутадхаро сутасанничайо. ‘‘айам̣ аппассуто аппа̄гамо аппадхаро’’ти тасса аваджа̄нанто адхаммам̣ дхаммоти дӣпети, дхаммам̣ адхаммоти дӣпети…пе… дут̣т̣хуллам̣ а̄паттим̣ адут̣т̣хулла̄ а̄паттӣти дӣпети, адут̣т̣хуллам̣ а̄паттим̣ дут̣т̣хулла̄ а̄паттӣти дӣпети. евам̣ бахуссутомхӣти аппассутам̣ аваджа̄на̄ти.

393. катхам̣ тхератаромхӣти навакатарам̣ аваджа̄на̄ти? идхекаччо тхеро хоти раттан̃н̃ӯ чирапаббаджито айам̣ навако аппан̃н̃а̄то аппакатан̃н̃ӯ имасса вачанам̣ акатам̣ бхависсатӣ’’ти тасса аваджа̄нанто адхаммам̣ дхаммоти дӣпети, дхаммам̣ адхаммоти дӣпети …пе… дут̣т̣хуллам̣ а̄паттим̣ адут̣т̣хулла̄ а̄паттӣти дӣпети, адут̣т̣хуллам̣ а̄паттим̣ дут̣т̣хулла̄ а̄паттӣти дӣпети. евам̣ тхератаромхӣти навакатарам̣ аваджа̄на̄ти.

394. асампаттам̣ на бйа̄харитаббанти анотин̣н̣ам̣ бха̄рам̣ [бха̄сам̣ (сйа̄.)] на ота̄ретаббам̣. сампаттам̣ дхаммато винайато на париха̄петаббанти йам̣аттха̄йа сан̇гхо саннипатито хоти там̣ аттхам̣ дхаммато винайато на париха̄петаббам̣.

395. йена дхаммена̄ти бхӯтена ваттхуна̄. йена винайена̄ти чодетва̄ са̄ретва̄. йена саттхуса̄санена̄ти н̃аттисампада̄йа анусса̄ванасампада̄йа, йена дхаммена йена винайена йена саттхуса̄санена там̣ адхикаран̣ам̣ вӯпасаммати, татха̄ там̣ адхикаран̣ам̣ вӯпасаметаббанти.