8. кума̄рӣбхӯтавагго

238. ӯнавӣсативассам̣ кума̄рибхӯтам̣ вут̣т̣ха̄пентӣ две а̄паттийо а̄паджджати. вут̣т̣ха̄пети, пайоге дуккат̣ам̣; вут̣т̣ха̄пите, а̄патти па̄читтийасса.

парипун̣н̣авӣсативассам̣ кума̄рибхӯтам̣ две васса̄ни чхасу дхаммесу асиккхитасиккхам̣ вут̣т̣ха̄пентӣ две а̄паттийо а̄паджджати. вут̣т̣ха̄пети, пайоге дуккат̣ам̣; вут̣т̣ха̄пите, а̄патти па̄читтийасса.

парипун̣н̣авӣсативассам̣ кума̄рибхӯтам̣ две васса̄ни чхасу дхаммесу сиккхитасиккхам̣ сан̇гхена асамматам̣ вут̣т̣ха̄пентӣ две а̄паттийо а̄паджджати. вут̣т̣ха̄пети, пайоге дуккат̣ам̣; вут̣т̣ха̄пите, а̄патти па̄читтийасса.

ӯнадва̄дасавасса̄ вут̣т̣ха̄пентӣ две а̄паттийо а̄паджджати. вут̣т̣ха̄пети, пайоге дуккат̣ам̣; вут̣т̣ха̄пите, а̄патти па̄читтийасса.

парипун̣н̣адва̄дасавасса̄ сан̇гхена асаммата̄ вут̣т̣ха̄пентӣ две а̄паттийо а̄паджджати. вут̣т̣ха̄пети, пайоге дуккат̣ам̣; вут̣т̣ха̄пите, а̄патти па̄читтийасса.

‘‘алам̣ та̄ва те, аййе, вут̣т̣ха̄питена̄’’ти вуччама̄на̄ ‘‘са̄дхӯ’’ти пат̣иссун̣итва̄ паччха̄ кхӣйанадхаммам̣ а̄паджджантӣ две а̄паттийо а̄паджджати. кхиййати, пайоге дуккат̣ам̣; кхиййите, а̄патти па̄читтийасса.

сиккхама̄нам̣ – ‘‘саче ме твам̣, аййе, чӣварам̣ дассаси, ева̄хам̣ там̣ вут̣т̣ха̄песса̄мӣ’’ти ватва̄ нева вут̣т̣ха̄пентӣ на вут̣т̣ха̄пана̄йа уссуккам̣ каронтӣ екам̣ а̄паттим̣ а̄паджджати. па̄читтийам̣.

сиккхама̄нам̣ – ‘‘саче мам̣ твам̣, аййе, две васса̄ни анубандхиссаси, ева̄хам̣ там̣ вут̣т̣ха̄песса̄мӣ’’ти ватва̄ нева вут̣т̣ха̄пентӣ на вут̣т̣ха̄пана̄йа уссуккам̣ каронтӣ екам̣ а̄паттим̣ а̄паджджати. па̄читтийам̣.

пурисасам̣сат̣т̣хам̣ кума̄ракасам̣сат̣т̣хам̣ чан̣д̣им̣ сока̄ва̄сам̣ сиккхама̄нам̣ вут̣т̣ха̄пентӣ две а̄паттийо а̄паджджати. вут̣т̣ха̄пети, пайоге дуккат̣ам̣; вут̣т̣ха̄пите, а̄патти па̄читтийасса.

ма̄та̄питӯхи ва̄ са̄микена ва̄ ананун̃н̃а̄там̣ сиккхама̄нам̣ вут̣т̣ха̄пентӣ две а̄паттийо а̄паджджати. вут̣т̣ха̄пети, пайоге дуккат̣ам̣; вут̣т̣ха̄пите, а̄патти па̄читтийасса.

па̄рива̄сикачхандада̄не сиккхама̄нам̣ вут̣т̣ха̄пентӣ две а̄паттийо а̄паджджати. вут̣т̣ха̄пети, пайоге дуккат̣ам̣; вут̣т̣ха̄пите, а̄патти па̄читтийасса.

анувассам̣ вут̣т̣ха̄пентӣ две а̄паттийо а̄паджджати. вут̣т̣ха̄пети, пайоге дуккат̣ам̣; вут̣т̣ха̄пите, а̄патти па̄читтийасса.

екам̣ вассам̣ две вут̣т̣ха̄пентӣ две а̄паттийо а̄паджджати. вут̣т̣ха̄пети, пайоге дуккат̣ам̣; вут̣т̣ха̄пите, а̄патти па̄читтийасса.

кума̄рӣбхӯтавагго ат̣т̣хамо.