2. косийавагго

34. косийамиссакам̣ сантхатам̣ ка̄ра̄пентасса ниссаггийам̣ па̄читтийам̣ каттха пан̃н̃аттанти? а̄л̣авийам̣ пан̃н̃аттам̣. кам̣ а̄раббха̄ти? чхаббаггийе бхиккхӯ а̄раббха. кисмим̣ ваттхусминти? чхаббаггийа̄ бхиккхӯ косийака̄раке упасан̇камитва̄ евама̄хам̣су ‘‘бахӯ, а̄вусо, косака̄раке пачатха. амха̄кампи дассатха. майампи иччха̄ма косийамиссакам̣ сантхатам̣ ка̄ту’’нти, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ чхахи самут̣т̣ха̄нехи самут̣т̣ха̄ти…пе….

35. суддхака̄л̣ака̄нам̣ ел̣акалома̄нам̣ сантхатам̣ ка̄ра̄пентасса ниссаггийам̣ па̄читтийам̣ каттха пан̃н̃аттанти? веса̄лийам̣ пан̃н̃аттам̣. кам̣ а̄раббха̄ти? чхаббаггийе бхиккхӯ а̄раббха. кисмим̣ ваттхусминти? чхаббаггийа̄ бхиккхӯ суддхака̄л̣ака̄нам̣ ел̣акалома̄нам̣ сантхатам̣ ка̄ра̄песум̣, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ чхахи самут̣т̣ха̄нехи самут̣т̣ха̄ти…пе….

36. ана̄дийитва̄ тулам̣ ода̄та̄нам̣ тулам̣ гочарийа̄нам̣ навам̣ сантхатам̣ ка̄ра̄пентасса ниссаггийам̣ па̄читтийам̣ каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? чхаббаггийе бхиккхӯ а̄раббха. кисмим̣ ваттхусминти? чхаббаггийа̄ бхиккхӯ тхокан̃н̃ева ода̄там̣ анте [ода̄та̄нам̣ анте анте (сӣ.), ода̄та̄нам̣ анте (сйа̄.)] а̄дийитва̄ татхева суддхака̄л̣ака̄нам̣ ел̣акалома̄нам̣ сантхатам̣ ка̄ра̄песум̣, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ чхахи самут̣т̣ха̄нехи самут̣т̣ха̄ти…пе….

37. анувассам̣ сантхатам̣ ка̄ра̄пентасса ниссаггийам̣ па̄читтийам̣ каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? самбахуле бхиккхӯ а̄раббха. кисмим̣ ваттхусминти? самбахула̄ бхиккхӯ анувассам̣ сантхатам̣ ка̄ра̄песум̣, тасмим̣ ваттхусмим̣. ека̄ пан̃н̃атти, ека̄ анупан̃н̃атти. чханнам̣ а̄паттисамут̣т̣ха̄на̄нам̣ чхахи самут̣т̣ха̄нехи самут̣т̣ха̄ти…пе….

38. ана̄дийитва̄ пура̄н̣асантхатасса са̄манта̄ сугатавидаттхим̣ навам̣ нисӣданасантхатам̣ ка̄ра̄пентасса ниссаггийам̣ па̄читтийам̣ каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? самбахуле бхиккхӯ а̄раббха. кисмим̣ ваттхусминти? самбахула̄ бхиккхӯ сантхата̄ни уджджхитва̄ а̄ран̃н̃икан̇гам̣ пин̣д̣апа̄тикан̇гам̣ пам̣сукӯликан̇гам̣ сама̄дийим̣су, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ чхахи самут̣т̣ха̄нехи самут̣т̣ха̄ти…пе….

39. ел̣акалома̄ни пат̣иггахетва̄ тийоджанам̣ атикка̄ментасса ниссаггийам̣ па̄читтийам̣ каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? ан̃н̃атарам̣ бхиккхум̣ а̄раббха. кисмим̣ ваттхусминти? ан̃н̃атаро бхиккху ел̣акалома̄ни пат̣иггахетва̄ тийоджанам̣ атикка̄меси, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ двӣхи самут̣т̣ха̄нехи самут̣т̣ха̄ти – сийа̄ ка̄йато самут̣т̣ха̄ти, на ва̄чато на читтато; сийа̄ ка̄йато ча читтато ча самут̣т̣ха̄ти, на ва̄чато…пе….

40. ан̃н̃а̄тика̄йа бхиккхунийа̄ ел̣акалома̄ни дхова̄пентасса ниссаггийам̣ па̄читтийам̣ каттха пан̃н̃аттанти? саккесу пан̃н̃аттам̣. кам̣ а̄раббха̄ти? чхаббаггийе бхиккхӯ а̄раббха. кисмим̣ ваттхусминти? чхаббаггийа̄ бхиккхӯ ан̃н̃а̄тика̄хи бхиккхунӣхи ел̣акалома̄ни дхова̄песум̣, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ чхахи самут̣т̣ха̄нехи самут̣т̣ха̄ти…пе….

41. рӯпийам̣ пат̣игган̣хантасса ниссаггийам̣ па̄читтийам̣ каттха пан̃н̃аттанти? ра̄джагахе пан̃н̃аттам̣. кам̣ а̄раббха̄ти? а̄йасмантам̣ упанандам̣ сакйапуттам̣ а̄раббха. кисмим̣ ваттхусминти? а̄йасма̄ упанандо сакйапутто рӯпийам̣ пат̣иггахеси, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ чхахи самут̣т̣ха̄нехи самут̣т̣ха̄ти…пе….

42. на̄наппака̄ракам̣ рӯпийасам̣воха̄рам̣ сама̄паджджантасса ниссаггийам̣ па̄читтийам̣ каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? чхаббаггийе бхиккхӯ а̄раббха. кисмим̣ ваттхусминти? чхаббаггийа̄ бхиккхӯ на̄наппака̄ракам̣ рӯпийасам̣воха̄рам̣ сама̄паджджим̣су, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ чхахи самут̣т̣ха̄нехи самут̣т̣ха̄ти…пе….

43. на̄наппака̄ракам̣ кайавиккайам̣ сама̄паджджантасса ниссаггийам̣ па̄читтийам̣ каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? а̄йасмантам̣ упанандам̣ сакйапуттам̣ а̄раббха. кисмим̣ ваттхусминти? а̄йасма̄ упанандо сакйапутто парибба̄джакена саддхим̣ кайавиккайам̣ сама̄паджджи, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ чхахи самут̣т̣ха̄нехи самут̣т̣ха̄ти…пе….

косийавагго дутийо.