3. паттавагго

44. атирекапаттам̣ даса̄хам̣ атикка̄ментасса ниссаггийам̣ па̄читтийам̣ каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? чхаббаггийе бхиккхӯ а̄раббха. кисмим̣ ваттхусминти? чхаббаггийа̄ бхиккхӯ атирекапаттам̣ дха̄ресум̣, тасмим̣ ваттхусмим̣. ека̄ пан̃н̃атти, ека̄ анупан̃н̃атти. чханнам̣ а̄паттисамут̣т̣ха̄на̄нам̣ двӣхи самут̣т̣ха̄нехи самут̣т̣ха̄ти – сийа̄ ка̄йато ча ва̄чато ча самут̣т̣ха̄ти, на читтато; сийа̄ ка̄йато ча ва̄чато ча читтато ча самут̣т̣ха̄ти…пе….

45. ӯнапан̃чабандханена паттена ан̃н̃ам̣ навам̣ паттам̣ чета̄пентасса ниссаггийам̣ па̄читтийам̣ каттха пан̃н̃аттанти? саккесу пан̃н̃аттам̣. кам̣ а̄раббха̄ти? чхаббаггийе бхиккхӯ а̄раббха. кисмим̣ ваттхусминти? чхаббаггийа̄ бхиккхӯ аппаматтакенапи бхиннена аппаматтакенапи кхан̣д̣ена виликхитаматтенапи бахӯ патте вин̃н̃а̄песум̣, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ чхахи самут̣т̣ха̄нехи самут̣т̣ха̄ти…пе….

46. бхесаджджа̄ни пат̣иггахетва̄ сатта̄хам̣ атикка̄ментасса ниссаггийам̣ па̄читтийам̣ каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? самбахуле бхиккхӯ а̄раббха. кисмим̣ ваттхусминти? самбахула̄ бхиккхӯ бхесаджджа̄ни пат̣иггахетва̄ сатта̄хам̣ атикка̄месум̣, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ двӣхи самут̣т̣ха̄нехи самут̣т̣ха̄ти катхинаке…пе….

47. атирекама̄се сесе гимха̄не вассикаса̄т̣икачӣварам̣ парийесантасса ниссаггийам̣ па̄читтийам̣ каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? чхаббаггийе бхиккхӯ а̄раббха. кисмим̣ ваттхусминти? чхаббаггийа̄ бхиккхӯ атирекама̄се сесе гимха̄не вассикаса̄т̣икачӣварам̣ парийесим̣су, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ чхахи самут̣т̣ха̄нехи самут̣т̣ха̄ти…пе….

48. бхиккхусса са̄мам̣ чӣварам̣ датва̄ купитена анаттаманена аччхиндантасса ниссаггийам̣ па̄читтийам̣ каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? а̄йасмантам̣ упанандам̣ сакйапуттам̣ а̄раббха. кисмим̣ ваттхусминти? а̄йасма̄ упанандо сакйапутто бхиккхусса са̄мам̣ чӣварам̣ датва̄ купито анаттамано аччхинди, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ тӣхи самут̣т̣ха̄нехи самут̣т̣ха̄ти…пе….

49. са̄мам̣ суттам̣ вин̃н̃а̄петва̄ тантава̄йехи чӣварам̣ ва̄йа̄пентасса ниссаггийам̣ па̄читтийам̣ каттха пан̃н̃аттанти? ра̄джагахе пан̃н̃аттам̣. кам̣ а̄раббха̄ти? чхаббаггийе бхиккхӯ а̄раббха. кисмим̣ ваттхусминти? чхаббаггийа̄ бхиккхӯ са̄мам̣ суттам̣ вин̃н̃а̄петва̄ тантава̄йехи чӣварам̣ ва̄йа̄песум̣, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ чхахи самут̣т̣ха̄нехи самут̣т̣ха̄ти…пе….

50. пуббе аппава̄ритасса ан̃н̃а̄такасса гахапатикасса тантава̄йе упасан̇камитва̄ чӣваре викаппам̣ а̄паджджантасса ниссаггийам̣ па̄читтийам̣ каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? а̄йасмантам̣ упанандам̣ сакйапуттам̣ а̄раббха. кисмим̣ ваттхусминти? а̄йасма̄ упанандо сакйапутто пуббе аппава̄рито ан̃н̃а̄такасса гахапатикасса тантава̄йе упасан̇камитва̄ чӣваре викаппам̣ а̄паджджи, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ чхахи самут̣т̣ха̄нехи самут̣т̣ха̄ти…пе….

51. аччекачӣварам̣ пат̣иггахетва̄ чӣварака̄ласамайам̣ атикка̄ментасса ниссаггийам̣ па̄читтийам̣ каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? самбахуле бхиккхӯ а̄раббха. кисмим̣ ваттхусминти? самбахула̄ бхиккхӯ аччекачӣварам̣ пат̣иггахетва̄ чӣварака̄ласамайам̣ атикка̄месум̣, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ двӣхи самут̣т̣ха̄нехи самут̣т̣ха̄ти катхинаке…пе….

52. тин̣н̣ам̣ чӣвара̄нам̣ ан̃н̃атарам̣ чӣварам̣ антарагхаре никкхипитва̄ атирекачха̄раттам̣ виппавасантасса ниссаггийам̣ па̄читтийам̣ каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? самбахуле бхиккхӯ а̄раббха. кисмим̣ ваттхусминти? самбахула̄ бхиккхӯ тин̣н̣ам̣ чӣвара̄нам̣ ан̃н̃атарам̣ чӣварам̣ антарагхаре никкхипитва̄ атирекачха̄раттам̣ виппавасим̣су, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ двӣхи самут̣т̣ха̄нехи самут̣т̣ха̄ти катхинаке…пе….

53. джа̄нам̣ сан̇гхикам̣ ла̄бхам̣ парин̣атам̣ аттано парин̣а̄ментасса ниссаггийам̣ па̄читтийам̣ каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? чхаббаггийе бхиккхӯ а̄раббха. кисмим̣ ваттхусминти? чхаббаггийа̄ бхиккхӯ джа̄нам̣ сан̇гхикам̣ ла̄бхам̣ парин̣атам̣ аттано парин̣а̄месум̣, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ тӣхи самут̣т̣ха̄нехи самут̣т̣ха̄ти…пе….

паттавагго татийо.

тим̣са ниссаггийа̄ па̄читтийа̄ нит̣т̣хита̄.

тассудда̄нам̣ –

дасекараттима̄со ча, дхованан̃ча пат̣иггахо;

ан̃н̃а̄там̣ тан̃ча [ан̃н̃а̄такан̃ча (ка.)] уддисса, убхиннам̣ дӯтакена ча.

косийа̄ суддхадвебха̄га̄, чхаббасса̄ни нисӣданам̣;

две ча лома̄ни угган̣хе, убхо на̄наппака̄рака̄.

две ча патта̄ни бхесаджджам̣, вассика̄ да̄напан̃чамам̣;

са̄мам̣ ва̄йа̄паначчеко, са̄сан̇кам̣ сан̇гхикена ча̄ти.