4. бходжанавагго

84. татуттари а̄васатхапин̣д̣ам̣ бхун̃джантасса па̄читтийам̣ каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? чхаббаггийе бхиккхӯ а̄раббха. кисмим̣ ваттхусминти? чхаббаггийа̄ бхиккхӯ ануваситва̄ ануваситва̄ а̄васатхапин̣д̣ам̣ бхун̃джим̣су, тасмим̣ ваттхусмим̣. ека̄ пан̃н̃атти, ека̄ анупан̃н̃атти. чханнам̣ а̄паттисамут̣т̣ха̄на̄нам̣ двӣхи самут̣т̣ха̄нехи самут̣т̣ха̄ти ел̣акаломаке…пе….

85. ган̣абходжане па̄читтийам̣ каттха пан̃н̃аттанти? ра̄джагахе пан̃н̃аттам̣. кам̣ а̄раббха̄ти? девадаттам̣ а̄раббха. кисмим̣ ваттхусминти? девадатто сапарисо кулесу вин̃н̃а̄петва̄ вин̃н̃а̄петва̄ бхун̃джи, тасмим̣ ваттхусмим̣. ека̄ пан̃н̃атти, сатта анупан̃н̃аттийо. чханнам̣ а̄паттисамут̣т̣ха̄на̄нам̣ двӣхи самут̣т̣ха̄нехи самут̣т̣ха̄ти ел̣акаломаке…пе….

86. парампарабходжане па̄читтийам̣ каттха пан̃н̃аттанти? веса̄лийам̣ пан̃н̃аттам̣. кам̣ а̄раббха̄ти? самбахуле бхиккхӯ а̄раббха. кисмим̣ ваттхусминти? самбахула̄ бхиккхӯ ан̃н̃атра нимантита̄ ан̃н̃атра бхун̃джим̣су, тасмим̣ ваттхусмим̣. ека̄ пан̃н̃атти, чатассо анупан̃н̃аттийо. чханнам̣ а̄паттисамут̣т̣ха̄на̄нам̣ двӣхи самут̣т̣ха̄нехи самут̣т̣ха̄ти катхинаке…пе….

87. дваттипаттапӯре пӯве пат̣иггахетва̄ татуттари пат̣игган̣хантасса па̄читтийам̣ каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? самбахуле бхиккхӯ а̄раббха. кисмим̣ ваттхусминти? самбахула̄ бхиккхӯ на маттам̣ джа̄нитва̄ пат̣иггахесум̣, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ чхахи самут̣т̣ха̄нехи самут̣т̣ха̄ти…пе….

88. бхутта̄вина̄ пава̄ритена анатириттам̣ кха̄данӣйам̣ ва̄ бходжанӣйам̣ ва̄ бхун̃джантасса па̄читтийам̣ каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? самбахуле бхиккхӯ а̄раббха. кисмим̣ ваттхусминти? самбахула̄ бхиккхӯ бхутта̄вӣ пава̄рита̄ ан̃н̃атра бхун̃джим̣су, тасмим̣ ваттхусмим̣. ека̄ пан̃н̃атти, ека̄ анупан̃н̃атти. чханнам̣ а̄паттисамут̣т̣ха̄на̄нам̣ двӣхи самут̣т̣ха̄нехи самут̣т̣ха̄ти катхинаке…пе….

89. бхиккхум̣ бхутта̄вим̣ пава̄ритам̣ анатириттена кха̄данӣйена ва̄ бходжанӣйена ва̄ абхихат̣т̣хум̣ пава̄рентасса па̄читтийам̣ каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? ан̃н̃атарам̣ бхиккхум̣ а̄раббха. кисмим̣ ваттхусминти? ан̃н̃атаро бхиккху бхиккхум̣ бхутта̄вим̣ пава̄ритам̣ анатириттена бходжанӣйена абхихат̣т̣хум̣ пава̄реси, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ тӣхи самут̣т̣ха̄нехи самут̣т̣ха̄ти…пе….

90. вика̄ле кха̄данӣйам̣ ва̄ бходжанӣйам̣ ва̄ бхун̃джантасса па̄читтийам̣ каттха пан̃н̃аттанти? ра̄джагахе пан̃н̃аттам̣. кам̣ а̄раббха̄ти? саттарасаваггийе бхиккхӯ а̄раббха. кисмим̣ ваттхусминти? саттарасаваггийа̄ бхиккхӯ вика̄ле бходжанам̣ бхун̃джим̣су, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ двӣхи самут̣т̣ха̄нехи самут̣т̣ха̄ти ел̣акаломаке…пе….

91. саннидхика̄ракам̣ кха̄данӣйам̣ ва̄ бходжанӣйам̣ ва̄ бхун̃джантасса па̄читтийам̣ каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? а̄йасмантам̣ белат̣т̣хасӣсам̣ а̄раббха. кисмим̣ ваттхусминти? а̄йасма̄ белат̣т̣хасӣсо саннидхика̄ракам̣ бходжанам̣ бхун̃джи, тасмим̣ ваттхусмим̣. ека̄ пан̃н̃атти. чханнам̣ а̄паттисамут̣т̣ха̄на̄нам̣ двӣхи самут̣т̣ха̄нехи самут̣т̣ха̄ти ел̣акаломаке…пе….

92. пан̣ӣтабходжана̄ни аттано аттха̄йа вин̃н̃а̄петва̄ бхун̃джантасса па̄читтийам̣ каттха пан̃н̃аттанти? са̄ваттхийам̣ пан̃н̃аттам̣. кам̣ а̄раббха̄ти? чхаббаггийе бхиккхӯ а̄раббха. кисмим̣ ваттхусминти? чхаббаггийа̄ бхиккхӯ пан̣ӣтабходжана̄ни аттано аттха̄йа вин̃н̃а̄петва̄ бхун̃джим̣су, тасмим̣ ваттхусмим̣. ека̄ пан̃н̃атти, ека̄ анупан̃н̃атти. чханнам̣ а̄паттисамут̣т̣ха̄на̄нам̣ чатӯхи самут̣т̣ха̄нехи самут̣т̣ха̄ти…пе….

93. адиннам̣ мукхадва̄рам̣ а̄ха̄рам̣ а̄харантасса па̄читтийам̣ каттха пан̃н̃аттанти? веса̄лийам̣ пан̃н̃аттам̣. кам̣ а̄раббха̄ти? ан̃н̃атарам̣ бхиккхум̣ а̄раббха. кисмим̣ ваттхусминти? ан̃н̃атаро бхиккху адиннам̣ мукхадва̄рам̣ а̄ха̄рам̣ а̄хари, тасмим̣ ваттхусмим̣. ека̄ пан̃н̃атти, ека̄ анупан̃н̃атти. чханнам̣ а̄паттисамут̣т̣ха̄на̄нам̣ двӣхи самут̣т̣ха̄нехи самут̣т̣ха̄ти ел̣акаломаке…пе….

бходжанавагго чатуттхо.