6. кут̣ика̄расиккха̄падам̣

342. тена самайена буддхо бхагава̄ ра̄джагахе вихарати вел̣уване каландаканива̄пе. тена кхо пана самайена а̄л̣авака̄ бхиккхӯ сан̃н̃а̄чика̄йо кут̣ийо ка̄ра̄пенти асса̄мика̄йо аттуддесика̄йо аппама̄н̣ика̄йо. та̄йо на нит̣т̣ха̄нам̣ гаччханти. те йа̄чанабахула̄ вин̃н̃аттибахула̄ вихаранти – ‘‘пурисам̣ детха, пурисаттхакарам̣ детха, гон̣ам̣ детха, сакат̣ам̣ детха, ва̄сим̣ детха, парасум̣ детха, кут̣ха̄рим̣ детха, куда̄лам̣ детха, никха̄данам̣ детха, валлим̣ детха, вел̣ум̣ детха, мун̃джам̣ детха, паббаджам̣ детха, тин̣ам̣ детха, маттикам̣ детха̄’’ти. манусса̄ упаддута̄ йа̄чана̄йа упаддута̄ вин̃н̃аттийа̄ бхиккхӯ дисва̄ уббиджджантипи уттасантипи пала̄йантипи ан̃н̃енапи гаччханти ан̃н̃енапи мукхам̣ каронти два̄рампи тхакенти, га̄вимпи дисва̄ пала̄йанти бхиккхӯти ман̃н̃ама̄на̄.

атха кхо а̄йасма̄ маха̄кассапо ра̄джагахе вассам̣вут̣т̣хо йена а̄л̣авӣ тена пакка̄ми. анупуббена йена а̄л̣авӣ тадавасари. татра судам̣ а̄йасма̄ маха̄кассапо а̄л̣авийам̣ вихарати агга̄л̣аве четийе. атха кхо а̄йасма̄ маха̄кассапо пуббан̣хасамайам̣ нива̄сетва̄ паттачӣварама̄да̄йа а̄л̣авим̣ пин̣д̣а̄йа па̄виси. манусса̄ а̄йасмантам̣ маха̄кассапам̣ пасситва̄ уббиджджантипи уттасантипи пала̄йантипи ан̃н̃енапи гаччханти ан̃н̃енапи мукхам̣ каронти два̄рампи тхакенти. атха кхо а̄йасма̄ маха̄кассапо а̄л̣авийам̣ пин̣д̣а̄йа чаритва̄ паччха̄бхаттам̣ пин̣д̣апа̄таппат̣икканто бхиккхӯ а̄мантеси – ‘‘пубба̄йам̣, а̄вусо, а̄л̣авӣ субхиккха̄ ахоси сулабхапин̣д̣а̄ сукара̄ ун̃чхена паггахена йа̄петум̣; етарахи пана̄йам̣ а̄л̣авӣ дуббхиккха̄ дуллабхапин̣д̣а̄, на сукара̄ ун̃чхена паггахена йа̄петум̣. ко ну кхо, а̄вусо, хету ко паччайо, йена̄йам̣ а̄л̣авӣ дуббхиккха̄ дуллабхапин̣д̣а̄, на сукара̄ ун̃чхена паггахена йа̄пету’’нти? атха кхо те бхиккхӯ а̄йасмато маха̄кассапасса етаматтхам̣ а̄рочесум̣.

343. атха кхо бхагава̄ ра̄джагахе йатха̄бхирантам̣ вихаритва̄ йена а̄л̣авӣ тена ча̄рикам̣ пакка̄ми. анупуббена ча̄рикам̣ чарама̄но йена а̄л̣авӣ тадавасари. татра судам̣ бхагава̄ а̄л̣авийам̣ вихарати агга̄л̣аве четийе. атха кхо а̄йасма̄ маха̄кассапо йена бхагава̄ тенупасан̇ками; упасан̇камитва̄ бхагавантам̣ абхива̄детва̄ екамантам̣ нисӣди. екамантам̣ нисинно кхо а̄йасма̄ маха̄кассапо бхагавато етаматтхам̣ а̄рочеси. атха кхо бхагава̄ етасмим̣ нида̄не етасмим̣ пакаран̣е бхиккхусан̇гхам̣ саннипа̄та̄петва̄ а̄л̣аваке бхиккхӯ пат̣ипуччхи – ‘‘саччам̣ кира тумхе, бхиккхаве, сан̃н̃а̄чика̄йо кут̣ийо ка̄ра̄петха асса̄мика̄йо аттуддесика̄йо аппама̄н̣ика̄йо. та̄йо на нит̣т̣ха̄нам̣ гаччханти. те тумхе йа̄чанабахула̄ вин̃н̃аттибахула̄ вихаратха – ‘пурисам̣ детха пурисаттхакарам̣ детха…пе… тин̣ам̣ детха маттикам̣ детха̄’ти. манусса̄ упаддута̄ йа̄чана̄йа упаддута̄ вин̃н̃аттийа̄ бхиккхӯ дисва̄ уббиджджантипи уттасантипи пала̄йантипи ан̃н̃енапи гаччханти ан̃н̃енапи мукхам̣ каронти два̄рампи тхакенти, га̄вимпи дисва̄ пала̄йанти бхиккхӯти ман̃н̃ама̄на̄’’ти? ‘‘саччам̣, бхагава̄’’ти. вигарахи буддхо бхагава̄…пе… ‘‘катхан̃хи на̄ма тумхе, могхапуриса̄, сам̣йа̄чика̄йо кут̣ийо ка̄ра̄пессатха асса̄мика̄йо аттуддесика̄йо аппама̄н̣ика̄йо! та̄йо на нит̣т̣ха̄нам̣ гаччханти. те тумхе йа̄чанабахула̄ вин̃н̃аттибахула̄ вихариссатха – ‘пурисам̣ детха пурисаттхакарам̣ детха…пе… тин̣ам̣ детха маттикам̣ детха̄’ти! нетам̣ могхапуриса̄, аппасанна̄нам̣ ва̄ паса̄да̄йа…пе…’’ вигарахитва̄ дхаммим̣ катхам̣ катва̄ бхиккхӯ а̄мантеси –

344. ‘‘бхӯтапуббам̣, бхиккхаве, две бха̄таро исайо ган̇гам̣ надим̣ упанисса̄йа вихарим̣су. атха кхо, бхиккхаве, ман̣икан̣т̣хо на̄гара̄джа̄ ган̇гам̣ надим̣ уттаритва̄ йена канит̣т̣хо иси тенупасан̇ками; упасан̇камитва̄ канит̣т̣хам̣ исим̣ саттаккхаттум̣ бхогехи париккхипитва̄ упаримуддхани махантам̣ пхан̣ам̣ каритва̄ ат̣т̣ха̄си. атха кхо, бхиккхаве, канит̣т̣хо иси тасса на̄гасса бхайа̄ кисо ахоси лӯкхо дуббан̣н̣о уппан̣д̣уппан̣д̣укаджа̄то дхаманисантхатагатто. аддаса кхо, бхиккхаве, джет̣т̣хо иси канит̣т̣хам̣ исим̣ кисам̣ лӯкхам̣ дуббан̣н̣ам̣ уппан̣д̣уппан̣д̣укаджа̄там̣ дхаманисантхатагаттам̣. дисва̄на канит̣т̣хам̣ исим̣ етадавоча – ‘‘кисса твам̣, бхо, кисо лӯкхо дуббан̣н̣о уппан̣д̣уппан̣д̣укаджа̄то дхаманисантхатагатто’’ти? ‘‘идха, бхо, ман̣икан̣т̣хо на̄гара̄джа̄ ган̇гам̣ надим̣ уттаритва̄ йена̄хам̣ тенупасан̇ками; упасан̇камитва̄ мам̣ саттаккхаттум̣ бхогехи париккхипитва̄ упаримуддхани махантам̣ пхан̣ам̣ каритва̄ ат̣т̣ха̄си. тасса̄хам̣, бхо, на̄гасса бхайа̄ [бхайа̄мхи (сӣ.)] кисо лӯкхо дуббан̣н̣о уппан̣д̣уппан̣д̣укаджа̄то дхаманисантхатагатто’’ти. ‘‘иччхаси пана твам̣, бхо, тасса на̄гасса ана̄гамана’’нти? ‘‘иччха̄махам̣, бхо, тасса на̄гасса ана̄гамана’’нти. ‘‘апи пана твам̣, бхо, тасса на̄гасса кин̃чи пассасӣ’’ти? ‘‘пасса̄махам̣, бхо, ман̣имасса [ман̣исса (сӣ. ка.)] кан̣т̣хе пиландхана’’нти. ‘‘тена хи твам̣, бхо, там̣ на̄гам̣ ман̣им̣ йа̄ча – ‘ман̣им̣ ме, бхо, дехи; ман̣ина̄ ме аттхо’’’ти.

атха кхо, бхиккхаве, ман̣икан̣т̣хо на̄гара̄джа̄ ган̇гам̣ надим̣ уттаритва̄ йена канит̣т̣хо иси тенупасан̇ками; упасан̇камитва̄ екамантам̣ ат̣т̣ха̄си. екамантам̣ т̣хитам̣ кхо, бхиккхаве, ман̣икан̣т̣хам̣ на̄гара̄джа̄нам̣ канит̣т̣хо иси етадавоча – ‘‘ман̣им̣ ме, бхо, дехи; ман̣ина̄ ме аттхо’’ти. атха кхо, бхиккхаве, ман̣икан̣т̣хо на̄гара̄джа̄ – ‘бхиккху ман̣им̣ йа̄чати, бхиккхусса ман̣ина̄ аттхо’ти кхиппан̃н̃ева агама̄си. дутийампи кхо, бхиккхаве, ман̣икан̣т̣хо на̄гара̄джа̄ ган̇гам̣ надим̣ уттаритва̄ йена канит̣т̣хо иси тенупасан̇ками. аддаса кхо, бхиккхаве, канит̣т̣хо иси ман̣икан̣т̣хам̣ на̄гара̄джа̄нам̣ дӯратова а̄гаччхантам̣. дисва̄на ман̣икан̣т̣хам̣ на̄гара̄джа̄нам̣ етадавоча – ‘‘ман̣им̣ ме, бхо, дехи; ман̣ина̄ ме аттхо’’ти. атха кхо, бхиккхаве, ман̣икан̣т̣хо на̄гара̄джа̄ – ‘‘бхиккху ман̣им̣ йа̄чати, бхиккхусса ман̣ина̄ аттхо’’ти татова пат̣иниватти. татийампи кхо, бхиккхаве, ман̣икан̣т̣хо на̄гара̄джа̄ ган̇гам̣ надим̣ уттарати. аддаса кхо, бхиккхаве, канит̣т̣хо иси ман̣икан̣т̣хам̣ на̄гара̄джа̄нам̣ ган̇гам̣ надим̣ уттарантам̣. дисва̄на ман̣икан̣т̣хам̣ на̄гара̄джа̄нам̣ етадавоча – ‘‘ман̣им̣ ме, бхо, дехи; ман̣ина̄ ме аттхо’’ти. атха кхо, бхиккхаве, ман̣икан̣т̣хо на̄гара̄джа̄ канит̣т̣хам̣ исим̣ га̄тха̄хи аджджхабха̄си –

[джа̄. 1.3.7 ман̣икан̣т̣хаджа̄такепи] ‘‘маманнапа̄нам̣ випулам̣ ул̣а̄рам̣,

уппаджджатӣмасса ман̣исса хету;

там̣ те на дассам̣ атийа̄чакоси;

на ча̄пи те ассамама̄гамиссам̣.

[джа̄. 1.3.8 ман̣икан̣т̣хаджа̄такепи] ‘‘сусӯ йатха̄ саккхарадхотапа̄н̣ӣ;

та̄сеси мам̣ селама̄йа̄чама̄но;

там̣ те на дассам̣ атийа̄чакоси;

на ча̄пи те ассамама̄гамисса’’нти.

атха кхо, бхиккхаве, ман̣икан̣т̣хо на̄гара̄джа̄ – ‘‘бхиккху ман̣им̣ йа̄чати, бхиккхусса ман̣ина̄ аттхо’’ти пакка̄ми. татха̄ паккантова [тада̄паккантова (ка.)] ахоси, на пуна пачча̄ган̃чхи. атха кхо, бхиккхаве, канит̣т̣хо иси тасса на̄гасса дассанӣйасса адассанена бхиййосоматта̄йа кисо ахоси лӯкхо дуббан̣н̣о, уппан̣д̣уппан̣д̣укаджа̄то дхаманисантхатагатто. аддаса кхо, бхиккхаве, джет̣т̣хо иси канит̣т̣хам̣ исим̣ бхиййосоматта̄йа кисам̣ лӯкхам̣ дуббан̣н̣ам̣ уппан̣д̣уппан̣д̣укаджа̄там̣ дхаманисантхатагаттам̣. дисва̄на канит̣т̣хам̣ исим̣ етадавоча – ‘‘кисса твам̣, бхо, бхиййосоматта̄йа кисо лӯкхо дуббан̣н̣о уппан̣д̣уппан̣д̣укаджа̄то дхаманисантхатагатто’’ти? ‘‘тасса̄хам̣, бхо, на̄гасса дассанӣйасса адассанена бхиййосоматта̄йа кисо лӯкхо дуббан̣н̣о уппан̣д̣уппан̣д̣укаджа̄то дхаманисантхатагатто’’ти. атха кхо, бхиккхаве, джет̣т̣хо иси канит̣т̣хам̣ исим̣ га̄тха̄йа аджджхабха̄си –

[джа̄. 1.3.9 ман̣икан̣т̣хаджа̄такепи] ‘‘на там̣ йа̄че йасса пийам̣ джигӣсе,

видессо [дессо (сӣ.), дессо ча (сйа̄.)] хоти атийа̄чана̄йа;

на̄го ман̣им̣ йа̄чито бра̄хман̣ена;

адассанан̃н̃ева тададжджхагама̄’’ти.

тесан̃хи на̄ма, бхиккхаве, тираччха̄нагата̄нам̣ па̄н̣а̄нам̣ амана̄па̄ бхависсати йа̄чана̄ амана̄па̄ вин̃н̃атти. киман̇гам̣ [киман̇га (сӣ.)] пана мануссабхӯта̄нам̣!

345. ‘‘бхӯтапуббам̣, бхиккхаве, ан̃н̃атаро бхиккху химавантапассе вихарати ан̃н̃атарасмим̣ ванасан̣д̣е. тасса кхо, бхиккхаве, ванасан̣д̣асса авидӯре махантам̣ ниннам̣ паллалам̣. атха кхо,

ва̄са̄йа упагаччхати. атха кхо, бхиккхаве, со бхиккху тасса сакун̣асан̇гхасса саддена убба̄л̣хо йена̄хам̣ тенупасан̇ками; упасан̇камитва̄ мам̣ абхива̄детва̄ екамантам̣ нисӣди. екамантам̣ нисиннам̣ кхо ахам̣, бхиккхаве, там̣ бхиккхум̣ етадавоча – ‘каччи, бхиккху, кхаманӣйам̣ каччи йа̄панӣйам̣ каччиси аппакиламатхена аддха̄нам̣ а̄гато? куто ча твам̣, бхиккху, а̄гаччхасӣ’ти? ‘кхаманӣйам̣, бхагава̄, йа̄панӣйам̣, бхагава̄. аппакиламатхена ча̄хам̣, бханте, аддха̄нам̣ а̄гато. аттхи, бханте, химавантапассе маха̄ванасан̣д̣о. тасса кхо пана, бханте, ванасан̣д̣асса авидӯре махантам̣ ниннам̣ паллалам̣. атха кхо, бханте, маха̄сакун̣асан̇гхо тасмим̣ паллале дивасам̣ гочарам̣ чаритва̄ са̄йам̣ там̣ ванасан̣д̣ам̣ ва̄са̄йа упагаччхати. тато ахам̣, бхагава̄, а̄гаччха̄ми – тасса сакун̣асан̇гхасса саддена убба̄л̣хо’ти. ‘иччхаси пана твам̣, бхиккху, тасса сакун̣асан̇гхасса ана̄гамана’нти? ‘иччха̄махам̣, бхагава̄, тасса сакун̣асан̇гхасса ана̄гамана’нти. ‘тена хи твам̣, бхиккху, таттха гантва̄ там̣ ванасан̣д̣ам̣ аджджхога̄хетва̄ раттийа̄ пат̣хамам̣ йа̄мам̣ тиккхаттум̣ саддаманусса̄вехи – сун̣анту ме, бхонто сакун̣а̄, йа̄ватика̄ имасмим̣ ванасан̣д̣е ва̄сам̣ упагата̄, паттена ме аттхо. екекам̣ ме, бхонто, паттам̣ дадантӯ’ти. раттийа̄ маджджхимам̣ йа̄мам̣… раттийа̄ паччхимам̣ йа̄мам̣ тиккхаттум̣ саддаманусса̄вехи – ‘сун̣анту ме, бхонто сакун̣а̄, йа̄ватика̄ имасмим̣ ванасан̣д̣е ва̄сам̣ упагата̄, паттена ме аттхо. екекам̣ ме, бхонто, паттам̣ дадантӯ’ти.

‘‘атха кхо, бхиккхаве, со бхиккху таттха гантва̄ там̣ ванасан̣д̣ам̣ аджджхога̄хетва̄ раттийа̄ пат̣хамам̣ йа̄мам̣ тиккхаттум̣ саддаманусса̄веси – ‘сун̣анту ме, бхонто сакун̣а̄, йа̄ватика̄ имасмим̣ ванасан̣д̣е ва̄сам̣ упагата̄, паттена ме аттхо. екекам̣ ме, бхонто, паттам̣ дадантӯ’ти. раттийа̄ маджджхима йа̄мам̣… раттийа̄ паччхимам̣ йа̄мам̣ тиккхаттум̣ саддаманусса̄веси – ‘сун̣анту ме, бхонто сакун̣а̄, йа̄ватика̄ имасмим̣ ванасан̣д̣е ва̄сам̣ упагата̄, паттена ме аттхо. екекам̣ ме, бхонто, паттам̣ дадантӯ’ти. атха кхо, бхиккхаве, со сакун̣асан̇гхо – ‘бхиккху паттам̣ йа̄чати бхиккхусса паттена аттхо’ти тамха̄ ванасан̣д̣а̄ пакка̄ми. татха̄ паккантова ахоси на пуна пачча̄ган̃чхи. тесан̃хи на̄ма, бхиккхаве, тираччха̄нагата̄нам̣ па̄н̣а̄нам̣ амана̄па̄ бхависсати йа̄чана̄ амана̄па̄ вин̃н̃атти. киман̇гам̣ пана мануссабхӯта̄нам̣’’!

346. ‘‘бхӯтапуббам̣, бхиккхаве, рат̣т̣хапа̄ласса кулапуттасса пита̄ рат̣т̣хапа̄лам̣ кулапуттам̣ га̄тха̄йа аджджхабха̄си –

‘апа̄хам̣ те на джа̄на̄ми, рат̣т̣хапа̄ла бахӯ джана̄;

[джа̄. 1.7.54] те мам̣ сан̇гамма йа̄чанти, касма̄ мам̣ твам̣ на йа̄часӣ’ти.

[джа̄. 1.7.55] ‘йа̄чако аппийо хоти, йа̄чам̣ ададамаппийо;

тасма̄хам̣ там̣ на йа̄ча̄ми, ма̄ ме видессана̄ ахӯ’ти.

‘‘со хи на̄ма, бхиккхаве, рат̣т̣хапа̄ло кулапутто сакам̣ питарам̣ евам̣ ваккхати. киман̇гам̣ пана джано джанам̣!

347. ‘‘гихӣнам̣, бхиккхаве, дуссам̣хара̄ни бхога̄ни самбхата̄нипи дураккхийа̄ни. таттха на̄ма тумхе, могхапуриса̄, евам̣ дуссам̣харесу бхогесу самбхатесупи дураккхийесу йа̄чанабахула̄ вин̃н̃аттибахула̄ вихариссатха – ‘пурисам̣ детха, пурисаттхакарам̣ детха, гон̣ам̣ детха, сакат̣ам̣ детха, ва̄сим̣ детха, парасум̣ детха, кут̣ха̄рим̣ детха, куда̄лам̣ детха, никха̄данам̣ детха, валлим̣ детха, вел̣ум̣ детха, мун̃джам̣ детха, паббаджам̣ детха, тин̣ам̣ детха, маттикам̣ детха̄’’ти! нетам̣, могхапуриса̄, аппасанна̄нам̣ ва̄ паса̄да̄йа…пе… еван̃ча пана, бхиккхаве, имам̣ сиккха̄падам̣ уддисеййа̄тха –

348. ‘‘сан̃н̃а̄чика̄йа пана бхиккхуна̄ кут̣им̣ ка̄райама̄нена асса̄микам̣ аттуддесам̣ пама̄н̣ика̄ ка̄ретабба̄. татридам̣ пама̄н̣ам̣ – дӣгхасо два̄даса видаттхийо, сугатавидаттхийа̄; тирийам̣ саттантара̄. бхиккхӯ абхинетабба̄ ваттхудесана̄йа. техи бхиккхӯхи ваттху десетаббам̣ – ана̄рамбхам̣ [ана̄раббхам̣ (ка.)] сапариккаманам̣. са̄рамбхе [са̄раббхе (ка.)] че бхиккху ваттхусмим̣ апариккамане сан̃н̃а̄чика̄йа кут̣им̣ ка̄реййа, бхиккхӯ ва̄ анабхинеййа ваттхудесана̄йа, пама̄н̣ам̣ ва̄ атикка̄меййа, сан̇гха̄дисесо’’ти.

349. сан̃н̃а̄чика̄ на̄ма сайам̣ йа̄читва̄ пурисампи пурисаттхакарампи гон̣ампи сакат̣ампи ва̄симпи парасумпи кут̣ха̄римпи куда̄лампи никха̄данампи валлимпи вел̣умпи мун̃джампи паббаджампи тин̣ампи маттикампи.

кут̣и на̄ма уллитта̄ ва̄ хоти авалитта̄ ва̄ уллитта̄валитта̄ ва̄.

ка̄райама̄нена̄ти каронто ва̄ ка̄ра̄пенто ва̄.

асса̄миканти на ан̃н̃о кочи са̄мико хоти, иттхӣ ва̄ пурисо ва̄ гахат̣т̣хо ва̄ паббаджито ва̄.

аттуддесанти аттано аттха̄йа.

пама̄н̣ика̄ ка̄ретабба̄. татридам̣ пама̄н̣ам̣ – дӣгхасо два̄даса видаттхийо, сугатавидаттхийа̄ти ба̄хиримена ма̄нена.

тирийам̣ саттантара̄ти аббхантаримена ма̄нена.

бхиккхӯ абхинетабба̄ ваттхудесана̄йа̄ти тена кут̣ика̄ракена бхиккхуна̄ кут̣иваттхум̣ содхетва̄ сан̇гхам̣ упасан̇камитва̄ екам̣сам̣ уттара̄сан̇гам̣ каритва̄ вуд̣д̣ха̄нам̣ бхиккхӯнам̣ па̄де вандитва̄ уккут̣икам̣ нисӣдитва̄ ан̃джалим̣ паггахетва̄ евамасса вачанӣйо – ‘‘ахам̣, бханте, сан̃н̃а̄чика̄йа кут̣им̣ каттука̄мо асса̄микам̣ аттуддесам̣. сохам̣, бханте, сан̇гхам̣ кут̣иваттхуолоканам̣ йа̄ча̄мӣ’’ти. дутийампи йа̄читабба̄. татийампи йа̄читабба̄. саче саббо сан̇гхо уссахати кут̣иваттхум̣ олокетум̣, саббена сан̇гхена олокетаббам̣. но че саббо сан̇гхо уссахати кут̣иваттхум̣ олокетум̣, йе таттха хонти бхиккхӯ бйатта̄ пат̣ибала̄ са̄рамбхам̣ ана̄рамбхам̣ сапариккаманам̣ апариккаманам̣ джа̄нитум̣ те йа̄читва̄ самманнитабба̄. еван̃ча пана, бхиккхаве, самманнитабба̄. бйаттена бхиккхуна̄ пат̣ибалена сан̇гхо н̃а̄петаббо –

350. ‘‘сун̣а̄ту ме, бханте, сан̇гхо. айам̣ иттханна̄мо бхиккху сан̃н̃а̄чика̄йа кут̣им̣ каттука̄мо асса̄микам̣ аттуддесам̣. со сан̇гхам̣ кут̣иваттхуолоканам̣ йа̄чати. йади сан̇гхасса паттакаллам̣, сан̇гхо иттханна̄ман̃ча иттханна̄ман̃ча бхиккхӯ самманнеййа иттханна̄масса бхиккхуно кут̣иваттхум̣ олокетум̣. еса̄ н̃атти.

‘‘сун̣а̄ту ме, бханте, сан̇гхо. айам̣ иттханна̄мо бхиккху сан̃н̃а̄чика̄йа кут̣им̣ каттука̄мо асса̄микам̣ аттуддесам̣. со сан̇гхам̣ кут̣иваттхуолоканам̣ йа̄чати. сан̇гхо иттханна̄ман̃ча иттханна̄ман̃ча бхиккхӯ самманнати иттханна̄масса бхиккхуно кут̣иваттхум̣ олокетум̣. йасса̄йасмато кхамати иттханна̄масса ча иттханна̄масса ча бхиккхӯнам̣ саммути [саммати (сйа̄.)] иттханна̄масса бхиккхуно кут̣иваттхум̣ олокетум̣, со тун̣хасса; йасса наккхамати, со бха̄сеййа.

‘‘саммата̄ сан̇гхена иттханна̄мо ча иттханна̄мо ча бхиккхӯ иттханна̄масса бхиккхуно кут̣иваттхум̣ олокетум̣. кхамати сан̇гхасса, тасма̄ тун̣хӣ, еваметам̣ дха̄райа̄мӣ’’ти.

351. техи самматехи бхиккхӯхи таттха гантва̄ кут̣иваттху олокетаббам̣, са̄рамбхам̣ ана̄рамбхам̣ сапариккаманам̣ апариккаманам̣ джа̄нитаббам̣. саче са̄рамбхам̣ хоти апариккаманам̣, ‘ма̄ идха карӣ’ти ваттаббо. саче ана̄рамбхам̣ хоти сапариккаманам̣, сан̇гхасса а̄рочетаббам̣ – ‘ана̄рамбхам̣ сапариккамана’нти. тена кут̣ика̄ракена бхиккхуна̄ сан̇гхам̣ упасан̇камитва̄ екам̣сам̣ уттара̄сан̇гам̣ каритва̄ вуд̣д̣ха̄нам̣ бхиккхӯнам̣ па̄де вандитва̄ уккут̣икам̣ нисӣдитва̄ ан̃джалим̣ паггахетва̄ евамасса вачанӣйо – ‘‘ахам̣, бханте, сан̃н̃а̄чика̄йа кут̣им̣ каттука̄мо асса̄микам̣ аттуддесам̣. сохам̣, бханте, сан̇гхам̣ кут̣иваттхудесанам̣ йа̄ча̄мӣ’’ти. дутийампи йа̄читабба̄. татийампи йа̄читабба̄. бйаттена бхиккхуна̄ пат̣ибалена сан̇гхо н̃а̄петаббо –

352. ‘‘сун̣а̄ту ме, бханте, сан̇гхо. айам̣ иттханна̄мо бхиккху сан̃н̃а̄чика̄йа кут̣им̣ каттука̄мо асса̄микам̣ аттуддесам̣. со сан̇гхам̣ кут̣иваттхудесанам̣ йа̄чати. йади сан̇гхасса паттакаллам̣, сан̇гхо иттханна̄масса бхиккхуно кут̣иваттхум̣ десеййа. еса̄ н̃атти.

‘‘сун̣а̄ту ме, бханте, сан̇гхо. айам̣ иттханна̄мо бхиккху сан̃н̃а̄чика̄йа кут̣им̣ каттука̄мо асса̄микам̣ аттуддесам̣. со сан̇гхам̣ кут̣иваттхудесанам̣ йа̄чати. сан̇гхо иттханна̄масса бхиккхуно кут̣иваттхум̣ десети. йасса̄йасмато кхамати иттханна̄масса бхиккхуно кут̣иваттхусса десана̄, со тун̣хасса; йасса наккхамати, со бха̄сеййа.

‘‘деситам̣ сан̇гхена иттханна̄масса бхиккхуно кут̣иваттху. кхамати сан̇гхасса, тасма̄ тун̣хӣ, еваметам̣ дха̄райа̄мӣ’’ти.

353. са̄рамбхам̣ на̄ма кипиллика̄нам̣ ва̄ а̄сайо хоти, упачика̄нам̣ ва̄ а̄сайо хоти, ундура̄нам̣ ва̄ а̄сайо хоти, ахӣнам̣ ва̄ а̄сайо хоти, виччхика̄нам̣ ва̄ а̄сайо хоти, сатападӣнам̣ ва̄ а̄сайо хоти, хаттхӣнам̣ ва̄ а̄сайо хоти, асса̄нам̣ ва̄ а̄сайо хоти, сӣха̄нам̣ ва̄ а̄сайо хоти, бйаггха̄нам̣ ва̄ а̄сайо хоти, дӣпӣнам̣ ва̄ а̄сайо хоти, аччха̄нам̣ ва̄ а̄сайо хоти, тараччха̄нам̣ ва̄ а̄сайо хоти, йесам̣ кесан̃чи тираччха̄нагата̄нам̣ па̄н̣а̄нам̣ а̄сайо хоти, пуббан̣н̣анисситам̣ ва̄ хоти, апаран̣н̣анисситам̣ ва̄ хоти, аббха̄гха̄танисситам̣ ва̄ хоти, а̄гха̄тананисситам̣ ва̄ хоти, суса̄нанисситам̣ ва̄ хоти, уййа̄нанисситам̣ ва̄ хоти, ра̄джаваттхунисситам̣ ва̄ хоти, хаттхиса̄ла̄нисситам̣ ва̄ хоти, ассаса̄ла̄нисситам̣ ва̄ хоти, бандхана̄га̄ранисситам̣ ва̄ хоти, па̄на̄га̄ранисситам̣ ва̄ хоти, сӯнанисситам̣ ва̄ хоти, раччха̄нисситам̣ ва̄ хоти, чаччаранисситам̣ ва̄ хоти, сабха̄нисситам̣ ва̄ хоти, сам̣саран̣анисситам̣ ва̄ [сан̃чаран̣анисситам̣ ва̄ (ка.)] хоти. етам̣ са̄рамбхам̣ на̄ма.

апариккаманам̣ на̄ма на сакка̄ хоти йатха̄йуттена сакат̣ена анупаригантум̣ саманта̄ ниссен̣ийа̄ анупаригантум̣. етам̣ апариккаманам̣ на̄ма.

ана̄рамбхам̣ на̄ма на кипиллика̄нам̣ ва̄ а̄сайо хоти, на упачика̄нам̣ ва̄ а̄сайо хоти, на ундура̄нам̣ ва̄ а̄сайо хоти, на ахӣнам̣ ва̄ а̄сайо хоти, на виччхика̄нам̣ ва̄ а̄сайо хоти, на сатападӣнам̣ ва̄ а̄сайо хоти…пе… на сам̣саран̣анисситам̣ ва̄ хоти. етам̣ ана̄рамбхам̣ на̄ма.

сапариккаманам̣ на̄ма сакка̄ хоти йатха̄йуттена сакат̣ена анупаригантум̣, саманта̄ ниссен̣ийа̄ анупаригантум̣. етам̣ сапариккаманам̣ на̄ма.

сан̃н̃а̄чика̄ на̄ма сайам̣ йа̄читва̄ пурисампи пурисаттхакарампи…пе… маттикампи.

кут̣и на̄ма уллитта̄ ва̄ хоти ва̄ авалитта̄ ва̄ уллитта̄валитта̄ ва̄.

ка̄реййа̄ти кароти ва̄ ка̄ра̄пети ва̄.

бхиккхӯ ва̄ анабхинеййа, ваттхудесана̄йа пама̄н̣ам̣ ва̄ атикка̄меййа̄ти н̃аттидутийена каммена кут̣иваттхум̣ на деса̄петва̄, а̄йа̄мато ва̄ виттха̄рато ва̄ антамасо кесаггаматтампи атикка̄метва̄ кароти ва̄ ка̄ра̄пети ва̄, пайоге пайоге дуккат̣ам̣. екам̣ пин̣д̣ам̣ ана̄гате а̄патти тхуллаччайасса. тасмим̣ пин̣д̣е а̄гате а̄патти сан̇гха̄дисесасса.

сан̇гха̄дисесоти…пе… тенапи вуччати сан̇гха̄дисесоти.

354. бхиккху кут̣им̣ кароти адеситаваттхукам̣ са̄рамбхам̣ апариккаманам̣, а̄патти сан̇гха̄дисесена двиннам̣ дуккат̣а̄нам̣. бхиккху кут̣им̣ кароти адеситаваттхукам̣ са̄рамбхам̣ сапариккаманам̣, а̄патти сан̇гха̄дисесена дуккат̣асса. бхиккху кут̣им̣ кароти адеситаваттхукам̣ ана̄рамбхам̣ апариккаманам̣, а̄патти сан̇гха̄дисесена дуккат̣асса. бхиккху кут̣им̣ кароти адеситаваттхукам̣ ана̄рамбхам̣ сапариккаманам̣, а̄патти сан̇гха̄дисесасса.

355. бхиккху кут̣им̣ кароти деситаваттхукам̣ са̄рамбхам̣ апариккаманам̣, а̄патти двиннам̣ дуккат̣а̄нам̣. бхиккху кут̣им̣ кароти деситаваттхукам̣ са̄рамбхам̣ сапариккаманам̣, а̄патти дуккат̣асса. бхиккху кут̣им̣ кароти деситаваттхукам̣ ана̄рамбхам̣ апариккаманам̣, а̄патти дуккат̣асса. бхиккху кут̣им̣ кароти деситаваттхукам̣ ана̄рамбхам̣ сапариккаманам̣, ана̄патти.

бхиккху кут̣им̣ кароти пама̄н̣а̄тиккантам̣ са̄рамбхам̣ апариккаманам̣, а̄патти сан̇гха̄дисесена двиннам̣ дуккат̣а̄нам̣. бхиккху кут̣им̣ кароти пама̄н̣а̄тиккантам̣ са̄рамбхам̣ сапариккаманам̣, а̄патти сан̇гха̄дисесена дуккат̣асса. бхиккху кут̣им̣ кароти пама̄н̣а̄тиккантам̣ ана̄рамбхам̣ апариккаманам̣, а̄патти сан̇гха̄дисесена дуккат̣асса. бхиккху кут̣им̣ кароти пама̄н̣а̄тиккантам̣ ана̄рамбхам̣ сапариккаманам̣, а̄патти сан̇гха̄дисесасса.

бхиккху кут̣им̣ кароти пама̄н̣икам̣ са̄рамбхам̣ апариккаманам̣, а̄патти двиннам̣ дуккат̣а̄нам̣. бхиккху кут̣им̣ кароти пама̄н̣икам̣ са̄рамбхам̣ сапариккаманам̣, а̄патти дуккат̣асса. бхиккху кут̣им̣ кароти пама̄н̣икам̣ ана̄рамбхам̣ апариккаманам̣, а̄патти дуккат̣асса. бхиккху кут̣им̣ кароти пама̄н̣икам̣ ана̄рамбхам̣ сапариккаманам̣, ана̄патти.

бхиккху кут̣им̣ кароти адеситаваттхукам̣ пама̄н̣а̄тиккантам̣ са̄рамбхам̣ апариккаманам̣, а̄патти двиннам̣ сан̇гха̄дисесена двиннам̣ дуккат̣а̄нам̣. бхиккху кут̣им̣ кароти адеситаваттхукам̣ пама̄н̣а̄тиккантам̣ са̄рамбхам̣ сапариккаманам̣, а̄патти двиннам̣ сан̇гха̄дисесена дуккат̣асса. бхиккху кут̣им̣ кароти адеситаваттхукам̣ пама̄н̣а̄тиккантам̣ ана̄рамбхам̣ апариккаманам̣, а̄патти двиннам̣ сан̇гха̄дисесена дуккат̣асса. бхиккху кут̣им̣ кароти адеситаваттхукам̣ пама̄н̣а̄тиккантам̣ ана̄рамбхам̣ сапариккаманам̣, а̄патти двиннам̣ сан̇гха̄дисеса̄нам̣.

бхиккху кут̣им̣ кароти деситаваттхукам̣ пама̄н̣икам̣ са̄рамбхам̣ апариккаманам̣, а̄патти двиннам̣ дуккат̣а̄нам̣. бхиккху кут̣им̣ кароти деситаваттхукам̣ пама̄н̣икам̣ са̄рамбхам̣ сапариккаманам̣, а̄патти дуккат̣асса. бхиккху кут̣им̣ кароти деситаваттхукам̣ пама̄н̣икам̣ ана̄рамбхам̣ апариккаманам̣, а̄патти дуккат̣асса. бхиккху кут̣им̣ кароти деситаваттхукам̣ пама̄н̣икам̣ ана̄рамбхам̣ сапариккаманам̣, ана̄патти.

356. бхиккху сама̄дисати – ‘‘кут̣им̣ ме каротха̄’’ти. тасса кут̣им̣ каронти адеситаваттхукам̣ са̄рамбхам̣ апариккаманам̣, а̄патти сан̇гха̄дисесена двиннам̣ дуккат̣а̄нам̣…пе… са̄рамбхам̣ сапариккаманам̣, а̄патти сан̇гха̄дисесена дуккат̣асса…пе… ана̄рамбхам̣ апариккаманам̣, а̄патти сан̇гха̄дисесена дуккат̣асса…пе… ана̄рамбхам̣ сапариккаманам̣, а̄патти сан̇гха̄дисесасса.

бхиккху сама̄дисати – ‘‘кут̣им̣ ме каротха̄’’ти. тасса кут̣им̣ каронти деситаваттхукам̣ са̄рамбхам̣ апариккаманам̣, а̄патти двиннам̣ дуккат̣а̄нам̣…пе… са̄рамбхам̣ сапариккаманам̣, а̄патти дуккат̣асса…пе… ана̄рамбхам̣ апариккаманам̣, а̄патти дуккат̣асса…пе… ана̄рамбхам̣ сапариккаманам̣, ана̄патти.

бхиккху сама̄дисати – ‘‘кут̣им̣ ме каротха̄’’ти. тасса кут̣им̣ каронти пама̄н̣а̄тиккантам̣ са̄рамбхам̣ апариккаманам̣, а̄патти сан̇гха̄дисесена двиннам̣ дуккат̣а̄нам̣…пе… са̄рамбхам̣ сапариккаманам̣, а̄патти сан̇гха̄дисесена дуккат̣асса…пе… ана̄рамбхам̣ апариккаманам̣, а̄патти сан̇гха̄дисесена дуккат̣асса…пе… ана̄рамбхам̣ сапариккаманам̣, а̄патти сан̇гха̄дисесасса.

бхиккху сама̄дисати – ‘‘кут̣им̣ ме каротха̄’’ти. тасса кут̣им̣ каронти пама̄н̣икам̣ са̄рамбхам̣ апариккаманам̣, а̄патти двиннам̣ дуккат̣а̄нам̣…пе… са̄рамбхам̣ сапариккаманам̣, а̄патти дуккат̣асса…пе… ана̄рамбхам̣ апариккаманам̣, а̄патти дуккат̣асса…пе… ана̄рамбхам̣ сапариккаманам̣, ана̄патти.

бхиккху сама̄дисати – ‘‘кут̣им̣ ме каротха̄’’ти. тасса кут̣им̣ каронти адеситаваттхукам̣ пама̄н̣а̄тиккантам̣ са̄рамбхам̣ апариккаманам̣, а̄патти двиннам̣ сан̇гха̄дисесена двиннам̣ дуккат̣а̄нам̣…пе… са̄рамбхам̣ сапариккаманам̣, а̄патти двиннам̣ сан̇гха̄дисесена дуккат̣асса…пе… ана̄рамбхам̣ апариккаманам̣, а̄патти двиннам̣ сан̇гха̄дисесена дуккат̣асса…пе… ана̄рамбхам̣ сапариккаманам̣, а̄патти двиннам̣ сан̇гха̄дисеса̄нам̣.

бхиккху сама̄дисати – ‘‘кут̣им̣ ме каротха̄’’ти. тасса кут̣им̣ каронти деситаваттхукам̣ пама̄н̣икам̣ са̄рамбхам̣ апариккаманам̣, а̄патти двиннам̣ дуккат̣а̄нам̣…пе… са̄рамбхам̣ сапариккаманам̣, а̄патти дуккат̣асса…пе… ана̄рамбхам̣ апариккаманам̣, а̄патти дуккат̣асса…пе… ана̄рамбхам̣ сапариккаманам̣, ана̄патти.

357. бхиккху сама̄диситва̄ паккамати – ‘‘кут̣им̣ ме каротха̄’’ти. на ча сама̄дисати – ‘‘деситаваттхука̄ ча хоту ана̄рамбха̄ ча сапариккамана̄ ча̄’’ти. тасса кут̣им̣ каронти адеситаваттхукам̣ са̄рамбхам̣ апариккаманам̣, а̄патти сан̇гха̄дисесена двиннам̣ дуккат̣а̄нам̣…пе… са̄рамбхам̣ сапариккаманам̣, а̄патти сан̇гха̄дисесена дуккат̣асса…пе… ана̄рамбхам̣ апариккаманам̣, а̄патти сан̇гха̄дисесена дуккат̣асса…пе… ана̄рамбхам̣ сапариккаманам̣, а̄патти сан̇гха̄дисесасса.

бхиккху сама̄диситва̄ паккамати – ‘‘кут̣им̣ ме каротха̄’’ти. на ча сама̄дисати – ‘‘деситаваттхука̄ ча хоту ана̄рамбха̄ ча сапариккамана̄ ча̄’’ти. тасса кут̣им̣ каронти деситаваттхукам̣ са̄рамбхам̣ апариккаманам̣, а̄патти двиннам̣ дуккат̣а̄нам̣…пе… са̄рамбхам̣ сапариккаманам̣, а̄патти дуккат̣асса…пе… ана̄рамбхам̣ апариккаманам̣, а̄патти дуккат̣асса…пе… ана̄рамбхам̣ сапариккаманам̣, ана̄патти.

бхиккху сама̄диситва̄ паккамати – ‘‘кут̣им̣ ме каротха̄’’ти. на ча сама̄дисати – ‘‘пама̄н̣ика̄ ча хоту ана̄рамбха̄ ча сапариккамана̄ ча̄’’ти. тасса кут̣им̣ каронти пама̄н̣а̄тиккантам̣ са̄рамбхам̣ апариккаманам̣, а̄патти сан̇гха̄дисесена двиннам̣ дуккат̣а̄нам̣…пе… са̄рамбхам̣ сапариккаманам̣, а̄патти сан̇гха̄дисесена дуккат̣асса…пе… ана̄рамбхам̣ апариккаманам̣, а̄патти сан̇гха̄дисесена дуккат̣асса…пе… ана̄рамбхам̣ сапариккаманам̣, а̄патти сан̇гха̄дисесасса.

бхиккху сама̄диситва̄ паккамати – ‘‘кут̣им̣ ме каротха̄’’ти. на ча сама̄дисати – ‘‘пама̄н̣ика̄ ча хоту ана̄рамбха̄ ча сапариккамана̄ ча̄’’ти. тасса кут̣им̣ каронти пама̄н̣икам̣ са̄рамбхам̣ апариккаманам̣, а̄патти двиннам̣ дуккат̣а̄нам̣…пе… са̄рамбхам̣ сапариккаманам̣, а̄патти дуккат̣асса…пе… ана̄рамбхам̣ апариккаманам̣, а̄патти дуккат̣асса…пе… ана̄рамбхам̣ сапариккаманам̣, ана̄патти.

бхиккху сама̄диситва̄ паккамати – ‘‘кут̣им̣ ме каротха̄’’ти. на ча сама̄дисати – ‘‘деситаваттхука̄ ча хоту пама̄н̣ика̄ ча ана̄рамбха̄ ча сапариккамана̄ ча̄’’ти. тасса кут̣им̣ каронти адеситаваттхукам̣ пама̄н̣а̄тиккантам̣ са̄рамбхам̣ апариккаманам̣, а̄патти двиннам̣ сан̇гха̄дисесена двиннам̣ дуккат̣а̄нам̣…пе… са̄рамбхам̣ сапариккаманам̣, а̄патти двиннам̣ сан̇гха̄дисесена дуккат̣асса…пе… ана̄рамбхам̣ апариккаманам̣, а̄патти двиннам̣ сан̇гха̄дисесена дуккат̣асса …пе… ана̄рамбхам̣ сапариккаманам̣, а̄патти двиннам̣ сан̇гха̄дисеса̄нам̣.

бхиккху сама̄диситва̄ паккамати – ‘‘кут̣им̣ ме каротха̄’’ти. на ча сама̄дисати – ‘‘деситаваттхука̄ ча хоту пама̄н̣ика̄ ча ана̄рамбха̄ ча сапариккамана̄ ча̄’’ти. тасса кут̣им̣ каронти деситаваттхукам̣ пама̄н̣икам̣ са̄рамбхам̣ апариккаманам̣, а̄патти двиннам̣ дуккат̣а̄нам̣…пе… са̄рамбхам̣ сапариккаманам̣, а̄патти дуккат̣асса…пе… ана̄рамбхам̣ апариккаманам̣, а̄патти дуккат̣асса…пе… ана̄рамбхам̣ сапариккаманам̣, ана̄патти.

358. бхиккху сама̄диситва̄ паккамати – ‘‘кут̣им̣ ме каротха̄’’ти. сама̄дисати ча – ‘‘деситаваттхука̄ ча хоту ана̄рамбха̄ ча сапариккамана̄ ча̄’’ти. тасса кут̣им̣ каронти адеситаваттхукам̣ са̄рамбхам̣ апариккаманам̣. со сун̣а̄ти – ‘‘кут̣и кира ме кайирати адеситаваттхука̄ са̄рамбха̄ апариккамана̄’’ти. тена бхиккхуна̄ са̄мам̣ ва̄ гантаббам̣ дӯто ва̄ па̄хетаббо – ‘‘деситаваттхука̄ ча хоту ана̄рамбха̄ ча сапариккамана̄ ча̄’’ти. но че са̄мам̣ ва̄ гаччхеййа дӯтам̣ ва̄ пахин̣еййа, а̄патти дуккат̣асса.

бхиккху сама̄диситва̄ паккамати – ‘‘кут̣им̣ ме каротха̄’’ти. сама̄дисати ча – ‘‘деситаваттхука̄ ча хоту ана̄рамбха̄ ча сапариккамана̄ ча̄’’ти. тасса кут̣им̣ каронти адеситаваттхукам̣ са̄рамбхам̣ сапариккаманам̣. со сун̣а̄ти – ‘‘кут̣и кира ме кайирати адеситаваттхука̄ са̄рамбха̄ сапариккамана̄’’ти. тена бхиккхуна̄ са̄мам̣ ва̄ гантаббам̣ дӯто ва̄ па̄хетаббо – ‘‘деситаваттхука̄ ча хоту ана̄рамбха̄ ча̄’’ти. но че са̄мам̣ ва̄ гаччхеййа дӯтам̣ ва̄ пахин̣еййа, а̄патти дуккат̣асса.

бхиккху сама̄диситва̄ паккамати – ‘‘кут̣им̣ ме каротха̄’’ти. сама̄дисати ча – ‘‘деситаваттхука̄ ча хоту ана̄рамбха̄ ча сапариккамана̄ ча̄’’ти. тасса кут̣им̣ каронти адеситаваттхукам̣ ана̄рамбхам̣ апариккаманам̣. со сун̣а̄ти – ‘‘кут̣и кира ме кайирати адеситаваттхука̄ ана̄рамбха̄ апариккамана̄’’ти. тена бхиккхуна̄ са̄мам̣ ва̄ гантаббам̣ дӯто ва̄ па̄хетаббо – ‘‘деситаваттхука̄ ча хоту сапариккамана̄ ча̄’’ти. но че са̄мам̣ ва̄ гаччхеййа дӯтам̣ ва̄ пахин̣еййа, а̄патти дуккат̣асса.

бхиккху сама̄диситва̄ паккамати – ‘‘кут̣им̣ ме каротха̄’’ти. сама̄дисати ча – ‘‘деситаваттхука̄ ча хоту ана̄рамбха̄ ча сапариккамана̄ ча̄’’ти. тасса кут̣им̣ каронти адеситаваттхукам̣ ана̄рамбхам̣ сапариккаманам̣. со сун̣а̄ти – ‘‘кут̣и кира ме кайирати адеситаваттхука̄ ана̄рамбха̄ сапариккамана̄’’ти. тена бхиккхуна̄ са̄мам̣ ва̄ гантаббам̣ дӯто ва̄ па̄хетаббо – ‘‘деситаваттхука̄ хотӯ’’ти. но че са̄мам̣ ва̄ гаччхеййа дӯтам̣ ва̄ пахин̣еййа, а̄патти дуккат̣асса.

бхиккху сама̄диситва̄ паккамати – ‘‘кут̣им̣ ме каротха̄’’ти. сама̄дисати ча – ‘‘деситаваттхука̄ ча хоту ана̄рамбха̄ ча сапариккамана̄ ча̄’’ти. тасса кут̣им̣ каронти деситаваттхукам̣ са̄рамбхам̣ апариккаманам̣. со сун̣а̄ти – ‘‘кут̣и кира ме кайирати деситаваттхука̄ са̄рамбха̄ апариккамана̄’’ти. тена бхиккхуна̄ са̄мам̣ ва̄ гантаббам̣ дӯто ва̄ па̄хетаббо – ‘‘ана̄рамбха̄ ча хоту сапариккамана̄ ча̄’’ти. но че са̄мам̣ ва̄ гаччхеййа дӯтам̣ ва̄ пахин̣еййа, а̄патти дуккат̣асса.

бхиккху сама̄диситва̄ паккамати – ‘‘кут̣им̣ ме каротха̄’’ти. сама̄дисати ча – ‘‘деситаваттхука̄ ча хоту ана̄рамбха̄ ча сапариккамана̄ ча̄’’ти. тасса кут̣им̣ каронти деситаваттхукам̣ са̄рамбхам̣ сапариккаманам̣. со сун̣а̄ти – ‘‘кут̣и кира ме кайирати деситаваттхука̄ са̄рамбха̄ сапариккамана̄’’ти. тена бхиккхуна̄ са̄мам̣ ва̄ гантаббам̣ дӯто ва̄ па̄хетаббо – ‘‘ана̄рамбха̄ хотӯ’’ти. но че са̄мам̣ ва̄ гаччхеййа дӯтам̣ ва̄ пахин̣еййа, а̄патти дуккат̣асса.

бхиккху сама̄диситва̄ паккамати – ‘‘кут̣им̣ ме каротха̄’’ти. сама̄дисати ча – ‘‘деситаваттхука̄ ча хоту ана̄рамбха̄ ча сапариккамана̄ ча̄’’ти. тасса кут̣им̣ каронти деситаваттхукам̣ ана̄рамбхам̣ апариккаманам̣. со сун̣а̄ти – ‘‘кут̣и кира ме кайирати деситаваттхука̄ ана̄рамбха̄ апариккамана̄’’ти. тена бхиккхуна̄ са̄мам̣ ва̄ гантаббам̣ дӯто ва̄ па̄хетаббо – ‘‘сапариккамана̄ хотӯ’’ти. но че са̄мам̣ ва̄ гаччхеййа дӯтам̣ ва̄ пахин̣еййа, а̄патти дуккат̣асса.

359. бхиккху сама̄диситва̄ паккамати – ‘‘кут̣им̣ ме каротха̄’’ти. сама̄дисати ча – ‘‘пама̄н̣ика̄ ча хоту ана̄рамбха̄ ча сапариккамана̄ ча̄’’ти. тасса кут̣им̣ каронти пама̄н̣а̄тиккантам̣ са̄рамбхам̣ апариккаманам̣. со сун̣а̄ти – ‘‘кут̣и кира ме кайирати пама̄н̣а̄тикканта̄ са̄рамбха̄ апариккамана̄’’ти. тена бхиккхуна̄ са̄мам̣ ва̄ гантаббам̣ дӯто ва̄ па̄хетаббо – ‘‘пама̄н̣ика̄ ча хоту ана̄рамбха̄ ча сапариккамана̄ ча̄’’ти…пе… ‘‘пама̄н̣ика̄ ча хоту ана̄рамбха̄ ча̄’’ти…пе… ‘‘пама̄н̣ика̄ ча хоту сапариккамана̄ ча̄’’ти…пе… ‘‘пама̄н̣ика̄ хотӯ’’ти. но че са̄мам̣ ва̄ гаччхеййа дӯтам̣ ва̄ пахин̣еййа, а̄патти дуккат̣асса.

бхиккху сама̄диситва̄ паккамати – ‘‘кут̣им̣ ме каротха̄’’ти. сама̄дисати ча – ‘‘пама̄н̣ика̄ ча хоту ана̄рамбха̄ ча сапариккамана̄ ча̄’’ти. тасса кут̣им̣ каронти пама̄н̣икам̣ са̄рамбхам̣ апариккаманам̣. со сун̣а̄ти – ‘‘кут̣и кира ме кайирати пама̄н̣ика̄ са̄рамбха̄ апариккамана̄’’ти. тена бхиккхуна̄ са̄мам̣ ва̄ гантаббам̣ дӯто ва̄ па̄хетаббо – ‘‘ана̄рамбха̄ ча хоту сапариккамана̄ ча̄’’ти…пе… ‘‘ана̄рамбха̄ хотӯ’’ти…пе… ‘‘сапариккамана̄ хотӯ’’ти…пе… ана̄патти.

360. бхиккху сама̄диситва̄ паккамати – ‘‘кут̣им̣ ме каротха̄’’ти. сама̄дисати ча – ‘‘деситаваттхука̄ ча хоту пама̄н̣ика̄ ча ана̄рамбха̄ ча сапариккамана̄ ча̄’’ти. тасса кут̣им̣ каронти адеситаваттхукам̣ пама̄н̣а̄тиккантам̣ са̄рамбхам̣ апариккаманам̣. со сун̣а̄ти – ‘‘кут̣и кира ме кайирати адеситаваттхука̄ пама̄н̣а̄тикканта̄ са̄рамбха̄ апариккамана̄’’ти. тена бхиккхуна̄ са̄мам̣ ва̄ гантаббам̣ дӯто ва̄ па̄хетаббо – ‘‘деситаваттхука̄ ча хоту пама̄н̣ика̄ ча ана̄рамбха̄ ча сапариккамана̄ ча̄’’ти…пе… ‘‘деситаваттхука̄ ча хоту пама̄н̣ика̄ ча ана̄рамбха̄ ча̄’’ти…пе… ‘‘деситаваттхука̄ ча хоту пама̄н̣ика̄ ча сапариккамана̄ ча̄’’ти…пе… ‘‘деситаваттхука̄ ча хоту пама̄н̣ика̄ ча̄’’ти. но че са̄мам̣ ва̄ гаччхеййа дӯтам̣ ва̄ пахин̣еййа, а̄патти дуккат̣асса.

бхиккху сама̄диситва̄ паккамати – ‘‘кут̣им̣ ме каротха̄’’ти. сама̄дисати ча – ‘‘деситаваттхука̄ ча хоту пама̄н̣ика̄ ча ана̄рамбха̄ ча сапариккамана̄ ча̄’’ти. тасса кут̣им̣ каронти деситаваттхукам̣ пама̄н̣икам̣ са̄рамбхам̣ апариккаманам̣. со сун̣а̄ти – ‘‘кут̣и кира ме кайирати деситаваттхука̄ пама̄н̣ика̄ са̄рамбха̄ апариккамана̄’’ти. тена бхиккхуна̄ са̄мам̣ ва̄ гантаббам̣ дӯто ва̄ па̄хетаббо – ‘‘ана̄рамбха̄ ча хоту сапариккамана̄ ча̄’’ти…пе… ‘‘ана̄рамбха̄ хотӯ’’ти…пе… ‘‘сапариккамана̄ хотӯ’’ти…пе… ана̄патти.

бхиккху сама̄диситва̄ паккамати – ‘‘кут̣им̣ ме каротха̄’’ти. сама̄дисати ча – ‘‘деситаваттхука̄ ча хоту ана̄рамбха̄ ча сапариккамана̄ ча̄’’ти. тасса кут̣им̣ каронти адеситаваттхукам̣ са̄рамбхам̣ апариккаманам̣, а̄патти ка̄рука̄нам̣ тин̣н̣ам̣ дуккат̣а̄нам̣…пе… са̄рамбхам̣ сапариккаманам̣, а̄патти ка̄рука̄нам̣ двиннам̣ дуккат̣а̄нам̣…пе… ана̄рамбхам̣ апариккаманам̣, а̄патти ка̄рука̄нам̣ двиннам̣ дуккат̣а̄нам̣…пе… ана̄рамбхам̣ сапариккаманам̣, а̄патти ка̄рука̄нам̣ дуккат̣асса.

бхиккху сама̄диситва̄ паккамати – ‘‘кут̣им̣ ме каротха̄’’ти. сама̄дисати ча – ‘‘деситаваттхука̄ ча хоту ана̄рамбха̄ ча сапариккамана̄ ча̄’’ти. тасса кут̣им̣ каронти деситаваттхукам̣ са̄рамбхам̣ апариккаманам̣, а̄патти ка̄рука̄нам̣ двиннам̣ дукка̄т̣анам̣…пе… са̄рамбхам̣ сапариккаманам̣, а̄патти ка̄рука̄нам̣ дуккат̣асса…пе… ана̄рамбхам̣ апариккаманам̣, а̄патти ка̄рука̄нам̣ дуккат̣асса…пе… ана̄рамбхам̣ сапариккаманам̣, ана̄патти.

бхиккху сама̄диситва̄ паккамати – ‘‘кут̣им̣ ме каротха̄’’ти. сама̄дисати ча – ‘‘пама̄н̣ика̄ ча хоту ана̄рамбха̄ ча сапариккамана̄ ча̄’’ти. тасса кут̣им̣ каронти пама̄н̣а̄тиккантам̣ са̄рамбхам̣ апариккаманам̣, а̄патти ка̄рука̄нам̣ тин̣н̣ам̣ дуккат̣а̄нам̣…пе… са̄рамбхам̣ сапариккаманам̣, а̄патти ка̄рука̄нам̣ двиннам̣ дуккат̣а̄нам̣…пе… ана̄рамбхам̣ апариккаманам̣, а̄патти ка̄рука̄нам̣ двиннам̣ дуккат̣а̄нам̣…пе… ана̄рамбхам̣ сапариккаманам̣ а̄патти ка̄рука̄нам̣ дуккат̣асса.

бхиккху сама̄диситва̄ паккамати – ‘‘кут̣им̣ ме каротха̄’’ти. сама̄дисати ча – ‘‘пама̄н̣ика̄ ча хоту ана̄рамбха̄ ча сапариккамана̄ ча̄’’ти. тасса кут̣им̣ каронти пама̄н̣икам̣ са̄рамбхам̣ апариккаманам̣, а̄патти ка̄рука̄нам̣ двиннам̣ дуккат̣а̄нам̣…пе… са̄рамбхам̣ сапариккаманам̣, а̄патти ка̄рука̄нам̣ дуккат̣асса…пе… ана̄рамбхам̣ апариккаманам̣, а̄патти ка̄рука̄нам̣ дуккат̣асса…пе… ана̄рамбхам̣ сапариккаманам̣, ана̄патти.

бхиккху сама̄диситва̄ паккамати – ‘‘кут̣им̣ ме каротха̄’’ти. сама̄дисати ча – ‘‘деситаваттхука̄ ча хоту пама̄н̣ика̄ ча ана̄рамбха̄ ча сапариккамана̄ ча̄’’ти. тасса кут̣им̣ каронти адеситаваттхукам̣ пама̄н̣а̄тиккантам̣ са̄рамбхам̣ апариккаманам̣, а̄патти ка̄рука̄нам̣ чатуннам̣ дуккат̣а̄нам̣…пе… са̄рамбхам̣ сапариккаманам̣, а̄патти ка̄рука̄нам̣ тин̣н̣ам̣ дуккат̣а̄нам̣…пе… ана̄рамбхам̣ апариккаманам̣, а̄патти ка̄рука̄нам̣ тин̣н̣ам̣ дуккат̣а̄нам̣…пе… ана̄рамбхам̣ сапариккаманам̣, а̄патти ка̄рука̄нам̣ двиннам̣ дуккат̣а̄нам̣.

бхиккху сама̄диситва̄ паккамати – ‘‘кут̣им̣ ме каротха̄’’ти. сама̄дисати ча – ‘‘деситаваттхука̄ ча хоту пама̄н̣ика̄ ча ана̄рамбха̄ ча сапариккамана̄ ча̄’’ти. тасса кут̣им̣ каронти деситаваттхукам̣ пама̄н̣икам̣ са̄рамбхам̣ апариккаманам̣, а̄патти ка̄рука̄нам̣ двиннам̣ дуккат̣а̄нам̣…пе… са̄рамбхам̣ сапариккаманам̣, а̄патти ка̄рука̄нам̣ дуккат̣асса…пе… ана̄рамбхам̣ апариккаманам̣, а̄патти ка̄рука̄нам̣ дуккат̣асса…пе… ана̄рамбхам̣ сапариккаманам̣, ана̄патти.

361. бхиккху сама̄диситва̄ паккамати – ‘‘кут̣им̣ ме каротха̄’’ти. тасса кут̣им̣ каронти адеситаваттхукам̣ са̄рамбхам̣ апариккаманам̣. со че виппакате а̄гаччхати, тена бхиккхуна̄ са̄ кут̣и ан̃н̃асса ва̄ да̄табба̄ бхиндитва̄ ва̄ пуна ка̄табба̄. но че ан̃н̃асса ва̄ дадеййа бхиндитва̄ ва̄ пуна ка̄реййа, а̄патти сан̇гха̄дисесена двиннам̣ дуккат̣а̄нам̣.

бхиккху сама̄диситва̄ паккамати – ‘‘кут̣им̣ ме каротха̄’’ти. тасса кут̣им̣ каронти адеситаваттхукам̣ са̄рамбхам̣ сапариккаманам̣. со че виппакате а̄гаччхати, тена бхиккхуна̄ са̄ кут̣и ан̃н̃асса ва̄ да̄табба̄ бхиндитва̄ ва̄ пуна ка̄табба̄. но че ан̃н̃асса ва̄ дадеййа бхиндитва̄ ва̄ пуна ка̄реййа, а̄патти сан̇гха̄дисесена дуккат̣асса…пе… ана̄рамбхам̣ апариккаманам̣…пе… а̄патти сан̇гха̄дисесена дуккат̣асса…пе… ана̄рамбхам̣ сапариккаманам̣…пе… а̄патти сан̇гха̄дисесасса.

бхиккху сама̄диситва̄ паккамати – ‘‘кут̣им̣ ме каротха̄’’ти. тасса кут̣им̣ каронти деситаваттхукам̣ са̄рамбхам̣ апариккаманам̣. со че виппакате а̄гаччхати, тена бхиккхуна̄ са̄ кут̣и ан̃н̃асса ва̄ да̄табба̄ бхиндитва̄ ва̄ пуна ка̄табба̄. но че ан̃н̃асса ва̄ дадеййа бхиндитва̄ ва̄ пуна ка̄реййа, а̄патти двиннам̣ дуккат̣а̄нам̣…пе… са̄рамбхам̣ сапариккаманам̣, а̄патти дуккат̣асса…пе… ана̄рамбхам̣ апариккаманам̣, а̄патти дуккат̣асса…пе… ана̄рамбхам̣ сапариккаманам̣, ана̄патти.

362. бхиккху сама̄диситва̄ паккамати – ‘‘кут̣им̣ ме каротха̄’’ти. тасса кут̣им̣ каронти пама̄н̣а̄тиккантам̣ са̄рамбхам̣ апариккаманам̣. со че виппакате а̄гаччхати, тена бхиккхуна̄ са̄ кут̣и ан̃н̃асса ва̄ да̄табба̄ бхиндитва̄ ва̄ пуна ка̄табба̄. но че ан̃н̃асса ва̄ дадеййа бхиндитва̄ ва̄ пуна ка̄реййа, а̄патти сан̇гха̄дисесена двиннам̣ дуккат̣а̄нам̣…пе… са̄рамбхам̣ сапариккаманам̣, а̄патти сан̇гха̄дисесена дуккат̣асса…пе… ана̄рамбхам̣ апариккаманам̣, а̄патти сан̇гха̄дисесена дуккат̣асса…пе… ана̄рамбхам̣ сапариккаманам̣, а̄патти сан̇гха̄дисесасса.

бхиккху сама̄диситва̄ паккамати – ‘‘кут̣им̣ ме каротха̄’’ти. тасса кут̣им̣ каронти пама̄н̣икам̣ са̄рамбхам̣ апариккаманам̣. со че виппакате а̄гаччхати, тена бхиккхуна̄ са̄ кут̣и ан̃н̃асса ва̄ да̄табба̄ бхиндитва̄ ва̄ пуна ка̄табба̄. но че ан̃н̃асса ва̄ дадеййа бхиндитва̄ ва̄ пуна ка̄реййа, а̄патти двиннам̣ дуккат̣а̄нам̣…пе… са̄рамбхам̣ сапариккаманам̣, а̄патти дуккат̣асса…пе… ана̄рамбхам̣ апариккаманам̣, а̄патти дуккат̣асса…пе… ана̄рамбхам̣ сапариккаманам̣, ана̄патти.

бхиккху сама̄диситва̄ паккамати – ‘‘кут̣им̣ ме каротха̄’’ти. тасса кут̣им̣ каронти адеситаваттхукам̣ пама̄н̣а̄тиккантам̣ са̄рамбхам̣ апариккаманам̣. со че виппакате а̄гаччхати, тена бхиккхуна̄ са̄ кут̣и ан̃н̃асса ва̄ да̄табба̄ бхиндитва̄ ва̄ пуна ка̄табба̄. но че ан̃н̃асса ва̄ дадеййа бхиндитва̄ ва̄ пуна ка̄реййа, а̄патти двиннам̣ сан̇гха̄дисесена двиннам̣ дуккат̣а̄нам̣…пе… са̄рамбхам̣ сапариккаманам̣, а̄патти двиннам̣ сан̇гха̄дисесена дуккат̣асса…пе… ана̄рамбхам̣ апариккаманам̣, а̄патти двиннам̣ сан̇гха̄дисесена дуккат̣асса…пе… ана̄рамбхам̣ сапариккаманам̣, а̄патти двиннам̣ сан̇гха̄дисеса̄нам̣.

бхиккху сама̄диситва̄ паккамати – ‘‘кут̣им̣ ме каротха̄’’ти. тасса кут̣им̣ каронти деситаваттхукам̣ пама̄н̣икам̣ са̄рамбхам̣ апариккаманам̣. со че виппакате а̄гаччхати, тена бхиккхуна̄ са̄ кут̣и ан̃н̃асса ва̄ да̄табба̄ бхиндитва̄ ва̄ пуна ка̄табба̄. но че ан̃н̃асса ва̄ дадеййа бхиндитва̄ ва̄ пуна ка̄реййа, а̄патти двиннам̣ дукка̄т̣а̄нам̣…пе… са̄рамбхам̣ сапариккаманам̣, а̄патти дуккат̣асса…пе… ана̄рамбхам̣ апариккаманам̣, а̄патти дуккат̣асса.

бхиккху сама̄диситва̄ паккамати – ‘‘кут̣им̣ ме каротха̄’’ти. тасса кут̣им̣ каронти деситаваттхукам̣ пама̄н̣икам̣ ана̄рамбхам̣ сапариккаманам̣, ана̄патти.

363. аттана̄ виппакатам̣ аттана̄ парийоса̄пети, а̄патти сан̇гха̄дисесасса.

аттана̄ виппакатам̣ парехи парийоса̄пети [парийоса̄ва̄пети (ка.)], а̄патти сан̇гха̄дисесасса.

парехи виппакатам̣ аттана̄ парийоса̄пети, а̄патти сан̇гха̄дисесасса.

парехи виппакатам̣ парехи парийоса̄пети [парийоса̄ва̄пети (ка.)], а̄патти сан̇гха̄дисесасса.

364. ана̄патти лен̣е гуха̄йа тин̣акут̣ика̄йа ан̃н̃ассаттха̄йа ва̄са̄га̄рам̣ т̣хапетва̄ саббаттха, ана̄патти умматтакасса а̄дикаммикасса̄ти.

кут̣ика̄расиккха̄падам̣ нит̣т̣хитам̣ чхат̣т̣хам̣.