2. ка̄йасам̣саггасиккха̄падам̣

269. тена самайена буддхо бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. тена кхо пана самайена а̄йасма̄ уда̄йӣ аран̃н̃е вихарати. тасса̄йасмато виха̄ро абхирӯпо хоти дассанӣйо па̄са̄дико, маджджхегаббхо, саманта̄парийа̄га̄ро, супан̃н̃аттам̣ ман̃чапӣт̣хам̣ бхисибимбоханам̣, па̄нӣйам̣ парибходжанӣйам̣ супат̣т̣хитам̣, паривен̣ам̣ сусаммат̣т̣хам̣. бахӯ манусса̄ а̄йасмато уда̄йисса виха̄рапеккхака̄ а̄гаччханти. ан̃н̃атаропи бра̄хман̣о сападжа̄патико йена̄йасма̄ уда̄йӣ тенупасан̇ками; упасан̇камитва̄ а̄йасмантам̣ уда̄йим̣ етадавоча – ‘‘иччха̄ма майам̣ бхото уда̄йисса виха̄рам̣ пеккхиту’’нти. ‘‘тена хи, бра̄хман̣а, пеккхассӯ’’ти, ава̄пуран̣ам̣ [апа̄пуран̣ам̣ (сйа̄.)] а̄да̄йа гхат̣икам̣ уггха̄т̣етва̄ кава̄т̣ам̣ пан̣а̄метва̄ виха̄рам̣ па̄виси. сопи кхо бра̄хман̣о а̄йасмато уда̄йисса пит̣т̣хито па̄виси. са̄пи кхо бра̄хман̣ӣ тасса бра̄хман̣асса пит̣т̣хито па̄виси. атха кхо а̄йасма̄ уда̄йӣ екачче ва̄тапа̄не виваранто екачче ва̄тапа̄не тхакенто габбхам̣ анупаригантва̄ пит̣т̣хито а̄гантва̄ тасса̄ бра̄хман̣ийа̄ ан̇гаман̇га̄ни пара̄маси. атха кхо со бра̄хман̣о а̄йасмата̄ уда̄йина̄ саддхим̣ пат̣исаммодитва̄ агама̄си. атха кхо со бра̄хман̣о аттамано аттаманава̄чам̣ ниччха̄реси – ‘‘ул̣а̄ра̄ име саман̣а̄ сакйапуттийа̄ йе име еварӯпе аран̃н̃е вихаранти. бхавампи уда̄йӣ ул̣а̄ро йо еварӯпе аран̃н̃е вихаратӣ’’ти.

евам̣ вутте са̄ бра̄хман̣ӣ там̣ бра̄хман̣ам̣ етадавоча – ‘‘куто тасса ул̣а̄раттата̄! йатхева ме твам̣ ан̇гаман̇га̄ни пара̄маси евамева ме саман̣о уда̄йӣ ан̇гаман̇га̄ни пара̄масӣ’’ти. атха кхо со бра̄хман̣о уджджха̄йати кхиййати випа̄чети – ‘‘аладжджино име саман̣а̄ сакйапуттийа̄ дуссӣла̄ муса̄ва̄дино. име хи на̄ма дхаммача̄рино самача̄рино брахмача̄рино саччава̄дино сӣлаванто калйа̄н̣адхамма̄ пат̣иджа̄ниссанти! наттхи имесам̣ са̄ман̃н̃ам̣ наттхи имесам̣ брахман̃н̃ам̣, нат̣т̣хам̣ имесам̣ са̄ман̃н̃ам̣ нат̣т̣хам̣ имесам̣ брахман̃н̃ам̣, куто имесам̣ са̄ман̃н̃ам̣ куто имесам̣ брахман̃н̃ам̣, апагата̄ име са̄ман̃н̃а̄ апагата̄ име брахман̃н̃а̄. катхан̃хи на̄ма саман̣о уда̄йӣ мама бхарийа̄йа ан̇гаман̇га̄ни пара̄масиссати! на хи сакка̄ кулиттхӣхи куладхӣта̄хи кулакума̄рӣхи куласун̣ха̄хи кулада̄сӣхи а̄ра̄мам̣ ва̄ виха̄рам̣ ва̄ гантум̣. саче [саче хи (сйа̄.)] кулиттхийо куладхӣтаро [куладхӣта̄йо (сӣ. сйа̄.)] кулакума̄рийо куласун̣ха̄йо кулада̄сийо а̄ра̄мам̣ ва̄ виха̄рам̣ ва̄ гаччхеййум̣, та̄пи саман̣а̄ сакйапуттийа̄ дӯсеййу’’нти!

ассосум̣ кхо бхиккху тасса бра̄хман̣асса уджджха̄йантасса кхиййантасса випа̄чентасса. йе те бхиккхӯ аппиччха̄…пе… те уджджха̄йанти кхиййанти випа̄ченти – ‘‘катхан̃хи на̄ма а̄йасма̄ уда̄йӣ ма̄туга̄мена саддхим̣ ка̄йасам̣саггам̣ сама̄паджджиссатӣ’’ти! атха кхо те бхиккхӯ а̄йасмантам̣ уда̄йим̣ анекапарийа̄йена вигарахитва̄ бхагавато етаматтхам̣ а̄рочесум̣. атха кхо бхагава̄ етасмим̣ нида̄не етасмим̣ пакаран̣е бхиккхусан̇гхам̣ саннипа̄та̄петва̄ а̄йасмантам̣ уда̄йим̣ пат̣ипуччхи – ‘‘саччам̣ кира твам̣, уда̄йи, ма̄туга̄мена саддхим̣ ка̄йасам̣саггам̣ сама̄паджджасӣ’’ти? ‘‘саччам̣, бхагава̄’’ти. вигарахи буддхо бхагава̄ – ‘‘анануччхавикам̣, могхапуриса, анануломикам̣ аппатирӯпам̣ асса̄ман̣акам̣ акаппийам̣ акаран̣ӣйам̣. катхан̃хи на̄ма твам̣, могхапуриса, ма̄туга̄мена саддхим̣ ка̄йасам̣саггам̣ сама̄паджджиссаси! нану майа̄, могхапуриса, анекапарийа̄йена вира̄га̄йа дхаммо десито но сара̄га̄йа…пе… ка̄мапарил̣а̄ха̄нам̣ вӯпасамо аккха̄то. нетам̣, могхапуриса, аппасанна̄нам̣ ва̄ паса̄да̄йа…пе… еван̃ча пана, бхиккхаве, имам̣ сиккха̄падам̣ уддисеййа̄тха –

270. ‘‘йо пана бхиккху отин̣н̣о випарин̣атена читтена ма̄туга̄мена саддхим̣ ка̄йасам̣саггам̣ сама̄паджджеййа хаттхагга̄хам̣ ва̄ вен̣игга̄хам̣ ва̄ ан̃н̃атарасса ва̄ ан̃н̃атарасса ва̄ ан̇гасса пара̄масанам̣, сан̇гха̄дисесо’’ти.

271. йо пана̄ти йо йа̄дисо…пе… бхиккхӯти…пе… айам̣ имасмим̣ аттхе адхиппето бхиккхӯти.

отин̣н̣о на̄ма са̄ратто апеккхава̄ пат̣ибаддхачитто.

випарин̣атанти раттампи читтам̣ випарин̣атам̣. дут̣т̣хампи читтам̣ випарин̣атам̣. мӯл̣хампи читтам̣ випарин̣атам̣. апича, раттам̣ читтам̣ имасмим̣ аттхе адхиппетам̣ випарин̣атанти.

ма̄туга̄мо на̄ма манусситтхӣ, на йаккхӣ на петӣ, на тираччха̄нагата̄. антамасо тадахуджа̄та̄пи да̄рика̄, пагева махаттарӣ.

саддхинти екато.

ка̄йасам̣саггам̣ сама̄паджджеййа̄ти аджджха̄ча̄ро вуччати.

хаттхо на̄ма каппарам̣ упа̄да̄йам̣ йа̄ва агганакха̄.

вен̣ӣ на̄ма суддхакеса̄ ва̄, суттамисса̄ ва̄, ма̄ла̄мисса̄ ва̄, хиран̃н̃амисса̄ ва̄, суван̣н̣амисса̄ ва̄, мутта̄мисса̄ ва̄, ман̣имисса̄ ва̄.

ан̇гам̣ на̄ма хаттхан̃ча вен̣ин̃ча т̣хапетва̄ авасесам̣ ан̇гам̣ на̄ма.

272. а̄масана̄, пара̄масана̄, омасана̄, уммасана̄, олан̇гхана̄, уллан̇гхана̄, а̄кад̣д̣хана̄, патикад̣д̣хана̄, абхинигган̣хана̄, абхиниппӣл̣ана̄, гахан̣ам̣, чхупанам̣.

а̄масана̄ на̄ма а̄мат̣т̣хаматта̄.

пара̄масана̄ на̄ма иточито ча сам̣чопана̄.

омасана̄ на̄ма хет̣т̣ха̄ оропана̄.

уммасана̄ на̄ма уддхам̣ учча̄ран̣а̄.

олан̇гхана̄ на̄ма хет̣т̣ха̄ онамана̄.

уллан̇гхана̄ на̄ма уддхам̣ учча̄ран̣а̄.

а̄кад̣д̣хана̄ на̄ма а̄вин̃чхана̄ [а̄вин̃джана̄ (сӣ. сйа̄.)].

патикад̣д̣хана̄ на̄ма патиппан̣а̄мана̄.

абхинигган̣хана̄ на̄ма ан̇гам̣ гахетва̄ ниппӣл̣ана̄.

абхиниппӣл̣ана̄ на̄ма кеначи саха ниппӣл̣ана̄.

гахан̣ам̣ на̄ма гахитаматтам̣.

чхупанам̣ на̄ма пхут̣т̣хаматтам̣.

сан̇гха̄дисесоти…пе… тенапи вуччати сан̇гха̄дисесоти.

273. иттхӣ ча хоти иттхисан̃н̃ӣ са̄ратто ча бхиккху ча. нам̣ иттхийа̄ ка̄йена ка̄йам̣ а̄масати пара̄масати омасати уммасати олан̇гхети уллан̇гхети а̄кад̣д̣хати патикад̣д̣хати абхинигган̣ха̄ти абхиниппӣл̣ети ган̣ха̄ти чхупати, а̄патти сан̇гха̄дисесасса.

иттхӣ ча хоти вематико са̄ратто ча. бхиккху ча нам̣ иттхийа̄ ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти тхуллаччайасса.

иттхӣ ча хоти пан̣д̣акасан̃н̃ӣ са̄ратто ча. бхиккху ча нам̣ иттхийа̄ ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти тхуллаччайасса.

иттхӣ ча хоти пурисасан̃н̃ӣ са̄ратто ча. бхиккху ча нам̣ иттхийа̄ ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти тхуллаччайасса.

иттхӣ ча хоти тираччха̄нагатасан̃н̃ӣ са̄ратто ча. бхиккху ча нам̣ иттхийа̄ ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти тхуллаччайасса.

пан̣д̣ако ча хоти пан̣д̣акасан̃н̃ӣ са̄ратто ча. бхиккху ча нам̣ пан̣д̣акасса ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти тхуллаччайасса.

пан̣д̣ако ча хоти вематико са̄ратто ча. бхиккху ча нам̣ пан̣д̣акасса ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти дуккат̣асса.

пан̣д̣ако ча хоти пурисасан̃н̃ӣ са̄ратто ча. бхиккху ча нам̣ пан̣д̣акасса ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти дуккат̣асса.

пан̣д̣ако ча хоти тираччха̄нагатасан̃н̃ӣ са̄ратто ча. бхиккху ча нам̣ пан̣д̣акасса ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти дуккат̣асса.

пан̣д̣ако ча хоти иттхисан̃н̃ӣ са̄ратто ча. бхиккху ча нам̣ пан̣д̣акасса ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти дуккат̣асса.

пурисо ча хоти пурисасан̃н̃ӣ са̄ратто ча. бхиккху ча нам̣ пурисасса ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти дуккат̣асса.

пурисо ча хоти вематико…пе… пурисо ча хоти тираччха̄нагатасан̃н̃ӣ… пурисо ча хоти иттхисан̃н̃ӣ… пурисо ча хоти пан̣д̣акасан̃н̃ӣ са̄ратто ча. бхиккху ча нам̣ пурисасса ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти дуккат̣асса.

тираччха̄нагато ча хоти тираччха̄нагатасан̃н̃ӣ са̄ратто ча. бхиккху ча нам̣ тираччха̄нагатасса ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти дуккат̣асса.

тираччха̄нагато ча хоти вематико…пе… тираччха̄нагато ча хоти иттхисан̃н̃ӣ… тираччха̄нагато ча хоти пан̣д̣акасан̃н̃ӣ… тираччха̄нагато ча хоти. пурисасан̃н̃ӣ са̄ратто ча. бхиккху ча нам̣ тираччха̄нагатасса ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти дуккат̣асса.

екамӯлакам̣ нит̣т̣хитам̣.

274. две иттхийо двиннам̣ иттхӣнам̣ иттхисан̃н̃ӣ са̄ратто ча. бхиккху ча нам̣ двиннам̣ иттхӣнам̣ ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти двиннам̣ сан̇гха̄дисеса̄нам̣.

две иттхийо двиннам̣ иттхӣнам̣ вематико са̄ратто ча. бхиккху ча нам̣ двиннам̣ иттхӣнам̣ ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти двиннам̣ тхуллаччайа̄нам̣.

две иттхийо двиннам̣ иттхӣнам̣ пан̣д̣акасан̃н̃ӣ…пе… пурисасан̃н̃ӣ… тираччха̄нагатасан̃н̃ӣ са̄ратто ча. бхиккху ча двиннам̣ иттхӣнам̣ ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти двиннам̣ тхуллаччайа̄нам̣.

две пан̣д̣ака̄ двиннам̣ пан̣д̣ака̄нам̣ пан̣д̣акасан̃н̃ӣ са̄ратто ча бхиккху ча нам̣ двиннам̣ пан̣д̣ака̄нам̣ ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти двиннам̣ тхуллаччайа̄нам̣.

две пан̣д̣ака̄ двиннам̣ пан̣д̣ака̄нам̣ вематико…пе… пурисасан̃н̃ӣ… тираччха̄нагатасан̃н̃ӣ… иттхисан̃н̃ӣ са̄ратто ча. бхиккху ча нам̣ двиннам̣ пан̣д̣ака̄нам̣ ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти двиннам̣ дуккат̣а̄нам̣.

две пуриса̄ двиннам̣ пуриса̄нам̣ пурисасан̃н̃ӣ са̄ратто ча бхиккху ча нам̣ двиннам̣ пуриса̄нам̣ ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти двиннам̣ дуккат̣а̄нам̣.

две пуриса̄ двиннам̣ пуриса̄нам̣ вематико…пе… тираччха̄нагатасан̃н̃ӣ… иттхисан̃н̃ӣ… пан̣д̣акасан̃н̃ӣ са̄ратто ча. бхиккху ча нам̣ двиннам̣ пуриса̄нам̣ ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти двиннам̣ дуккат̣а̄нам̣.

две тираччха̄нагата̄ двиннам̣ тираччха̄нагата̄нам̣ тираччха̄нагатасан̃н̃ӣ са̄ратто ча. бхиккху ча нам̣ двиннам̣ тираччха̄нагата̄нам̣ ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти двиннам̣ дуккат̣а̄нам̣.

две тираччха̄нагата̄ двиннам̣ тираччха̄нагата̄нам̣ вематико…пе… иттхисан̃н̃ӣ… пан̣д̣акасан̃н̃ӣ … пурисасан̃н̃ӣ са̄ратто ча. бхиккху ча нам̣ двиннам̣ тираччха̄нагата̄нам̣ ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти двиннам̣ дуккат̣а̄нам̣.

275. иттхӣ ча пан̣д̣ако ча убхиннам̣ иттхисан̃н̃ӣ са̄ратто ча. бхиккху ча нам̣ убхиннам̣ ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти сан̇гха̄дисесена дуккат̣асса.

иттхӣ ча пан̣д̣ако ча убхиннам̣ вематико са̄ратто ча. бхиккху ча нам̣ убхиннам̣ ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти тхуллаччайена дуккат̣асса.

иттхӣ ча пан̣д̣ако ча убхиннам̣ пан̣д̣акасан̃н̃ӣ са̄ратто ча. бхиккху ча нам̣ убхиннам̣ ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти двиннам̣ тхуллаччайа̄нам̣.

иттхӣ ча пан̣д̣ако ча убхиннам̣ пурисасан̃н̃ӣ са̄ратто ча. бхиккху ча нам̣ убхиннам̣ ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти тхуллаччайена дуккат̣асса.

иттхӣ ча пан̣д̣ако ча убхиннам̣ тираччха̄нагатасан̃н̃ӣ са̄ратто ча. бхиккху ча нам̣ убхиннам̣ ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти тхуллаччайена дуккат̣асса.

иттхӣ ча пурисо ча убхиннам̣ иттхисан̃н̃ӣ са̄ратто ча. бхиккху ча нам̣ убхиннам̣ ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти сан̇гха̄дисесена дуккат̣асса.

иттхӣ ча пурисо ча убхиннам̣ вематико…пе… пан̣д̣акасан̃н̃ӣ… пурисасан̃н̃ӣ… тираччха̄нагатасан̃н̃ӣ са̄ратто ча. бхиккху ча нам̣ убхиннам̣ ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти тхуллаччайена дуккат̣асса.

иттхӣ ча тираччха̄нагато ча убхиннам̣ иттхисан̃н̃ӣ са̄ратто ча. бхиккху ча нам̣ убхиннам̣ ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти сан̇гха̄дисесена дуккат̣асса.

иттхӣ ча тираччха̄нагато ча убхиннам̣ вематико…пе… пан̣д̣акасан̃н̃ӣ… пурисасан̃н̃ӣ … тираччха̄нагатасан̃н̃ӣ са̄ратто ча. бхиккху ча нам̣ убхиннам̣ ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти тхуллаччайена дуккат̣асса.

пан̣д̣ако ча пурисо ча убхиннам̣ пан̣д̣акасан̃н̃ӣ са̄ратто ча. бхиккху ча нам̣ убхиннам̣ ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти тхуллаччайена дуккат̣асса.

пан̣д̣ако ча пурисо ча убхиннам̣ вематико…пе… пурисасан̃н̃ӣ… тираччха̄нагатасан̃н̃ӣ… иттхисан̃н̃ӣ са̄ратто ча. бхиккху ча нам̣ убхиннам̣ ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти двиннам̣ дуккат̣а̄нам̣.

пан̣д̣ако ча тираччха̄нагато ча убхиннам̣ пан̣д̣акасан̃н̃ӣ са̄ратто ча. бхиккху ча нам̣ убхиннам̣ ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти тхуллаччайена дуккат̣асса.

пан̣д̣ако ча тираччха̄нагато ча убхиннам̣ вематико…пе… пурисасан̃н̃ӣ… тираччха̄нагатасан̃н̃ӣ… иттхисан̃н̃ӣ са̄ратто ча. бхиккху ча нам̣ убхиннам̣ ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти двиннам̣ дуккат̣а̄нам̣.

пурисо ча тираччха̄нагато ча убхиннам̣ пурисасан̃н̃ӣ са̄ратто ча. бхиккху ча нам̣ убхиннам̣ ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти двиннам̣ дуккат̣а̄нам̣.

пурисо ча тираччха̄нагато ча убхиннам̣ вематико…пе… тираччха̄нагатасан̃н̃ӣ… иттхисан̃н̃ӣ… пан̣д̣акасан̃н̃ӣ са̄ратто ча. бхиккху ча нам̣ убхиннам̣ ка̄йена ка̄йам̣ а̄масати пара̄масати…пе… ган̣ха̄ти чхупати, а̄патти двиннам̣ дуккат̣а̄нам̣.

думӯлакам̣ нит̣т̣хитам̣.

276. иттхӣ ча хоти иттхисан̃н̃ӣ са̄ратто ча. бхиккху ча нам̣ иттхийа̄ ка̄йена ка̄йапат̣ибаддхам̣ а̄масати пара̄масати…пе… ган̣ха̄ти чхупати, а̄патти тхуллаччайасса…пе….

две иттхийо двиннам̣ иттхӣнам̣ иттхисан̃н̃ӣ са̄ратто ча. бхиккху ча нам̣ двиннам̣ иттхӣнам̣ ка̄йена ка̄йапат̣ибаддхам̣ а̄масати пара̄масати…пе… ган̣ха̄ти чхупати, а̄патти двиннам̣ тхуллаччайа̄нам̣ …пе….

иттхӣ ча пан̣д̣ако ча убхиннам̣ иттхисан̃н̃ӣ са̄ратто ча. бхиккху ча нам̣ убхиннам̣ ка̄йена ка̄йапат̣ибаддхам̣ а̄масати пара̄масати…пе… ган̣ха̄ти чхупати, а̄патти тхуллаччайена дуккат̣асса…пе….

иттхӣ ча хоти иттхисан̃н̃ӣ са̄ратто ча. бхиккху ча нам̣ иттхийа̄ ка̄йапат̣ибаддхена ка̄йам̣ а̄масати пара̄масати…пе… ган̣ха̄ти чхупати, а̄патти тхуллаччайасса…пе….

две иттхийо двиннам̣ иттхӣнам̣ иттхисан̃н̃ӣ са̄ратто ча. бхиккху ча нам̣ двиннам̣ иттхӣнам̣ ка̄йапат̣ибаддхена ка̄йам̣ а̄масати пара̄масати…пе… ган̣ха̄ти чхупати, а̄патти двиннам̣ тхуллаччайа̄нам̣…пе….

иттхӣ ча пан̣д̣ако ча убхиннам̣ иттхисан̃н̃ӣ са̄ратто ча. бхиккху ча нам̣ убхиннам̣ ка̄йапат̣ибаддхена ка̄йам̣ а̄масати пара̄масати…пе… ган̣ха̄ти чхупати, а̄патти тхуллаччайена дуккат̣асса…пе….

иттхӣ ча хоти иттхисан̃н̃ӣ са̄ратто ча. бхиккху ча нам̣ иттхийа̄ ка̄йапат̣ибаддхена ка̄йапат̣ибаддхам̣ а̄масати пара̄масати…пе… ган̣ха̄ти чхупати, а̄патти дуккат̣асса…пе….

две иттхийо двиннам̣ иттхӣнам̣ иттхисан̃н̃ӣ са̄ратто ча. бхиккху ча нам̣ двиннам̣ иттхӣнам̣ ка̄йапат̣ибаддхена ка̄йапат̣ибаддхам̣ а̄масати пара̄масати…пе… ган̣ха̄ти чхупати, а̄патти двиннам̣ дуккат̣а̄нам̣…пе….

иттхӣ ча пан̣д̣ако ча убхиннам̣ иттхисан̃н̃ӣ са̄ратто ча. бхиккху ча нам̣ убхиннам̣ ка̄йапат̣ибаддхена ка̄йапат̣ибаддхам̣ а̄масати пара̄масати…пе… ган̣ха̄ти чхупати, а̄патти двиннам̣ дуккат̣а̄нам̣…пе….

иттхӣ ча хоти иттхисан̃н̃ӣ са̄ратто ча. бхиккху ча нам̣ иттхийа̄ ниссаггийена ка̄йам̣ а̄масати а̄патти дуккат̣асса…пе….

две иттхийо двиннам̣ иттхӣнам̣ иттхисан̃н̃ӣ са̄ратто ча. бхиккху ча нам̣ двиннам̣ иттхӣнам̣ ниссаггийена ка̄йам̣ а̄масати, а̄патти двиннам̣ дуккат̣а̄нам̣…пе….

иттхӣ ча пан̣д̣ако ча убхиннам̣ иттхисан̃н̃ӣ са̄ратто ча. бхиккху ча нам̣ убхиннам̣ ниссаггийена ка̄йам̣ а̄масати, а̄патти двиннам̣ дуккат̣а̄нам̣…пе….

иттхӣ ча хоти иттхисан̃н̃ӣ са̄ратто ча. бхиккху ча нам̣ иттхийа̄ ниссаггийена ка̄йапат̣ибаддхам̣ а̄масати, а̄патти дуккат̣асса…пе….

две иттхийо двиннам̣ иттхӣнам̣ иттхисан̃н̃ӣ са̄ратто ча. бхиккху ча нам̣ двиннам̣ иттхӣнам̣ ниссаггийена ка̄йапат̣ибаддхам̣ а̄масати, а̄патти двиннам̣ дуккат̣а̄нам̣…пе….

иттхӣ ча пан̣д̣ако ча убхиннам̣ иттхисан̃н̃ӣ са̄ратто ча. бхиккху ча нам̣ убхиннам̣ ниссаггийена ка̄йапат̣ибаддхам̣ а̄масати, а̄патти двиннам̣ дуккат̣а̄нам̣…пе….

иттхӣ ча хоти иттхисан̃н̃ӣ са̄ратто ча. бхиккху ча нам̣ иттхийа̄ ниссаггийена ниссаггийам̣ а̄масати, а̄патти дуккат̣асса…пе….

две иттхийо двиннам̣ иттхӣнам̣ иттхисан̃н̃ӣ са̄ратто ча. бхиккху ча нам̣ двиннам̣ иттхӣнам̣ ниссаггийена ниссаггийам̣ а̄масати, а̄патти двиннам̣ дуккат̣а̄нам̣…пе….

иттхӣ ча пан̣д̣ако ча убхиннам̣ иттхисан̃н̃ӣ са̄ратто ча. бхиккху ча нам̣ убхиннам̣ ниссаггийена ниссаггийам̣ а̄масати, а̄патти двиннам̣ дуккат̣а̄нам̣…пе….

бхиккхупеййа̄ло нит̣т̣хито.

277. иттхӣ ча хоти иттхисан̃н̃ӣ са̄ратто ча. иттхӣ ча нам̣ бхиккхусса ка̄йена ка̄йам̣ а̄масати пара̄масати омасати уммасати олан̇гхети уллан̇гхети а̄кад̣д̣хати патикад̣д̣хати абхинигган̣ха̄ти абхиниппӣл̣ети ган̣ха̄ти чхупати, севана̄дхиппа̄йо ка̄йена ва̄йамати пхассам̣ пат̣ивиджа̄на̄ти, а̄патти сан̇гха̄дисесасса…пе….

две иттхийо двиннам̣ иттхӣнам̣ иттхисан̃н̃ӣ са̄ратто ча. иттхийо ча нам̣ бхиккхусса ка̄йена ка̄йам̣ а̄масанти пара̄масанти омасанти уммасанти олан̇гхенти уллан̇гхенти а̄кад̣д̣ханти патикад̣д̣ханти абхинигган̣ханти абхиниппӣл̣енти ган̣ханти чхупанти, севана̄дхиппа̄йо ка̄йена ва̄йамати пхассам̣ пат̣ивиджа̄на̄ти, а̄патти двиннам̣ сан̇гха̄дисеса̄нам̣…пе….

иттхӣ ча пан̣д̣ако ча убхиннам̣ иттхисан̃н̃ӣ са̄ратто ча. убхо ча нам̣ бхиккхусса ка̄йена ка̄йам̣ а̄масанти пара̄масанти…пе… ган̣ханти чхупанти, севана̄дхиппа̄йо ка̄йена ва̄йамати пхассам̣ пат̣ивиджа̄на̄ти, а̄патти сан̇гха̄дисесена дуккат̣асса…пе….

иттхӣ ча хоти иттхисан̃н̃ӣ са̄ратто ча. иттхӣ ча нам̣ бхиккхусса ка̄йена ка̄йапат̣ибаддхам̣ а̄масати пара̄масати…пе… ган̣ха̄ти чхупати, севана̄дхиппа̄йо ка̄йена ва̄йамати пхассам̣ пат̣ивиджа̄на̄ти, а̄патти тхуллаччайасса…пе….

две иттхийо двиннам̣ иттхӣнам̣ иттхисан̃н̃ӣ са̄ратто ча. иттхийо ча нам̣ бхиккхусса ка̄йена ка̄йапат̣ибаддхам̣ а̄масанти пара̄масанти…пе… ган̣ханти чхупанти, севана̄дхиппа̄йо ка̄йена ва̄йамати пхассам̣ пат̣ивиджа̄на̄ти, а̄патти двиннам̣ тхуллаччайа̄нам̣…пе….

иттхӣ ча пан̣д̣ако ча убхиннам̣ иттхисан̃н̃ӣ са̄ратто ча. убхо ча нам̣ бхиккхусса ка̄йена ка̄йапат̣ибаддхам̣ а̄масанти пара̄масанти…пе… ган̣ханти чхупанти, севана̄дхиппа̄йо ка̄йена ва̄йамати пхассам̣ пат̣ивиджа̄на̄ти, а̄патти тхуллаччайена дуккат̣асса…пе….

иттхӣ ча хоти иттхисан̃н̃ӣ са̄ратто ча. иттхӣ ча нам̣ бхиккхусса ка̄йапат̣ибаддхена ка̄йам̣ а̄масати пара̄масати…пе… ган̣ха̄ти чхупати севана̄дхиппа̄йо ка̄йена ва̄йамати пхассам̣ пат̣ивиджа̄на̄ти, а̄патти тхуллаччайасса…пе….

две иттхийо двиннам̣ иттхӣнам̣ иттхисан̃н̃ӣ са̄ратто ча. иттхийо ча нам̣ бхиккхусса ка̄йапат̣ибаддхена ка̄йам̣ а̄масанти пара̄масанти…пе… ган̣ханти чхупанти, севана̄дхиппа̄йо ка̄йена ва̄йамати пхассам̣ пат̣ивиджа̄на̄ти, а̄патти двиннам̣ тхуллаччайа̄нам̣…пе….

иттхӣ ча пан̣д̣ако ча убхиннам̣ иттхисан̃н̃ӣ са̄ратто ча. убхо ча нам̣ бхиккхусса ка̄йапат̣ибаддхена ка̄йам̣ а̄масанти пара̄масанти…пе… ган̣ханти чхупанти, севана̄дхиппа̄йо ка̄йена ва̄йамати пхассам̣ пат̣ивиджа̄на̄ти, а̄патти тхуллаччайена дуккат̣асса…пе….

278. иттхӣ ча хоти иттхисан̃н̃ӣ са̄ратто ча. иттхӣ ча нам̣ бхиккхусса ка̄йапат̣ибаддхена ка̄йапат̣ибаддхам̣ а̄масати пара̄масати…пе… ган̣ха̄ти чхупати, севана̄дхиппа̄йо ка̄йена ва̄йамати пхассам̣ пат̣ивиджа̄на̄ти, а̄патти дуккат̣асса…пе….

две иттхийо двиннам̣ иттхӣнам̣ иттхисан̃н̃ӣ са̄ратто ча. иттхийо ча нам̣ бхиккхусса ка̄йапат̣ибаддхена ка̄йапат̣ибаддхам̣ а̄масанти пара̄масанти…пе… ган̣ханти чхупанти, севана̄дхиппа̄йо ка̄йена ва̄йамати пхассам̣ пат̣ивиджа̄на̄ти, а̄патти двиннам̣ дуккат̣а̄нам̣…пе….

иттхӣ ча пан̣д̣ако ча убхиннам̣ иттхисан̃н̃ӣ са̄ратто ча. убхо ча нам̣ бхиккхусса ка̄йапат̣ибаддхена ка̄йапат̣ибаддхам̣ а̄масанти пара̄масанти…пе… ган̣ханти чхупанти, севана̄дхиппа̄йо ка̄йена ва̄йамати пхассам̣ пат̣ивиджа̄на̄ти, а̄патти двиннам̣ дуккат̣а̄нам̣…пе….

иттхӣ ча хоти иттхисан̃н̃ӣ са̄ратто ча. иттхӣ ча нам̣ бхиккхусса ниссаггийена ка̄йам̣ а̄масати. севана̄дхиппа̄йо ка̄йена ва̄йамати пхассам̣ пат̣ивиджа̄на̄ти, а̄патти дуккат̣асса…пе….

две иттхийо двиннам̣ иттхӣнам̣ иттхисан̃н̃ӣ са̄ратто ча. иттхийо ча нам̣ бхиккхусса ниссаггийена ка̄йам̣ а̄масанти. севана̄дхиппа̄йо ка̄йена ва̄йамати пхассам̣ пат̣ивиджа̄на̄ти, а̄патти двиннам̣ дуккат̣а̄нам̣…пе….

иттхӣ ча пан̣д̣ако ча убхиннам̣ иттхисан̃н̃ӣ са̄ратто ча. убхо ча нам̣ бхиккхусса ниссаггийена ка̄йам̣ а̄масанти. севана̄дхиппа̄йо ка̄йена ва̄йамати пхассам̣ пат̣ивиджа̄на̄ти, а̄патти двиннам̣ дуккат̣а̄нам̣…пе….

иттхӣ ча хоти иттхисан̃н̃ӣ са̄ратто ча. иттхӣ ча нам̣ бхиккхусса ниссаггийена ка̄йапат̣ибаддхам̣ а̄масати. севана̄дхиппа̄йо ка̄йена ва̄йамати пхассам̣ пат̣ивиджа̄на̄ти, а̄патти дуккат̣асса…пе….

две иттхийо двиннам̣ иттхӣнам̣ иттхисан̃н̃ӣ са̄ратто ча. иттхийо ча нам̣ бхиккхусса ниссаггийена ка̄йапат̣ибаддхам̣ а̄масанти. севана̄дхиппа̄йо ка̄йена ва̄йамати пхассам̣ пат̣ивиджа̄на̄ти, а̄патти двиннам̣ дуккат̣а̄нам̣…пе….

иттхӣ ча пан̣д̣ако ча убхиннам̣ иттхисан̃н̃ӣ са̄ратто ча. убхо ча нам̣ бхиккхусса ниссаггийена ка̄йапат̣ибаддхам̣ а̄масанти. севана̄дхиппа̄йо ка̄йена ва̄йамати пхассам̣ пат̣ивиджа̄на̄ти, а̄патти двиннам̣ дуккат̣а̄нам̣…пе….

иттхӣ ча хоти иттхисан̃н̃ӣ са̄ратто ча. иттхӣ ча нам̣ бхиккхусса ниссаггийена ниссаггийам̣ а̄масати. севана̄дхиппа̄йо ка̄йена ва̄йамати, на ча пхассам̣ пат̣ивиджа̄на̄ти, а̄патти дуккат̣асса…пе….

две иттхийо двиннам̣ иттхӣнам̣ иттхисан̃н̃ӣ са̄ратто ча. иттхийо ча нам̣ бхиккхусса ниссаггийена ниссаггийам̣ а̄масанти. севана̄дхиппа̄йо ка̄йена ва̄йамати, на ча пхассам̣ пат̣ивиджа̄на̄ти, а̄патти двиннам̣ дуккат̣а̄нам̣…пе….

иттхӣ ча пан̣д̣ако ча убхиннам̣ иттхисан̃н̃ӣ са̄ратто ча. убхо ча нам̣ бхиккхусса ниссаггийена ниссаггийам̣ а̄масанти. севана̄дхиппа̄йо ка̄йена ва̄йамати, на ча пхассам̣ пат̣ивиджа̄на̄ти, а̄патти двиннам̣ дуккат̣а̄нам̣…пе….

279. севана̄дхиппа̄йо ка̄йена ва̄йамати пхассам̣ пат̣ивиджа̄на̄ти, а̄патти сан̇гха̄дисесасса.

севана̄дхиппа̄йо ка̄йена ва̄йамати, на ча пхассам̣ пат̣ивиджа̄на̄ти, а̄патти дуккат̣асса.

севана̄дхиппа̄йо на ча ка̄йена ва̄йамати, пхассам̣ пат̣ивиджа̄на̄ти, ана̄патти.

севана̄дхиппа̄йо на ча ка̄йена ва̄йамати, на ча пхассам̣ пат̣ивиджа̄на̄ти, ана̄патти.

моккха̄дхиппа̄йо ка̄йена ва̄йамати, пхассам̣ пат̣ивиджа̄на̄ти, ана̄патти.

моккха̄дхиппа̄йо ка̄йена ва̄йамати, на ча пхассам̣ пат̣ивиджа̄на̄ти, ана̄патти.

моккха̄дхиппа̄йо на ча ка̄йена ва̄йамати, пхассам̣ пат̣ивиджа̄на̄ти, ана̄патти.

моккха̄дхиппа̄йо на ча ка̄йена ва̄йамати, на ча пхассам̣ пат̣ивиджа̄на̄ти, ана̄патти.

280. ана̄патти асан̃чичча, асатийа̄, аджа̄нантасса, аса̄дийантасса, умматтакасса, кхиттачиттасса, ведана̄т̣т̣асса, а̄дикаммикасса̄ти.

винӣтаваттхуудда̄нага̄тха̄

ма̄та̄ дхӣта̄ бхагинӣ ча, джа̄йа̄ йаккхӣ ча пан̣д̣ако;

сутта̄ мата̄ тираччха̄на̄, да̄рудхиталика̄йа ча.

сампӣл̣е сан̇камо магго, руккхо на̄ва̄ ча раджджу ча;

дан̣д̣о паттам̣ пан̣а̄меси, ванде ва̄йами наччхупети.

винӣтаваттху

281. тена кхо пана самайена ан̃н̃атаро бхиккху ма̄туйа̄ ма̄тупемена а̄маси. тасса куккуччам̣ ахоси – ‘‘бхагавата̄ сиккха̄падам̣ пан̃н̃аттам̣, каччи ну кхо ахам̣ сан̇гха̄дисесам̣ а̄паттим̣ а̄панно’’ти? бхагавато етаматтхам̣ а̄рочеси. ‘‘ана̄патти, бхиккху, сан̇гха̄дисесасса; а̄патти дуккат̣асса̄’’ти.

тена кхо пана самайена ан̃н̃атаро бхиккху дхӣтуйа̄ дхӣтупемена а̄маси…пе… бхагинийа̄ бхагинипемена а̄маси. тасса куккуччам̣ ахоси…пе… ‘‘ана̄патти, бхиккху, сан̇гха̄дисесасса; а̄патти дуккат̣асса̄’’ти.

тена кхо пана самайена ан̃н̃атаро бхиккху пура̄н̣адутийика̄йа ка̄йасам̣саггам̣ сама̄паджджи. тасса куккуччам̣ ахоси…пе… ‘‘а̄паттим̣ твам̣, бхиккху, а̄панно сан̇гха̄дисеса’’нти.

тена кхо пана самайена ан̃н̃атаро бхиккху йаккхинийа̄ ка̄йасам̣саггам̣ сама̄паджджи. тасса куккуччам̣ ахоси…пе… ‘‘ана̄патти, бхиккху, сан̇гха̄дисесасса; а̄патти тхуллаччайасса̄’’ти.

тена кхо пана самайена ан̃н̃атаро бхиккху пан̣д̣акасса ка̄йасам̣саггам̣ сама̄паджджи. тасса куккуччам̣ ахоси…пе… ‘‘ана̄патти, бхиккху, сан̇гха̄дисесасса; а̄патти тхуллаччайасса̄’’ти.

тена кхо пана самайена ан̃н̃атаро бхиккху суттиттхийа̄ ка̄йасам̣саггам̣ сама̄паджджи. тасса куккуччам̣ ахоси…пе… ‘‘а̄паттим̣ твам̣, бхиккху, а̄панно сан̇гха̄дисеса’’нти.

тена кхо пана самайена ан̃н̃атаро бхиккху матиттхийа̄ ка̄йасам̣саггам̣ сама̄паджджи. тасса куккуччам̣ ахоси…пе… ‘‘ана̄патти, бхиккху, сан̇гха̄дисесасса; а̄патти тхуллаччайасса̄’’ти.

тена кхо пана самайена ан̃н̃атаро бхиккху тираччха̄нагатиттхийа̄ ка̄йасам̣саггам̣ сама̄паджджи. тасса куккуччам̣ ахоси…пе… ‘‘ана̄патти, бхиккху, сан̇гха̄дисесасса; а̄патти дуккат̣асса̄’’ти.

тена кхо пана самайена ан̃н̃атаро бхиккху да̄рудхӣталика̄йа ка̄йасам̣саггам̣ сама̄паджджи. тасса куккуччам̣ ахоси…пе… ‘‘ана̄патти, бхиккху, сан̇гха̄дисесасса; а̄патти дуккат̣асса̄’’ти.

282. тена кхо пана самайена самбахула̄ иттхийо ан̃н̃атарам̣ бхиккхум̣ сампӣл̣етва̄ ба̄ха̄парампара̄йа а̄несум̣. тасса куккуччам̣ ахоси…пе… ‘‘са̄дийи твам̣, бхиккхӯ’’ти? ‘‘на̄хам̣, бхагава̄, са̄дийи’’нти. ‘‘ана̄патти, бхиккхӯ, аса̄дийантасса̄’’ти.

тена кхо пана самайена ан̃н̃атаро бхиккху иттхийа̄ абхирӯл̣хам̣ сан̇камам̣ са̄ратто сан̃ча̄леси. тасса куккуччам̣ ахоси…пе… ‘‘ана̄патти, бхиккху, сан̇гха̄дисесасса; а̄патти дуккат̣асса̄’’ти.

тена кхо пана самайена ан̃н̃атаро бхиккху иттхим̣ пат̣ипатхе пасситва̄ са̄ратто ам̣сакӯт̣ена паха̄рам̣ ада̄си. тасса куккуччам̣ ахоси…пе… ‘‘а̄паттим̣ твам̣, бхиккху, а̄панно сан̇гха̄дисеса’’нти.

тена кхо пана самайена ан̃н̃атаро бхиккху иттхийа̄ абхирӯл̣хам̣ руккхам̣ са̄ратто сан̃ча̄леси. тасса куккуччам̣ ахоси…пе… ‘‘ана̄патти, бхиккху, сан̇гха̄дисесасса; а̄патти дуккат̣асса̄’’ти.

тена кхо пана самайена ан̃н̃атаро бхиккху иттхийа̄ абхирӯл̣хам̣ на̄вам̣ са̄ратто сан̃ча̄леси. тасса куккуччам̣ ахоси…пе… ‘‘ана̄патти, бхиккху, сан̇гха̄дисесасса; а̄патти дуккат̣асса̄’’ти.

тена кхо пана самайена ан̃н̃атаро бхиккху иттхийа̄ гахитам̣ раджджум̣ са̄ратто а̄вин̃чхи [а̄вин̃джи (сӣ. сйа̄.)]. тасса куккуччам̣ ахоси…пе… ‘‘ана̄патти, бхиккху, сан̇гха̄дисесасса; а̄патти тхуллаччайасса̄’’ти.

тена кхо пана самайена ан̃н̃атаро бхиккху иттхийа̄ гахитам̣ дан̣д̣ам̣ са̄ратто а̄вин̃чхи. тасса куккуччам̣ ахоси…пе… ‘‘ана̄патти, бхиккху, сан̇гха̄дисесасса; а̄патти тхуллаччайасса̄’’ти.

тена кхо пана самайена ан̃н̃атаро бхиккху са̄ратто иттхим̣ паттена пан̣а̄меси. тасса куккуччам̣ ахоси…пе… ‘‘ана̄патти, бхиккху, сан̇гха̄дисесасса; а̄патти тхуллаччайасса̄’’ти.

тена кхо пана самайена ан̃н̃атаро бхиккху иттхийа̄ вандантийа̄ са̄ратто па̄дам̣ учча̄реси. тасса куккуччам̣ ахоси…пе… ‘‘а̄паттим̣ твам̣, бхиккху, а̄панно сан̇гха̄дисеса’’нти.

тена кхо пана самайена ан̃н̃атаро бхиккху иттхим̣ гахесса̄мӣти ва̄йамитва̄ на чхупи.

тасса куккуччам̣ ахоси…пе… ‘‘ана̄патти, бхиккху, сан̇гха̄дисесасса; а̄патти дуккат̣асса̄’’ти.

ка̄йасам̣саггасиккха̄падам̣ нит̣т̣хитам̣ дутийам̣.