4. чатуттхапа̄ра̄джикам̣

193. [идам̣ ваттху па̄чи. 67] тена самайена буддхо бхагава̄ веса̄лийам̣ вихарати маха̄ване кӯт̣а̄га̄раса̄ла̄йам̣. тена кхо пана самайена самбахула̄ сандит̣т̣ха̄ самбхатта̄ бхиккхӯ ваггумуда̄йа надийа̄ тӣре вассам̣ упагаччхим̣су. тена кхо пана самайена ваджджӣ дуббхиккха̄ хоти двӣхитика̄ сетат̣т̣хика̄ сала̄ка̄вутта̄, на сукара̄ ун̃чхена паггахена йа̄петум̣. атха кхо тесам̣ бхиккхӯнам̣ етадахоси – ‘‘етарахи кхо ваджджӣ дуббхиккха̄ двӣхитика̄ сетат̣т̣хика̄ сала̄ка̄вутта̄, на сукара̄ ун̃чхена паггахена йа̄петум̣. кена ну кхо майам̣ упа̄йена самагга̄ саммодама̄на̄ авивадама̄на̄ пха̄сукам̣ вассам̣ васеййа̄ма, на ча пин̣д̣акена киламеййа̄ма̄’’ти? екачче евама̄хам̣су – ‘‘ханда майам̣, а̄вусо, гихӣнам̣ каммантам̣ адхит̣т̣хема, евам̣ те амха̄кам̣ да̄тум̣ ман̃н̃иссанти. евам̣ майам̣ самагга̄ саммодама̄на̄ авивадама̄на̄ пха̄сукам̣ вассам̣ васисса̄ма, на ча пин̣д̣акена киламисса̄ма̄’’ти. екачче евама̄хам̣су – ‘‘алам̣, а̄вусо, ким̣ гихӣнам̣ каммантам̣ адхит̣т̣хитена! ханда майам̣, а̄вусо, гихӣнам̣ дӯтеййам̣ хара̄ма, евам̣ те амха̄кам̣ да̄тум̣ ман̃н̃иссанти. евам̣ майам̣ самагга̄ саммодама̄на̄ авивадама̄на̄ пха̄сукам̣ вассам̣ васисса̄ма, на ча пин̣д̣акена киламисса̄ма̄’’ти. екачче евама̄хам̣су – ‘‘алам̣, а̄вусо, ким̣ гихӣнам̣ каммантам̣ адхит̣т̣хитена! ким̣ гихӣнам̣ дӯтеййам̣ хат̣ена! ханда майам̣, а̄вусо, гихӣнам̣ ан̃н̃аман̃н̃асса уттаримануссадхаммасса ван̣н̣ам̣ бха̄сисса̄ма – ‘асуко бхиккху пат̣хамасса джха̄насса ла̄бхӣ, асуко бхиккху дутийасса джха̄насса ла̄бхӣ, асуко бхиккху татийасса джха̄насса ла̄бхӣ, асуко бхиккху чатуттхасса джха̄насса ла̄бхӣ, асуко бхиккху сота̄панно, асуко бхиккху сакада̄га̄мӣ, асуко бхиккху ана̄га̄мӣ, асуко бхиккху араха̄, асуко бхиккху тевиджджо, асуко бхиккху чхал̣абхин̃н̃о’ти. евам̣ те амха̄кам̣ да̄тум̣ ман̃н̃иссанти. евам̣ майам̣ самагга̄ саммодама̄на̄ авивадама̄на̄ пха̄сукам̣ вассам̣ васисса̄ма, на ча пин̣д̣акена киламисса̄ма̄’’ти. ‘‘есойева кхо, а̄вусо, сеййо йо амха̄кам̣ гихӣнам̣ ан̃н̃аман̃н̃асса уттаримануссадхаммасса ван̣н̣о бха̄сито’’ти.

194. атха кхо те бхиккхӯ гихӣнам̣ ан̃н̃аман̃н̃асса уттаримануссадхаммасса ван̣н̣ам̣ бха̄сим̣су – ‘‘асуко бхиккху пат̣хамасса джха̄насса ла̄бхӣ…пе… асуко бхиккху чхал̣абхин̃н̃о’’ти. атха кхо те манусса̄ – ‘‘ла̄бха̄ вата но, суладдхам̣ вата но, йесам̣ вата но еварӯпа̄ бхиккхӯ вассам̣ упагата̄; на вата но ито пуббе еварӯпа̄ бхиккхӯ вассам̣ упагата̄ йатхайиме бхиккхӯ сӣлаванто калйа̄н̣адхамма̄’’ти, те на та̄диса̄ни бходжана̄ни аттана̄ парибхун̃джанти ма̄та̄питӯнам̣ денти путтада̄расса денти да̄сакаммакарапорисасса денти митта̄мачча̄нам̣ денти н̃а̄тиса̄лохита̄нам̣ денти, йа̄диса̄ни бхиккхӯнам̣ денти. те на та̄диса̄ни кха̄данӣйа̄ни са̄йанӣйа̄ни па̄на̄ни аттана̄ кха̄данти са̄йанти пиванти ма̄та̄питӯнам̣ денти путтада̄расса денти да̄сакаммакарапорисасса денти митта̄мачча̄нам̣ денти н̃а̄тиса̄лохита̄нам̣ денти, йа̄диса̄ни бхиккхӯнам̣ денти. атха кхо те бхиккхӯ ван̣н̣ава̄ ахесум̣ пӣн̣индрийа̄ пасаннамукхаван̣н̣а̄ виппасанначхавиван̣н̣а̄.

а̄чин̣н̣ам̣ кхо панетам̣ вассам̣вут̣т̣ха̄нам̣ бхиккхӯнам̣ бхагавантам̣ дассана̄йа упасан̇камитум̣. атха кхо те бхиккхӯ вассам̣вут̣т̣ха̄ тема̄саччайена сена̄санам̣ сам̣са̄метва̄ паттачӣварам̣ а̄да̄йа йена веса̄лӣ тена паккамим̣су. анупуббена йена веса̄лӣ маха̄ванам̣ кӯт̣а̄га̄раса̄ла̄ йена бхагава̄ тенупасан̇камим̣су; упасан̇камитва̄ бхагавантам̣ абхива̄детва̄ екамантам̣ нисӣдим̣су.

тена кхо пана самайена диса̄су вассам̣вут̣т̣ха̄ бхиккхӯ киса̄ хонти лӯкха̄ дуббан̣н̣а̄ уппан̣д̣уппан̣д̣укаджа̄та̄ дхаманисантхатагатта̄; ваггумуда̄тӣрийа̄ пана бхиккхӯ ван̣н̣ава̄ хонти пӣн̣индрийа̄ пасаннамукхаван̣н̣а̄ виппасанначхавиван̣н̣а̄. а̄чин̣н̣ам̣ кхо панетам̣ буддха̄нам̣ бхагаванта̄нам̣ а̄гантукехи бхиккхӯхи саддхим̣ пат̣исаммодитум̣. атха кхо бхагава̄ ваггумуда̄тӣрийе бхиккхӯ етадавоча – ‘‘каччи, бхиккхаве, кхаманӣйам̣ каччи йа̄панӣйам̣ каччи самагга̄ саммодама̄на̄ авивадама̄на̄ пха̄сукам̣ вассам̣ васиттха на ча пин̣д̣акена киламиттха̄’’ти? ‘‘кхаманӣйам̣, бхагава̄, йа̄панӣйам̣, бхагава̄. самагга̄ ча майам̣, бханте, саммодама̄на̄ авивадама̄на̄ пха̄сукам̣ вассам̣ васимха̄, на ча пин̣д̣акена киламимха̄’’ти. джа̄нанта̄пи татха̄гата̄ пуччханти, джа̄нанта̄пи на пуччханти…пе… двӣха̄ка̄рехи буддха̄ бхагаванто бхиккхӯ пат̣ипуччханти – дхаммам̣ ва̄ десесса̄ма, са̄вака̄нам̣ ва̄ сиккха̄падам̣ пан̃н̃а̄песса̄ма̄ти. атха кхо бхагава̄ ваггумуда̄тӣрийе бхиккхӯ етадавоча – ‘‘йатха̄ катхам̣ пана тумхе, бхиккхаве, самагга̄ саммодама̄на̄ авивадама̄на̄ пха̄сукам̣ вассам̣ васиттха на ча пин̣д̣акена киламиттха̄’’ти? атха кхо те бхиккхӯ бхагавато етаматтхам̣ а̄рочесум̣ – ‘‘каччи пана во, бхиккхаве, бхӯта’’нти? ‘‘абхӯтам̣, бхагава̄’’ти. вигарахи буддхо бхагава̄ – ‘‘анануччхавикам̣, могхапуриса̄, анануломикам̣ аппатирӯпам̣ асса̄ман̣акам̣ акаппийам̣ акаран̣ӣйам̣. катхан̃хи на̄ма тумхе, могхапуриса̄, ударасса ка̄ран̣а̄ гихӣнам̣ ан̃н̃аман̃н̃асса уттаримануссадхаммасса ван̣н̣ам̣ бха̄сиссатха! варам̣ тумхехи, могхапуриса̄, тин̣хена говикантанена [говикаттанена (сӣ. ка.)] куччхим̣ париканто, на твева ударасса ка̄ран̣а̄ гихӣнам̣ ан̃н̃аман̃н̃асса уттаримануссадхаммасса ван̣н̣о бха̄сито! там̣ кисса хету? тато нида̄нан̃хи, могхапуриса̄, маран̣ам̣ ва̄ нигаччхеййа маран̣аматтам̣ ва̄ дуккхам̣, на твева таппаччайа̄ ка̄йасса бхеда̄ парам̣ маран̣а̄ апа̄йам̣ дуггатим̣ винипа̄там̣ нирайам̣ упападжджейа. ито нида̄нан̃ча кхо, могхапуриса̄, ка̄йасса бхеда̄ парам̣ маран̣а̄ апа̄йам̣ дуггатим̣ винипа̄там̣ нирайам̣ упападжджеййа. нетам̣, могхапуриса̄, аппасанна̄нам̣ ва̄ паса̄да̄йа’’…пе… вигарахитва̄ дхаммим̣ катхам̣ катва̄ бхиккхӯ а̄мантеси –

195. ‘‘пан̃чиме, бхиккхаве, маха̄чора̄ санто сам̣виджджама̄на̄ локасмим̣. катаме пан̃ча? идха, бхиккхаве, екаччасса маха̄чорасса евам̣ хоти – ‘куда̄ссу на̄ма̄хам̣ сатена ва̄ сахассена ва̄ паривуто га̄манигамара̄джадха̄нӣсу а̄хин̣д̣исса̄ми хананто гха̄тенто чхинданто чхеда̄пенто пачанто па̄ченто’ти! со апарена самайена сатена ва̄ сахассена ва̄ паривуто га̄манигамара̄джадха̄нӣсу а̄хин̣д̣ати хананто гха̄тенто чхинданто чхеда̄пенто пачанто па̄ченто. евамева кхо, бхиккхаве, идхекаччасса па̄пабхиккхуно евам̣ хоти – ‘куда̄ссу на̄ма̄хам̣ сатена ва̄ сахассена ва̄ паривуто га̄манигамара̄джадха̄нӣсу ча̄рикам̣ чарисса̄ми саккато гарукато ма̄нито пӯджито апачито гахат̣т̣ха̄нан̃чева паббаджита̄нан̃ча, ла̄бхӣ чӣварапин̣д̣апа̄тасена̄санагила̄наппаччайабхесаджджапариккха̄ра̄на’нти! со апарена самайена сатена ва̄ сахассена ва̄ паривуто га̄манигамара̄джадха̄нӣсу ча̄рикам̣ чарати саккато гарукато ма̄нито пӯджито апачито гахат̣т̣ха̄нан̃чева паббаджита̄нан̃ча, ла̄бхӣ чӣварапин̣д̣апа̄тасена̄санагила̄наппаччайабхесаджджапариккха̄ра̄нам̣. айам̣, бхиккхаве, пат̣хамо маха̄чоро санто сам̣виджджама̄но локасмим̣.

‘‘пуна чапарам̣, бхиккхаве, идхекаччо па̄пабхиккху татха̄гатаппаведитам̣ дхаммавинайам̣ парийа̄пун̣итва̄ аттано дахати. айам̣, бхиккхаве, дутийо маха̄чоро санто сам̣виджджама̄но локасмим̣.

‘‘пуна чапарам̣, бхиккхаве, идхекаччо па̄пабхиккху суддхам̣ брахмача̄рим̣ парисуддхам̣ брахмачарийам̣ чарантам̣ амӯлакена абрахмачарийена ануддхам̣сети. айам̣, бхиккхаве, татийо маха̄чоро санто сам̣виджджама̄но локасмим̣.

‘‘пуна чапарам̣, бхиккхаве, идхекаччо па̄пабхиккху йа̄ни та̄ни сан̇гхасса гарубхан̣д̣а̄ни гарупариккха̄ра̄ни, сеййатхидам̣ – а̄ра̄мо а̄ра̄маваттху виха̄ро виха̄раваттху ман̃чо пӣт̣хам̣ бхиси бимбоханам̣ [бимбоханам̣ (сӣ. сйа̄.)] лохакумбхӣ лохабха̄н̣акам̣ лохава̄рако лохакат̣а̄хам̣ ва̄сӣ парасу [пхарасу (сӣ. сйа̄.)] кут̣ха̄рӣ куда̄ло никха̄данам̣ валли вел̣у мун̃джам̣ паббаджам̣ тин̣ам̣ маттика̄ да̄рубхан̣д̣ам̣ маттика̄бхан̣д̣ам̣, техи гихӣм̣ сан̇ган̣ха̄ти упала̄пети. айам̣, бхиккхаве, чатуттхо маха̄чоро санто сам̣виджджама̄но локасмим̣.

‘‘садеваке, бхиккхаве, локе сама̄раке сабрахмаке сассаман̣абра̄хман̣ийа̄ паджа̄йа садеваманусса̄йа айам̣ агго маха̄чоро йо асантам̣ абхӯтам̣ уттаримануссадхаммам̣ уллапати. там̣ кисса хету? тхеййа̄йа во, бхиккхаве, рат̣т̣хапин̣д̣о бхутто’’ти.

[сам̣. ни. 1.35] ан̃н̃атха̄ сантаматта̄нам̣, ан̃н̃атха̄ йо паведайе;

никачча китавассева, бхуттам̣ тхеййена тасса там̣.

[дха. па. 307 дхаммападепи] ка̄са̄вакан̣т̣ха̄ бахаво, па̄падхамма̄ асан̃н̃ата̄;

па̄па̄ па̄пехи каммехи, нирайам̣ те упападжджаре.

[дха. па. 307 дхаммападепи] сеййо айогул̣о бхутто, татто аггисикхӯпамо;

йан̃че бхун̃джеййа дуссӣло, рат̣т̣хапин̣д̣ам̣ асан̃н̃атоти.

атха кхо бхагава̄ те ваггумуда̄тӣрийе бхиккхӯ анекапарийа̄йена вигарахитва̄ дуббхарата̄йа дуппосата̄йа…пе… еван̃ча пана, бхиккхаве, имам̣ сиккха̄падам̣ уддисеййа̄тха –

‘‘йо пана бхиккху анабхиджа̄нам̣ уттаримануссадхаммам̣ аттупана̄йикам̣ аламарийан̃а̄н̣адассанам̣ самуда̄чареййа – ‘ити джа̄на̄ми ити пасса̄мӣ’ти, тато апарена самайена саманугга̄хӣйама̄но ва̄ асаманугга̄хӣйама̄но ва̄ а̄панно висуддха̄пеккхо евам̣ вадеййа – ‘аджа̄намевам̣, а̄вусо, авачам̣ джа̄на̄ми, апассам̣ пасса̄ми. туччхам̣ муса̄ вилапи’нти, айампи па̄ра̄джико хоти асам̣ва̄со’’ти.

еван̃чидам̣ бхагавата̄ бхиккхӯнам̣ сиккха̄падам̣ пан̃н̃аттам̣ хоти.

196. тена кхо пана самайена самбахула̄ бхиккхӯ адит̣т̣хе дит̣т̣хасан̃н̃ино апатте паттасан̃н̃ино анадхигате адхигатасан̃н̃ино асаччхикате саччхикатасан̃н̃ино адхима̄нена ан̃н̃ам̣ бйа̄карим̣су. тесам̣ апарена самайена ра̄га̄йапи читтам̣ намати доса̄йапи читтам̣ намати моха̄йапи читтам̣ намати. тесам̣ куккуччам̣ ахоси – ‘‘бхагавата̄ сиккха̄падам̣ пан̃н̃аттам̣. майан̃чамха адит̣т̣хе дит̣т̣хасан̃н̃ино апатте паттасан̃н̃ино анадхигате адхигатасан̃н̃ино асаччхикате саччхикатасан̃н̃ино, адхима̄нена ан̃н̃ам̣ бйа̄каримха̄. каччи ну кхо майам̣ па̄ра̄джикам̣ а̄паттим̣ а̄панна̄’’ти? те а̄йасмато а̄нандасса етаматтхам̣ а̄рочесум̣. а̄йасма̄ а̄нандо бхагавато етаматтхам̣ а̄рочеси. ‘‘хонти йе те, а̄нанда [хонти йева̄нанда (сйа̄.), хонти те а̄нанда (сӣ.)], бхиккхӯ адит̣т̣хе дит̣т̣хасан̃н̃ино апатте паттасан̃н̃ино анадхигате адхигатасан̃н̃ино асаччхикате саччхикатасан̃н̃ино адхима̄нена ан̃н̃ам̣ бйа̄каронти. тан̃ча кхо етам̣ аббоха̄рика’’нти.

‘‘еван̃ча пана, бхиккхаве, имам̣ сиккха̄падам̣ уддисеййа̄тха –

197. ‘‘йо пана бхиккху анабхиджа̄нам̣ уттаримануссадхаммам̣ аттупана̄йикам̣ аламарийан̃а̄н̣адассанам̣ самуда̄чареййа – ‘ити джа̄на̄ми ити пасса̄мӣ’ти, тато апарена самайена саманугга̄хӣйама̄но ва̄ асаманугга̄хӣйама̄но ва̄ а̄панно висуддха̄пеккхо евам̣ вадеййа – ‘аджа̄намевам̣, а̄вусо, авачам̣ джа̄на̄ми, апассам̣ пасса̄ми. туччхам̣ муса̄ вилапи’нти, ан̃н̃атра адхима̄на̄, айампи па̄ра̄джико хоти асам̣ва̄со’’ти.

198. йо пана̄ти йо йа̄дисо…пе… бхиккхӯти…пе… айам̣ имасмим̣ аттхе адхиппето бхиккхӯти.

анабхиджа̄нанти асантам̣ абхӯтам̣ асам̣виджджама̄нам̣ аджа̄нанто апассанто аттани кусалам̣ дхаммам̣ – аттхи ме кусало дхаммоти.

[па̄чи. 70] уттаримануссадхаммо на̄ма джха̄нам̣ вимоккхо [вимоккхам̣ (сӣ. сйа̄.)] сама̄дхи сама̄патти н̃а̄н̣адассанам̣ маггабха̄вана̄ пхаласаччхикирийа̄ килесаппаха̄нам̣ винӣваран̣ата̄ читтасса сун̃н̃а̄га̄ре абхирати.

аттупана̄йиканти те ва̄ кусале дхамме аттани упанети атта̄нам̣ ва̄ тесу кусалесу дхаммесу упанети.

н̃а̄н̣анти тиссо виджджа̄. дассананти йам̣ н̃а̄н̣ам̣ там̣ дассанам̣. йам̣ дассанам̣ там̣ н̃а̄н̣ам̣.

самуда̄чареййа̄ти а̄рочеййа иттхийа̄ ва̄ пурисасса ва̄ гахат̣т̣хасса ва̄ паббаджитасса ва̄.

ити джа̄на̄ми ити пасса̄мӣти джа̄на̄махам̣ ете дхамме, пасса̄махам̣ ете дхамме аттхи ча ете дхамма̄ майи, ахан̃ча етесу дхаммесу сандисса̄мӣти.

тато апарена самайена̄ти йасмим̣ кхан̣е самуда̄чин̣н̣ам̣ хоти там̣ кхан̣ам̣ там̣ лайам̣ там̣ мухуттам̣ вӣтиватте.

саманугга̄хӣйама̄ноти йам̣ ваттху пат̣ин̃н̃а̄там̣ хоти тасмим̣ ваттхусмим̣ саманугга̄хӣйама̄но – ‘‘кинте адхигатам̣, кинти те адхигатам̣, када̄ те адхигатам̣, каттха те адхигатам̣, катаме те килеса̄ пахӣна̄, катамесам̣ твам̣ дхамма̄нам̣ ла̄бхӣ’’ти.

асаманугга̄хӣйама̄ноти на кеначи вуччама̄но.

а̄панноти па̄пиччхо иччха̄пакато асантам̣ абхӯтам̣ уттаримануссадхаммам̣ уллапитва̄ па̄ра̄джикам̣ а̄паттим̣ а̄панно хоти.

висуддха̄пеккхоти гихӣ ва̄ хотука̄мо упа̄сако ва̄ хотука̄мо а̄ра̄мико ва̄ хотука̄мо са̄ман̣еро ва̄ хотука̄мо.

аджа̄намевам̣, а̄вусо, авачам̣ – джа̄на̄ми, апассам̣ пасса̄мӣти на̄хам̣ ете дхамме джа̄на̄ми, на̄хам̣ ете дхамме пасса̄ми, наттхи ча ете дхамма̄ майи, на ча̄хам̣ етесу дхаммесу сандисса̄мӣти.

туччхам̣ муса̄ вилапинти туччхакам̣ майа̄ бхан̣итам̣, муса̄ майа̄ бхан̣итам̣, абхӯтам̣ майа̄ бхан̣итам̣, аджа̄нантена майа̄ бхан̣итам̣.

ан̃н̃атра адхима̄на̄ти т̣хапетва̄ адхима̄нам̣.

айампӣти пуриме упа̄да̄йа вуччати.

па̄ра̄джико хотӣти сеййатха̄пи на̄ма та̄ло маттхакаччхинно абхаббо пуна вирӯл̣хийа̄, евамева бхиккху па̄пиччхо иччха̄пакато асантам̣ абхӯтам̣ уттаримануссадхаммам̣ уллапитва̄ ассаман̣о хоти асакйапуттийо. тена вуччати – ‘‘па̄ра̄джико хотӣ’’ти.

асам̣ва̄соти сам̣ва̄со на̄ма екакаммам̣ екуддесо самасиккхата̄ – есо сам̣ва̄со на̄ма. со тена саддхим̣ наттхи. тена вуччати – ‘‘асам̣ва̄со’’ти.

199. уттаримануссадхаммо на̄ма джха̄нам̣ вимоккхо сама̄дхи сама̄патти н̃а̄н̣адассанам̣ маггабха̄вана̄ пхаласаччхикирийа̄ килесаппаха̄нам̣ винӣваран̣ата̄ читтасса сун̃н̃а̄га̄ре абхирати.

[па̄чи. 70] джха̄нанти пат̣хамам̣ джха̄нам̣ дутийам̣ джха̄нам̣ татийам̣ джха̄нам̣ чатуттхам̣ джха̄нам̣.

[па̄чи. 70] вимоккхоти сун̃н̃ато вимоккхо анимитто вимоккхо аппан̣ихито вимоккхо.

[па̄чи. 70] сама̄дхӣти сун̃н̃ато сама̄дхи анимитто сама̄дхи аппан̣ихито сама̄дхи.

[па̄чи. 70] сама̄паттӣти сун̃н̃ата̄ сама̄патти анимитта̄ сама̄патти аппан̣ихита̄ сама̄патти.

[па̄чи. 70] н̃а̄н̣адассананти тиссо виджджа̄.

[па̄чи. 70] маггабха̄вана̄ти чатта̄ро сатипат̣т̣ха̄на̄, чатта̄ро саммаппадха̄на̄, чатта̄ро иддхипа̄да̄, пан̃чиндрийа̄ни, пан̃ча бала̄ни, сатта боджджхан̇га̄, арийо ат̣т̣хан̇гико магго.

[па̄чи. 70] пхаласаччхикирийа̄ти сота̄паттипхаласса саччхикирийа̄, сакада̄га̄мипхаласса саччхикирийа̄, ана̄га̄мипхаласса саччхикирийа̄, арахаттасса [арахаттапхаласса (сйа̄.)] саччхикирийа̄.

[па̄чи. 70] килесаппаха̄нанти ра̄гасса паха̄нам̣ досасса паха̄нам̣ мохасса паха̄нам̣.

[па̄чи. 70] винӣваран̣ата̄ читтасса̄ти ра̄га̄ читтам̣ винӣваран̣ата̄, доса̄ читтам̣ винӣваран̣ата̄, моха̄ читтам̣ винӣваран̣ата̄.

[па̄чи. 70] сун̃н̃а̄га̄ре абхиратӣти пат̣хамена джха̄нена сун̃н̃а̄га̄ре абхирати, дутийена джха̄нена сун̃н̃а̄га̄ре абхирати, татийена джха̄нена сун̃н̃а̄га̄ре абхирати, чатуттхена джха̄нена сун̃н̃а̄га̄ре абхирати.

200. тӣха̄ка̄рехи пат̣хамам̣ джха̄нам̣ сама̄паджджинти сампаджа̄намуса̄ бхан̣антасса а̄патти па̄ра̄джикасса, пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти.

чатӯха̄ка̄рехи пат̣хамам̣ джха̄нам̣ сама̄паджджинти сампаджа̄намуса̄ бхан̣антасса а̄патти па̄ра̄джикасса – пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти, винидха̄йа дит̣т̣хим̣.

пан̃чаха̄ка̄рехи пат̣хамам̣ джха̄нам̣ сама̄паджджинти сампаджа̄намуса̄ бхан̣антасса а̄патти па̄ра̄джикасса – пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти, винидха̄йа дит̣т̣хим̣ винидха̄йа кхантим̣.

чхаха̄ка̄рехи пат̣хамам̣ джха̄нам̣ сама̄паджджинти сампаджа̄намуса̄ бхан̣антасса а̄патти па̄ра̄джикасса – пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти, винидха̄йа дит̣т̣хим̣, винидха̄йа кхантим̣, винидха̄йа ручим̣.

саттаха̄ка̄рехи пат̣хамам̣ джха̄нам̣ сама̄паджджинти сампаджа̄намуса̄ бхан̣антасса а̄патти па̄ра̄джикасса – пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти, винидха̄йа дит̣т̣хим̣, винидха̄йа кхантим̣, винидха̄йа ручим̣, винидха̄йа бха̄вам̣.

201. тӣха̄ка̄рехи пат̣хамам̣ джха̄нам̣ сама̄паджджа̄мӣти сампаджа̄намуса̄ бхан̣антасса а̄патти па̄ра̄джикасса – пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти.

чатӯха̄ка̄рехи пат̣хамам̣ джха̄нам̣ сама̄паджджа̄мӣти сампаджа̄намуса̄ бхан̣антасса а̄патти па̄ра̄джикасса – пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти, винидха̄йа дит̣т̣хим̣.

пан̃чаха̄ка̄рехи пат̣хамам̣ джха̄нам̣ сама̄паджджа̄мӣти сампаджа̄намуса̄ бхан̣антасса а̄патти па̄ра̄джикасса – пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти, винидха̄йа дит̣т̣хим̣, винидха̄йа кхантим̣.

чхаха̄ка̄рехи пат̣хамам̣ джха̄нам̣ сама̄паджджа̄мӣти сампаджа̄намуса̄ бхан̣антасса а̄патти па̄ра̄джикасса – пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти, винидха̄йа дит̣т̣хим̣, винидха̄йа кхантим̣, винидха̄йа ручим̣.

саттаха̄ка̄рехи пат̣хамам̣ джха̄нам̣ сама̄паджджа̄мӣти сампаджа̄намуса̄ бхан̣антасса а̄патти па̄ра̄джикасса – пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти, винидха̄йа дит̣т̣хим̣, винидха̄йа кхантим̣, винидха̄йа ручим̣, винидха̄йа бха̄вам̣.

202. тӣха̄ка̄рехи пат̣хамам̣ джха̄нам̣ сама̄панноти сампаджа̄намуса̄ бхан̣антасса а̄патти па̄ра̄джикасса – пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти.

чатӯха̄ка̄рехи пат̣хамам̣ джха̄нам̣ сама̄панноти сампаджа̄намуса̄ бхан̣антасса а̄патти па̄ра̄джикасса – пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти, винидха̄йа дит̣т̣хим̣.

пан̃чаха̄ка̄рехи пат̣хамам̣ джха̄нам̣ сама̄панноти сампаджа̄намуса̄ бхан̣антасса а̄патти па̄ра̄джикасса – пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти, винидха̄йа дит̣т̣хим̣, винидха̄йа кхантим̣.

чхаха̄ка̄рехи пат̣хамам̣ джха̄нам̣ сама̄панноти сампаджа̄намуса̄ бхан̣антасса а̄патти па̄ра̄джикасса – пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти, винидха̄йа дит̣т̣хим̣, винидха̄йа кхантим̣, винидха̄йа ручим̣.

саттаха̄ка̄рехи пат̣хамам̣ джха̄нам̣ сама̄панноти сампаджа̄намуса̄ бхан̣антасса а̄патти па̄ра̄джикасса – пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти, винидха̄йа дит̣т̣хим̣, винидха̄йа кхантим̣, винидха̄йа ручим̣, винидха̄йа бха̄вам̣.

203. тӣха̄ка̄рехи пат̣хамасса джха̄насса ла̄бхӣмхӣти сампаджа̄намуса̄ бхан̣антасса а̄патти па̄ра̄джикасса – пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти.

чатӯха̄ка̄рехи пат̣хамасса джха̄насса ла̄бхӣмхӣти сампаджа̄намуса̄ бхан̣антасса а̄патти па̄ра̄джикасса – пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти, винидха̄йа дит̣т̣хим̣.

пан̃чаха̄ка̄рехи пат̣хамасса джха̄насса ла̄бхӣмхӣти сампаджа̄намуса̄ бхан̣антасса а̄патти па̄ра̄джикасса – пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти, винидха̄йа дит̣т̣хим̣, винидха̄йа кхантим̣.

чхаха̄ка̄рехи пат̣хамасса джха̄насса ла̄бхӣмхӣти сампаджа̄намуса̄ бхан̣антасса а̄патти па̄ра̄джикасса – пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти, винидха̄йа дит̣т̣хим̣, винидха̄йа кхантим̣, винидха̄йа ручим̣.

саттаха̄ка̄рехи пат̣хамасса джха̄насса ла̄бхӣмхӣти сампаджа̄намуса̄ бхан̣антасса а̄патти па̄ра̄джикасса – пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти, винидха̄йа дит̣т̣хим̣, винидха̄йа кхантим̣, винидха̄йа ручим̣, винидха̄йа бха̄вам̣.

204. тӣха̄ка̄рехи пат̣хамасса джха̄насса васӣмхӣти сампаджа̄намуса̄ бхан̣антасса а̄патти па̄ра̄джикасса – пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти.

чатӯха̄ка̄рехи пат̣хамасса джха̄насса васӣмхӣти сампаджа̄намуса̄ бхан̣антасса а̄патти па̄ра̄джикасса – пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти, винидха̄йа дит̣т̣хим̣.

пан̃чаха̄ка̄рехи пат̣хамасса джха̄насса васӣмхӣти сампаджа̄намуса̄ бхан̣антасса а̄патти па̄ра̄джикасса – пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти, винидха̄йа дит̣т̣хим̣, винидха̄йа кхантим̣.

чхаха̄ка̄рехи пат̣хамасса джха̄насса васӣмхӣти сампаджа̄намуса̄ бхан̣антасса а̄патти па̄ра̄джикасса – пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти, винидха̄йа дит̣т̣хим̣, винидха̄йа кхантим̣, винидха̄йа ручим̣.

саттаха̄ка̄рехи пат̣хамасса джха̄насса васӣмхӣти сампаджа̄намуса̄ бхан̣антасса а̄патти па̄ра̄джикасса – пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти, винидха̄йа дит̣т̣хим̣, винидха̄йа кхантим̣, винидха̄йа ручим̣, винидха̄йа бха̄вам̣.

205. тӣха̄ка̄рехи пат̣хамам̣ джха̄нам̣ саччхикатам̣ майа̄ти сампаджа̄намуса̄ бхан̣антасса а̄патти па̄ра̄джикасса – пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти.

чатӯха̄ка̄рехи пат̣хамам̣ джха̄нам̣ саччхикатам̣ майа̄ти сампаджа̄намуса̄ бхан̣антасса а̄патти па̄ра̄джикасса – пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти, винидха̄йа дит̣т̣хим̣.

пан̃чаха̄ка̄рехи пат̣хамам̣ джха̄нам̣ саччхикатам̣ майа̄ти сампаджа̄намуса̄ бхан̣антасса а̄патти па̄ра̄джикасса – пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти, винидха̄йа дит̣т̣хим̣, винидха̄йа кхантим̣.

чхаха̄ка̄рехи пат̣хамам̣ джха̄нам̣ саччхикатам̣ майа̄ти сампаджа̄намуса̄ бхан̣антасса а̄патти па̄ра̄джикасса – пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти, винидха̄йа дит̣т̣хим̣, винидха̄йа кхантим̣, винидха̄йа ручим̣.

саттаха̄ка̄рехи пат̣хамам̣ джха̄нам̣ саччхикатам̣ майа̄ти сампаджа̄намуса̄ бхан̣антасса а̄патти па̄ра̄джикасса – пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти, винидха̄йа дит̣т̣хим̣, винидха̄йа кхантим̣, винидха̄йа ручим̣, винидха̄йа бха̄вам̣.

йатха̄ идам̣ пат̣хамам̣ джха̄нам̣ виттха̄ритам̣ там̣ саббампи виттха̄ретаббам̣.

206. тӣха̄ка̄рехи…пе… саттаха̄ка̄рехи дутийам̣ джха̄нам̣…пе… татийам̣ джха̄нам̣…пе… чатуттхам̣ джха̄нам̣ сама̄паджджим̣… сама̄паджджа̄ми… сама̄панно… чатуттхасса джха̄насса ла̄бхӣмхи… васӣмхи… чатуттхам̣ джха̄нам̣ саччхикатам̣ майа̄ти сампаджа̄намуса̄ бхан̣антасса а̄патти па̄ра̄джикасса. пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти, винидха̄йа дит̣т̣хим̣, винидха̄йа кхантим̣, винидха̄йа ручим̣, винидха̄йа бха̄вам̣.

207. тӣха̄ка̄рехи сун̃н̃атам̣ вимоккхам̣… анимиттам̣ вимоккхам̣… аппан̣ихитам̣ вимоккхам̣… сама̄паджджим̣… сама̄паджджа̄ми… сама̄панно… аппан̣ихитасса вимоккхасса ла̄бхӣмхи… васӣмхи… аппан̣ихито вимоккхо саччхикато майа̄ти сампаджа̄намуса̄ бхан̣антасса а̄патти па̄ра̄джикасса…пе….

тӣха̄ка̄рехи сун̃н̃атам̣ сама̄дхим̣… анимиттам̣ сама̄дхим̣… аппан̣ихитам̣ сама̄дхим̣ сама̄паджджим̣… сама̄паджджа̄ми… сама̄панно… аппан̣ихитасса сама̄дхисса ла̄бхӣмхи… васӣмхи… аппан̣ихито сама̄дхи саччхикато майа̄ти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи сун̃н̃атам̣ сама̄паттим̣… анимиттам̣ сама̄паттим̣… аппан̣ихитам̣ сама̄паттим̣ сама̄паджджим̣… сама̄паджджа̄ми… сама̄панно… аппан̣ихита̄йа сама̄паттийа̄ ла̄бхӣмхи… васӣмхи… аппан̣ихита̄ сама̄патти саччхиката̄ майа̄ти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи тиссо виджджа̄ сама̄паджджим̣… сама̄паджджа̄ми сама̄панно… тиссаннам̣ виджджа̄нам̣ ла̄бхӣмхи… васӣмхи… тиссо виджджа̄ саччхиката̄ майа̄ти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи чатта̄ро сатипат̣т̣ха̄не… чатта̄ро саммаппадха̄не… чатта̄ро иддхипа̄де сама̄паджджим̣… сама̄паджджа̄ми… сама̄панно… чатуннам̣ иддхипа̄да̄нам̣ ла̄бхӣмхи… васӣмхи… чатта̄ро иддхипа̄да̄ саччхиката̄ майа̄ти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи пан̃чиндрийа̄ни… пан̃ча бала̄ни сама̄паджджим̣… сама̄паджджа̄ми… сама̄панно … пан̃чаннам̣ бала̄нам̣ ла̄бхӣмхи… васӣмхи… пан̃чабала̄ни саччхиката̄ни майа̄ти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи сатта боджджхан̇ге сама̄паджджим̣… сама̄паджджа̄ми… сама̄панно… саттаннам̣ боджджхан̇га̄нам̣ ла̄бхӣмхи… васӣмхи… сатта боджджхан̇га̄ саччхиката̄ майа̄ти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи арийам̣ ат̣т̣хан̇гикам̣ маггам̣ сама̄паджджим̣… сама̄паджджа̄ми… сама̄панно… арийасса ат̣т̣хан̇гикасса маггасса ла̄бхӣмхи… васӣмхи… арийо ат̣т̣хан̇гико магго саччхикато майа̄ти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи сота̄паттипхалам̣… сакада̄га̄мипхалам̣… ана̄га̄мипхалам̣… арахаттам̣ сама̄паджджим̣… сама̄паджджа̄ми… сама̄панно… арахаттасса ла̄бхӣмхи васӣмхи арахаттам̣ саччхикатам̣ майа̄ти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи ра̄го ме чатто ванто мутто пахӣно пат̣иниссат̣т̣хо уккхет̣ито самуккхет̣итоти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи досо ме чатто ванто мутто пахӣно пат̣иниссат̣т̣хо уккхет̣ито самуккхет̣итоти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи мохо ме чатто ванто мутто пахӣно пат̣иниссат̣т̣хо уккхет̣ито самуккхет̣итоти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи ра̄га̄ ме читтам̣ винӣваран̣анти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи доса̄ ме читтам̣ винӣваран̣анти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи …пе… саттаха̄ка̄рехи моха̄ ме читтам̣ винӣваран̣анти сампаджа̄намуса̄ бхан̣антасса а̄патти па̄ра̄джикасса – пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти, винидха̄йа дит̣т̣хим̣, винидха̄йа кхантим̣, винидха̄йа ручим̣, винидха̄йа бха̄вам̣.

суддхикам̣ нит̣т̣хитам̣.

208. тӣха̄ка̄рехи пат̣хаман̃ча джха̄нам̣ дутийан̃ча джха̄нам̣ сама̄паджджим̣… сама̄паджджа̄ми… сама̄панно… пат̣хамасса ча джха̄насса дутийасса ча джха̄насса ла̄бхӣмхи… васӣмхи… пат̣хаман̃ча джха̄нам̣ дутийан̃ча джха̄нам̣ саччхикатам̣ майа̄ти сампаджа̄намуса̄ бхан̣антасса а̄патти па̄ра̄джикасса…пе….

тӣха̄ка̄рехи пат̣хаман̃ча джха̄нам̣ татийан̃ча джха̄нам̣ сама̄паджджим̣… сама̄паджджа̄ми… сама̄панно… пат̣хамасса ча джха̄насса татийасса ча джха̄насса ла̄бхӣмхи… васӣмхи… пат̣хаман̃ча джха̄нам̣ татийан̃ча джха̄нам̣ саччхикатам̣ майа̄ти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи пат̣хаман̃ча джха̄нам̣ чатуттхан̃ча джха̄нам̣ сама̄паджджим̣… сама̄паджджа̄ми… сама̄панно… пат̣хамасса ча джха̄насса чатуттхасса ча джха̄насса ла̄бхӣмхи… васӣмхи… пат̣хаман̃ча джха̄нам̣ чатуттхан̃ча джха̄нам̣ саччхикатам̣ майа̄ти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи пат̣хаман̃ча джха̄нам̣ сун̃н̃атан̃ча вимоккхам̣… пат̣хаман̃ча джха̄нам̣ анимиттан̃ча вимоккхам̣… пат̣хаман̃ча джха̄нам̣ аппан̣ихитан̃ча вимоккхам̣ сама̄паджджим̣… сама̄паджджа̄ми… сама̄панно… пат̣хамасса ча джха̄насса аппан̣ихитасса ча вимоккхасса ла̄бхӣмхи… васӣмхи… пат̣хаман̃ча джха̄нам̣ аппан̣ихито ча вимоккхо саччхикато майа̄ти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи пат̣хаман̃ча джха̄нам̣ сун̃н̃атан̃ча сама̄дхим̣… пат̣хаман̃ча джха̄нам̣ анимиттан̃ча сама̄дхим̣… пат̣хаман̃ча джха̄нам̣ аппан̣ихитан̃ча сама̄дхим̣ сама̄паджджим̣… сама̄паджджа̄ми… сама̄панно пат̣хамасса ча джха̄насса аппан̣ихитасса ча сама̄дхисса ла̄бхӣмхи… васӣмхи… пат̣хаман̃ча джха̄нам̣ аппан̣ихито ча сама̄дхи саччхикато майа̄ти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи пат̣хаман̃ча джха̄нам̣ сун̃н̃атан̃ча сама̄паттим̣… пат̣хаман̃ча джха̄нам̣ анимиттан̃ча сама̄паттим̣… пат̣хаман̃ча джха̄нам̣ аппан̣ихитан̃ча сама̄паттим̣ сама̄паджджим̣… сама̄паджджа̄ми… сама̄панно пат̣хамасса ча джха̄насса аппан̣ихита̄йа ча сама̄паттийа̄ ла̄бхӣмхи… васӣмхи… пат̣хаман̃ча джха̄нам̣ аппан̣ихита̄ ча сама̄патти саччхиката̄ майа̄ти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи пат̣хаман̃ча джха̄нам̣ тиссо ча виджджа̄ сама̄паджджим̣… сама̄паджджа̄ми… сама̄панно… пат̣хамасса ча джха̄насса тиссаннан̃ча виджджа̄нам̣ ла̄бхӣмхи… васӣмхи… пат̣хаман̃ча джха̄нам̣ тиссо ча виджджа̄ саччхиката̄ майа̄ти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи пат̣хаман̃ча джха̄нам̣ чатта̄ро ча сатипат̣т̣ха̄не… пат̣хаман̃ча джха̄нам̣ чатта̄ро ча саммаппадха̄не… пат̣хаман̃ча джха̄нам̣ чатта̄ро ча иддхипа̄де сама̄паджджим̣… сама̄паджджа̄ми… сама̄панно… пат̣хамасса ча джха̄насса чатуннан̃ча иддхипа̄да̄нам̣ ла̄бхӣмхи… васӣмхи… пат̣хаман̃ча джха̄нам̣ чатта̄ро ча иддхипа̄да̄ саччхиката̄ майа̄ти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи пат̣хаман̃ча джха̄нам̣ пан̃ча ча индрийа̄ни… пат̣хаман̃ча джха̄нам̣ пан̃ча ча бала̄ни сама̄паджджим̣… сама̄паджджа̄ми… сама̄панно… пат̣хамасса ча джха̄насса пан̃чаннан̃ча бала̄нам̣ ла̄бхӣмхи… васӣмхи… пат̣хаман̃ча джха̄нам̣ пан̃ча ча бала̄ни саччхиката̄ни майа̄ти сампаджа̄намуса̄ бхан̣антасса а̄патти па̄ра̄джикасса.

209. тӣха̄ка̄рехи пат̣хаман̃ча джха̄нам̣ сатта ча боджджхан̇ге сама̄паджджим̣… сама̄паджджа̄ми… сама̄панно… пат̣хамасса ча джха̄насса саттаннан̃ча боджджхан̇га̄нам̣ ла̄бхӣмхи… васӣмхи… пат̣хаман̃ча джха̄нам̣ сатта ча боджджхан̇га̄ саччхиката̄ майа̄ти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи пат̣хаман̃ча джха̄нам̣ арийан̃ча ат̣т̣хан̇гикам̣ маггам̣ сама̄паджджим̣… сама̄паджджа̄ми… сама̄панно… пат̣хамасса ча джха̄насса арийасса ча ат̣т̣хан̇гикасса маггасса ла̄бхӣмхи васӣмхи… пат̣хаман̃ча джха̄нам̣ арийо ча ат̣т̣хан̇гико магго саччхикато майа̄ти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи пат̣хаман̃ча джха̄нам̣ сота̄паттипхалан̃ча… пат̣хаман̃ча джха̄нам̣ сакада̄га̄мипхалан̃ча… пат̣хаман̃ча джха̄нам̣ ана̄га̄мипхалан̃ча… пат̣хаман̃ча джха̄нам̣ арахаттан̃ча сама̄паджджим̣… сама̄паджджа̄ми… сама̄панно… пат̣хамасса ча джха̄насса арахаттасса ча ла̄бхӣмхи… васӣмхи… пат̣хаман̃ча джха̄нам̣ арахаттан̃ча саччхикатам̣ майа̄ти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи пат̣хаман̃ча джха̄нам̣ сама̄паджджим̣… сама̄паджджа̄ми… сама̄панно… пат̣хамасса ча джха̄насса ла̄бхӣмхи… васӣмхи… пат̣хаман̃ча джха̄нам̣ саччхикатам̣ майа̄, ра̄го ча ме чатто… досо ча ме чатто… мохо ча ме чатто ванто мутто пахӣно пат̣иниссат̣т̣хо уккхет̣ито самуккхет̣итоти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи…пе… саттаха̄ка̄рехи пат̣хаман̃ча джха̄нам̣ сама̄паджджим̣… сама̄паджджа̄ми… сама̄панно… пат̣хамасса ча джха̄насса ла̄бхӣмхи… васӣмхи… пат̣хаман̃ча джха̄нам̣ саччхикатам̣ майа̄, ра̄га̄ ча ме читтам̣ винӣваран̣ам̣… доса̄ ча ме читтам̣ винӣваран̣ам̣… моха̄ ча ме читтам̣ винӣваран̣анти сампаджа̄намуса̄ бхан̣антасса а̄патти па̄ра̄джикасса. пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти, винидха̄йа дит̣т̣хим̣, винидха̄йа кхантим̣, винидха̄йа ручим̣, винидха̄йа бха̄вам̣.

кхан̣д̣ачаккам̣ нит̣т̣хитам̣.

210. тӣха̄ка̄рехи дутийан̃ча джха̄нам̣ татийан̃ча джха̄нам̣ сама̄паджджим̣… сама̄паджджа̄ми… сама̄панно… дутийасса ча джха̄насса татийасса ча джха̄насса ла̄бхӣмхи… васӣмхи… дутийан̃ча джха̄нам̣ татийан̃ча джха̄нам̣ саччхикатам̣ майа̄ти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи дутийан̃ча джха̄нам̣ чатуттхан̃ча джха̄нам̣ сама̄паджджим̣… сама̄паджджа̄ми… сама̄панно… дутийасса ча джха̄насса чатуттхасса ча джха̄насса ла̄бхӣмхи… васӣмхи… дутийан̃ча джха̄нам̣ чатуттхан̃ча джха̄нам̣ саччхикатам̣ майа̄ти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи дутийан̃ча джха̄нам̣ сун̃н̃атан̃ча вимоккхам̣… анимиттан̃ча вимоккхам̣… аппан̣ихитан̃ча вимоккхам̣… сун̃н̃атан̃ча сама̄дхим̣… анимиттан̃ча сама̄дхим̣… аппан̣ихитан̃ча сама̄дхим̣… сун̃н̃атан̃ча сама̄паттим̣… анимиттан̃ча сама̄паттим̣… аппан̣ихитан̃ча сама̄паттим̣… тиссо ча виджджа̄… чатта̄ро ча сатипат̣т̣ха̄не… чатта̄ро ча саммаппадха̄не… чатта̄ро ча иддхипа̄де… пан̃ча ча индрийа̄ни… пан̃ча ча бала̄ни… сатта ча боджджхан̇ге… арийан̃ча ат̣т̣хан̇гикам̣ маггам̣… сота̄паттипхалан̃ча… сакада̄га̄мипхалан̃ча… ана̄га̄мипхалан̃ча… арахаттан̃ча сама̄паджджим̣… сама̄паджджа̄ми… сама̄панно… дутийасса ча джха̄насса арахаттасса ча ла̄бхӣмхи… васӣмхи… дутийан̃ча джха̄нам̣ арахаттан̃ча саччхикатам̣ майа̄ти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи дутийан̃ча джха̄нам̣ сама̄паджджим̣… сама̄паджджа̄ми… сама̄панно… дутийасса ча джха̄насса ла̄бхӣмхи… васӣмхи… дутийан̃ча джха̄нам̣ саччхикатам̣ майа̄, ра̄го ча ме чатто… досо ча ме чатто… мохо ча ме чатто ванто мутто пахӣно пат̣иниссат̣т̣хо уккхет̣ито самуккхет̣ито. ра̄га̄ ча ме читтам̣ винӣваран̣ам̣… доса̄ ча ме читтам̣ винӣваран̣ам̣… моха̄ ча ме читтам̣ винӣваран̣анти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи …пе… саттаха̄ка̄рехи дутийан̃ча джха̄нам̣ пат̣хаман̃ча джха̄нам̣ сама̄паджджим̣… сама̄паджджа̄ми… сама̄панно… дутийасса ча джха̄насса пат̣хамасса ча джха̄насса ла̄бхӣмхи… васӣмхи… дутийан̃ча джха̄нам̣ пат̣хаман̃ча джха̄нам̣ саччхикатам̣ майа̄ти сампаджа̄намуса̄ бхан̣антасса а̄патти па̄ра̄джикасса…пе… винидха̄йа бха̄вам̣.

баддхачаккам̣.

евам̣ екекам̣ мӯлам̣ ка̄туна баддхачаккам̣ париваттакам̣ каттаббам̣.

идам̣ сам̣кхиттам̣.

211. тӣха̄ка̄рехи татийан̃ча джха̄нам̣ чатуттхан̃ча джха̄нам̣…пе… татийан̃ча джха̄нам̣ арахаттан̃ча сама̄паджджим̣… сама̄паджджа̄ми… сама̄панно… татийасса ча джха̄насса арахаттасса ча ла̄бхӣмхи… васӣмхи… татийан̃ча джха̄нам̣ арахаттан̃ча саччхикатам̣ майа̄ти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи татийан̃ча джха̄нам̣ сама̄паджджим̣… сама̄паджджа̄ми… сама̄панно… татийасса ча джха̄насса ла̄бхӣмхи… васӣмхи… татийан̃ча джха̄нам̣ саччхикатам̣ майа̄, ра̄го ча ме чатто… досо ча ме чатто… мохо ча ме чатто ванто мутто пахӣно пат̣иниссат̣т̣хо уккхет̣ито самуккхет̣ито. ра̄га̄ ча ме читтам̣ винӣваран̣ам̣… доса̄ ча ме читтам̣ винӣваран̣ам̣… моха̄ ча ме читтам̣ винӣваран̣анти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи татийан̃ча джха̄нам̣ пат̣хаман̃ча джха̄нам̣… татийан̃ча джха̄нам̣ дутийан̃ча джха̄нам̣ сама̄паджджим̣… сама̄паджджа̄ми… сама̄панно… татийасса ча джха̄насса дутийасса ча джха̄насса ла̄бхӣмхи… васӣмхи… татийан̃ча джха̄нам̣ дутийан̃ча джха̄нам̣ саччхикатам̣ майа̄ти сампаджа̄намуса̄ бхан̣антасса а̄патти па̄ра̄джикасса.

тӣка̄рехи моха̄ ча ме читтам̣ винӣваран̣ам̣ пат̣хаман̃ча джха̄нам̣…пе… дутийан̃ча джха̄нам̣… татийан̃ча джха̄нам̣… чатуттхан̃ча джха̄нам̣ сама̄паджджим̣ сама̄паджджа̄ми… сама̄панно… моха̄ ча ме читтам̣ винӣваран̣ам̣ чатуттхасса ча джха̄насса ла̄бхӣмхи… васӣмхи… моха̄ ча ме читтам̣ винӣваран̣ам̣ чатуттхан̃ча джха̄нам̣ саччхикатам̣ майа̄ти сампаджа̄намуса̄ бхан̣антасса а̄патти па̄ра̄джикасса.

212. тӣха̄ка̄рехи моха̄ ча ме читтам̣ винӣваран̣ам̣ сун̃н̃атан̃ча вимоккхам̣… анимиттан̃ча вимоккхам̣… аппан̣ихитан̃ча вимоккхам̣ сама̄паджджим̣… сама̄паджджа̄ми… сама̄панно… моха̄ ча ме читтам̣ винӣваран̣ам̣ аппан̣ихитасса ча вимоккхасса ла̄бхӣмхи… васӣмхи… моха̄ ча ме читтам̣ винӣваран̣ам̣ аппан̣ихито ча вимоккхо саччхикато майа̄ти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи моха̄ ча ме читтам̣ винӣваран̣ам̣ сун̃н̃атан̃ча сама̄дхим̣… анимиттан̃ча сама̄дхим̣… аппан̣ихитан̃ча сама̄дхим̣ сама̄паджджим̣… сама̄паджджа̄ми… сама̄панно… моха̄ ча ме читтам̣ винӣваран̣ам̣ аппан̣ихитасса ча сама̄дхисса ла̄бхӣмхи… васӣмхи… моха̄ ча ме читтам̣ винӣваран̣ам̣ аппан̣ихито ча сама̄дхи саччхикато майа̄ти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи моха̄ ча ме читтам̣ винӣваран̣ам̣ сун̃н̃атан̃ча сама̄паттим̣… анимиттан̃ча сама̄паттим̣… аппан̣ихитан̃ча сама̄паттим̣ сама̄паджджим̣ сама̄паджджа̄ми… сама̄панно… моха̄ ча ме читтам̣ винӣваран̣ам̣ аппан̣ихита̄йа ча сама̄паттийа̄ ла̄бхӣмхи… васӣмхи… моха̄ ча ме читтам̣ винӣваран̣ам̣ аппан̣ихита̄ ча сама̄патти саччхиката̄ майа̄ти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи моха̄ ча ме читтам̣ винӣваран̣ам̣ тиссо ча виджджа̄ сама̄паджджим̣… сама̄паджджа̄ми… сама̄панно… ‘моха̄ ча ме читтам̣ винӣваран̣ам̣ тиссаннан̃ча виджджа̄нам̣ ла̄бхӣмхи… васӣмхи… моха̄ ча ме читтам̣ винӣваран̣ам̣ тиссо ча виджджа̄ саччхиката̄ майа̄ти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи моха̄ ча ме читтам̣ винӣваран̣ам̣ чатта̄ро ча сатипат̣т̣ха̄не… чатта̄ро ча саммаппадха̄не… чатта̄ро ча иддхипа̄де сама̄паджджим̣… сама̄паджджа̄ми… сама̄панно… моха̄ ча ме читтам̣ винӣваран̣ам̣ чатуннан̃ча иддхипа̄да̄нам̣ ла̄бхӣмхи… васӣмхи… моха̄ ча ме читтам̣ винӣваран̣ам̣ чатта̄ро ча иддхипа̄да̄ саччхиката̄ майа̄ти сампаджа̄намуса̄ бхан̣антасса а̄патти па̄ра̄джикасса.

213. тӣха̄ка̄рехи моха̄ ча ме читтам̣ винӣваран̣ам̣ пан̃ча ча индрийа̄ни… пан̃ча ча бала̄ни сама̄паджджим̣… сама̄паджджа̄ми… сама̄панно… моха̄ ча ме читтам̣ винӣваран̣ам̣ пан̃чаннан̃ча бала̄нам̣ ла̄бхӣмхи… васӣмхи… моха̄ ча ме читтам̣ винӣваран̣ам̣ пан̃ча ча бала̄ни саччхиката̄ни майа̄ти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи моха̄ ча ме читтам̣ винӣваран̣ам̣ сатта ча боджджхан̇ге сама̄паджджим̣… сама̄паджджа̄ми… сама̄панно… моха̄ ча ме читтам̣ винӣваран̣ам̣ саттаннан̃ча боджджхан̇га̄нам̣ ла̄бхӣмхи … васӣмхи… моха̄ ча ме читтам̣ винӣваран̣ам̣ сатта ча боджджхан̇га̄ саччхиката̄ майа̄ти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи моха̄ ча ме читтам̣ винӣваран̣ам̣ арийан̃ча ат̣т̣хан̇гикам̣ маггам̣ сама̄паджджим̣… сама̄паджджа̄ми… сама̄панно… моха̄ ча ме читтам̣ винӣваран̣ам̣ арийасса ча ат̣т̣хан̇гикасса маггасса ла̄бхӣмхи… васӣмхи… моха̄ ча ме читтам̣ винӣваран̣ам̣ арийо ча ат̣т̣хан̇гико магго саччхикато майа̄ти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи моха̄ ча ме читтам̣ винӣваран̣ам̣ сота̄паттипхалан̃ча… сакада̄га̄мипхалан̃ча… ана̄га̄мипхалан̃ча… арахаттан̃ча сама̄паджджим̣… сама̄паджджа̄ми… сама̄панно… моха̄ ча ме читтам̣ винӣваран̣ам̣ арахаттасса ча ла̄бхӣмхи… васӣмхи… моха̄ ча ме читтам̣ винӣваран̣ам̣ арахаттан̃ча саччхикатам̣ майа̄ти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи моха̄ ча ме читтам̣ винӣваран̣ам̣, ра̄го ча ме чатто… досо ча ме чатто… мохо ча ме чатто ванто мутто пахӣно пат̣иниссат̣т̣хо уккхет̣ито самуккхет̣итоти сампаджа̄намуса̄ бхан̣антасса а̄патти па̄ра̄джикасса.

тӣха̄ка̄рехи…пе… саттаха̄ка̄рехи моха̄ ча ме читтам̣ винӣваран̣ам̣ ра̄га̄ ча ме читтам̣ винӣваран̣ам̣… доса̄ ча ме читтам̣ винӣваран̣анти сампаджа̄намуса̄ бхан̣антасса а̄патти па̄ра̄джикасса пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти, винидха̄йа дит̣т̣хим̣, винидха̄йа кхантим̣, винидха̄йа ручим̣, винидха̄йа бха̄вам̣.

екамӯлакам̣ нит̣т̣хитам̣. [екамӯлакам̣ сан̇кхиттам̣ нит̣т̣хитам̣ (сйа̄.)]

йатха̄ екамӯлакам̣ виттха̄ритам̣ евамева думӯлака̄дипи виттха̄ретаббам̣.

идам̣ саббамӯлакам̣

214. тӣха̄ка̄рехи …пе… саттаха̄ка̄рехи пат̣хаман̃ча джха̄нам̣ дутийан̃ча джха̄нам̣ татийан̃ча джха̄нам̣ чатуттхан̃ча джха̄нам̣ сун̃н̃атан̃ча вимоккхам̣ анимиттан̃ча вимоккхам̣ аппан̣ихитан̃ча вимоккхам̣ сун̃н̃атан̃ча сама̄дхим̣ анимиттан̃ча сама̄дхим̣ аппан̣ихитан̃ча сама̄дхим̣ сун̃н̃атан̃ча сама̄паттим̣ анимиттан̃ча сама̄паттим̣ аппан̣ихитан̃ча сама̄паттим̣ тиссо ча виджджа̄ чатта̄ро ча сатипат̣т̣ха̄не чатта̄ро ча саммаппадха̄не чатта̄ро ча иддхипа̄де пан̃ча ча индрийа̄ни пан̃ча ча бала̄ни сатта ча боджджхан̇ге арийан̃ча ат̣т̣хан̇гикам̣ маггам̣ сота̄паттипхалан̃ча сакада̄га̄мипхалан̃ча ана̄га̄мипхалан̃ча арахаттан̃ча сама̄паджджим̣… сама̄паджджа̄ми… сама̄панно…пе… ра̄го ча ме чатто, досо ча ме чатто, мохо ча ме чатто ванто мутто пахӣно пат̣иниссат̣т̣хо уккхет̣ито самуккхет̣ито. ра̄га̄ ча ме читтам̣ винӣваран̣ам̣, доса̄ ча ме читтам̣ винӣваран̣ам̣, моха̄ ча ме читтам̣ винӣваран̣анти сампаджа̄намуса̄ бхан̣антасса а̄патти па̄ра̄джикасса. пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти, винидха̄йа дит̣т̣хим̣, винидха̄йа кхантим̣, винидха̄йа ручим̣, винидха̄йа бха̄вам̣.

саббамӯлакам̣ нит̣т̣хитам̣.

суддхикава̄ракатха̄ нит̣т̣хита̄.

215. тӣха̄ка̄рехи пат̣хамам̣ джха̄нам̣ сама̄паджджинти ваттука̄мо дутийам̣ джха̄нам̣ сама̄паджджинти сампаджа̄намуса̄ бхан̣антасса пат̣ивиджа̄нантасса а̄патти па̄ра̄джикасса; на пат̣ивиджа̄нантасса а̄патти тхуллаччайасса.

тӣха̄ка̄рехи пат̣хамам̣ джха̄нам̣ сама̄паджджинти ваттука̄мо татийам̣ джха̄нам̣ сама̄паджджинти сампаджа̄намуса̄ бхан̣антасса пат̣ивиджа̄нантасса а̄патти па̄ра̄джикасса; на пат̣ивиджа̄нантасса а̄патти тхуллаччайасса.

тӣха̄ка̄рехи пат̣хамам̣ джха̄нам̣ сама̄паджджинти ваттука̄мо чатуттхам̣ джха̄нам̣ сама̄паджджинти сампаджа̄намуса̄ бхан̣антасса пат̣ивиджа̄нантасса а̄патти па̄ра̄джикасса; на пат̣ивиджа̄нантасса а̄патти тхуллаччайасса.

тӣха̄ка̄рехи …пе… саттаха̄ка̄рехи пат̣хамам̣ джха̄нам̣ сама̄паджджинти ваттука̄мо сун̃н̃атам̣ вимоккхам̣… анимиттам̣ вимоккхам̣… аппан̣ихитам̣ вимоккхам̣… сун̃н̃атам̣ сама̄дхим̣… анимиттам̣ сама̄дхим̣… аппан̣ихитам̣ сама̄дхим̣… сун̃н̃атам̣ сама̄паттим̣… анимиттам̣ сама̄паттим̣… аппан̣ихитам̣ сама̄паттим̣… тиссо виджджа̄… чатта̄ро сатипат̣т̣ха̄не… чатта̄ро саммаппадха̄не… чатта̄ро иддхипа̄де… пан̃чиндрийа̄ни… пан̃ча бала̄ни… сатта боджджхан̇ге… арийам̣ ат̣т̣хан̇гикам̣ маггам̣… сота̄паттипхалам̣… сакада̄га̄мипхалам̣… ана̄га̄мипхалам̣… арахаттам̣ сама̄паджджим̣…пе… ра̄го ме чатто… досо ме чатто… мохо ме чатто ванто мутто пахӣно пат̣иниссат̣т̣хо уккхет̣ито самуккхет̣ито. ра̄га̄ ме читтам̣ винӣваран̣ам̣… доса̄ ме читтам̣ винӣваран̣ам̣… моха̄ ме читтам̣ винӣваран̣анти сампаджа̄намуса̄ бхан̣антасса пат̣ивиджа̄нантасса а̄патти па̄ра̄джикасса; на пат̣ивиджа̄нантасса а̄патти тхуллаччайасса. пуббевасса хоти муса̄ бхан̣иссанти, бхан̣антасса хоти муса̄ бхан̣а̄мӣти, бхан̣итасса хоти муса̄ майа̄ бхан̣итанти, винидха̄йа дит̣т̣хим̣, винидха̄йа кхантим̣, винидха̄йа ручим̣, винидха̄йа бха̄вам̣.

ваттхувиса̄ракасса екамӯлакасса кхан̣д̣ачаккам̣ нит̣т̣хитам̣.

216. тӣха̄ка̄рехи дутийам̣ джха̄нам̣ сама̄паджджинти ваттука̄мо татийам̣ джха̄нам̣ сама̄паджджинти сампаджа̄намуса̄ бхан̣антасса пат̣ивиджа̄нантасса а̄патти па̄ра̄джикасса; на пат̣ивиджа̄нантасса а̄патти тхуллаччайасса.

тӣха̄ка̄рехи дутийам̣ джха̄нам̣ сама̄паджджинти ваттука̄мо чатуттхам̣ джха̄нам̣ сама̄паджджинти…пе… моха̄ ча ме читтам̣ винӣваран̣анти сампаджа̄намуса̄ бхан̣антасса пат̣ивиджа̄нантасса а̄патти па̄ра̄джикасса; на пат̣ивиджа̄нантасса а̄патти тхуллаччайасса.