1. па̄ра̄джикакан̣д̣ам̣

1. пат̣хамапа̄ра̄джикам̣

судиннабха̄н̣ава̄ро

24. тена кхо пана самайена веса̄лийа̄ авидӯре каландага̄мо на̄ма аттхи [каландага̄мо на̄ма хоти (сӣ.), каландага̄мо хоти (сйа̄.)]. таттха судинно на̄ма каландапутто сет̣т̣хипутто хоти. атха кхо судинно каландапутто самбахулехи [сампахӯлехи (сӣ.)] саха̄йакехи саддхим̣ веса̄лим̣ агама̄си кеначидева каран̣ӣйена. тена кхо пана самайена бхагава̄ махатийа̄ париса̄йа паривуто дхаммам̣ десенто нисинно хоти. аддаса кхо судинно каландапутто бхагавантам̣ махатийа̄ париса̄йа паривутам̣ дхаммам̣ десентам̣ нисиннам̣. дисва̄насса етадахоси – ‘‘йам̣нӯна̄хампи дхаммам̣ сун̣еййа’’нти. атха кхо судинно каландапутто йена са̄ париса̄ тенупасан̇ками; упасан̇камитва̄ екамантам̣ нисӣди. екамантам̣ нисиннасса кхо судиннасса каландапуттасса етадахоси – ‘‘йатха̄ йатха̄ кхо ахам̣ бхагавата̄ дхаммам̣ деситам̣ а̄джа̄на̄ми, найидам̣ сукарам̣ ага̄рам̣ аджджха̄васата̄ екантапарипун̣н̣ам̣ екантапарисуддхам̣ сан̇кхаликхитам̣ брахмачарийам̣ чаритум̣; йам̣нӯна̄хам̣ кесамассум̣ оха̄ретва̄ ка̄са̄йа̄ни ваттха̄ни аччха̄детва̄ ага̄расма̄ анага̄рийам̣ паббаджеййа’’нти. атха кхо са̄ париса̄ бхагавата̄ дхаммийа̄ катха̄йа сандассита̄ сама̄дапита̄ самуттеджита̄ сампахам̣сита̄ ут̣т̣ха̄йа̄сана̄ бхагавантам̣ абхива̄детва̄ падаккхин̣ам̣ катва̄ пакка̄ми.

25. атха кхо судинно каландапутто ачиравут̣т̣хита̄йа париса̄йа йена бхагава̄ тенупасан̇ками; упасан̇камитва̄ бхагавантам̣ абхива̄детва̄ екамантам̣ нисӣди. екамантам̣ нисинно кхо судинно каландапутто бхагавантам̣ етадавоча – ‘‘йатха̄ йатха̄хам̣, бханте, бхагавата̄ дхаммам̣ деситам̣ а̄джа̄на̄ми, найидам̣ сукарам̣ ага̄рам̣ аджджха̄васата̄ екантапарипун̣н̣ам̣ екантапарисуддхам̣ сан̇кхаликхитам̣ брахмачарийам̣ чаритум̣; иччха̄махам̣, бханте, кесамассум̣ оха̄ретва̄ ка̄са̄йа̄ни ваттха̄ни аччха̄детва̄ ага̄расма̄ анага̄рийам̣ паббаджитум̣. пабба̄джету мам̣ бхагава̄’’ти. ‘‘анун̃н̃а̄тоси пана твам̣, суддинна, ма̄та̄питӯхи ага̄расма̄ анага̄рийам̣ паббаджджа̄йа̄’’ти? ‘‘на кхо ахам̣, бханте, анун̃н̃а̄то ма̄та̄питӯхи ага̄расма̄ анага̄рийам̣ паббаджджа̄йа̄’’ти. ‘‘на кхо, судинна, татха̄гата̄ ананун̃н̃а̄там̣ ма̄та̄питӯхи путтам̣ пабба̄джентӣ’’ти. ‘‘сохам̣, бханте, татха̄ карисса̄ми йатха̄ мам̣ ма̄та̄питаро ануджа̄ниссанти ага̄расма̄ анага̄рийам̣ паббаджджа̄йа̄’’ти.

26. атха кхо судинно каландапутто веса̄лийам̣ там̣ каран̣ӣйам̣ тӣретва̄ йена каландага̄мо йена ма̄та̄питаро тенупасан̇ками; упасан̇камитва̄ ма̄та̄питаро етадавоча – ‘‘аммата̄та̄, йатха̄ йатха̄хам̣ бхагавата̄ дхаммам̣ деситам̣ а̄джа̄на̄ми, найидам̣ сукарам̣ ага̄рам̣ аджджха̄васата̄ екантапарипун̣н̣ам̣ екантапарисуддхам̣ сан̇кхаликхитам̣ брахмачарийам̣ чаритум̣; иччха̄махам̣ кесамассум̣ оха̄ретва̄ ка̄са̄йа̄ни ваттха̄ни аччха̄детва̄ ага̄расма̄ анага̄рийам̣ паббаджитум̣. ануджа̄на̄тха мам̣ ага̄расма̄ анага̄рийам̣ паббаджджа̄йа̄’’ти. евам̣ вутте судиннасса каландапуттасса ма̄та̄питаро судиннам̣ каландапуттам̣ етадавочум̣ – ‘‘твам̣ кхоси, та̄та судинна, амха̄кам̣ екапуттако пийо мана̄по сукхедхито сукхапарихато. на твам̣, та̄та судинна, кин̃чи дуккхасса джа̄на̄си. маран̣енапи майам̣ те ака̄мака̄ вина̄ бхависса̄ма, ким̣ пана майам̣ там̣ джӣвантам̣ ануджа̄нисса̄ма ага̄расма̄ анага̄рийам̣ паббаджджа̄йа̄’’ти. дутийампи кхо судинно каландапутто ма̄та̄питаро етадавоча – ‘‘аммата̄та̄, йатха̄ йатха̄хам̣ бхагавата̄ дхаммам̣ деситам̣ а̄джа̄на̄ми, найидам̣ сукарам̣ ага̄рам̣ аджджха̄васата̄ екантапарипун̣н̣ам̣ екантапарисуддхам̣ сан̇кхаликхитам̣ брахмачарийам̣ чаритум̣; иччха̄махам̣ кесамассум̣ оха̄ретва̄ ка̄са̄йа̄ни ваттха̄ни аччха̄детва̄ ага̄расма̄ анага̄рийам̣ паббаджитум̣. ануджа̄на̄тха мам̣ ага̄расма̄ анага̄рийам̣ паббаджджа̄йа̄’’ти. дутийампи кхо судиннасса каландапуттасса ма̄та̄питаро судиннам̣ каландапуттам̣ етадавочум̣ – ‘‘твам̣ кхоси, та̄та судинна, амха̄кам̣ екапуттако пийо мана̄по сукхедхито сукхапарихато. на твам̣, та̄та судинна, кин̃чи дуккхасса джа̄на̄си. маран̣енапи майам̣ те ака̄мака̄ вина̄ бхависса̄ма, ким̣ пана майам̣ там̣ джӣвантам̣ ануджа̄нисса̄ма ага̄расма̄ анага̄рийам̣ паббаджджа̄йа̄’’ти! татийампи кхо судинно каландапутто ма̄та̄питаро етадавоча – ‘‘аммата̄та̄, йатха̄ йатха̄хам̣ бхагавата̄ дхаммам̣ деситам̣ а̄джа̄на̄ми, найидам̣ сукарам̣ ага̄рам̣ аджджха̄васата̄ екантапарипун̣н̣ам̣ екантапарисуддхам̣ сан̇кхаликхитам̣ брахмачарийам̣ чаритум̣; иччха̄махам̣ кесамассум̣ оха̄ретва̄ ка̄са̄йа̄ни ваттха̄ни аччха̄детва̄ ага̄расма̄ анага̄рийам̣ паббаджитум̣. ануджа̄на̄тха мам̣ ага̄расма̄ анага̄рийам̣ паббаджджа̄йа̄’’ти. татийампи кхо судиннасса каландапуттасса ма̄та̄питаро судиннам̣ каландапуттам̣ етадавочум̣ – ‘‘твам̣ кхоси, та̄та судинна, амха̄кам̣ екапуттако пийо мана̄по сукхедхито сукхапарихато. на твам̣, та̄та судинна, кин̃чи дуккхасса джа̄на̄си. маран̣енапи майам̣ те ака̄мака̄ вина̄ бхависса̄ма, ким̣ пана майам̣ там̣ джӣвантам̣ ануджа̄нисса̄ма ага̄расма̄ анага̄рийам̣ паббаджджа̄йа̄’’ти!

27. атха кхо судинно каландапутто – ‘‘на мам̣ ма̄та̄питаро ануджа̄нанти ага̄расма̄ анага̄рийам̣ паббаджджа̄йа̄’’ти, таттхева анантарахита̄йа бхӯмийа̄ нипаджджи – идхева ме маран̣ам̣ бхависсати паббаджджа̄ ва̄ти. атха кхо судинно каландапутто екампи бхаттам̣ на бхун̃джи, двепи бхатта̄ни на бхун̃джи, тӣн̣ипи бхатта̄ни на бхун̃джи, чатта̄рипи бхатта̄ни на бхун̃джи, пан̃чапи бхатта̄ни на бхун̃джи, чхапи бхатта̄ни на бхун̃джи, саттапи бхатта̄ни на бхун̃джи.

28. атха кхо судиннасса каландапуттасса ма̄та̄питаро судиннам̣ каландапуттам̣ етадавочум̣ – ‘‘твам̣ кхоси, та̄та судинна, амха̄кам̣ екапуттако пийо мана̄по сукхедхито сукхапарихато. на твам̣, та̄та судинна, кин̃чи дуккхасса джа̄на̄си. маран̣енапи майам̣ те ака̄мака̄ вина̄ бхависса̄ма, ким̣ пана майам̣ там̣ джӣвантам̣ ануджа̄нисса̄ма ага̄расма̄ анага̄рийам̣ паббаджджа̄йа? ут̣т̣хехи, та̄та судинна, бхун̃джа ча пива ча парича̄рехи ча, бхун̃джанто пиванто парича̄ренто ка̄ме парибхун̃джанто пун̃н̃а̄ни каронто абхирамассу. на там̣ майам̣ ануджа̄на̄ма ага̄расма̄ анага̄рийам̣ паббаджджа̄йа̄’’ти. евам̣ вутте судинно каландапутто тун̣хӣ ахоси. дутийампи кхо…пе… татийампи кхо судиннасса каландапуттасса ма̄та̄питаро судиннам̣ каландапуттам̣ етадавочум̣ – ‘‘твам̣ кхоси, та̄та судинна, амха̄кам̣ екапуттако пийо мана̄по сукхедхито сукхапарихато. на твам̣, та̄та судинна, кин̃чи дуккхасса джа̄на̄си. маран̣енапи майам̣ те ака̄мака̄ вина̄ бхависса̄ма, ким̣ пана майам̣ там̣ джӣвантам̣ ануджа̄нисса̄ма ага̄расма̄ анага̄рийам̣ паббаджджа̄йа! ут̣т̣хехи, та̄та судинна, бхун̃джа ча пива ча парича̄рехи ча, бхун̃джанто пиванто парича̄ренто ка̄ме парибхун̃джанто пун̃н̃а̄ни каронто абхирамассу. на там̣ майам̣ ануджа̄на̄ма ага̄расма̄ анага̄рийам̣ паббаджджа̄йа̄’’ти. татийампи кхо судинно каландапутто тун̣хӣ ахоси.

атха кхо судиннасса каландапуттасса саха̄йака̄ йена судинно каландапутто тенупасан̇камим̣су; упасан̇камитва̄ судиннам̣ каландапуттам̣ етадавочум̣ – ‘‘твам̣ кхоси, самма судинна, ма̄та̄питӯнам̣ екапуттако пийо мана̄по сукхедхито сукхапарихато. на твам̣, самма судинна, кин̃чи дуккхасса джа̄на̄си. маран̣енапи те ма̄та̄питаро ака̄мака̄ вина̄ бхависсанти, ким̣ пана там̣ джӣвантам̣ ануджа̄ниссанти ага̄расма̄ анага̄рийам̣ паббаджа̄йа! ут̣т̣хехи, самма судинна, бхун̃джа ча пива ча парича̄рехи ча, бхун̃джанто пиванто парича̄ренто ка̄ме парибхун̃джанто пун̃н̃а̄ни каронто абхирамассу, на там̣ ма̄та̄питаро ануджа̄ниссанти ага̄расма̄ анага̄рийам̣ паббаджджа̄йа̄’’ти. евам̣ вутте, судинно каландапутто тун̣хӣ ахоси. дутийампи кхо…пе… татийампи кхо судиннасса каландапуттасса саха̄йака̄ судиннам̣ каландапуттам̣ етадавочум̣ – ‘‘твам̣ кхоси, самма судинна…пе… татийампи кхо судинно каландапутто тун̣хӣ ахоси.

29. атха кхо судиннасса каландапуттасса саха̄йака̄ йена судиннасса каландапуттасса ма̄та̄питаро тенупасан̇камим̣су; упасан̇камитва̄ судиннасса каландапуттасса ма̄та̄питаро етадавочум̣ – ‘‘аммата̄та̄, есо судинно анантарахита̄йа бхӯмийа̄ нипанно – ‘идхева ме маран̣ам̣ бхависсати паббаджджа̄ ва̄’ти. саче тумхе судиннам̣ на̄нуджа̄ниссатха ага̄расма̄ анага̄рийам̣ паббаджджа̄йа, таттхева маран̣ам̣ а̄гамиссати. саче пана тумхе судиннам̣ ануджа̄ниссатха ага̄расма̄ анага̄рийам̣ паббаджджа̄йа, паббаджитампи нам̣ даккхиссатха. саче судинно на̄бхирамиссати ага̄расма̄ анага̄рийам̣ паббаджджа̄йа, ка̄ тасса ан̃н̃а̄ гати бхависсати, идхева пачча̄гамиссати. ануджа̄на̄тха судиннам̣ ага̄расма̄ анага̄рийам̣ паббаджджа̄йа̄’’ти. ‘‘ануджа̄на̄ма, та̄та̄, судиннам̣ ага̄расма̄ анага̄рийам̣ паббаджджа̄йа̄’’ти. атха кхо судиннасса каландапуттасса саха̄йака̄ йена судинно каландапутто тенупасан̇камим̣су; упасан̇камитва̄ судиннам̣ каландапуттам̣ етадавочум̣ – ‘‘ут̣т̣хехи, самма судинна, анун̃н̃а̄тоси ма̄та̄питӯхи ага̄расма̄ анага̄рийам̣ паббаджджа̄йа̄’’ти.

30. атха кхо судинно каландапутто – ‘‘анун̃н̃а̄томхи кира ма̄та̄питӯхи ага̄расма̄ анага̄рийам̣ паббаджджа̄йа̄’’ти, хат̣т̣хо удагго па̄н̣ина̄ гатта̄ни парипун̃чханто вут̣т̣ха̄си. атха кхо судинно каландапутто катипа̄хам̣ балам̣ га̄хетва̄ йена бхагава̄ тенупасан̇ками; упасан̇камитва̄ бхагавантам̣ абхива̄детва̄ екамантам̣ нисӣди. екамантам̣ нисанно кхо судинно каландапутто бхагавантам̣ етадавоча – ‘‘анун̃н̃а̄то [анун̃н̃а̄томхи (сӣ. сйа̄.)] ахам̣, бханте, ма̄та̄питӯхи ага̄расма̄ анага̄рийам̣ паббаджджа̄йа. пабба̄джету мам̣ бхагава̄’’ти. алаттха кхо судинно каландапутто бхагавато сантике паббаджджам̣, алаттха упасампадам̣. ачирӯпасампанно ча пана̄йасма̄ судинно еварӯпе дхутагун̣е сама̄да̄йа ваттати, а̄ран̃н̃ико хоти пин̣д̣апа̄тико пам̣сукӯлико сапада̄нача̄рико, ан̃н̃атарам̣ ваджджига̄мам̣ упанисса̄йа вихарати.

тена кхо пана самайена ваджджӣ дуббхиккха̄ хоти двӣхитика̄ сетат̣т̣хика̄ сала̄ка̄вутта̄, на сукара̄ ун̃чхена паггахена йа̄петум̣. атха кхо а̄йасмато судиннасса етадахоси – ‘‘етарахи кхо ваджджӣ дуббхиккха̄ двӣхитика̄ сетат̣т̣хика̄ сала̄ка̄вутта̄, на сукара̄ ун̃чхена паггахена йа̄петум̣. бахӯ кхо пана ме веса̄лийам̣ н̃а̄тӣ ад̣д̣ха̄ махаддхана̄ маха̄бхога̄ пахӯтаджа̄тарӯпараджата̄ пахӯтавиттӯпакаран̣а̄ пахӯтадханадхан̃н̃а̄. йам̣нӯна̄хам̣ н̃а̄тӣ упанисса̄йа вихареййам̣! н̃а̄тӣ мам̣ [н̃а̄така̄пи мам̣ (сйа̄.)] нисса̄йа да̄на̄ни дассанти пун̃н̃а̄ни кариссанти, бхиккхӯ ча ла̄бхам̣ лаччханти, ахан̃ча пин̣д̣акена на киламисса̄мӣ’’ти. атха кхо а̄йасма̄ судинно сена̄санам̣ сам̣са̄метва̄ паттачӣварама̄да̄йа йена веса̄лӣ тена пакка̄ми. анупуббена йена веса̄лӣ тадавасари. татра судам̣ а̄йасма̄ судинно веса̄лийам̣ вихарати маха̄ване кӯт̣а̄га̄раса̄ла̄йам̣. ассосум̣ кхо а̄йасмато судиннасса н̃а̄така̄ – ‘‘судинно кира каландапутто веса̄лим̣ ануппатто’’ти. те а̄йасмато судиннасса сат̣т̣химатте тха̄липа̄ке бхатта̄бхиха̄рам̣ абхихарим̣су. атха кхо а̄йасма̄ судинно те сат̣т̣химатте тха̄липа̄ке бхиккхӯнам̣ виссаджджетва̄ пуббан̣хасамайам̣ нива̄сетва̄ паттачӣварама̄да̄йа каландага̄мам̣ пин̣д̣а̄йа па̄виси. каландага̄ме сапада̄нам̣ пин̣д̣а̄йа чарама̄но йена сакапиту нивесанам̣ тенупасан̇ками.

31. тена кхо пана самайена а̄йасмато судиннасса н̃а̄тида̄сӣ а̄бхидосикам̣ кумма̄сам̣ чхад̣д̣етука̄ма̄ [чхат̣т̣етука̄ма̄ (ка.)] хоти. атха кхо а̄йасма̄ судинно там̣ н̃а̄тида̄сим̣ етадавоча – ‘‘саче там̣, бхагини, чхад̣д̣анӣйадхаммам̣, идха ме патте а̄кира̄’’ти. атха кхо а̄йасмато судиннасса н̃а̄тида̄сӣ там̣ а̄бхидосикам̣ кумма̄сам̣ а̄йасмато судиннасса патте а̄кирантӣ хаттха̄нан̃ча па̄да̄нан̃ча сарасса ча нимиттам̣ аггахеси. атха кхо а̄йасмато судиннасса н̃а̄тида̄сӣ йена̄йасмато судиннасса ма̄та̄ тенупасан̇ками; упасан̇камитва̄ а̄йасмато судиннасса ма̄тарам̣ етадавоча – ‘‘йаггхеййе, джа̄неййа̄си, аййапутто судинно ануппатто’’ти. ‘‘саче, дже, твам̣ саччам̣ бхан̣аси, ада̄сим̣ там̣ каромӣ’’ти.

32. тена кхо пана самайена а̄йасма̄ судинно там̣ а̄бхидосикам̣ кумма̄сам̣ ан̃н̃атарам̣ кут̣т̣амӯлам̣ [куд̣д̣амӯлам̣ (сӣ. сйа̄.)] нисса̄йа парибхун̃джати. пита̄пи кхо а̄йасмато судиннасса камманта̄ а̄гаччханто аддаса а̄йасмантам̣ судиннам̣ там̣ а̄бхидосикам̣ кумма̄сам̣ ан̃н̃атарам̣ кут̣т̣амӯлам̣ нисса̄йа парибхун̃джантам̣. дисва̄на йена̄йасма̄ судинно тенупасан̇ками; упасан̇камитва̄ а̄йасмантам̣ судиннам̣ етадавоча – ‘‘аттхи на̄ма, та̄та судинна, а̄бхидосикам̣ кумма̄сам̣ парибхун̃джиссаси! нану на̄ма, та̄та судинна, сакам̣ гехам̣ гантабба’’нти? ‘‘агамимха [агамамха̄ (ка.)] кхо те гахапати, гехам̣. татойам̣ а̄бхидосико кумма̄со’’ти. атха кхо а̄йасмато судиннасса пита̄ а̄йасмато судиннасса ба̄ха̄йам̣ гахетва̄ а̄йасмантам̣ судиннам̣ етадавоча – ‘‘ехи, та̄та судинна, гхарам̣ гамисса̄ма̄’’ти. атха кхо а̄йасма̄ судинно йена сакапиту нивесанам̣ тенупасан̇ками; упасан̇камитва̄ пан̃н̃атте а̄сане нисӣди. атха кхо а̄йасмато судиннасса пита̄ а̄йасмантам̣ судиннам̣ етадавоча – ‘‘бхун̃джа, та̄та судинна̄’’ти. ‘‘алам̣, гахапати, катам̣ ме аджджа бхаттакичча’’нти. ‘‘адхива̄сехи, та̄та судинна, сва̄тана̄йа бхатта’’нти. адхива̄сеси кхо а̄йасма̄ судинно тун̣хӣбха̄вена. атха кхо а̄йасма̄ судинно ут̣т̣ха̄йа̄сана̄ пакка̄ми.

33. атха кхо а̄йасмато судиннасса ма̄та̄ тасса̄ раттийа̄ аччайена харитена гомайена патхавим̣ опун̃джа̄петва̄ [опуччха̄петва̄ (сӣ. сйа̄.)] две пун̃дже ка̄ра̄песи – екам̣ хиран̃н̃асса, екам̣ суван̣н̣асса. та̄ва маханта̄ пун̃джа̄ ахесум̣, орато т̣хито пурисо па̄рато т̣хитам̣ пурисам̣ на пассати; па̄рато т̣хито пурисо орато т̣хитам̣ пурисам̣ на пассати. те пун̃дже килан̃джехи пат̣иччха̄да̄петва̄ маджджхе а̄санам̣ пан̃н̃а̄петва̄ тирокаран̣ӣйам̣ париккхипитва̄ а̄йасмато судиннасса пура̄н̣адутийикам̣ а̄мантеси – ‘‘тена хи, вадху, йена алан̇ка̄рена алан̇ката̄ путтасса ме судиннасса пийа̄ ахоси мана̄па̄ тена алан̇ка̄рена алан̇кара̄’’ти. ‘‘евам̣, аййе’’ти, кхо а̄йасмато судиннасса пура̄н̣адутийика̄ а̄йасмато судиннасса ма̄туйа̄ паччассоси.

34. атха кхо а̄йасма̄ судинно пуббан̣хасамайам̣ нива̄сетва̄ паттачӣварама̄да̄йа йена сакапиту нивесанам̣ тенупасан̇ками; упасан̇камитва̄ пан̃н̃атте а̄сане нисӣди. атха кхо а̄йасмато судиннасса пита̄ йена̄йасма̄ судинно тенупасан̇ками; упасан̇камитва̄ те пун̃дже вивара̄петва̄ а̄йасмантам̣ судиннам̣ етадавоча – ‘‘идам̣ те, та̄та судинна, ма̄ту маттикам̣ иттхика̄йа иттхидханам̣, ан̃н̃ам̣ петтикам̣ ан̃н̃ам̣ пита̄махам̣. лаббха̄, та̄та судинна, хӣна̄йа̄ваттитва̄ бхога̄ ча бхун̃джитум̣ пун̃н̃а̄ни ча ка̄тум̣. ехи твам̣, та̄та судинна, хӣна̄йа̄ваттитва̄ бхоге ча бхун̃джассу пун̃н̃а̄ни ча карохӣ’’ти. ‘‘та̄та, на уссаха̄ми на висаха̄ми, абхирато ахам̣ брахмачарийам̣ чара̄мӣ’’ти. дутийампи кхо…пе… татийампи кхо а̄йасмато судиннасса пита̄ а̄йасмантам̣ судиннам̣ етадавоча – ‘‘идам̣ те, та̄та судинна, ма̄ту маттикам̣, иттхика̄йа иттхидханам̣, ан̃н̃ам̣ петтикам̣, ан̃н̃ам̣ пита̄махам̣. лаббха̄, та̄та судинна, хӣна̄йа̄ваттитва̄ бхога̄ ча бхун̃джитум̣ пун̃н̃а̄ни ча ка̄тум̣. ехи твам̣, та̄та судинна, хӣна̄йа̄ваттитва̄ бхоге ча бхун̃джассу пун̃н̃а̄ни ча карохӣ’’ти. ‘‘вадеййа̄ма кхо там̣, гахапати, саче твам̣ на̄тикад̣д̣хеййа̄сӣ’’ти. ‘‘вадехи, та̄та судинна̄’’ти. тена хи твам̣, гахапати, маханте маханте са̄н̣ипасиббаке ка̄ра̄петва̄ хиран̃н̃асуван̣н̣асса пӯра̄петва̄ сакат̣ехи нибба̄ха̄петва̄ маджджхе ган̇га̄йа соте опа̄техи [оса̄дехи (сӣ. сйа̄.)]. там̣ кисса хету? йан̃хи те, гахапати, бхависсати татонида̄нам̣ бхайам̣ ва̄ чхамбхитаттам̣ ва̄ ломахам̣со ва̄ а̄раккхо ва̄ со те на бхависсатӣ’’ти. евам̣ вутте, а̄йасмато судиннасса пита̄ анаттамано ахоси – ‘‘катхан̃хи на̄ма путто судинно евам̣ ваккхатӣ’’ти!

35. атха кхо а̄йасмато судиннасса пита̄ а̄йасмато судиннасса пура̄н̣адутийикам̣ а̄мантеси – ‘‘тена хи, вадху, твам̣ пийа̄ ча мана̄па̄ ча [твампи йа̄ча (сӣ.)]. аппева на̄ма путто судинно туйхампи вачанам̣ кареййа̄’’ти! атха кхо а̄йасмато судиннасса пура̄н̣адутийика̄ а̄йасмато судиннасса па̄десу гахетва̄ а̄йасмантам̣ судиннам̣ етадавоча – ‘‘кӣдиса̄ на̄ма та̄, аййапутта, аччхара̄йо йа̄сам̣ твам̣ хету брахмачарийам̣ чарасӣ’’ти? ‘‘на кхо ахам̣, бхагини, аччхара̄нам̣ хету брахмачарийам̣ чара̄мӣ’’ти. атха кхо а̄йасмато судиннасса пура̄н̣адутийика̄ – ‘‘аджджатагге мам̣ аййапутто судинно бхагинива̄дена самуда̄чаратӣ’’ти, таттхева муччхита̄ папата̄.

атха кхо а̄йасма̄ судинно питарам̣ етадавоча – ‘‘саче, гахапати, бходжанам̣ да̄таббам̣ детха, ма̄ но вихет̣хайиттха̄’’ти. ‘‘бхун̃джа, та̄та судинна̄’’ти. атха кхо а̄йасмато судиннасса ма̄та̄ ча пита̄ ча а̄йасмантам̣ судиннам̣ пан̣ӣтена кха̄данӣйена бходжанӣйена сахаттха̄ сантаппесум̣ сампава̄ресум̣. атха кхо а̄йасмато судиннасса ма̄та̄ а̄йасмантам̣ судиннам̣ бхутта̄вим̣ онӣтапаттапа̄н̣им̣ етадавоча – ‘‘идам̣, та̄та судинна, кулам̣ ад̣д̣хам̣ махаддханам̣ маха̄бхогам̣ пахӯтаджа̄тарӯпараджатам̣ пахӯтавиттӯпакаран̣ам̣ пахӯтадханадхан̃н̃ам̣. лаббха̄, та̄та судинна, хӣна̄йа̄ваттитва̄ бхога̄ ча бхун̃джитум̣ пун̃н̃а̄ни ча ка̄тум̣. ехи твам̣, та̄та судинна, хӣна̄йа̄ваттитва̄ бхоге ча бхун̃джассу пун̃н̃а̄ни ча карохӣ’’ти. ‘‘амма, на уссаха̄ми на висаха̄ми, абхирато ахам̣ брахмачарийам̣ чара̄мӣ’’ти. дутийампи кхо…пе… татийампи кхо а̄йасмато судиннасса ма̄та̄ а̄йасмантам̣ судиннам̣ етадавоча – ‘‘идам̣, та̄та судинна, кулам̣ ад̣д̣хам̣ махаддханам̣ маха̄бхогам̣ пахӯтаджа̄тарӯпараджатам̣ пахӯтавиттӯпакаран̣ам̣ пахӯтадханадхан̃н̃ам̣ [пахӯтадханадхан̃н̃ам̣ (па. чара̄мӣти) итипа̄т̣хо саббаттха наттхи, ӯно ман̃н̃е]. тена хи, та̄та судинна, бӣджакампи дехи – ма̄ но апуттакам̣ са̄патеййам̣ личчхавайо атихара̄песу’’нти. ‘‘етам̣ кхо ме, амма, сакка̄ ка̄ту’’нти. ‘‘кахам̣ пана, та̄та судинна, етарахи вихарасӣ’’ти? ‘‘маха̄ване, амма̄’’ти. атха кхо а̄йасма̄ судинно ут̣т̣ха̄йа̄сана̄ пакка̄ми.

36. атха кхо а̄йасмато судиннасса ма̄та̄ а̄йасмато судиннасса пура̄н̣адутийикам̣ а̄мантеси – ‘‘тена хи, вадху, йада̄ утунӣ хоси, пуппхам̣ те уппаннам̣ хоти, атха ме а̄рочеййа̄сӣ’’ти. ‘‘евам̣ аййе’’ти кхо а̄йасмато судиннасса пура̄н̣адутийика̄ а̄йасмато судиннасса ма̄туйа̄ паччассоси. атха кхо а̄йасмато судиннасса пура̄н̣адутийика̄ начирассева утунӣ ахоси, пуппхам̣са̄ уппаджджи. атха кхо а̄йасмато судиннасса пура̄н̣адутийика̄ а̄йасмато судиннасса ма̄тарам̣ етадавоча – ‘‘утунӣмхи, аййе, пуппхам̣ ме уппанна’’нти. ‘‘тена хи, вадху, йена алан̇ка̄рена алан̇ката̄ путтасса судиннасса пийа̄ ахоси мана̄па̄ тена алан̇ка̄рена алан̇кара̄’’ти. ‘‘евам̣ аййе’’ти кхо а̄йасмато судиннасса пура̄н̣адутийика̄ а̄йасмато судиннасса ма̄туйа̄ паччассоси. атха кхо а̄йасмато судиннасса ма̄та̄ а̄йасмато судиннасса пура̄н̣адутийикам̣ а̄да̄йа йена маха̄ванам̣ йена̄йасма̄ судинно тенупасан̇ками; упасан̇камитва̄ а̄йасмантам̣ судиннам̣ етадавоча – ‘‘идам̣, та̄та судинна, кулам̣ ад̣д̣хам̣ махаддханам̣ маха̄бхогам̣ пахӯтаджа̄тарӯпараджатам̣ пахӯтавиттӯпакаран̣ам̣ пахӯтадханадхан̃н̃ам̣. лаббха̄, та̄та судинна, хӣна̄йа̄ваттитва̄ бхога̄ ча бхун̃джитум̣ пун̃н̃а̄ни ча ка̄тум̣. ехи твам̣, та̄та судинна, хӣна̄йа̄ваттитва̄ бхоге ча бхун̃джассу пун̃н̃а̄ни ча карохӣ’’ти. ‘‘амма, на уссаха̄ми на висаха̄ми, абхирато ахам̣ брахмачарийам̣ чара̄мӣ’’ти. дутийампи кхо…пе… татийампи кхо а̄йасмато судиннасса ма̄та̄ а̄йасмантам̣ судиннам̣ етадавоча – ‘‘идам̣, та̄та судинна, кулам̣ ад̣д̣хам̣ махаддханам̣ маха̄бхогам̣ пахӯтаджа̄тарӯпараджатам̣ пахӯтавиттӯпакаран̣ам̣ пахӯтадханадхан̃н̃ам̣. тена хи, та̄та судинна, бӣджакампи дехи – ма̄ но апуттакам̣ са̄патеййам̣ личчхавайо атихара̄песу’’нти. ‘‘етам̣ кхо ме, амма, сакка̄ ка̄ту’’нти, пура̄н̣адутийика̄йа ба̄ха̄йам̣ гахетва̄ маха̄ванам̣ аджджхога̄хетва̄ апан̃н̃атте сиккха̄паде ана̄дӣнавадассо пура̄н̣адутийика̄йа тиккхаттум̣ метхунам̣ дхаммам̣ абхивин̃н̃а̄песи. са̄ тена габбхам̣ ган̣хи. бхумма̄ дева̄ саддаманусса̄весум̣ – ‘‘нираббудо вата, бхо, бхиккхусан̇гхо нира̄дӣнаво; судиннена каландапуттена аббудам̣ уппа̄дитам̣, а̄дӣнаво уппа̄дито’’ти. бхумма̄нам̣ дева̄нам̣ саддам̣ сутва̄ ча̄тумаха̄ра̄джика̄ [ча̄туммаха̄ра̄джика̄ (сӣ. сйа̄.)] дева̄ саддаманусса̄весум̣…пе… та̄ватим̣са̄ дева̄… йа̄ма̄ дева̄ … тусита̄ дева̄… нимма̄наратӣ дева̄… параниммитавасаваттӣ дева̄… брахмака̄йика̄ дева̄ саддаманусса̄весум̣ – ‘‘нираббудо вата, бхо, бхиккхусан̇гхо нира̄дӣнаво; судиннена каландапуттена аббудам̣ уппа̄дитам̣, а̄дӣнаво уппа̄дито’’ти. итиха тена кхан̣ена тена мухуттена йа̄ва брахмалока̄ саддо аббхуггаччхи.

атха кхо а̄йасмато судиннасса пура̄н̣адутийика̄ тасса габбхасса парипа̄каманва̄йа путтам̣ виджа̄йи. атха кхо а̄йасмато судиннасса саха̄йака̄ тасса да̄ракасса ‘бӣджако’ти на̄мам̣ акам̣су. а̄йасмато судиннасса пура̄н̣адутийика̄йа бӣджакама̄та̄ти на̄мам̣ акам̣су. а̄йасмато судиннасса бӣджакапита̄ти на̄мам̣ акам̣су. те апарена самайена убхо ага̄расма̄ анага̄рийам̣ паббаджитва̄ арахаттам̣ саччха̄кам̣су.

37. атха кхо а̄йасмато судиннасса ахудева куккуччам̣, аху виппат̣иса̄ро – ‘‘ала̄бха̄ вата ме, на вата ме ла̄бха̄! дулладдхам̣ вата ме, на вата ме суладдхам̣! йохам̣ евам̣ сва̄ккха̄те дхаммавинайе паббаджитва̄ на̄саккхим̣ йа̄ваджӣвам̣ парипун̣н̣ам̣ парисуддхам̣ брахмачарийам̣ чариту’’нти. со тенева куккуччена тена виппат̣иса̄рена кисо ахоси лӯкхо дуббан̣н̣о уппан̣д̣уппан̣д̣укаджа̄то дхаманисантхатагатто антомано лӣнамано дуккхӣ думмано виппат̣иса̄рӣ паджджха̄йи.

38. атха кхо а̄йасмато судиннасса саха̄йака̄ бхиккхӯ а̄йасмантам̣ судиннам̣ етадавочум̣ – ‘‘пуббе кхо твам̣, а̄вусо судинна, ван̣н̣ава̄ ахоси пӣн̣индрийо пасаннамукхаван̣н̣о виппасанначхавиван̣н̣о; со да̄ни твам̣ етарахи кисо лӯкхо дуббан̣н̣о уппан̣д̣уппан̣д̣укаджа̄то дхаманисантхатагатто антомано лӣнамано дуккхӣ думмано виппат̣иса̄рӣ паджджха̄йаси. каччи но твам̣, а̄вусо судинна, анабхирато брахмачарийам̣ чарасӣ’’ти? ‘‘на кхо ахам̣, а̄вусо, анабхирато брахмачарийам̣ чара̄ми. аттхи ме па̄пакаммам̣ катам̣; пура̄н̣адутийика̄йа метхуно дхаммо пат̣исевито; тасса майхам̣, а̄вусо, ахудева куккуччам̣ аху виппат̣иса̄ро – ‘ала̄бха̄ вата ме, на вата ме ла̄бха̄; дулладдхам̣ вата ме, на вата ме суладдхам̣; йохам̣ евам̣ сва̄ккха̄те дхаммавинайе паббаджитва̄ на̄саккхим̣ йа̄ваджӣвам̣ парипун̣н̣ам̣ парисуддхам̣ брахмачарийам̣ чариту’’нти. ‘‘алан̃хи те, а̄вусо судинна, куккучча̄йа алам̣ виппат̣иса̄ра̄йа йам̣ твам̣ евам̣ сва̄ккха̄те дхаммавинайе паббаджитва̄ на саккхиссаси йа̄ваджӣвам̣ парипун̣н̣ам̣ парисуддхам̣ брахмачарийам̣ чаритум̣. нану, а̄вусо, бхагавата̄ анекапарийа̄йена вира̄га̄йа дхаммо десито, но сара̄га̄йа; висам̣йога̄йа дхаммо десито, но сам̣йога̄йа; анупа̄да̄на̄йа дхаммо десито, но саупа̄да̄на̄йа. таттха на̄ма твам̣, а̄вусо, бхагавата̄ вира̄га̄йа дхамме десите сара̄га̄йа четессаси, висам̣йога̄йа дхамме десите сам̣йога̄йа четессаси, анупа̄да̄на̄йа дхамме десите саупа̄да̄на̄йа четессаси! нану, а̄вусо, бхагавата̄ анекапарийа̄йена ра̄гавира̄га̄йа дхаммо десито, маданиммадана̄йа пипа̄савинайа̄йа а̄лайасамуггха̄та̄йа ват̣т̣упаччхеда̄йа тан̣ха̄ккхайа̄йа вира̄га̄йа ниродха̄йа нибба̄на̄йа дхаммо десито! нану, а̄вусо, бхагавата̄ анекапарийа̄йена ка̄ма̄нам̣ паха̄нам̣ аккха̄там̣, ка̄масан̃н̃а̄нам̣ парин̃н̃а̄ аккха̄та̄, ка̄мапипа̄са̄нам̣ пат̣ивинайо аккха̄то, ка̄мавитакка̄нам̣ самуггха̄то аккха̄то, ка̄мапарил̣а̄ха̄нам̣ вӯпасамо аккха̄то! нетам̣, а̄вусо, аппасанна̄нам̣ ва̄ паса̄да̄йа, пасанна̄нам̣ ва̄ бхиййобха̄ва̄йа. атха кхветам̣, а̄вусо, аппасанна̄нан̃чева аппаса̄да̄йа пасанна̄нан̃ча екачча̄нам̣ ан̃н̃атхатта̄йа̄’’ти.

39. атха кхо те бхиккхӯ а̄йасмантам̣ судиннам̣ анекапарийа̄йена вигарахитва̄ бхагавато етаматтхам̣ а̄рочесум̣. атха кхо бхагава̄ етасмим̣ нида̄не етасмим̣ пакаран̣е бхиккхусан̇гхам̣ саннипа̄та̄петва̄ а̄йасмантам̣ судиннам̣ пат̣ипуччхи – ‘‘саччам̣ кира твам̣, судинна, пура̄н̣адутийика̄йа метхунам̣ дхаммам̣ пат̣исевӣ’’ти? ‘‘саччам̣, бхагава̄’’ти. вигарахи буддхо бхагава̄ – ‘‘анануччхавикам̣ [анануччхавийам̣ (сӣ.)], могхапуриса, анануломикам̣ аппат̣ирӯпам̣ асса̄ман̣акам̣ акаппийам̣ акаран̣ӣйам̣. катхан̃хи на̄ма твам̣, могхапуриса, евам̣ сва̄ккха̄те дхаммавинайе паббаджитва̄ на саккхиссаси йа̄ваджӣвам̣ парипун̣н̣ам̣ парисуддхам̣ брахмачарийам̣ чаритум̣! нану майа̄, могхапуриса, анекапарийа̄йена вира̄га̄йа дхаммо десито, но сара̄га̄йа; висам̣йога̄йа дхаммо десито, но сам̣йога̄йа; анупа̄да̄на̄йа дхаммо десито, но саупа̄да̄на̄йа! таттха на̄ма твам̣, могхапуриса, майа̄ вира̄га̄йа дхамме десите сара̄га̄йа четессаси, висам̣йога̄йа дхамме десите сам̣йога̄йа четессаси, анупа̄да̄на̄йа дхамме десите саупа̄да̄на̄йа четессаси! нану майа̄, могхапуриса, анекапарийа̄йена ра̄гавира̄га̄йа дхаммо десито! маданиммадана̄йа пипа̄савинайа̄йа а̄лайасамуггха̄та̄йа ват̣т̣упаччхеда̄йа тан̣ха̄ккхайа̄йа вира̄га̄йа ниродха̄йа нибба̄на̄йа дхаммо десито! нану майа̄, могхапуриса, анекапарийа̄йена ка̄ма̄нам̣ паха̄нам̣ аккха̄там̣, ка̄масан̃н̃а̄нам̣ парин̃н̃а̄ аккха̄та̄, ка̄мапипа̄са̄нам̣ пат̣ивинайо аккха̄то, ка̄мавитакка̄нам̣ самуггха̄то аккха̄то, ка̄мапарил̣а̄ха̄нам̣ вӯпасамо аккха̄то! варам̣ те, могхапуриса, а̄сивисасса [а̄сӣвисасса (сӣ. сйа̄.)] гхорависасса мукхе ан̇гаджа̄там̣ паккхиттам̣, на твева ма̄туга̄масса ан̇гаджа̄те ан̇гаджа̄там̣ паккхиттам̣. варам̣ те, могхапуриса, кан̣хасаппасса мукхе ан̇гаджа̄там̣ паккхиттам̣, на твева ма̄туга̄масса ан̇гаджа̄те ан̇гаджа̄там̣ паккхиттам̣. варам̣ те, могхапуриса, ан̇га̄рака̄суйа̄ а̄дитта̄йа сампаджджалита̄йа саджотибхӯта̄йа ан̇гаджа̄там̣ паккхиттам̣, на твева ма̄туга̄масса ан̇гаджа̄те ан̇гаджа̄там̣ паккхиттам̣. там̣ кисса хету? татонида̄нан̃хи, могхапуриса, маран̣ам̣ ва̄ нигаччхеййа маран̣аматтам̣ ва̄ дуккхам̣, на твева таппаччайа̄ ка̄йасса бхеда̄ парам̣ маран̣а̄ апа̄йам̣ дуггатим̣ винипа̄там̣ нирайам̣ упападжджеййа. итонида̄нан̃ча кхо, могхапуриса, ка̄йасса бхеда̄ парам̣ маран̣а̄ апа̄йам̣ дуггатим̣ винипа̄там̣ нирайам̣ упападжджеййа. таттха на̄ма твам̣, могхапуриса, йам̣ твам̣ асаддхаммам̣ га̄мадхаммам̣ васаладхаммам̣ дут̣т̣хуллам̣ одакантикам̣ рахассам̣ двайам̣двайасама̄паттим̣ сама̄паджджиссаси, бахӯнам̣ кхо твам̣, могхапуриса, акусала̄нам̣ дхамма̄нам̣ а̄дикатта̄ пуббан̇гамо. нетам̣, могхапуриса, аппасанна̄нам̣ ва̄ паса̄да̄йа, пасанна̄нам̣ ва̄ бхиййобха̄ва̄йа; атха кхветам̣, могхапуриса, аппасанна̄нан̃чева аппаса̄да̄йа, пасанна̄нан̃ча екачча̄нам̣ ан̃н̃атхатта̄йа̄’’ти.

атха кхо бхагава̄ а̄йасмантам̣ судиннам̣ анекапарийа̄йена вигарахитва̄ дуббхарата̄йа дуппосата̄йа махиччхата̄йа асантут̣т̣хита̄йа [асантут̣т̣хата̄йа (сйа̄.)] сан̇ган̣ика̄йа косаджджасса аван̣н̣ам̣ бха̄ситва̄ анекапарийа̄йена субхарата̄йа супосата̄йа аппиччхасса сантут̣т̣хасса саллекхасса дхутасса па̄са̄дикасса апачайасса вӣрийа̄рамбхасса [вӣрийа̄раббхасса (ка.)] ван̣н̣ам̣ бха̄ситва̄ бхиккхӯнам̣ тадануччхавикам̣ тадануломикам̣ дхаммим̣ катхам̣ катва̄ бхиккхӯ а̄мантеси – ‘‘тена хи, бхиккхаве, бхиккхӯнам̣ сиккха̄падам̣ пан̃н̃апесса̄ми [пан̃н̃а̄песса̄ми (сӣ. сйа̄.)] даса аттхавасе пат̣ичча – сан̇гхасут̣т̣хута̄йа, сан̇гхапха̄сута̄йа, думман̇кӯнам̣ пуггала̄нам̣ ниггаха̄йа, песала̄нам̣ бхиккхӯнам̣ пха̄сувиха̄ра̄йа, дит̣т̣хадхаммика̄нам̣ а̄сава̄нам̣ сам̣вара̄йа, сампара̄йика̄нам̣ а̄сава̄нам̣ пат̣игха̄та̄йа, аппасанна̄нам̣ паса̄да̄йа, пасанна̄нам̣ бхиййобха̄ва̄йа, саддхаммат̣т̣хитийа̄, винайа̄нуггаха̄йа. еван̃ча пана, бхиккхаве, имам̣ сиккха̄падам̣ уддисеййа̄тха –

‘‘йо пана бхиккху метхунам̣ дхаммам̣ пат̣исевеййа, па̄ра̄джико хоти асам̣ва̄со’’ти.

еван̃чидам̣ бхагавата̄ бхиккхӯнам̣ сиккха̄падам̣ пан̃н̃аттам̣ хоти.

судиннабха̄н̣ава̄ро нит̣т̣хито.

маккат̣ӣваттху

40. тена кхо пана самайена ан̃н̃атаро бхиккху веса̄лийам̣ маха̄ване маккат̣им̣ а̄мисена упала̄петва̄ тасса̄ метхунам̣ дхаммам̣ пат̣исевати. атха кхо со бхиккху пуббан̣хасамайам̣ нива̄сетва̄ паттачӣварам̣ а̄да̄йа веса̄лим̣ пин̣д̣а̄йа па̄виси. тена кхо пана самайена самбахула̄ бхиккхӯ сена̄санача̄рикам̣ а̄хин̣д̣анта̄ йена тасса бхиккхуно виха̄ро тенупасан̇камим̣су. аддаса кхо са̄ маккат̣ӣ те бхиккхӯ дӯратова а̄гаччханте. дисва̄на йена те бхиккхӯ тенупасан̇ками; упасан̇камитва̄ тесам̣ бхиккхӯнам̣ пурато кат̣импи ча̄леси чхеппампи ча̄леси, кат̣импи од̣д̣и, нимиттампи ака̄си. атха кхо тесам̣ бхиккхӯнам̣ етадахоси – ‘‘ниссам̣сайам̣ кхо со бхиккху имисса̄ маккат̣ийа̄ метхунам̣ дхаммам̣ пат̣исеватӣ’’ти. екамантам̣ нилӣйим̣су. атха кхо со бхиккху веса̄лийам̣ пин̣д̣а̄йа чаритва̄ пин̣д̣апа̄там̣ а̄да̄йа пат̣икками.

41. атха кхо са̄ маккат̣ӣ йена со бхиккху тенупасан̇ками. атха кхо со бхиккху там̣ пин̣д̣апа̄там̣ екадесам̣ бхун̃джитва̄ екадесам̣ тасса̄ маккат̣ийа̄ ада̄си. атха кхо са̄ маккат̣ӣ там̣ пин̣д̣апа̄там̣ бхун̃джитва̄ тасса бхиккхуно кат̣им̣ од̣д̣и. атха кхо со бхиккху тасса̄ маккат̣ийа̄ метхунам̣ дхаммам̣ пат̣исевати. атха кхо те бхиккхӯ там̣ бхиккхум̣ етадавочум̣ – ‘‘нану, а̄вусо, бхагавата̄ сиккха̄падам̣ пан̃н̃аттам̣; кисса твам̣, а̄вусо, маккат̣ийа̄ метхунам̣ дхаммам̣ пат̣исевасӣ’’ти? ‘‘саччам̣, а̄вусо, бхагавата̄ сиккха̄падам̣ пан̃н̃аттам̣; тан̃ча кхо манусситтхийа̄, но тираччха̄нагата̄йа̄’’ти. ‘‘нану, а̄вусо, татхева там̣ хоти. анануччхавикам̣, а̄вусо, анануломикам̣ аппат̣ирӯпам̣ асса̄ман̣акам̣ акаппийам̣ акаран̣ӣйам̣. катхан̃хи на̄ма твам̣, а̄вусо, евам̣ сва̄ккха̄те дхаммавинайе паббаджитва̄ на саккхиссаси йа̄ваджӣвам̣ парипун̣н̣ам̣ парисуддхам̣ брахмачарийам̣ чаритум̣! нану, а̄вусо, бхагавата̄ анекапарийа̄йена вира̄га̄йа дхаммо десито, но сара̄га̄йа…пе… ка̄мапарил̣а̄ха̄нам̣ вӯпасамо аккха̄то! нетам̣, а̄вусо, аппасанна̄нам̣ ва̄ паса̄да̄йа пасанна̄нам̣ ва̄ бхиййобха̄ва̄йа. атха кхветам̣, а̄вусо, аппасанна̄нан̃чева аппаса̄да̄йа, пасанна̄нан̃ча екачча̄нам̣ ан̃н̃атхатта̄йа̄’’ти. атха кхо те бхиккхӯ там̣ бхиккхум̣ анекапарийа̄йена вигарахитва̄ бхагавато етаматтхам̣ арочесум̣.

42. атха кхо бхагава̄ етасмим̣ нида̄не етасмим̣ пакаран̣е бхиккхусан̇гхам̣ саннипа̄та̄петва̄ там̣ бхиккхум̣ пат̣ипуччхи – ‘‘саччам̣ кира твам̣, бхиккху, маккат̣ийа̄ метхунам̣ дхаммам̣ пат̣исевӣ’’ти? ‘‘саччам̣, бхагава̄’’ти. вигарахи буддхо бхагава̄ – ‘‘анануччхавикам̣, могхапуриса, анануломикам̣ аппатирӯпам̣ асса̄ман̣акам̣ акаппийам̣ акаран̣ӣйам̣. катхан̃хи на̄ма твам̣, могхапуриса, евам̣ сва̄ккха̄те дхаммавинайе паббаджитва̄ на саккхиссаси йа̄ваджӣвам̣ парипун̣н̣ам̣ парисуддхам̣ брахмачарийам̣ чаритум̣! нану майа̄, могхапуриса, анекапарийа̄йена вира̄га̄йа дхаммо десито, но сара̄га̄йа …пе… ка̄мапарил̣а̄ха̄нам̣ вӯпасамо аккха̄то! варам̣ те, могхапуриса, а̄сӣвисасса гхорависасса мукхе ан̇гаджа̄там̣ паккхиттам̣, на твева маккат̣ийа̄ ан̇гаджа̄те ан̇гаджа̄там̣ паккхиттам̣. варам̣ те, могхапуриса, кан̣хасаппасса мукхе ан̇гаджа̄там̣ паккхиттам̣, на твева маккат̣ийа̄ ан̇гаджа̄те ан̇гаджа̄там̣ паккхиттам̣. варам̣ те, могхапуриса, ан̇га̄рака̄суйа̄ а̄дитта̄йа сампаджджалита̄йа саджотибхӯта̄йа ан̇гаджа̄там̣ паккхиттам̣, на твева маккат̣ийа̄ ан̇гаджа̄те ан̇гаджа̄там̣ паккхиттам̣. там̣ кисса хету? татонида̄нан̃хи, могхапуриса, маран̣ам̣ ва̄ нигаччхеййа маран̣аматтам̣ ва̄ дуккхам̣; на твева таппаччайа̄ ка̄йасса бхеда̄ парам̣ маран̣а̄ апа̄йам̣ дуггатим̣ винипа̄там̣ нирайам̣ упападжджеййа. итонида̄нан̃ча кхо, могхапуриса, ка̄йасса бхеда̄ парам̣ маран̣а̄ апа̄йам̣ дуггатим̣ винипа̄там̣ нирайам̣ упападжджеййа. таттха на̄ма твам̣, могхапуриса, йам̣ твам̣ асаддхаммам̣ га̄мадхаммам̣ васаладхаммам̣ дут̣т̣хуллам̣ одакантикам̣ рахассам̣ двайам̣двайасама̄паттим̣ сама̄паджджиссаси! нетам̣, могхапуриса, аппасанна̄нам̣ ва̄ паса̄да̄йа…пе… еван̃ча пана, бхиккхаве, имам̣ сиккха̄падам̣ уддисеййа̄тха –

‘‘йо пана бхиккху метхунам̣ дхаммам̣ пат̣исевеййа антамасо тираччха̄нагата̄йапи, па̄ра̄джико хоти асам̣ва̄со’’ти.

еван̃чидам̣ бхагавата̄ бхиккхӯнам̣ сиккха̄падам̣ пан̃н̃аттам̣ хоти.

маккат̣ӣваттху нит̣т̣хитам̣.

сантхатабха̄н̣ава̄ро

43. тена кхо пана самайена самбахула̄ веса̄лика̄ ваджджипуттака̄ бхиккхӯ йа̄вадаттхам̣ бхун̃джим̣су, йа̄вадаттхам̣ супим̣су, йа̄вадаттхам̣ нха̄йим̣су. йа̄вадаттхам̣ бхун̃джитва̄ йа̄вадаттхам̣ супитва̄ йа̄вадаттхам̣ нха̄йитва̄ айонисо манаси каритва̄ сиккхам̣ апаччаккха̄йа дуббалйам̣ ана̄викатва̄ метхунам̣ дхаммам̣ пат̣исевим̣су. те апарена самайена н̃а̄тибйасаненапи пхут̣т̣ха̄ бхогабйасаненапи пхут̣т̣ха̄ рогабйасаненапи пхут̣т̣ха̄ а̄йасмантам̣ а̄нандам̣ упасан̇камитва̄ евам̣ ваданти – ‘‘на майам̣, бханте а̄нанда, буддхагарахино на дхаммагарахино на сан̇гхагарахино; аттагарахино майам̣, бханте а̄нанда, анан̃н̃агарахино. майамевамха̄ алаккхика̄ майам̣ аппапун̃н̃а̄, йе майам̣ евам̣ сва̄ккха̄те дхаммавинайе паббаджитва̄ на̄саккхимха̄ йа̄ваджӣвам̣ парипун̣н̣ам̣ парисуддхам̣ брахмачарийам̣ чаритум̣. ида̄ни чепи [ида̄нипи че (сйа̄.)] майам̣, бханте а̄нанда, лабхеййа̄ма бхагавато сантике паббаджджам̣ лабхеййа̄ма упасампадам̣, ида̄нипи майам̣ випассака̄ кусала̄нам̣ дхамма̄нам̣ пуббаратта̄парараттам̣ бодхипаккхика̄нам̣ дхамма̄нам̣ бха̄вана̄нуйогамануйутта̄ вихареййа̄ма. са̄дху, бханте а̄нанда, бхагавато етаматтхам̣ а̄рочехӣ’’ти. ‘‘евама̄вусо’’ти кхо а̄йасма̄ а̄нандо веса̄лика̄нам̣ ваджджипуттака̄нам̣ пат̣иссун̣итва̄ йена бхагава̄ тенупасан̇ками; упасан̇камитва̄ бхагавато етаматтхам̣ а̄рочеси.

‘‘ат̣т̣ха̄наметам̣, а̄нанда, анавака̄со йам̣ татха̄гато ваджджӣнам̣ ва̄ ваджджипуттака̄нам̣ ва̄ ка̄ран̣а̄ са̄вака̄нам̣ па̄ра̄джикам̣ сиккха̄падам̣ пан̃н̃аттам̣ самӯханеййа̄’’ти.

атха кхо бхагава̄ етасмим̣ нида̄не етасмим̣ пакаран̣е дхаммим̣ катхам̣ катва̄ бхиккхӯ а̄мантеси – ‘‘йо, бхиккхаве [йо пана бхиккхаве бхиккху (сӣ.) йо кхо бхиккхаве бхиккху (сйа̄.)], сиккхам̣ апаччаккха̄йа дуббалйам̣ ана̄викатва̄ метхунам̣ дхаммам̣ пат̣исевати со а̄гато на упасампа̄детаббо; йо ча кхо, бхиккхаве [йо ча кхо бхиккхаве бхиккху (сӣ. сйа̄.)], сиккхам̣ паччаккха̄йа дуббалйам̣ а̄викатва̄ метхунам̣ дхаммам̣ пат̣исевати со а̄гато упасампа̄детаббо. еван̃ча пана, бхиккхаве, имам̣ сиккха̄падам̣ уддисеййа̄тха –

44. ‘‘йо пана бхиккху бхиккхӯнам̣ сиккха̄са̄джӣвасама̄панно сиккхам̣ апаччаккха̄йа дуббалйам̣ ана̄викатва̄ метхунам̣ дхаммам̣ пат̣исевеййа антамасо тираччха̄нагата̄йапи, па̄ра̄джико хоти асам̣ва̄со’’ти.

45. йо пана̄ти йо йа̄дисо йатха̄йутто йатха̄джаччо йатха̄на̄мо йатха̄готто йатха̄сӣло йатха̄виха̄рӣ йатха̄гочаро тхеро ва̄ наво ва̄ маджджхимо ва̄. есо вуччати ‘йо пана̄’ти.

[вибха. 510, джха̄навибхан̇гепи] бхиккхӯти бхиккхакоти бхиккху, бхиккха̄чарийам̣ аджджхупагатоти бхиккху, бхиннапат̣адхароти бхиккху, саман̃н̃а̄йа бхиккху, пат̣ин̃н̃а̄йа бхиккху, ехи бхиккхӯти бхиккху, тӣхи саран̣агаманехи упасампанноти бхиккху, бхадро бхиккху, са̄ро бхиккху, секхо бхиккху, асекхо бхиккху, самаггена сан̇гхена н̃аттичатуттхена каммена акуппена т̣ха̄на̄рахена упасампанноти бхиккху. татра йва̄йам̣ бхиккху самаггена сан̇гхена н̃аттичатуттхена каммена акуппена т̣ха̄на̄рахена упасампанно, айам̣ имасмим̣ аттхе адхиппето бхиккхӯти.

[дӣ. ни. 3.305] сиккха̄ти тиссо сиккха̄ – адхисӣласиккха̄, адхичиттасиккха̄, адхипан̃н̃а̄сиккха̄. татра йа̄йам̣ адхисӣласиккха̄, айам̣ имасмим̣ аттхе адхиппета̄ сиккха̄ти.

са̄джӣвам̣ на̄ма йам̣ бхагавата̄ пан̃н̃аттам̣ сиккха̄падам̣, етам̣ са̄джӣвам̣ на̄ма. тасмим̣ сиккхати, тена вуччати са̄джӣвасама̄панноти.

сиккхам̣ апаччаккха̄йа дуббалйам̣ ана̄викатва̄ти аттхи, бхиккхаве, дуббалйа̄викамман̃чева хоти сиккха̄ ча апаччаккха̄та̄; аттхи, бхиккхаве, дуббалйа̄викамман̃чева хоти сиккха̄ ча паччаккха̄та̄.

‘‘катхан̃ча, бхиккхаве, дуббалйа̄викамман̃чева хоти сиккха̄ ча апаччаккха̄та̄. идха, бхиккхаве, бхиккху уккан̣т̣хито анабхирато са̄ман̃н̃а̄ чавитука̄мо бхиккхубха̄вам̣ ат̣т̣ӣйама̄но хара̄йама̄но джигуччхама̄но гихибха̄вам̣ паттхайама̄но упа̄сакабха̄вам̣ паттхайама̄но а̄ра̄микабха̄вам̣ паттхайама̄но са̄ман̣ерабха̄вам̣ паттхайама̄но титтхийабха̄вам̣ паттхайама̄но титтхийаса̄вакабха̄вам̣ паттхайама̄но ассаман̣абха̄вам̣ паттхайама̄но асакйапуттийабха̄вам̣ паттхайама̄но – ‘йам̣нӯна̄хам̣ буддхам̣ паччаккхеййа’нти вадати вин̃н̃а̄пети. евампи, бхиккхаве, дуббалйа̄викамман̃чева хоти сиккха̄ ча апаччаккха̄та̄.

‘‘атха ва̄ пана уккан̣т̣хито анабхирато са̄ман̃н̃а̄ чавитука̄мо бхиккхубха̄вам̣ ат̣т̣ӣйама̄но хара̄йама̄но джигуччхама̄но гихибха̄вам̣ паттхайама̄но…пе… асакйапуттийабха̄вам̣ паттхайама̄но – ‘йам̣нӯна̄хам̣ дхаммам̣ паччаккхеййа’нти вадати вин̃н̃а̄пети…пе… йам̣нӯна̄хам̣ сан̇гхам̣… йам̣нӯна̄хам̣ сиккхам̣… йам̣нӯна̄хам̣ винайам̣… йам̣нӯна̄хам̣ па̄тимоккхам̣… йам̣нӯна̄хам̣ уддесам̣… йам̣нӯна̄хам̣ упаджджха̄йам̣… йам̣нӯна̄хам̣ а̄чарийам̣… йам̣нӯна̄хам̣ саддхивиха̄рикам̣… йам̣нӯна̄хам̣ антева̄сикам̣… йам̣нӯна̄хам̣ сама̄нупаджджха̄йакам̣… йам̣нӯна̄хам̣ сама̄на̄чарийакам̣ йам̣нӯна̄хам̣ сабрахмача̄рим̣ паччаккхеййа’нти вадати вин̃н̃а̄пети. ‘йам̣нӯна̄хам̣ гихӣ асса’нти вадати вин̃н̃а̄пети. ‘йам̣нӯна̄хам̣ упа̄сако асса’нти… ‘йам̣нӯна̄хам̣ а̄ра̄мико асса’нти… ‘йам̣нӯна̄хам̣ са̄ман̣еро асса’нти… ‘йам̣нӯна̄хам̣ титтхийо асса’нти… ‘йам̣нӯна̄хам̣ титтхийаса̄вако асса’нти… ‘йам̣нӯна̄хам̣ ассаман̣о асса’нти… ‘йам̣нӯна̄хам̣ асакйапуттийо асса’нти вадати вин̃н̃а̄пети. евампи, бхиккхаве, дуббалйа̄викамман̃чева хоти сиккха̄ ча апаччаккха̄та̄.

46. ‘‘атха ва̄ пана уккан̣т̣хито анабхирато са̄ман̃н̃а̄ чавитука̄мо бхиккхубха̄вам̣ ат̣т̣ӣйама̄но хара̄йама̄но джигуччхама̄но гихибха̄вам̣ паттхайама̄но…пе… асакйапуттийабха̄вам̣ паттхайама̄но – ‘йади пана̄хам̣ буддхам̣ паччаккхеййа’нти вадати вин̃н̃а̄пети…пе… ‘йади пана̄хам̣ асакйапуттийо асса’нти вадати вин̃н̃а̄пети…пе… ‘апа̄хам̣ буддхам̣ паччаккхеййа’нти вадати вин̃н̃а̄пети…пе… ‘апа̄хам̣ асакйапуттийо асса’нти вадати вин̃н̃а̄пети…пе… ‘ханда̄хам̣ буддхам̣ паччаккхеййа’нти вадати вин̃н̃а̄пети…пе… ‘ханда̄хам̣ асакйапуттийо асса’нти вадати вин̃н̃а̄пети…пе… ‘хоти ме буддхам̣ паччаккхеййа’нти вадати вин̃н̃а̄пети…пе… ‘хоти ме асакйапуттийо асса’нти вадати вин̃н̃а̄пети. евампи, бхиккхаве, дуббалйа̄викамман̃чева хоти сиккха̄ ча апаччаккха̄та̄.

47. ‘‘атха ва̄ пана уккан̣т̣хито анабхирато са̄ман̃н̃а̄ чавитука̄мо бхиккхубха̄вам̣ ат̣т̣ӣйама̄но хара̄йама̄но джигуччхама̄но гихибха̄вам̣ паттхайама̄но…пе… асакйапуттийабха̄вам̣ паттхайама̄но ‘ма̄тарам̣ сара̄мӣ’ти вадати вин̃н̃а̄пети… ‘питарам̣ сара̄мӣ’ти вадати вин̃н̃а̄пети… ‘бха̄тарам̣ сара̄мӣ’ти вадати вин̃н̃а̄пети… ‘бхагиним̣ сара̄мӣ’ти вадати вин̃н̃а̄пети… ‘путтам̣ сара̄мӣ’ти вадати вин̃н̃а̄пети… ‘дхӣтарам̣ сара̄мӣ’ти вадати вин̃н̃а̄пети… ‘паджа̄патим̣ сара̄мӣ’ти вадати вин̃н̃а̄пети… ‘н̃а̄таке сара̄мӣ’ти вадати вин̃н̃а̄пети… ‘митте сара̄мӣ’ти вадати вин̃н̃а̄пети… ‘га̄мам̣ сара̄мӣ’ти вадати вин̃н̃а̄пети… ‘нигамам̣ сара̄мӣ’ти вадати вин̃н̃а̄пети… ‘кхеттам̣ сара̄мӣ’ти вадати вин̃н̃а̄пети… ‘ваттхум̣ сара̄ми’ти вадати вин̃н̃а̄пети… ‘хиран̃н̃ам̣ сара̄мӣ’ти вадати вин̃н̃а̄пети… ‘суван̣н̣ам̣ сара̄мӣ’ти вадати вин̃н̃а̄пети… ‘сиппам̣ сара̄мӣ’ти вадати вин̃н̃а̄пети… ‘пуббе хаситам̣ лапитам̣ кӣл̣итам̣ самануссара̄мӣ’ти вадати вин̃н̃а̄пети. евампи, бхиккхаве, дуббалйа̄викамман̃чева хоти сиккха̄ ча апаччаккха̄та̄.

48. ‘‘атха ва̄ пана уккан̣т̣хито анабхирато са̄ман̃н̃а̄ чавитука̄мо бхиккхубха̄вам̣ ат̣т̣ӣйама̄но хара̄йама̄но джигуччхама̄но гихибха̄вам̣ паттхайама̄но…пе… асакйапуттийабха̄вам̣ паттхайама̄но – ‘ма̄та̄ ме аттхи, са̄ майа̄ посетабба̄’ти вадати вин̃н̃а̄пети… ‘пита̄ ме аттхи, со майа̄ посетаббо’ти вадати вин̃н̃а̄пети… ‘бха̄та̄ ме аттхи, со майа̄ посетаббо’ти вадати вин̃н̃а̄пети… ‘бхагинӣ ме аттхи, са̄ майа̄ посетабба̄’ти вадати вин̃н̃а̄пети… ‘путто ме аттхи, со майа̄ посетаббо’ти вадати вин̃н̃а̄пети… ‘дхӣта̄ ме аттхи, са̄ майа̄ посетабба̄’ти вадати вин̃н̃а̄пети… ‘паджа̄пати ме аттхи, са̄ майа̄ посетабба̄’ти вадати вин̃н̃а̄пети … ‘н̃а̄така̄ ме аттхи, те майа̄ посетабба̄’ти вадати вин̃н̃а̄пети… ‘митта̄ ме аттхи, те майа̄ посетабба̄’ти вадати вин̃н̃а̄пети. евампи, бхиккхаве, дуббалйа̄викамман̃чева хоти сиккха̄ ча апаччаккха̄та̄.

49. ‘‘атха ва̄ пана уккан̣т̣хито анабхирато са̄ман̃н̃а̄ чавитука̄мо бхиккхубха̄вам̣ ат̣т̣ӣйама̄но хара̄йама̄но джигуччхама̄но гихибха̄вам̣ паттхайама̄но…пе… асакйапуттийабха̄вам̣ паттхайама̄но – ‘ма̄та̄ ме аттхи, са̄ мам̣ посессатӣ’ти вадати вин̃н̃а̄пети… ‘пита̄ ме аттхи, со мам̣ посессатӣ’ти вадати вин̃н̃а̄пети… ‘бха̄та̄ ме аттхи, со мам̣ посессатӣ’ти вадати вин̃н̃а̄пети… ‘бхагинӣ ме аттхи, са̄ мам̣ посессатӣ’ти вадати вин̃н̃а̄пети… ‘путто ме аттхи, со мам̣ посессатӣ’ти вадати вин̃н̃а̄пети… ‘дхӣта̄ ме аттхи, са̄ мам̣ посессатӣ’ти вадати вин̃н̃а̄пети… ‘паджа̄пати ме аттхи, са̄ мам̣ посессатӣ’ти вадати вин̃н̃а̄пети… ‘н̃а̄така̄ ме аттхи, те мам̣ посессантӣ’ти вадати вин̃н̃а̄пети… ‘митта̄ ме аттхи, те мам̣ посессантӣ’ти вадати вин̃н̃а̄пети… ‘га̄мо ме аттхи, тена̄хам̣ джӣвисса̄мӣ’ти вадати вин̃н̃а̄пети… ‘нигамо ме аттхи, тена̄хам̣ джӣвисса̄мӣ’ти вадати вин̃н̃а̄пети… ‘кхеттам̣ ме аттхи, тена̄хам̣ джӣвисса̄мӣ’ти вадати вин̃н̃а̄пети… ‘ваттху ме аттхи, тена̄хам̣ джӣвисса̄мӣ’ти вадати вин̃н̃а̄пети… ‘хиран̃н̃ам̣ ме аттхи, тена̄хам̣ джӣвисса̄мӣ’ти вадати вин̃н̃а̄пети… ‘суван̣н̣ам̣ ме аттхи, тена̄хам̣ джӣвисса̄мӣ’ти вадати вин̃н̃а̄пети… ‘сиппам̣ ме аттхи, тена̄хам̣ джӣвисса̄мӣ’ти вадати вин̃н̃а̄пети. евампи, бхиккхаве, дуббалйа̄викамман̃чева хоти сиккха̄ ча апаччаккха̄та̄.

50. ‘‘атха ва̄ пана уккан̣т̣хито анабхирато са̄ман̃н̃а̄ чавитука̄мо бхиккхубха̄вам̣ ат̣т̣ӣйама̄но хара̄йама̄но джигуччхама̄но гихибха̄вам̣ паттхайама̄но…пе… асакйапуттийабха̄вам̣ паттхайама̄но ‘дуккара’нти вадати вин̃н̃а̄пети… ‘на сукара’нти вадати вин̃н̃а̄пети… ‘дуччара’нти вадати вин̃н̃а̄пети… ‘на сучара’нти вадати вин̃н̃а̄пети… ‘на уссаха̄мӣ’ти вадати вин̃н̃а̄пети… ‘на висаха̄мӣ’ти вадати вин̃н̃а̄пети… ‘на рама̄мӣ’ти вадати вин̃н̃а̄пети… ‘на̄бхирама̄мӣ’ти вадати вин̃н̃а̄пети. евампи кхо, бхиккхаве, дуббалйа̄викамман̃чева хоти сиккха̄ ча апаччаккха̄та̄.

51. ‘‘катхан̃ча, бхиккхаве, дуббалйа̄викамман̃чева хоти сиккха̄ ча паччаккха̄та̄? идха, бхиккхаве, бхиккху уккан̣т̣хито анабхирато са̄ман̃н̃а̄ чавитука̄мо бхиккхубха̄вам̣ ат̣т̣ӣйама̄но хара̄йама̄но джигуччхама̄но гихибха̄вам̣ паттхайама̄но…пе… асакйапуттийабха̄вам̣ паттхайама̄но – ‘буддхам̣ паччаккха̄мӣ’ти вадати вин̃н̃а̄пети. евампи, бхиккхаве, дуббалйа̄викамман̃чева хоти сиккха̄ ча паччаккха̄та̄.

‘‘атха ва̄ пана уккан̣т̣хито анабхирато са̄ман̃н̃а̄ чавитука̄мо бхиккхубха̄вам̣ ат̣т̣ӣйама̄но хара̄йама̄но джигуччхама̄но гихибха̄вам̣ паттхайама̄но…пе… асакйапуттийабха̄вам̣ паттхайама̄но – ‘дхаммам̣ паччаккха̄мӣ’ти вадати вин̃н̃а̄пети… ‘сан̇гхам̣ паччаккха̄мӣ’ти вадати вин̃н̃а̄пети… ‘сиккхам̣ паччаккха̄мӣ’ти вадати вин̃н̃а̄пети… ‘винайам̣ паччаккха̄мӣ’ти вадати вин̃н̃а̄пети… ‘па̄тимоккхам̣ паччаккха̄мӣ’ти вадати вин̃н̃а̄пети… ‘уддесам̣ паччаккха̄мӣ’ти вадати вин̃н̃а̄пети… ‘упаджджха̄йам̣ паччаккха̄мӣ’ти вадати вин̃н̃а̄пети… ‘а̄чарийам̣ паччаккха̄мӣ’ти вадати вин̃н̃а̄пети… ‘саддхивиха̄рикам̣ паччаккха̄мӣ’ти вадати вин̃н̃а̄пети… ‘антева̄сикам̣ паччаккха̄мӣ’ти вадати вин̃н̃а̄пети… ‘сама̄нупаджджха̄йакам̣ паччаккха̄мӣ’ти вадати вин̃н̃а̄пети… ‘сама̄на̄чарийакам̣ паччаккха̄мӣ’ти вадати вин̃н̃а̄пети… ‘сабрахмача̄рим̣ паччаккха̄мӣ’ти вадати вин̃н̃а̄пети… ‘гихӣти мам̣ дха̄рехӣ’ти вадати вин̃н̃а̄пети… ‘упа̄сакоти мам̣ дха̄рехӣ’ти вадати вин̃н̃а̄пети… ‘а̄ра̄микоти мам̣ дха̄рехӣ’ти вадати вин̃н̃а̄пети… ‘са̄ман̣ероти мам̣ дха̄рехӣ’ти вадати вин̃н̃а̄пети… ‘титтхийоти мам̣ дха̄рехӣ’ти вадати вин̃н̃а̄пети… ‘титтхийаса̄вакоти мам̣ дха̄рехӣ’ти вадати вин̃н̃а̄пети… ‘ассаман̣оти мам̣ дха̄рехӣ’ти вадати вин̃н̃а̄пети… ‘асакйапуттийоти мам̣ дха̄рехӣ’ти вадати вин̃н̃а̄пети. евампи, бхиккхаве, дуббалйа̄викамман̃чева хоти сиккха̄ ча паччаккха̄та̄.

52. ‘‘атха ва̄ пана уккан̣т̣хито анабхирато са̄ман̃н̃а̄ чавитука̄мо бхиккхубха̄вам̣ ат̣т̣ӣйама̄но хара̄йама̄но джигуччхама̄но гихибха̄вам̣ паттхайама̄но…пе… асакйапуттийабха̄вам̣ паттхайама̄но – ‘алам̣ ме буддхена̄’ти вадати вин̃н̃а̄пети…пе… ‘алам̣ ме сабрахмача̄рӣхӣ’ти вадати вин̃н̃а̄пети. евампи…пе… атха ва̄ пана…пе… ‘ким̣ ну ме буддхена̄’ти вадати вин̃н̃а̄пети…пе… ‘ким̣ ну ме сабрахмача̄рӣхӣ’ти вадати вин̃н̃а̄пети… ‘на маматтхо буддхена̄’ти вадати вин̃н̃а̄пети…пе… ‘на маматтхо сабрахмача̄рӣхӣ’ти вадати вин̃н̃а̄пети… ‘сумутта̄хам̣ буддхена̄’ти вадати вин̃н̃а̄пети…пе… ‘сумутта̄хам̣ сабрахмача̄рӣхӣ’ти вадати вин̃н̃а̄пети. евампи, бхиккхаве, дуббалйа̄викамман̃чева хоти сиккха̄ ча паччаккха̄та̄.

53. ‘‘йа̄ни ва̄ панан̃н̃а̄нипи аттхи буддхавевачана̄ни ва̄ дхаммавевачана̄ни ва̄ сан̇гхавевачана̄ни ва̄ сиккха̄вевачана̄ни ва̄ винайавевачана̄ни ва̄ па̄тимоккхавевачана̄ни ва̄ уддесавевачана̄ни ва̄ упаджджха̄йавевачана̄ни ва̄ а̄чарийавевачана̄ни ва̄ саддхивиха̄рикавевачана̄ни ва̄ антева̄сикавевачана̄ни ва̄ сама̄нупаджджха̄йакавевачана̄ни ва̄ сама̄на̄чарийакавевачана̄ни ва̄ сабрахмача̄ривевачана̄ни ва̄ гихивевачана̄ни ва̄ упа̄сакавевачана̄ни ва̄ а̄ра̄микавевачана̄ни ва̄ са̄ман̣еравевачана̄ни ва̄ титтхийавевачана̄ни ва̄ титтхийаса̄вакавевачана̄ни ва̄ ассаман̣авевачана̄ни ва̄ асакйапуттийавевачана̄ни ва̄, техи а̄ка̄рехи техи лин̇гехи техи нимиттехи вадати вин̃н̃а̄пети. евам̣ кхо, бхиккхаве, дуббалйа̄викамман̃чева хоти сиккха̄ ча паччаккха̄та̄.

54. ‘‘катхан̃ча, бхиккхаве, апаччаккха̄та̄ хоти сиккха̄? идха, бхиккхаве, йехи а̄ка̄рехи йехи лин̇гехи йехи нимиттехи сиккха̄ паччаккха̄та̄ хоти техи а̄ка̄рехи техи лин̇гехи техи нимиттехи умматтако сиккхам̣ паччаккха̄ти, апаччаккха̄та̄ хоти сиккха̄. умматтакасса сантике сиккхам̣ паччаккха̄ти, апаччаккха̄та̄ хоти сиккха̄. кхиттачитто сиккхам̣ паччаккха̄ти, апаччаккха̄та̄ хоти сиккха̄. кхиттачиттасса сантике сиккхам̣ паччаккха̄ти, апаччаккха̄та̄ хоти сиккха̄. ведана̄т̣т̣о сиккхам̣ паччаккха̄ти, апаччаккха̄та̄ хоти сиккха̄. ведана̄т̣т̣асса сантике сиккхам̣ паччаккха̄ти, апаччаккха̄та̄ хоти сиккха̄. девата̄йа сантике сиккхам̣ паччаккха̄ти, апаччаккха̄та̄ хоти сиккха̄. тираччха̄нагатасса сантике сиккхам̣ паччаккха̄ти, апаччаккха̄та̄ хоти сиккха̄. арийакена милаккхасса [милаккхакасса (сӣ. сйа̄.) милаккхусса (ка.)] сантике сиккхам̣ паччаккха̄ти, со ча на пат̣ивиджа̄на̄ти, апаччаккха̄та̄ хоти сиккха̄. милаккхакена арийакасса сантике сиккхам̣ паччаккха̄ти, со ча на пат̣ивиджа̄на̄ти, апаччаккха̄та̄ хоти сиккха̄. арийакена арийасса сантике сиккхам̣ паччаккха̄ти, со ча на пат̣ивиджа̄на̄ти, апаччаккха̄та̄ хоти сиккха̄. милаккхакена милаккхасса сантике сиккхам̣ паччаккха̄ти, со ча на пат̣ивиджа̄на̄ти, апаччаккха̄та̄ хоти сиккха̄. дава̄йа сиккхам̣ паччаккха̄ти, апаччаккха̄та̄ хоти сиккха̄. рава̄йа сиккхам̣ паччаккха̄ти, апаччаккха̄та̄ хоти сиккха̄. аса̄ветука̄мо са̄вети, апаччаккха̄та̄ хоти сиккха̄. са̄ветука̄мо на са̄вети, апаччаккха̄та̄ хоти сиккха̄. авин̃н̃усса са̄вети, апаччаккха̄та̄ хоти сиккха̄. вин̃н̃усса на са̄вети, апаччаккха̄та̄ хоти сиккха̄. саббасо ва̄ пана на са̄вети, апаччаккха̄та̄ хоти сиккха̄. евам̣ кхо, бхиккхаве, апаччаккха̄та̄ хоти сиккха̄’’.

55. [маха̄ни. 49, 50, 51] метхунадхаммо на̄ма йо со асаддхаммо га̄мадхаммо васаладхаммо дут̣т̣хуллам̣ одакантикам̣ рахассам̣ двайам̣двайасама̄патти, есо метхунадхаммо на̄ма.

пат̣исевати на̄ма йо нимиттена нимиттам̣ ан̇гаджа̄тена ан̇гаджа̄там̣ антамасо тилапхаламаттампи павесети, есо пат̣исевати на̄ма.

антамасо тираччха̄нагата̄йапӣти тираччха̄нагатиттхийа̄пи метхунам̣ дхаммам̣ пат̣исевитва̄ ассаман̣о хоти асакйапуттийо, пагева манусситтхийа̄. тена вуччати – ‘антамасо тираччха̄нагата̄йапӣ’ти.

па̄ра̄джико хотӣти сеййатха̄пи на̄ма пурисо сӣсаччхинно абхаббо тена сарӣрабандханена джӣвитум̣, евамева бхиккху метхунам̣ дхаммам̣ пат̣исевитва̄ ассаман̣о хоти асакйапуттийо. тена вуччати – ‘па̄ра̄джико хотӣ’ти.

асам̣ва̄соти сам̣ва̄со на̄ма екакаммам̣ екуддесо самасиккхата̄ – есо сам̣ва̄со на̄ма. со тена саддхим̣ наттхи. тена вуччати – ‘асам̣ва̄со’ти.

56. тиссо иттхийо – манусситтхӣ, аманусситтхӣ, тираччха̄нагатиттхӣ. тайо убхатобйан̃джанака̄ – мануссубхатобйан̃джанако, амануссубхатобйан̃джанако, тираччха̄нагатубхатобйан̃джанако. тайо пан̣д̣ака̄ – мануссапан̣д̣ако, амануссапан̣д̣ако, тираччха̄нагатапан̣д̣ако. тайо пуриса̄ – мануссапурисо, амануссапурисо, тираччха̄нагатапурисо.

манусситтхийа̄ тайо магге метхунам̣ дхаммам̣ пат̣исевантасса а̄патти па̄ра̄джикасса – ваччамагге, пасса̄вамагге, мукхе. аманусситтхийа̄…пе… тираччха̄нагатиттхийа̄ тайо магге метхунам̣ дхаммам̣ пат̣исевантасса а̄патти па̄ра̄джикасса – ваччамагге, пасса̄вамагге, мукхе. мануссубхатобйан̃джанакасса… амануссубхатобйан̃джанакасса… тираччха̄нагатубхатобйан̃джанакасса тайо магге метхунам̣ дхаммам̣ пат̣исевантасса а̄патти па̄ра̄джикасса – ваччамагге, пасса̄вамагге, мукхе. мануссапан̣д̣акасса две магге метхунам̣ дхаммам̣ пат̣исевантасса а̄патти па̄ра̄джикасса – ваччамагге, мукхе. амануссапан̣д̣акасса… тираччха̄нагатапан̣д̣акасса… мануссапурисасса… амануссапурисасса… тираччха̄нагатапурисасса две магге метхунам̣ дхаммам̣ пат̣исевантасса а̄патти па̄ра̄джикасса – ваччамагге, мукхе.

57. бхиккхусса севаначиттам̣ упат̣т̣хите манусситтхийа̄ ваччамаггам̣ ан̇гаджа̄там̣ павесентасса а̄патти па̄ра̄джикасса. бхиккхусса севаначиттам̣ упат̣т̣хите манусситтхийа̄ пасса̄вамаггам̣… мукхам̣ ан̇гаджа̄там̣ павесентасса а̄патти па̄ра̄джикасса. бхиккхусса севаначиттам̣ упат̣т̣хите аманусситтхийа̄… тираччха̄нагатиттхийа̄… мануссубхатобйан̃джанакасса… амануссубхатобйан̃джанакасса… тираччха̄нагатубхатобйан̃джанакасса… ваччамаггам̣ пасса̄вамаггам̣ мукхам̣ ан̇гаджа̄там̣ павесентасса а̄патти па̄ра̄джикасса. бхиккхусса севаначиттам̣ упат̣т̣хите мануссапан̣д̣акасса ваччамаггам̣ мукхам̣ ан̇гаджа̄там̣ павесентасса а̄патти па̄ра̄джикасса. бхиккхусса севаначиттам̣ упат̣т̣хите амануссапан̣д̣акасса… тираччха̄нагатапан̣д̣акасса… мануссапурисасса… амануссапурисасса… тираччха̄нагатапурисасса ваччамаггам̣ мукхам̣ ан̇гаджа̄там̣ павесентасса а̄патти па̄ра̄джикасса.

58. бхиккхупаччаттхика̄ манусситтхим̣ бхиккхусса сантике а̄нетва̄ ваччамаггена ан̇гаджа̄там̣ абхинисӣденти. со че павесанам̣ са̄дийати [пависанам̣ са̄дайати (ка.)], павит̣т̣хам̣ са̄дийати, т̣хитам̣ са̄дийати, уддхаран̣ам̣ са̄дийати, а̄патти па̄ра̄джикасса. бхиккхупаччаттхика̄ манусситтхим̣ бхиккхусса сантике а̄нетва̄ ваччамаггена ан̇гаджа̄там̣ абхинисӣденти. со че павесанам̣ на са̄дийати, павит̣т̣хам̣ са̄дийати, т̣хитам̣ са̄дийати, уддхаран̣ам̣ са̄дийати, а̄патти па̄ра̄джикасса. бхиккхупаччаттхика̄ манусситтхим̣ бхиккхусса сантике а̄нетва̄ ваччамаггена ан̇гаджа̄там̣ абхинисӣденти. со че павесанам̣ на са̄дийати, павит̣т̣хам̣ на са̄дийати, т̣хитам̣ са̄дийати, уддхаран̣ам̣ са̄дийати, а̄патти па̄ра̄джикасса. бхиккхупаччаттхика̄ манусситтхим̣ бхиккхусса сантике а̄нетва̄ ваччамаггена ан̇гаджа̄там̣ абхинисӣденти. со че павесанам̣ на са̄дийати, павит̣т̣хам̣ на са̄дийати, т̣хитам̣ на са̄дийати, уддхаран̣ам̣ са̄дийати а̄патти па̄ра̄джикасса. бхиккхупаччаттхика̄ манусситтхим̣ бхиккхусса сантике а̄нетва̄ ваччамаггена ан̇гаджа̄там̣ абхинисӣденти. со че павесанам̣ на са̄дийати, павит̣т̣хам̣ на са̄дийати, т̣хитам̣ на са̄дийати, уддхаран̣ам̣ на са̄дийати, ана̄патти.

бхиккхупаччаттхика̄ манусситтхим̣ бхиккхусса сантике а̄нетва̄ пасса̄вамаггена… мукхена ан̇гаджа̄там̣ абхинисӣденти. со че павесанам̣ са̄дийати, павит̣т̣хам̣ са̄дийати, т̣хитам̣ са̄дийати, уддхаран̣ам̣ са̄дийати, а̄патти па̄ра̄джикасса…пе… на са̄дийати, ана̄патти.

59. бхиккхупаччаттхика̄ манусситтхим̣ джа̄гарантим̣… суттам̣… маттам̣… умматтам̣… паматтам̣… матам̣ аккха̄йитам̣… матам̣ йебхуййена аккха̄йитам̣…пе… а̄патти па̄ра̄джикасса. матам̣ йебхуййена кха̄йитам̣ бхиккхусса сантике а̄нетва̄ ваччамаггена… пасса̄вамаггена… мукхена ан̇гаджа̄там̣ абхинисӣденти. со че павесанам̣ са̄дийати, павит̣т̣хам̣ са̄дийати, т̣хитам̣ са̄дийати, уддхаран̣ам̣ са̄дийати, а̄патти тхуллаччайасса…пе… на са̄дийати, ана̄патти.

бхиккхупаччаттхика̄ аманусситтхим̣… тираччха̄нагатиттхим̣… мануссубхатобйан̃джанакам̣… амануссубхатобйан̃джанакам̣… тираччха̄нагатубхатобйан̃джанакам̣ бхиккхусса сантике а̄нетва̄ ваччамаггена… пасса̄вамаггена… мукхена ан̇гаджа̄там̣ абхинисӣденти. со че павесанам̣ са̄дийати, павит̣т̣хам̣ са̄дийати, т̣хитам̣ са̄дийати, уддхаран̣ам̣ са̄дийати, а̄патти па̄ра̄джикасса…пе… на са̄дийати, ана̄патти.

бхиккхупаччаттхика̄ тираччха̄нагатубхатобйан̃джанакам̣ джа̄гарантам̣… суттам̣… маттам̣… умматтам̣… паматтам̣… матам̣ аккха̄йитам̣… матам̣ йебхуййена аккха̄йитам̣…пе… а̄патти па̄ра̄джикасса. матам̣ йебхуййена кха̄йитам̣ бхиккхусса сантике а̄нетва̄ ваччамаггена… пасса̄вамаггена… мукхена ан̇гаджа̄там̣ абхинисӣденти. со че павесанам̣ са̄дийати, павит̣т̣хам̣ са̄дийати, т̣хитам̣ са̄дийати, уддхаран̣ам̣ са̄дийати, а̄патти тхуллаччайасса…пе… на са̄дийати, ана̄патти.

бхиккхупаччаттхика̄ мануссапан̣д̣акам̣… амануссапан̣д̣акам̣… тираччха̄нагатапан̣д̣акам̣ бхиккхусса сантике а̄нетва̄ ваччамаггена… мукхена ан̇гаджа̄там̣ абхинисӣденти. со че павесанам̣ са̄дийати, павит̣т̣хам̣ са̄дийати, т̣хитам̣ са̄дийати, уддхаран̣ам̣ са̄дийати, а̄патти па̄ра̄джикасса…пе… на са̄дийати, ана̄патти.

бхиккхупаччаттхика̄ тираччха̄нагатапан̣д̣акам̣ джа̄гарантам̣… суттам̣… маттам̣… умматтам̣… паматтам̣… матам̣ аккха̄йитам̣ … матам̣ йебхуййена аккха̄йитам̣…пе… а̄патти па̄ра̄джикасса. матам̣ йебхуййена кха̄йитам̣ бхиккхусса сантике а̄нетва̄ ваччамаггена… мукхена ан̇гаджа̄там̣ абхинисӣденти. со че павесанам̣ са̄дийати, павит̣т̣хам̣ са̄дийати, т̣хитам̣ са̄дийати, уддхаран̣ам̣ са̄дийати, а̄патти тхуллаччайасса…пе… на са̄дийати, ана̄патти.

60. бхиккхупаччаттхика̄ мануссапурисам̣… амануссапурисам̣… тираччха̄нагатапурисам̣ бхиккхусса сантике а̄нетва̄ ваччамаггена… мукхена ан̇гаджа̄там̣ абхинисӣденти. со че павесанам̣ са̄дийати, павит̣т̣хам̣ са̄дийати, т̣хитам̣ са̄дийати, уддхаран̣ам̣ са̄дийати, а̄патти па̄ра̄джикасса…пе… на са̄дийати, ана̄патти.

бхиккхупаччаттхика̄ тираччха̄нагатапурисам̣ джа̄гарантам̣… суттам̣… маттам̣… умматтам̣… паматтам̣… матам̣ аккха̄йитам̣… матам̣ йебхуййена аккха̄йитам̣…пе… а̄патти па̄ра̄джикасса. матам̣ йебхуййена кха̄йитам̣ бхиккхусса сантике а̄нетва̄ ваччамаггена… мукхена ан̇гаджа̄там̣ абхинисӣденти. со че павесанам̣ са̄дийати, павит̣т̣хам̣ са̄дийати, т̣хитам̣ са̄дийати, уддхаран̣ам̣ са̄дийати, а̄патти тхуллаччайасса…пе… на са̄дийати, ана̄патти.

61. бхиккхупаччаттхика̄ манусситтхим̣ бхиккхусса сантике а̄нетва̄ ваччамаггена… пасса̄вамаггена… мукхена ан̇гаджа̄там̣ абхинисӣденти сантхата̄йа асантхатасса, асантхата̄йа сантхатасса, сантхата̄йа сантхатасса, асантхата̄йа асантхатасса. со че павесанам̣ са̄дийати, павит̣т̣хам̣ са̄дийати, т̣хитам̣ са̄дийати, уддхаран̣ам̣ са̄дийати, а̄патти па̄ра̄джикасса…пе… на са̄дийати, ана̄патти.

бхиккхупаччаттхика̄ манусситтхим̣ джа̄гарантим̣… суттам̣… маттам̣… умматтам̣… паматтам̣… матам̣ аккха̄йитам̣… матам̣ йебхуййена аккха̄йитам̣…пе… а̄патти па̄ра̄джикасса. матам̣ йебхуййена кха̄йитам̣ бхиккхусса сантике а̄нетва̄ ваччамаггена… пасса̄вамаггена… мукхена ан̇гаджа̄там̣ абхинисӣденти, сантхата̄йа асантхатасса, асантхата̄йа сантхатасса, сантхата̄йа сантхатасса, асантхата̄йа асантхатасса. со че павесанам̣ са̄дийати, павит̣т̣хам̣ са̄дийати, т̣хитам̣ са̄дийати, уддхаран̣ам̣ са̄дийати, а̄патти тхуллаччайасса…пе… на са̄дийати, ана̄патти.

бхиккхупаччаттхика̄ аманусситтхим̣… тираччха̄нагатиттхим̣… мануссубхатобйан̃джанакам̣… аманассубхатобйан̃джанакам̣ … тираччха̄нагатубхатобйан̃джанакам̣ бхиккхусса сантике а̄нетва̄ ваччамаггена… пасса̄вамаггена… мукхена ан̇гаджа̄там̣ абхинисӣденти сантхатасса асантхатасса, асантхатасса сантхатасса, сантхатасса сантхатасса, асантхатасса асантхатасса. со че павесанам̣ са̄дийати, павит̣т̣хам̣ са̄дийати, т̣хитам̣ са̄дийати, уддхаран̣ам̣ са̄дийати, а̄патти па̄ра̄джикасса…пе… на са̄дийати, ана̄патти.

бхиккхупаччаттхика̄ тираччха̄нагатубхатобйан̃джанакам̣ джа̄гарантам̣… суттам̣… маттам̣… умматтам̣… паматтам̣… матам̣ аккха̄йитам̣… матам̣ йебхуййена аккха̄йитам̣…пе… а̄патти па̄ра̄джикасса. матам̣ йебхуййена кха̄йитам̣ бхиккхусса сантике а̄нетва̄ ваччамаггена… пасса̄вамаггена… мукхена ан̇гаджа̄там̣ абхинисӣденти, сантхатасса асантхатасса, асантхатасса сантхатасса, сантхатасса сантхатасса, асантхатасса асантхатасса. со че павесанам̣ са̄дийати, павит̣т̣хам̣ са̄дийати, т̣хитам̣ са̄дийати, уддхаран̣ам̣ са̄дийати, а̄патти тхуллаччайасса…пе… на са̄дийати, ана̄патти.

62. бхиккхупаччаттхика̄ мануссапан̣д̣акам̣… амануссапан̣д̣акам̣… тираччха̄нагатапан̣д̣акам̣… мануссапурисам̣… амануссапурисам̣… тираччха̄нагатапурисам̣ бхиккхусса сантике а̄нетва̄ ваччамаггена… мукхена ан̇гаджа̄там̣ абхинисӣденти сантхатасса асантхатасса, асантхатасса сантхатасса, сантхатасса сантхатасса, асантхатасса асантхатасса. со че павесанам̣ са̄дийати, павит̣т̣хам̣ са̄дийати, т̣хитам̣ са̄дийати, уддхаран̣ам̣ са̄дийати, а̄патти па̄ра̄джикасса…пе… на са̄дийати, ана̄патти.

бхиккхупаччаттхика̄ тираччха̄нагатапурисам̣ джа̄гарантам̣… суттам̣… маттам̣… умматтам̣… паматтам̣… матам̣ аккха̄йитам̣… матам̣ йебхуййена аккха̄йитам̣…пе… а̄патти па̄ра̄джикасса. матам̣ йебхуййена кха̄йитам̣ бхиккхусса сантике а̄нетва̄ ваччамаггена… мукхена ан̇гаджа̄там̣ абхинисӣденти, сантхатасса асантхатасса, асантхатасса сантхатасса, сантхатасса сантхатасса, асантхатасса асантхатасса. со ча павесанам̣ са̄дийати, павит̣т̣хам̣ са̄дийати, т̣хитам̣ са̄дийати, уддхаран̣ам̣ са̄дийати, а̄патти тхуллаччайасса…пе… на са̄дийати, ана̄патти.

63. бхиккхупаччаттхика̄ бхиккхум̣ манусситтхийа̄ сантике а̄нетва̄ ан̇гаджа̄тена ваччамаггам̣… пасса̄вамаггам̣… мукхам̣ абхинисӣденти. со че павесанам̣ са̄дийати, павит̣т̣хам̣ са̄дийати, т̣хитам̣ са̄дийати, уддхаран̣ам̣ са̄дийати, а̄патти па̄ра̄джикасса…пе… на са̄дийати, ана̄патти.

бхиккхупаччаттхика̄ бхиккхум̣ манусситтхийа̄ джа̄гарантийа̄… сутта̄йа… матта̄йа… умматта̄йа… паматта̄йа … мата̄йа аккха̄йита̄йа… мата̄йа йебхуййена аккха̄йита̄йа…пе… а̄патти па̄ра̄джикасса. мата̄йа йебхуййена кха̄йита̄йа сантике а̄нетва̄ ан̇гаджа̄тена ваччамаггам̣… пасса̄вамаггам̣… мукхам̣ абхинисӣденти. со че павесанам̣ са̄дийати, павит̣т̣хам̣ са̄дийати, т̣хитам̣ са̄дийати, уддхаран̣ам̣ са̄дийати, а̄патти тхуллаччайасса…пе… на са̄дийати, ана̄патти.

бхиккхупаччаттхика̄ бхиккхум̣ аманусситтхийа̄… тираччха̄нагатиттхийа̄… мануссубхатобйан̃джанакасса… амануссубхатобйан̃джанакасса… тираччха̄нагатубхатобйан̃джанакасса… мануссапан̣д̣акасса… амануссапан̣д̣акасса… тираччха̄нагатапан̣д̣акасса… мануссапурисасса… амануссапурисасса… тираччха̄нагатапурисасса сантике а̄нетва̄ ан̇гаджа̄тена ваччамаггам̣… мукхам̣ абхинисӣденти. со че павесанам̣ са̄дийати, павит̣т̣хам̣ са̄дийати, т̣хитам̣ са̄дийати, уддхаран̣ам̣ са̄дийати, а̄патти па̄ра̄джикасса…пе… на са̄дийати, ана̄патти.

бхиккхупаччаттхика̄ бхиккхум̣ тираччха̄нагатапурисасса джа̄гарантасса… суттасса… маттасса… умматтасса… паматтасса… матасса аккха̄йитасса… матасса йебхуййена аккха̄йитасса…пе… а̄патти па̄ра̄джикасса. матасса йебхуййена кха̄йитасса сантике а̄нетва̄ ан̇гаджа̄тена ваччамаггам̣… мукхам̣ абхинисӣденти. со че павесанам̣ са̄дийати, павит̣т̣хам̣ са̄дийати, т̣хитам̣ са̄дийати, уддхаран̣ам̣ са̄дийати, а̄патти тхуллаччайасса…пе… на са̄дийати, ана̄патти.

64. бхиккхупаччаттхика̄ бхиккхум̣ манусситтхийа̄ сантике а̄нетва̄ ан̇гаджа̄тена ваччамаггам̣… пасса̄вамаггам̣… мукхам̣ абхинисӣденти сантхатасса асантхата̄йа, асантхатасса сантхата̄йа, сантхатасса сантхата̄йа, асантхатасса асантхата̄йа. со че павесанам̣ са̄дийати, павит̣т̣хам̣ са̄дийати, т̣хитам̣ са̄дийати, уддхаран̣ам̣ са̄дийати, а̄патти па̄ра̄джикасса…пе… на са̄дийати, ана̄патти.

бхиккхупаччаттхика̄ бхиккхум̣ манусситтхийа̄ джа̄гарантийа̄… сутта̄йа… матта̄йа… умматта̄йа… паматта̄йа… мата̄йа аккха̄йита̄йа… мата̄йа йебхуййена аккха̄йита̄йа…пе… а̄патти па̄ра̄джикасса. мата̄йа йебхуййена кха̄йита̄йа сантике а̄нетва̄ ан̇гаджа̄тена ваччамаггам̣… пасса̄вамаггам̣… мукхам̣ абхинисӣденти сантхатасса асантхата̄йа, асантхатасса сантхата̄йа, сантхатасса сантхата̄йа, асантхатасса асантхата̄йа. со че павесанам̣ са̄дийати, павит̣т̣хам̣ са̄дийати, т̣хитам̣ са̄дийати, уддхаран̣ам̣ са̄дийати, а̄патти тхуллаччайасса…пе… на са̄дийати, ана̄патти.

бхиккхупаччаттхика̄ бхиккхум̣ аманусситтхийа̄… тираччха̄нагатиттхийа̄… мануссубхатобйан̃джанакасса… амануссубхатобйан̃джанакасса… тираччха̄нагатубхатобйан̃джанакасса… мануссапан̣д̣акасса… амануссапан̣д̣акасса… тираччха̄нагатапан̣д̣акасса… мануссапурисасса… амануссапурисасса… тираччха̄нагатапурисасса сантике а̄нетва̄ ан̇гаджа̄тена ваччамаггам̣… мукхам̣ абхинисӣденти сантхатасса асантхатасса, асантхатасса сантхатасса, сантхатасса сантхатасса, асантхатасса асантхатасса. со че павесанам̣ са̄дийати, павит̣т̣хам̣ са̄дийати, т̣хитам̣ са̄дийати, уддхаран̣ам̣ са̄дийати, а̄патти па̄ра̄джикасса…пе… на са̄дийати, ана̄патти.

65. бхиккхупаччаттхика̄ бхиккхум̣ тираччха̄нагатапурисасса джа̄гарантасса… суттасса… маттасса… умматтасса… паматтасса… матасса аккха̄йитасса… матасса йебхуййена аккха̄йитасса…пе… а̄патти па̄ра̄джикасса. матасса йебхуййена кха̄йитасса сантике а̄нетва̄ ан̇гаджа̄тена ваччамаггам̣… мукхам̣ абхинисӣденти сантхатасса асантхатасса, асантхатасса сантхатасса, сантхатасса сантхатасса, асантхатасса асантхатасса. со че павесанам̣ са̄дийати, павит̣т̣хам̣ са̄дийати, т̣хитам̣ са̄дийати, уддхаран̣ам̣ са̄дийати, а̄патти тхуллаччайасса…пе… на са̄дийати, ана̄патти.

йатха̄ бхиккхупаччаттхика̄ виттха̄рита̄, евам̣ виттха̄ретабба̄.

ра̄джапаччаттхика̄… чорапаччаттхика̄… дхуттапаччаттхика̄… уппал̣агандхапаччаттхика̄. сам̣кхиттам̣.

66. маггена маггам̣ павесети, а̄патти па̄ра̄джикасса. маггена амаггам̣ павесети, а̄патти па̄ра̄джикасса. амаггена маггам̣ павесети, а̄патти па̄ра̄джикасса. амаггена амаггам̣ павесети, а̄патти тхуллаччайасса.

бхиккху суттабхиккхумхи виппат̣ипаджджати; пат̣ибуддхо са̄дийати, убхо на̄сетабба̄. пат̣ибуддхо на са̄дийати, дӯсако на̄сетаббо. бхиккху суттаса̄ман̣ерамхи виппат̣ипаджджати; пат̣ибуддхо са̄дийати, убхо на̄сетабба̄. пат̣ибуддхо на са̄дийати, дӯсако на̄сетаббо. са̄ман̣еро суттабхиккхумхи виппат̣ипаджджати; пат̣ибуддхо са̄дийати, убхо на̄сетабба̄. пат̣ибуддхо на са̄дийати, дӯсако на̄сетаббо. са̄ман̣еро суттаса̄ман̣ерамхи виппат̣ипаджджати; пат̣ибуддхо са̄дийати, убхо на̄сетабба̄. пат̣ибуддхо на са̄дийати, дӯсако на̄сетаббо.

ана̄патти аджа̄нантасса, аса̄дийантасса, умматтакасса, кхиттачиттасса, ведана̄т̣т̣асса, а̄дикаммикасса̄ти.

сантхатабха̄н̣ава̄ро нит̣т̣хито.

винӣтаваттхуудда̄нага̄тха̄

маккат̣ӣ ваджджипутта̄ ча, гихӣ нагго ча титтхийа̄;

да̄рикуппалаван̣н̣а̄ ча, бйан̃джанехипаре дуве.

ма̄та̄ дхӣта̄ бхагинӣ ча, джа̄йа̄ ча муду ламбина̄;

две ван̣а̄ лепачиттан̃ча, да̄рудхӣталика̄йа ча.

сундарена саха пан̃ча, пан̃ча сиватхикат̣т̣хика̄;

на̄гӣ йаккхӣ ча петӣ ча, пан̣д̣акопахато чхупе.

бхаддийе арахам̣ сутто, са̄ваттхийа̄ чатуро паре;

веса̄лийа̄ тайо ма̄ла̄, супине бха̄рукаччхако.

супабба̄ саддха̄ бхиккхунӣ, сиккхама̄на̄ са̄ман̣ерӣ ча;

весийа̄ пан̣д̣ако гихӣ, ан̃н̃аман̃н̃ам̣ вуд̣д̣хапаббаджито миготи.

винӣтаваттху

67. тена кхо пана самайена ан̃н̃атаро бхиккху маккат̣ийа̄ метхунам̣ дхаммам̣ пат̣исеви. тасса куккуччам̣ ахоси – ‘‘бхагавата̄ сиккха̄падам̣ пан̃н̃аттам̣, каччи ну кхо ахам̣ па̄ра̄джикам̣ а̄паттим̣ а̄панно’’ти? бхагавато етаматтхам̣ а̄рочеси. ‘‘а̄паттим̣ твам̣, бхиккху, а̄панно па̄ра̄джика’’нти.

тена кхо пана самайена самбахула̄ веса̄лика̄ ваджджипуттака̄ бхиккхӯ сиккхам̣ апаччаккха̄йа дуббалйам̣ ана̄викатва̄ метхунам̣ дхаммам̣ пат̣исевим̣су. тесам̣ куккуччам̣ ахоси – ‘‘бхагавата̄ сиккха̄падам̣ пан̃н̃аттам̣, каччи ну кхо майам̣ па̄ра̄джикам̣ а̄паттим̣ а̄панна̄’’ти? бхагавато етаматтхам̣ а̄рочесум̣. ‘‘а̄паттим̣ тумхе, бхиккхаве, а̄панна̄ па̄ра̄джика’’нти.

тена кхо пана самайена ан̃н̃атаро бхиккху – ‘евам̣ ме ана̄патти бхависсатӣ’ти, гихилин̇гена метхунам̣ дхаммам̣ пат̣исеви. тасса куккуччам̣ ахоси ‘‘бхагавата̄ сиккха̄падам̣ пан̃н̃аттам̣, каччи ну кхо ахам̣ па̄ра̄джикам̣ а̄паттим̣ а̄панно’’ти? бхагавато етаматтхам̣ а̄рочеси. ‘‘а̄паттим̣ твам̣, бхиккху, а̄панно па̄ра̄джика’’нти.

тена кхо пана самайена ан̃н̃атаро бхиккху – ‘евам̣ ме ана̄патти бхависсатӣ’ти, нагго хутва̄ метхунам̣ дхаммам̣ пат̣исеви. тасса куккуччам̣ ахоси…пе… ‘‘а̄паттим̣ твам̣, бхиккху, а̄панно па̄ра̄джика’’нти.

тена кхо пана самайена ан̃н̃атаро бхиккху – ‘евам̣ ме ана̄патти бхависсатӣ’ти, кусачӣрам̣ нива̄сетва̄… ва̄качӣрам̣ нива̄сетва̄… пхалакачӣрам̣ нива̄сетва̄… кесакамбалам̣ нива̄сетва̄… ва̄лакамбалам̣ нива̄сетва̄… улӯкапаккхикам̣ нива̄сетва̄… аджинаккхипам̣ нива̄сетва̄ метхунам̣ дхаммам̣ пат̣исеви. тасса куккуччам̣ ахоси…пе… ‘‘а̄паттим̣ твам̣, бхиккху, а̄панно па̄ра̄джика’’нти.

тена кхо пана самайена ан̃н̃атаро пин̣д̣ача̄рико бхиккху пӣт̣хаке нипаннам̣ да̄рикам̣ пасситва̄ са̄ратто ан̇гут̣т̣хам̣ ан̇гаджа̄там̣ павесеси. са̄ ка̄ламака̄си. тасса куккуччам̣ ахоси…пе… ‘‘ана̄патти, бхиккху, па̄ра̄джикасса. а̄патти сан̇гха̄дисесасса̄’’ти.

68. тена кхо пана самайена ан̃н̃атаро ма̄н̣авако уппалаван̣н̣а̄йа бхиккхунийа̄ пат̣ибаддхачитто хоти. атха кхо со ма̄н̣авако уппалаван̣н̣а̄йа бхиккхунийа̄ га̄мам̣ пин̣д̣а̄йа павит̣т̣ха̄йа кут̣икам̣ пависитва̄ нилӣно аччхи. уппалаван̣н̣а̄ бхиккхунӣ паччха̄бхаттам̣ пин̣д̣апа̄тапат̣икканта̄ па̄де паккха̄летва̄ кут̣икам̣ пависитва̄ ман̃чаке нисӣди. атха кхо со ма̄н̣авако уппалаван̣н̣ам̣ бхиккхуним̣ уггахетва̄ дӯсеси. уппалаван̣н̣а̄ бхиккхунӣ бхиккхунӣнам̣ етаматтхам̣ а̄рочеси. бхиккхунийо бхиккхӯнам̣ етаматтхам̣ а̄рочесум̣. бхиккхӯ бхагавато етаматтхам̣ а̄рочесум̣. ‘‘ана̄патти, бхиккхаве, аса̄дийантийа̄’’ти.

69. тена кхо пана самайена ан̃н̃атарасса бхиккхуно иттхилин̇гам̣ па̄тубхӯтам̣ хоти. бхагавато етаматтхам̣ а̄рочесум̣. ‘‘ануджа̄на̄ми, бхиккхаве, там̣йева упаджджхам̣ тамева упасампадам̣ та̄нийева [та̄ни (сӣ. сйа̄.)] васса̄ни бхиккхунӣхи сан̇гамитум̣ [сан̇камитум̣ (сӣ. сйа̄.)]. йа̄ а̄паттийо бхиккхӯнам̣ бхиккхунӣхи са̄дха̄ран̣а̄ та̄ а̄паттийо бхиккхунӣнам̣ сантике вут̣т̣ха̄тум̣. йа̄ а̄паттийо бхиккхӯнам̣ бхиккхунӣхи аса̄дха̄ран̣а̄ та̄хи а̄паттӣхи ана̄паттӣ’’ти.

тена кхо пана самайена ан̃н̃атарисса̄ бхиккхунийа̄ пурисалин̇гам̣ па̄тубхӯтам̣ хоти. бхагавато етаматтхам̣ а̄рочесум̣. ‘‘ануджа̄на̄ми, бхиккхаве, там̣йева упаджджхам̣ тамева упасампадам̣ та̄нийева [та̄ни (сӣ. сйа̄.)] васса̄ни бхиккхӯхи сан̇гамитум̣ [сан̇камитум̣ (сӣ. сйа̄.)]. йа̄ а̄паттийо бхиккхунӣнам̣ бхиккхӯхи са̄дха̄ран̣а̄ та̄ а̄паттийо бхиккхӯнам̣ сантике вут̣т̣ха̄тум̣. йа̄ а̄паттийо бхиккхунӣнам̣ бхиккхӯхи аса̄дха̄ран̣а̄ та̄хи а̄паттӣхи ана̄паттӣ’’ти.

70. тена кхо пана самайена ан̃н̃атаро бхиккху – ‘евам̣ ме ана̄патти бхависсатӣ’ти, ма̄туйа̄ метхунам̣ дхаммам̣ пат̣исеви… дхӣтуйа̄ метхунам̣ дхаммам̣ пат̣исеви… бхагинийа̄ метхунам̣ дхаммам̣ пат̣исеви… тасса куккуччам̣ ахоси…пе… ‘‘а̄паттим̣ твам̣, бхиккху, а̄панно па̄ра̄джика’’нти.

тена кхо пана самайена ан̃н̃атаро бхиккху пура̄н̣адутийика̄йа метхунам̣ дхаммам̣ пат̣исеви. тасса куккуччам̣ ахоси…пе… ‘‘а̄паттим̣ твам̣, бхиккху, а̄панно па̄ра̄джика’’нти.

71. тена кхо пана самайена ан̃н̃атаро бхиккху мудупит̣т̣хико хоти. со анабхиратийа̄ пӣл̣ито аттано ан̇гаджа̄там̣ мукхена аггахеси. тасса куккуччам̣ ахоси…пе… ‘‘а̄паттим̣ твам̣, бхиккху, а̄панно пара̄джика’’нти.

тена кхо пана самайена ан̃н̃атаро бхиккху ламбӣ хоти. со анабхиратийа̄ пӣл̣ито аттано ан̇гаджа̄там̣ аттано ваччамаггам̣ павесеси. тасса куккуччам̣ ахоси…пе… ‘‘а̄паттим̣ твам̣, бхиккху, а̄панно па̄ра̄джика’’нти.

тена кхо пана самайена ан̃н̃атаро бхиккху матасарӣрам̣ пасси. тасмин̃ча сарӣре ан̇гаджа̄таса̄манта̄ ван̣о хоти. со – ‘евам̣ ме ана̄патти бхависсатӣ’ти, ан̇гаджа̄те ан̇гаджа̄там̣ павесетва̄ ван̣ена нӣхари. тасса куккуччам̣ ахоси…пе… ‘‘а̄паттим̣ твам̣, бхиккху, а̄панно па̄ра̄джика’’нти.

тена кхо пана самайена ан̃н̃атаро бхиккху матасарӣрам̣ пасси. тасмин̃ча сарӣре ан̇гаджа̄таса̄манта̄ ван̣о хоти. со – ‘евам̣ ме ана̄патти бхависсатӣ’ти, ван̣е ан̇гаджа̄там̣ павесетва̄ ан̇гаджа̄тена нӣхари. тасса куккуччам̣ ахоси…пе… ‘‘а̄паттим̣ твам̣, бхиккху, а̄панно па̄ра̄джика’’нти.

тена кхо пана самайена ан̃н̃атаро бхиккху са̄ратто лепачиттасса нимиттам̣ ан̇гаджа̄тена чхупи. тасса куккуччам̣ ахоси…пе… ‘‘ана̄патти, бхиккху, па̄ра̄джикасса. а̄патти дуккат̣асса̄’’ти.

тена кхо пана самайена ан̃н̃атаро бхиккху са̄ратто да̄рудхӣталика̄йа нимиттам̣ ан̇гаджа̄тена чхупи. тасса куккуччам̣ ахоси…пе… ‘‘ана̄патти, бхиккху, па̄ра̄джикасса. а̄патти дуккат̣асса̄’’ти.

72. тена кхо пана самайена сундаро на̄ма бхиккху ра̄джагаха̄ паббаджито ратхика̄йа [ратхийа̄йа (ка.)] гаччхати. ан̃н̃атара̄ иттхӣ – ‘мухуттам̣ [иттхӣ там̣ пасситва̄ етадавоча мухуттам̣ (сйа̄.)], бханте, а̄гамехи, вандисса̄мӣ’ти са̄ вандантӣ антарава̄сакам̣ уккхипитва̄ мукхена ан̇гаджа̄там̣ аггахеси. тасса куккуччам̣ ахоси…пе… ‘‘са̄дийи твам̣, бхиккхӯ’’ти? ‘‘на̄хам̣, бхагава̄, са̄дийи’’нти. ‘‘ана̄патти, бхиккху, аса̄дийантасса̄’’ти.

тена кхо пана самайена ан̃н̃атара̄ иттхӣ бхиккхум̣ пасситва̄ етадавоча – ‘‘ехи, бханте, метхунам̣ дхаммам̣ пат̣исева̄’’ти. ‘‘алам̣, бхагини, нетам̣ каппатӣ’’ти. ‘‘ехи, бханте, ахам̣ ва̄йамисса̄ми, твам̣ ма̄ ва̄йами, евам̣ те ана̄патти бхависсатӣ’’ти. со бхиккху татха̄ ака̄си. тасса куккуччам̣ ахоси…пе… ‘‘а̄паттим̣ твам̣, бхиккху, а̄панно па̄ра̄джика’’нти.

тена кхо пана самайена ан̃н̃атара̄ иттхӣ бхиккхум̣ пасситва̄ етадавоча – ‘‘ехи, бханте, метхунам̣ дхаммам̣ пат̣исева̄’’ти. ‘‘алам̣, бхагини, нетам̣ каппатӣ’’ти. ‘‘ехи бханте, твам̣ ва̄йама, ахам̣ на ва̄йамисса̄ми, евам̣ те ана̄патти бхависсатӣ’’ти. со бхиккху татха̄ ака̄си. тасса куккуччам̣ ахоси…пе… ‘‘а̄паттим̣ твам̣, бхиккху, а̄панно па̄ра̄джика’’нти.

тена кхо пана самайена ан̃н̃атара̄ иттхӣ бхиккхум̣ пасситва̄ етадавоча – ‘‘ехи, бханте, метхунам̣ дхаммам̣ пат̣исева̄’’ти. ‘‘алам̣, бхагини, нетам̣ каппатӣ’’ти. ‘‘ехи, бханте, аббхантарам̣ гхат̣т̣етва̄ бахи мочехи…пе… бахи гхат̣т̣етва̄ аббхантарам̣ мочехи, евам̣ те ана̄патти бхависсатӣ’’ти. со бхиккху татха̄ ака̄си. тасса куккуччам̣ ахоси…пе… ‘‘а̄паттим̣ твам̣, бхиккху, а̄панно па̄ра̄джика’’нти.

73. тена кхо пана самайена ан̃н̃атаро бхиккху сиватхикам̣ гантва̄ аккха̄йитам̣ сарӣрам̣ пасситва̄ тасмим̣ метхунам̣ дхаммам̣ пат̣исеви. тасса куккуччам̣ ахоси…пе… ‘‘а̄паттим̣ твам̣, бхиккху, а̄панно па̄ра̄джика’’нти.

тена кхо пана самайена ан̃н̃атаро бхиккху сиватхикам̣ гантва̄ йебхуййена аккха̄йитам̣ сарӣрам̣ пасситва̄ тасмим̣ метхунам̣ дхаммам̣ пат̣исеви. тасса куккуччам̣ ахоси…пе… ‘‘а̄паттим̣ твам̣, бхиккху, а̄панно па̄ра̄джика’’нти.

тена кхо пана самайена ан̃н̃атаро бхиккху сиватхикам̣ гантва̄ йебхуййена кха̄йитам̣ сарӣрам̣ пасситва̄ тасмим̣ метхунам̣ дхаммам̣ пат̣исеви. тасса куккуччам̣ ахоси…пе… ‘‘ана̄патти, бхиккху, па̄ра̄джикасса. а̄патти тхуллаччайасса̄’’ти.

тена кхо пана самайена ан̃н̃атаро бхиккху сиватхикам̣ гантва̄ чхиннасӣсам̣ пасситва̄ ват̣т̣акате мукхе чхупантам̣ ан̇гаджа̄там̣ павесеси. тасса куккуччам̣ ахоси…пе… ‘‘а̄паттим̣ твам̣, бхиккху, а̄панно па̄ра̄джика’’нти.

тена кхо пана самайена ан̃н̃атаро бхиккху сиватхикам̣ гантва̄ чхиннасӣсам̣ пасситва̄ ват̣т̣акате мукхе аччхупантам̣ ан̇гаджа̄там̣ павесеси. тасса куккуччам̣ ахоси…пе… ‘‘ана̄патти, бхиккху, па̄ра̄джикасса. а̄патти дуккат̣асса̄’’ти.

тена кхо пана самайена ан̃н̃атаро бхиккху ан̃н̃атарисса̄ иттхийа̄ пат̣ибаддхачитто хоти. са̄ ка̄лан̇ката̄ [ка̄лаката̄ (сӣ. сйа̄.)] суса̄не чхад̣д̣ита̄. ат̣т̣хика̄ни виппакин̣н̣а̄ни хонти. атха кхо со бхиккху сиватхикам̣ гантва̄ ат̣т̣хика̄ни сан̇кад̣д̣хитва̄ нимитте ан̇гаджа̄там̣ пат̣ипа̄деси. тасса куккуччам̣ ахоси…пе… ‘‘ана̄патти, бхиккху, па̄ра̄джикасса. а̄патти дуккат̣асса̄’’ти.

тена кхо пана самайена ан̃н̃атаро бхиккху на̄гийа̄ метхунам̣ дхаммам̣ пат̣исеви… йаккхинийа̄ метхунам̣ дхаммам̣ пат̣исеви… петийа̄ метхунам̣ дхаммам̣ пат̣исеви … пан̣д̣акасса метхунам̣ дхаммам̣ пат̣исеви. тасса куккуччам̣ ахоси…пе… ‘‘а̄паттим̣ твам̣, бхиккху, а̄панно па̄ра̄джика’’нти.

тена кхо пана самайена ан̃н̃атаро бхиккху упахатиндрийо хоти. со – ‘на̄хам̣ ведийа̄ми [ведайа̄ми (ка.)] сукхам̣ ва̄ дуккхам̣ ва̄, ана̄патти ме бхависсатӣ’ти, метхунам̣ дхаммам̣ пат̣исеви. бхагавато етаматтхам̣ а̄рочесум̣. ‘‘ведайи ва̄ со, бхиккхаве, могхапурисо на ва̄ ведайи, а̄патти па̄ра̄джикасса̄’’ти.

тена кхо пана самайена ан̃н̃атаро бхиккху – ‘иттхийа̄ метхунам̣ дхаммам̣ пат̣исевисса̄мӣ’ти, чхупитаматте виппат̣иса̄рӣ ахоси. тасса куккуччам̣ ахоси…пе… ‘‘ана̄патти, бхиккху, па̄ра̄джикасса. а̄патти сан̇гха̄дисесасса̄’’ти.

74. тена кхо пана самайена ан̃н̃атаро бхиккху бхаддийе джа̄тийа̄ване дива̄виха̄рагато нипанно хоти. тасса ан̇гаман̇га̄ни ва̄тӯпаттхаддха̄ни хонти. ан̃н̃атара̄ иттхӣ пасситва̄ ан̇гаджа̄те абхинисӣдитва̄ йа̄вадаттхам̣ катва̄ пакка̄ми. бхиккхӯ килиннам̣ пасситва̄ бхагавато етаматтхам̣ а̄рочесум̣. ‘‘пан̃чахи, бхиккхаве, а̄ка̄рехи ан̇гаджа̄там̣ камманийам̣ хоти – ра̄гена, ваччена, пасса̄вена, ва̄тена, учча̄лин̇гапа̄н̣акадат̣т̣хена. имехи кхо, бхиккхаве, пан̃чаха̄ка̄рехи ан̇гаджа̄там̣ камманийам̣ хоти. ат̣т̣ха̄наметам̣, бхиккхаве, анавака̄со йам̣ тасса бхиккхуно ра̄гена ан̇гаджа̄там̣ камманийам̣ асса. арахам̣ со, бхиккхаве, бхиккху. ана̄патти, бхиккхаве, тасса бхиккхуно’’ти.

тена кхо пана самайена ан̃н̃атаро бхиккху са̄ваттхийа̄ андхаване дива̄виха̄рагато нипанно хоти. ан̃н̃атара̄ гопа̄лика̄ пасситва̄ ан̇гаджа̄те абхинисӣди. со бхиккху павесанам̣ са̄дийи, павит̣т̣хам̣ са̄дийи, т̣хитам̣ са̄дийи, уддхаран̣ам̣ са̄дийи. тасса куккуччам̣ ахоси…пе… ‘‘а̄паттим̣ твам̣, бхиккху, а̄панно па̄ра̄джика’’нти.

тена кхо пана самайена ан̃н̃атаро бхиккху са̄ваттхийа̄ андхаване дива̄виха̄рагато нипанно хоти. ан̃н̃атара̄ аджапа̄лика̄ пасситва̄… ан̃н̃атара̄ кат̣т̣хаха̄рика̄ пасситва̄… ан̃н̃атара̄ гомайаха̄рика̄ пасситва̄ ан̇гаджа̄те абхинисӣди. со бхиккху павесанам̣ са̄дийи, павит̣т̣хам̣ са̄дийи, т̣хитам̣ са̄дийи, уддхаран̣ам̣ са̄дийи. тасса куккуччам̣ ахоси…пе… ‘‘а̄паттим̣ твам̣, бхиккху, а̄панно па̄ра̄джика’’нти.

75. тена кхо пана самайена ан̃н̃атаро бхиккху веса̄лийам̣ маха̄ване дива̄виха̄рагато нипанно хоти. ан̃н̃атара̄ иттхӣ пасситва̄ ан̇гаджа̄те абхинисӣдитва̄ йа̄вадаттхам̣ катва̄ са̄манта̄ хасама̄на̄ т̣хита̄ хоти. со бхиккху пат̣ибуджджхитва̄ там̣ иттхим̣ етадавоча – ‘‘туйхидам̣ камма’’нти? ‘‘а̄ма, майхам̣ камма’’нти. тасса куккуччам̣ ахоси…пе… ‘‘са̄дийи твам̣, бхиккхӯ’’ти? ‘‘на̄хам̣, бхагава̄, джа̄на̄мӣ’’ти. ‘‘ана̄патти, бхиккху, аджа̄нантасса̄’’ти.

76. тена кхо пана самайена ан̃н̃атаро бхиккху веса̄лийам̣ маха̄ване дива̄виха̄рагато руккхам̣ апасса̄йа нипанно хоти. ан̃н̃атара̄ иттхӣ пасситва̄ ан̇гаджа̄те абхинисӣди. со бхиккху сахаса̄ вут̣т̣ха̄си. тасса куккуччам̣ ахоси…пе… ‘‘са̄дийи твам̣, бхиккхӯ’’ти? ‘‘на̄хам̣, бхагава̄, са̄дийи’’нти. ‘‘ана̄патти, бхиккху, аса̄дийантасса̄’’ти.

тена кхо пана самайена ан̃н̃атаро бхиккху веса̄лийам̣ маха̄ване дива̄виха̄рагато руккхам̣ апасса̄йа нипанно хоти. ан̃н̃атара̄ иттхӣ пасситва̄ ан̇гаджа̄те абхинисӣди. со бхиккху аккамитва̄ паваттеси [пават̣т̣еси (сӣ. сйа̄.)]. тасса куккуччам̣ ахоси…пе… ‘‘са̄дийи твам̣, бхиккхӯ’’ти? ‘‘на̄хам̣, бхагава̄, са̄дийи’’нти. ‘‘ана̄патти, бхиккху, аса̄дийантасса̄’’ти.

77. тена кхо пана самайена ан̃н̃атаро бхиккху веса̄лийам̣ маха̄ване кӯт̣а̄га̄раса̄ла̄йам̣ дива̄виха̄рагато два̄рам̣ виваритва̄ нипанно хоти. тасса ан̇гаман̇га̄ни ва̄тӯпаттхаддха̄ни хонти. тена кхо пана самайена самбахула̄ иттхийо гандхан̃ча ма̄лан̃ча а̄да̄йа а̄ра̄мам̣ а̄гамам̣су виха̄рапеккхика̄йо. атха кхо та̄ иттхийо там̣ бхиккхум̣ пасситва̄ ан̇гаджа̄те абхинисӣдитва̄ йа̄вадаттхам̣ катва̄, пурисӯсабхо вата̄йанти ватва̄ гандхан̃ча ма̄лан̃ча а̄ропетва̄ паккамим̣су. бхиккхӯ килиннам̣ пасситва̄ бхагавато етаматтхам̣ а̄рочесум̣. ‘‘пан̃чахи, бхиккхаве, а̄ка̄рехи ан̇гаджа̄там̣ камманийам̣ хоти – ра̄гена, ваччена, пасса̄вена, ва̄тена, учча̄лин̇гапа̄н̣акадат̣т̣хена. имехи кхо, бхиккхаве, пан̃чаха̄ка̄рехи ан̇гаджа̄там̣ камманийам̣ хоти. ат̣т̣ха̄наметам̣, бхиккхаве, анавака̄со, йам̣ тасса бхиккхуно ра̄гена ан̇гаджа̄там̣ камманийам̣ асса. арахам̣ со, бхиккхаве, бхиккху. ана̄патти, бхиккхаве, тасса бхиккхуно. ануджа̄на̄ми, бхиккхаве, дива̄ пат̣исаллӣйантена два̄рам̣ сам̣варитва̄ пат̣исаллӣйиту’’нти.

78. тена кхо пана самайена ан̃н̃атаро бха̄рукаччхако бхиккху супинанте [супинантена (сӣ. сйа̄.)] пура̄н̣адутийика̄йа метхунам̣ дхаммам̣ пат̣исевитва̄ – ‘ассаман̣о ахам̣, виббхамисса̄мӣ’ти, бха̄рукаччхам̣ гаччханто антара̄магге а̄йасмантам̣ упа̄лим̣ пасситва̄ етаматтхам̣ а̄рочеси. а̄йасма̄ упа̄ли евама̄ха – ‘‘ана̄патти, а̄вусо, супинантена̄’’ти.

тена кхо пана самайена ра̄джагахе супабба̄ на̄ма упа̄сика̄ мудхаппасанна̄ [муддхаппасанна̄ (сӣ.)] хоти. са̄ евам̣дит̣т̣хика̄ хоти – ‘‘йа̄ метхунам̣ дхаммам̣ дети са̄ аггада̄нам̣ детӣ’’ти. са̄ бхиккхум̣ пасситва̄ етадавоча – ‘‘ехи, бханте, метхунам̣ дхаммам̣ пат̣исева̄’’ти. ‘‘алам̣, бхагини, нетам̣ каппатӣ’’ти. ‘‘ехи, бханте, ӯрунтарика̄йа [ӯрантарика̄йа (сӣ.)] гхат̣т̣ехи, евам̣ те ана̄патти бхависсатӣ’’ти…пе… ехи, бханте, на̄бхийам̣ гхат̣т̣ехи… ехи, бханте, ударават̣т̣ийам̣ гхат̣т̣ехи… ехи, бханте, упакаччхаке гхат̣т̣ехи… ехи, бханте, гӣва̄йам̣ гхат̣т̣ехи… ехи, бханте, кан̣н̣аччхидде гхат̣т̣ехи… ехи, бханте, кесават̣т̣ийам̣ гхат̣т̣ехи… ехи, бханте, ан̇гулантарика̄йа гхат̣т̣ехи… ‘‘ехи, бханте, хаттхена упаккамитва̄ мочесса̄ми, евам̣ те ана̄патти бхависсатӣ’’ти. со бхиккху татха̄ ака̄си. тасса куккуччам̣ ахоси…пе… ‘‘ана̄патти, бхиккху, па̄ра̄джикасса. а̄патти сан̇гха̄дисесасса̄’’ти.

79. тена кхо пана самайена са̄ваттхийам̣ саддха̄ на̄ма упа̄сика̄ мудхаппасанна̄ хоти. са̄ евам̣дит̣т̣хика̄ хоти – ‘‘йа̄ метхунам̣ дхаммам̣ дети са̄ аггада̄нам̣ детӣ’’ти. са̄ бхиккхум̣ пасситва̄ етадавоча – ‘‘ехи, бханте, метхунам̣ дхаммам̣ пат̣исева̄’’ти. ‘‘алам̣, бхагини, нетам̣ каппатӣ’’ти. ‘‘ехи, бханте, ӯрунтарика̄йа гхат̣т̣ехи…пе… ехи, бханте, хаттхена упаккамитва̄ мочесса̄ми, евам̣ те ана̄патти бхависсатӣ’’ти. со бхиккху татха̄ ака̄си. тасса куккуччам̣ ахоси…пе… ‘‘ана̄патти, бхиккху, па̄ра̄джикасса. а̄патти сан̇гха̄дисесасса̄’’ти.

80. тена кхо пана самайена веса̄лийам̣ личчхавикума̄рака̄ бхиккхум̣ гахетва̄ бхиккхунийа̄ виппат̣ипа̄десум̣… сиккхама̄на̄йа виппат̣ипа̄десум̣… са̄ман̣ерийа̄ виппат̣ипа̄десум̣. убхо са̄дийим̣су. убхо на̄сетабба̄. убхо на са̄дийим̣су. убхиннам̣ ана̄патти.

81. тена кхо пана самайена веса̄лийам̣ личчхавикума̄рака̄ бхиккхум̣ гахетва̄ весийа̄ виппат̣ипа̄десум̣… пан̣д̣аке виппат̣ипа̄десум̣… гихинийа̄ виппат̣ипа̄десум̣. бхиккху са̄дийи. бхиккху на̄сетаббо. бхиккху на са̄дийи. бхиккхусса ана̄патти.

тена кхо пана самайена веса̄лийам̣ личчхавикума̄рака̄ бхиккхӯ гахетва̄ ан̃н̃аман̃н̃ам̣ виппат̣ипа̄десум̣. убхо са̄дийим̣су. убхо на̄сетабба̄. убхо на са̄дийим̣су. убхиннам̣ ана̄патти.

82. тена кхо пана самайена ан̃н̃атаро вуд̣д̣хапаббаджито бхиккху пура̄н̣адутийика̄йа дассанам̣ агама̄си. са̄ – ‘ехи, бханте, виббхама̄’ти аггахеси. со бхиккху пат̣иккаманто утта̄но парипати. са̄ уббхаджитва̄ [уббхуджитва̄ (сӣ. сйа̄.)] ан̇гаджа̄те [ан̇гаджа̄тена (сӣ.)] абхинисӣди. тасса куккуччам̣ ахоси …пе… ‘‘са̄дийи твам̣, бхиккхӯ’’ти? ‘‘на̄хам̣, бхагава̄, са̄дийи’’нти. ‘‘ана̄патти, бхиккху, аса̄дийантасса̄’’ти.

83. тена кхо пана самайена ан̃н̃атаро бхиккху аран̃н̃е вихарати. мигапотако тасса пасса̄ват̣т̣ха̄нам̣ а̄гантва̄ пасса̄вам̣ пиванто мукхена ан̇гаджа̄там̣ аггахеси. со бхиккху са̄дийи. тасса куккуччам̣ ахоси…пе… ‘‘а̄паттим̣ твам̣, бхиккху, а̄панно па̄ра̄джика’’нти.