6. сурусурувагго

627. тена самайена буддхо бхагава̄ косамбийам̣ вихарати гхосита̄ра̄ме. тена кхо пана самайена ан̃н̃атарена бра̄хман̣ена сан̇гхасса пайопа̄нам̣ пат̣ийаттам̣ хоти. бхиккхӯ сурусурука̄ракам̣ кхӣрам̣ пиванти. ан̃н̃атаро нат̣апуббако бхиккху евама̄ха – ‘‘саббойам̣ ман̃н̃е сан̇гхо сӣтӣкато’’ти. йе те бхиккхӯ аппиччха̄…пе… те уджджха̄йанти кхиййанти випа̄ченти – ‘‘катхан̃хи на̄ма бхиккху сан̇гхам̣ а̄раббха давам̣ кариссатӣ’’ти…пе… саччам̣ кира твам̣, бхиккху, сан̇гхам̣ а̄раббха давам̣ ака̄сӣти? ‘‘саччам̣, бхагава̄’’ти. вигарахи буддхо бхагава̄…пе… катхан̃хи на̄ма твам̣, могхапуриса, сан̇гхам̣ а̄раббха давам̣ кариссаси! нетам̣, могхапуриса, аппасанна̄нам̣ ва̄ паса̄да̄йа…пе… вигарахитва̄…пе… дхаммим̣ катхам̣ катва̄ бхиккхӯ а̄мантеси – ‘‘на, бхиккхаве, буддхам̣ ва̄ дхаммам̣ ва̄ сан̇гхам̣ ва̄ а̄раббха даво ка̄таббо. йо кареййа, а̄патти дуккат̣асса̄’’ти. атха кхо бхагава̄ там̣ бхиккхум̣ анекапарийа̄йена вигарахитва̄ дуббхарата̄йа…пе… еван̃ча пана, бхиккхаве, имам̣ сиккха̄падам̣ уддисеййа̄тха –

‘‘на сурусурука̄ракам̣ бхун̃джисса̄мӣти сиккха̄ каран̣ӣйа̄’’ти.

на сурусурука̄ракам̣ бхун̃джитаббам̣. йо ана̄дарийам̣ пат̣ичча сурусурука̄ракам̣ бхун̃джати, а̄патти дуккат̣асса.

ана̄патти асан̃чичча…пе… а̄дикаммикасса̄ти.

пат̣хамасиккха̄падам̣ нит̣т̣хитам̣.

628. тена самайена буддхо бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. тена кхо пана самайена чхаббаггийа̄ бхиккхӯ хаттханиллехакам̣ бхун̃джанти…пе….

‘‘на хаттханиллехакам̣ бхун̃джисса̄мӣти сиккха̄ каран̣ӣйа̄’’ти.

на хаттханиллехакам̣ бхун̃джитаббам̣. йо ана̄дарийам̣ пат̣ичча хаттханиллехакам̣ бхун̃джати, а̄патти дуккат̣асса.

ана̄патти асан̃чичча…пе… а̄дикаммикасса̄ти.

дутийасиккха̄падам̣ нит̣т̣хитам̣.

629. тена самайена буддхо бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. тена кхо пана самайена чхаббаггийа̄ бхиккхӯ паттаниллехакам̣ бхун̃джанти…пе….

‘‘на паттаниллехакам̣ бхун̃джисса̄мӣти сиккха̄ каран̣ӣйа̄’’ти.

на паттаниллехакам̣ бхун̃джитаббам̣. йо ана̄дарийам̣ пат̣ичча паттаниллехакам̣ бхун̃джати, а̄патти дуккат̣асса.

ана̄патти асан̃чичча, ассатийа̄, аджа̄нантасса, гила̄насса, париттаке сесе екато сан̇кад̣д̣хитва̄ ниллехитва̄ бхун̃джати, а̄пада̄су, умматтакасса, а̄дикаммикасса̄ти.

татийасиккха̄падам̣ нит̣т̣хитам̣.

630. тена самайена буддхо бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. тена кхо пана самайена чхаббаггийа̄ бхиккхӯ от̣т̣ханиллехакам̣ бхун̃джанти…пе….

‘‘на от̣т̣ханиллехакам̣ бхун̃джисса̄мӣти сиккха̄ каран̣ӣйа̄’’ти.

на от̣т̣ханиллехакам̣ бхун̃джитаббам̣. йо ана̄дарийам̣ пат̣ичча от̣т̣ханиллехакам̣ бхун̃джати, а̄патти дуккат̣асса.

ана̄патти асан̃чичча…пе… а̄дикаммикасса̄ти.

чатуттхасиккха̄падам̣ нит̣т̣хитам̣.

631. тена самайена буддхо бхагава̄ бхаггесу вихарати сусума̄рагире [сум̣сума̄рагире (сӣ. сйа̄.), сам̣сума̄рагире (ка.)] бхесакал̣а̄ване мигада̄йе. тена кхо пана самайена бхиккхӯ коканаде [кокануде (ка.)] па̄са̄де са̄мисена хаттхена па̄нӣйатха̄лакам̣ пат̣игган̣ханти. манусса̄ уджджха̄йанти кхиййанти випа̄ченти – ‘‘катхан̃хи на̄ма саман̣а̄ сакйапуттийа̄ са̄мисена хаттхена па̄нӣйатха̄лакам̣ пат̣иггахессанти, сеййатха̄пи гихӣ ка̄мабхогино’’ти! ассосум̣ кхо бхиккхӯ тесам̣ манусса̄нам̣ уджджха̄йанта̄нам̣ кхиййанта̄нам̣ випа̄чента̄нам̣. йе те бхиккхӯ аппиччха̄…пе… те уджджха̄йанти кхиййанти випа̄ченти – ‘‘катхан̃хи на̄ма бхиккхӯ са̄мисена хаттхена па̄нӣйатха̄лакам̣ пат̣иггахессантӣ’’ти…пе… саччам̣ кира, бхиккхаве, бхиккхӯ са̄мисена хаттхена па̄нӣйатха̄лакам̣ пат̣игган̣хантӣти? ‘‘саччам̣, бхагава̄’’ти. вигарахи буддхо бхагава̄…пе… катхан̃хи на̄ма те, бхиккхаве, могхапуриса̄ са̄мисена хаттхена па̄нӣйатха̄лакам̣ пат̣иггахессанти! нетам̣, бхиккхаве, аппасанна̄нам̣ ва̄ паса̄да̄йа…пе… еван̃ча пана, бхиккхаве, имам̣ сиккха̄падам̣ уддисеййа̄тха –

‘‘на са̄мисена хаттхена па̄нӣйатха̄лакам̣ пат̣иггахесса̄мӣти сиккха̄ каран̣ӣйа̄’’ти.

на са̄мисена хаттхена па̄нӣйатха̄лако пат̣иггахетаббо. йо ана̄дарийам̣ пат̣ичча са̄мисена хаттхена па̄нӣйатха̄лакам̣ пат̣игган̣ха̄ти, а̄патти дуккат̣асса.

ана̄патти асан̃чичча, ассатийа̄, аджа̄нантасса, гила̄насса, ‘‘дховисса̄мӣ’’ти ва̄ ‘‘дхова̄песса̄мӣ’’ти ва̄ пат̣игган̣ха̄ти, а̄пада̄су, умматтакасса, а̄дикаммикасса̄ти.

пан̃чамасиккха̄падам̣ нит̣т̣хитам̣.

632. тена самайена буддхо бхагава̄ бхаггесу вихарати сусума̄рагире бхесакал̣а̄ване мигада̄йе. тена кхо пана самайена бхиккхӯ коканаде па̄са̄де саситтхакам̣ паттадхованам̣ антарагхаре чхад̣д̣енти. манусса̄ уджджха̄йанти кхиййанти випа̄ченти – ‘‘катхан̃хи на̄ма саман̣а̄ сакйапуттийа̄ саситтхакам̣ паттадхованам̣ антарагхаре чхад̣д̣ессанти, сеййатха̄пи гихӣ ка̄мабхогино’’ти! ассосум̣ кхо бхиккхӯ тесам̣ манусса̄нам̣ уджджха̄йанта̄нам̣ кхиййанта̄нам̣ випа̄чента̄нам̣. йе те бхиккхӯ аппиччха̄…пе… те уджджха̄йанти кхиййанти випа̄ченти – ‘‘катхан̃хи на̄ма бхиккхӯ саситтхакам̣ паттадхованам̣ антарагхаре чхад̣д̣ессантӣ’’ти…пе… саччам̣ кира, бхиккхаве, бхиккхӯ саситтхакам̣ паттадхованам̣ антарагхаре чхад̣д̣ентӣти? ‘‘саччам̣, бхагава̄’’ти. вигарахи буддхо бхагава̄…пе… катхан̃хи на̄ма те, бхиккхаве, могхапуриса̄ саситтхакам̣ паттадхованам̣ антарагхаре чхад̣д̣ессанти! нетам̣, бхиккхаве, аппасанна̄нам̣ ва̄ паса̄да̄йа…пе… еван̃ча пана, бхиккхаве, имам̣ сиккха̄падам̣ уддисеййа̄тха –

‘‘на саситтхакам̣ паттадхованам̣ антарагхаре чхад̣д̣есса̄мӣти сиккха̄ каран̣ӣйа̄’’ти.

на саситтхакам̣ паттадхованам̣ антарагхаре чхад̣д̣етаббам̣. йо ана̄дарийам̣ пат̣ичча саситтхакам̣ паттадхованам̣ антарагхаре чхад̣д̣ети, а̄патти дуккат̣асса.

ана̄патти асан̃чичча, ассатийа̄, аджа̄нантасса, гила̄насса, уддхаритва̄ ва̄ бхиндитва̄ ва̄ пат̣иггахе ва̄ нӣхаритва̄ ва̄ чхад̣д̣ети, а̄пада̄су, умматтакасса, а̄дикаммикасса̄ти.

чхат̣т̣хасиккха̄падам̣ нит̣т̣хитам̣.

633. тена самайена буддхо бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. тена кхо пана самайена чхаббаггийа̄ бхиккхӯ чхаттапа̄н̣исса дхаммам̣ десенти. йе те бхиккхӯ аппиччха̄…пе… те уджджха̄йанти кхиййанти випа̄ченти – ‘‘катхан̃хи на̄ма чхаббаггийа̄ бхиккхӯ чхаттапа̄н̣исса дхаммам̣ десессантӣ’’ти…пе… саччам̣ кира тумхе, бхиккхаве, чхаттапа̄н̣исса дхаммам̣ десетха̄ти? ‘‘саччам̣, бхагава̄’’ти. вигарахи буддхо бхагава̄…пе… катхан̃хи на̄ма тумхе, могхапуриса̄, чхаттапа̄н̣исса дхаммам̣ десессатха! нетам̣, могхапуриса̄, аппасанна̄нам̣ ва̄ паса̄да̄йа…пе… еван̃ча пана, бхиккхаве, имам̣ сиккха̄падам̣ уддисеййа̄тха –

‘‘на чхаттапа̄н̣исса дхаммам̣ десесса̄мӣти сиккха̄ каран̣ӣйа̄’’ти.

еван̃чидам̣ бхагавата̄ бхиккхӯнам̣ сиккха̄падам̣ пан̃н̃аттам̣ хоти.

634. тена кхо пана самайена бхиккхӯ чхаттапа̄н̣исса гила̄насса дхаммам̣ десетум̣ куккучча̄йанти. манусса̄ уджджха̄йанти кхиййанти випа̄ченти – ‘‘катхан̃хи на̄ма саман̣а̄ сакйапуттийа̄ чхаттапа̄н̣исса гила̄насса дхаммам̣ на десессантӣ’’ти! ассосум̣ кхо бхиккхӯ тесам̣ манусса̄нам̣ уджджха̄йанта̄нам̣ кхиййанта̄нам̣ випа̄чента̄нам̣. атха кхо те бхиккхӯ бхагавато етаматтхам̣ а̄рочесум̣. атха кхо бхагава̄ етасмим̣ нида̄не етасмим̣ пакаран̣е дхаммим̣ катхам̣ катва̄ бхиккхӯ а̄мантеси – ‘‘ануджа̄на̄ми, бхиккхаве, чхаттапа̄н̣исса гила̄насса дхаммам̣ десетум̣. еван̃ча пана, бхиккхаве, имам̣ сиккха̄падам̣ уддисеййа̄тха –

‘‘на чхаттапа̄н̣исса агила̄насса дхаммам̣ десесса̄мӣти сиккха̄ каран̣ӣйа̄’’ти.

чхаттам̣ на̄ма тӣн̣и чхатта̄ни – сетаччхаттам̣, килан̃джаччхаттам̣, пан̣н̣аччхаттам̣ ман̣д̣алабаддхам̣ сала̄кабаддхам̣.

дхаммо на̄ма буддхабха̄сито са̄вакабха̄сито исибха̄сито девата̄бха̄сито аттхӯпасан̃хито дхаммӯпасан̃хито.

десеййа̄ти падена десети, паде паде а̄патти дуккат̣асса. аккхара̄йа десети, аккхараккхара̄йа а̄патти дуккат̣асса. на чхаттапа̄н̣исса агила̄насса дхаммо десетаббо. йо ана̄дарийам̣ пат̣ичча чхаттапа̄н̣исса агила̄насса дхаммам̣ десети, а̄патти дуккат̣асса.

ана̄патти асан̃чичча…пе… а̄дикаммикасса̄ти.

саттамасиккха̄падам̣ нит̣т̣хитам̣.

635. тена самайена буддхо бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. тена кхо пана самайена чхаббаггийа̄ бхиккхӯ дан̣д̣апа̄н̣исса дхаммам̣ десенти…пе….

‘‘на дан̣д̣апа̄н̣исса агила̄насса дхаммам̣ десесса̄мӣти сиккха̄ каран̣ӣйа̄’’ти.

дан̣д̣о на̄ма маджджхимасса пурисасса чатухаттхо дан̣д̣о. тато уккат̣т̣хо адан̣д̣о, омако адан̣д̣о.

на дан̣д̣апа̄н̣исса агила̄насса дхаммо десетаббо. йо ана̄дарийам̣ пат̣ичча дан̣д̣апа̄н̣исса агила̄насса дхаммам̣ десети, а̄патти дуккат̣асса.

ана̄патти асан̃чичча…пе… а̄дикаммикасса̄ти.

ат̣т̣хамасиккха̄падам̣ нит̣т̣хитам̣.

636. тена самайена буддхо бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. тена кхо пана самайена чхаббаггийа̄ бхиккхӯ саттхапа̄н̣исса дхаммам̣ десенти…пе….

‘‘на саттхапа̄н̣исса агила̄насса дхаммам̣ десесса̄мӣти сиккха̄ каран̣ӣйа̄’’ти.

саттхам̣ на̄ма екатодха̄рам̣ убхатодха̄рам̣ пахаран̣ам̣.

на саттхапа̄н̣исса агила̄насса дхаммо десетаббо. йо ана̄дарийам̣ пат̣ичча саттхапа̄н̣исса агила̄насса дхаммам̣ десети, а̄патти дуккат̣асса.

ана̄патти асан̃чичча…пе… а̄дикаммикасса̄ти.

навамасиккха̄падам̣ нит̣т̣хитам̣.

637. тена самайена буддхо бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. тена кхо пана самайена чхаббаггийа̄ бхиккхӯ а̄вудхапа̄н̣исса дхаммам̣ десенти…пе….

‘‘на а̄вудхапа̄н̣исса агила̄насса дхаммам̣ десесса̄мӣти сиккха̄ каран̣ӣйа̄’’ти.

а̄вудхам̣ на̄ма ча̄по кодан̣д̣о.

на а̄вудхапа̄н̣исса агила̄насса дхаммо десетаббо. йо ана̄дарийам̣ пат̣ичча а̄вудхапа̄н̣исса агила̄насса дхаммам̣ десети, а̄патти дуккат̣асса.

ана̄патти асан̃чичча…пе… а̄дикаммикасса̄ти.

дасамасиккха̄падам̣ нит̣т̣хитам̣.

сурусурувагго чхат̣т̣хо.