121. пава̄ран̣а̄бхеда̄

212. атха кхо бхиккхӯнам̣ етадахоси – ‘‘кати ну кхо пава̄ран̣а̄’’ти? бхагавато етаматтхам̣ а̄рочесум̣. двема̄, бхиккхаве, пава̄ран̣а̄ – ча̄туддасика̄ ча паннарасика̄ ча. има̄ кхо, бхиккхаве, две пава̄ран̣а̄ти.

атха кхо бхиккхӯнам̣ етадахоси – ‘‘кати ну кхо пава̄ран̣акамма̄нӣ’’ти? [пава̄ран̣а̄камма̄нӣти (сйа̄.)] бхагавато етаматтхам̣ а̄рочесум̣. чатта̄рима̄ни, бхиккхаве, пава̄ран̣акамма̄ни – адхаммена ваггам̣ пава̄ран̣акаммам̣, адхаммена самаггам̣ пава̄ран̣акаммам̣, дхаммена ваггам̣ пава̄ран̣акаммам̣, дхаммена самаггам̣ пава̄ран̣акаммам̣. татра, бхиккхаве, йадидам̣ адхаммена ваггам̣ пава̄ран̣акаммам̣, на, бхиккхаве, еварӯпам̣ пава̄ран̣акаммам̣ ка̄таббам̣; на ча майа̄ еварӯпам̣ пава̄ран̣акаммам̣ анун̃н̃а̄там̣. татра, бхиккхаве, йадидам̣ адхаммена самаггам̣ пава̄ран̣акаммам̣, на, бхиккхаве, еварӯпам̣ пава̄ран̣акаммам̣ ка̄таббам̣; на ча майа̄ еварӯпам̣ пава̄ран̣акаммам̣ анун̃н̃а̄там̣. татра, бхиккхаве, йадидам̣ дхаммена ваггам̣ пава̄ран̣акаммам̣, на, бхиккхаве, еварӯпам̣ пава̄ран̣акаммам̣ ка̄таббам̣; на ча майа̄ еварӯпам̣ пава̄ран̣акаммам̣ анун̃н̃а̄там̣. татра, бхиккхаве, йадидам̣ дхаммена самаггам̣ пава̄ран̣акаммам̣, еварӯпам̣, бхиккхаве, пава̄ран̣акаммам̣ ка̄таббам̣; еварӯпан̃ча майа̄ пава̄ран̣акаммам̣ анун̃н̃а̄там̣. тасма̄тиха, бхиккхаве, еварӯпам̣ пава̄ран̣акаммам̣ карисса̄ма йадидам̣ дхаммена самагганти, еван̃хи во, бхиккхаве, сиккхитаббанти.

пава̄ран̣а̄бхеда̄ нит̣т̣хита̄.