3. вассӯпана̄йикаккхандхако

107. вассӯпана̄йика̄нуджа̄нана̄

184. тена самайена буддхо бхагава̄ ра̄джагахе вихарати вел̣уване каландаканива̄пе. тена кхо пана самайена бхагавата̄ бхиккхӯнам̣ васса̄ва̄со апан̃н̃атто хоти. теидха бхиккхӯ хемантампи гимхампи вассампи ча̄рикам̣ чаранти. манусса̄ уджджха̄йанти кхиййанти випа̄ченти – ‘‘катхан̃хи на̄ма саман̣а̄ сакйапуттийа̄ хемантампи гимхампи вассампи ча̄рикам̣ чариссанти, харита̄ни тин̣а̄ни саммадданта̄, екиндрийам̣ джӣвам̣ вихет̣хента̄, бахӯ кхуддаке па̄н̣е сан̇гха̄там̣ а̄па̄дента̄. име хи на̄ма ан̃н̃атиттхийа̄ дураккха̄тадхамма̄ васса̄ва̄сам̣ аллӣйиссанти сан̇каса̄йиссанти. име хи на̄ма сакунтака̄ руккхаггесу кула̄вака̄ни каритва̄ васса̄ва̄сам̣ аллӣйиссанти сан̇каса̄йиссанти [сан̇ка̄сайиссанти (сӣ. сйа̄.)]. име пана саман̣а̄ сакйапуттийа̄ хемантампи гимхампи вассампи ча̄рикам̣ чаранти, харита̄ни тин̣а̄ни саммадданта̄, екиндрийам̣ джӣвам̣ вихет̣хента̄, бахӯ кхуддаке па̄н̣е сан̇гха̄там̣ а̄па̄дента̄’’ти. ассосум̣ кхо бхиккхӯ тесам̣ манусса̄нам̣ уджджха̄йанта̄нам̣ кхиййанта̄нам̣ випа̄чента̄нам̣. атха кхо те бхиккхӯ бхагавато етаматтхам̣ а̄рочесум̣. атха кхо бхагава̄ етасмим̣ нида̄не етасмим̣ пакаран̣е дхаммим̣ катхам̣ катва̄ бхиккхӯ а̄мантеси – ‘‘ануджа̄на̄ми, бхиккхаве, вассам̣ упаганту’’нти. атха кхо бхиккхӯнам̣ етадахоси – ‘‘када̄ ну кхо вассам̣ упагантабба’’нти? бхагавато етаматтхам̣ а̄рочесум̣. ануджа̄на̄ми, бхиккхаве, васса̄не вассам̣ упагантунти.

атха кхо бхиккхӯнам̣ етадахоси – ‘‘кати ну кхо вассӯпана̄йика̄’’ти? бхагавато етаматтхам̣

а̄рочесум̣. двема̄, бхиккхаве, вассӯпана̄йика̄ – пуримика̄, паччхимика̄. апараджджугата̄йа а̄са̄л̣хийа̄ пуримика̄ упагантабба̄, ма̄сагата̄йа а̄са̄л̣хийа̄ паччхимика̄ упагантабба̄ – има̄ кхо, бхиккхаве, две вассӯпана̄йика̄ти.

вассӯпана̄йика̄нуджа̄нана̄ нит̣т̣хита̄.

108. васса̄не ча̄рика̄пат̣иккхепа̄ди

185. тена кхо пана самайена чхаббаггийа̄ бхиккхӯ вассам̣ упагантва̄ антара̄вассам̣ ча̄рикам̣ чаранти. манусса̄ татхева уджджха̄йанти кхиййанти випа̄ченти – ‘‘катхан̃хи на̄ма саман̣а̄ сакйапуттийа̄ хемантампи гимхампи вассампи ча̄рикам̣ чариссанти, харита̄ни тин̣а̄ни саммадданта̄, екиндрийам̣ джӣвам̣ вихет̣хента̄, бахӯ кхуддаке па̄н̣е сан̇гха̄там̣ а̄па̄дента̄. име хи на̄ма ан̃н̃атиттхийа̄ дураккха̄тадхамма̄ васса̄ва̄сам̣ аллӣйиссанти сан̇каса̄йиссанти. име хи на̄ма сакунтака̄ руккхаггесу кула̄вака̄ни каритва̄ васса̄ва̄сам̣ аллӣйиссанти сан̇каса̄йиссанти. име пана саман̣а̄ сакйапуттийа̄ хемантампи гимхампи вассампи ча̄рикам̣ чаранти, харита̄ни тин̣а̄ни саммадданта̄, екиндрийам̣ джӣвам̣ вихет̣хента̄, бахӯ кхуддаке па̄н̣е сан̇гха̄там̣ а̄па̄дента̄’’ти. ассосум̣ кхо бхиккхӯ тесам̣ манусса̄нам̣ уджджха̄йанта̄нам̣ кхиййанта̄нам̣ випа̄чента̄нам̣. йе те бхиккхӯ аппиччха̄…пе… те уджджха̄йанти кхиййанти випа̄ченти – ‘‘катхан̃хи на̄ма чхаббаггийа̄ бхиккхӯ вассам̣ упагантва̄ антара̄вассам̣ ча̄рикам̣ чариссантӣ’’ти? атха кхо те бхиккхӯ бхагавато етаматтхам̣ а̄рочесум̣. атха кхо бхагава̄ етасмим̣ нида̄не етасмим̣ пакаран̣е дхаммим̣ катхам̣ катва̄ бхиккхӯ а̄мантеси – ‘‘на, бхиккхаве, вассам̣ упагантва̄ пуримам̣ ва̄ тема̄сам̣ паччхимам̣ ва̄ тема̄сам̣ аваситва̄ ча̄рика̄ паккамитабба̄. йо паккамеййа, а̄патти дуккат̣асса̄’’ти.

186. тена кхо пана самайена чхаббаггийа̄ бхиккхӯ на иччханти вассам̣ упагантум̣. бхагавато етаматтхам̣ а̄рочесум̣. на, бхиккхаве, вассам̣ на упагантаббам̣. йо на упагаччхеййа, а̄патти дуккат̣асса̄ти.

тена кхо пана самайена чхаббаггийа̄ бхиккхӯ тадаху вассӯпана̄йика̄йа вассам̣ анупагантука̄ма̄ сан̃чичча а̄ва̄сам̣ атиккаманти. бхагавато етаматтхам̣ а̄рочесум̣. на, бхиккхаве, тадаху вассӯпана̄йика̄йа вассам̣ анупагантука̄мена сан̃чичча а̄ва̄со атиккамитаббо. йо атиккамеййа, а̄патти дуккат̣асса̄ти.

тена кхо пана самайена ра̄джа̄ ма̄гадхо сенийо бимбиса̄ро вассам̣ уккад̣д̣хитука̄мо

бхиккхӯнам̣ сантике дӯтам̣ па̄хеси – йади пана̄ййа̄ а̄гаме джун̣хе вассам̣ упагаччхеййунти. бхагавато етаматтхам̣ а̄рочесум̣. ануджа̄на̄ми, бхиккхаве, ра̄джӯнам̣ ануваттитунти.

васса̄не ча̄рика̄пат̣иккхепа̄ди нит̣т̣хита̄.

109. сатта̄хакаран̣ӣйа̄нуджа̄нана̄

187. атха кхо бхагава̄ ра̄джагахе йатха̄бхирантам̣ вихаритва̄ йена са̄ваттхи тена ча̄рикам̣ пакка̄ми. анупуббена ча̄рикам̣ чарама̄но йена са̄ваттхи тадавасари. татра судам̣ бхагава̄ са̄ваттхийам̣ вихарати джетаване ана̄тхапин̣д̣икасса а̄ра̄ме. тена кхо пана самайена косалесу джанападе уденена упа̄сакена сан̇гхам̣ уддисса виха̄ро ка̄ра̄пито хоти. со бхиккхӯнам̣ сантике дӯтам̣ па̄хеси – ‘‘а̄гаччханту бхаданта̄, иччха̄ми да̄нан̃ча да̄тум̣, дхамман̃ча сотум̣, бхиккхӯ ча пасситу’’нти. бхиккхӯ евама̄хам̣су – ‘‘бхагавата̄, а̄вусо, пан̃н̃аттам̣ ‘на вассам̣ упагантва̄ пуримам̣ ва̄ тема̄сам̣ паччхимам̣ ва̄ тема̄сам̣ аваситва̄ ча̄рика̄ паккамитабба̄’ти. а̄гамету удено упа̄сако, йа̄ва бхиккхӯ вассам̣ васанти. вассам̣вут̣т̣ха̄ а̄гамиссанти. саче панасса ачча̄йикам̣ каран̣ӣйам̣, таттхева а̄ва̄сика̄нам̣ бхиккхӯнам̣ сантике виха̄рам̣ патит̣т̣ха̄петӯ’’ти. удено упа̄сако уджджха̄йати кхиййати випа̄чети – ‘‘катхан̃хи на̄ма бхаданта̄ майа̄ пахите на а̄гаччхиссанти. ахан̃хи да̄йако ка̄рако сан̇гхупат̣т̣ха̄ко’’ти. ассосум̣ кхо бхиккхӯ уденасса упа̄сакасса уджджха̄йантасса кхиййантасса випа̄чентасса. атха кхо те бхиккхӯ бхагавато етаматтхам̣ а̄рочесум̣. атха кхо бхагава̄ етасмим̣ нида̄не етасмим̣ пакаран̣е дхаммим̣ катхам̣ катва̄ бхиккхӯ а̄мантеси – ‘‘ануджа̄на̄ми, бхиккхаве, саттаннам̣ сатта̄хакаран̣ӣйена пахите гантум̣, на твева аппахите. бхиккхусса, бхиккхунийа̄, сиккхама̄на̄йа, са̄ман̣ерасса, са̄ман̣ерийа̄, упа̄сакасса, упа̄сика̄йа – ануджа̄на̄ми, бхиккхаве, имесам̣ саттаннам̣ сатта̄хакаран̣ӣйена пахите гантум̣, на твева аппахите. сатта̄хам̣ санниватто ка̄таббо’’.

188. идха пана, бхиккхаве, упа̄сакена сан̇гхам̣ уддисса виха̄ро ка̄ра̄пито хоти. со че бхиккхӯнам̣ сантике дӯтам̣ пахин̣еййа – ‘‘а̄гаччханту бхаданта̄, иччха̄ми да̄нан̃ча да̄тум̣, дхамман̃ча сотум̣, бхиккхӯ ча пасситу’’нти, гантаббам̣, бхиккхаве, сатта̄хакаран̣ӣйена, пахите, на твева аппахите. сатта̄хам̣ санниватто ка̄таббо.

идха пана, бхиккхаве, упа̄сакена сан̇гхам̣ уддисса ад̣д̣хайого ка̄ра̄пито хоти…пе… па̄са̄до ка̄ра̄пито хоти… хаммийам̣ ка̄ра̄питам̣ хоти… гуха̄ ка̄ра̄пита̄ хоти… паривен̣ам̣ ка̄ра̄питам̣ хоти… кот̣т̣хако ка̄ра̄пито хоти… упат̣т̣ха̄наса̄ла̄ ка̄ра̄пита̄ хоти… аггиса̄ла̄ ка̄ра̄пита̄ хоти… каппийакут̣и ка̄ра̄пита̄ хоти… ваччакут̣и ка̄ра̄пита̄ хоти… чан̇камо ка̄ра̄пито хоти … чан̇каманаса̄ла̄ ка̄ра̄пита̄ хоти… удапа̄но ка̄ра̄пито хоти … удапа̄наса̄ла̄ ка̄ра̄пита̄ хоти… джанта̄гхарам̣ ка̄ра̄питам̣ хоти… джанта̄гхараса̄ла̄ ка̄ра̄пита̄ хоти… поккхаран̣ӣ ка̄ра̄пита̄ хоти… ман̣д̣апо ка̄ра̄пито хоти… а̄ра̄мо ка̄ра̄пито хоти… а̄ра̄маваттху ка̄ра̄питам̣ хоти. со че бхиккхӯнам̣ сантике дӯтам̣ пахин̣еййа – ‘‘а̄гаччханту бхаданта̄, иччха̄ми да̄нан̃ча да̄тум̣, дхамман̃ча сотум̣, бхиккхӯ ча пасситу’’нти, гантаббам̣, бхиккхаве, сатта̄хакаран̣ӣйена, пахите, на твева аппахите. сатта̄хам̣ санниватто ка̄таббо.

идха пана, бхиккхаве, упа̄сакена самбахуле бхиккхӯ уддисса…пе… екам̣ бхиккхум̣ уддисса виха̄ро ка̄ра̄пито хоти… ад̣д̣хайого ка̄ра̄пито хоти… па̄са̄до ка̄ра̄пито хоти … хаммийам̣ ка̄ра̄питам̣ хоти… гуха̄ ка̄ра̄пита̄ хоти… паривен̣ам̣ ка̄ра̄питам̣ хоти… кот̣т̣хако ка̄ра̄пито хоти… упат̣т̣ха̄наса̄ла̄ ка̄ра̄пита̄ хоти… аггиса̄ла̄ ка̄ра̄пита̄ хоти… каппийакут̣и ка̄ра̄пита̄ хоти… ваччакут̣и ка̄ра̄пита̄ хоти… чан̇камо ка̄ра̄пито хоти… чан̇каманаса̄ла̄ ка̄ра̄пита̄ хоти… удапа̄но ка̄ра̄пито хоти… удапа̄наса̄ла̄ ка̄ра̄пита̄ хоти… джанта̄гхарам̣ ка̄ра̄питам̣ хоти… джанта̄гхараса̄ла̄ ка̄ра̄пита̄ хоти… поккхаран̣ӣ ка̄ра̄пита̄ хоти… ман̣д̣апо ка̄ра̄пито хоти… а̄ра̄мо ка̄ра̄пито хоти… а̄ра̄маваттху ка̄ра̄питам̣ хоти. со че бхиккхӯнам̣ сантике дӯтам̣ пахин̣еййа – ‘‘а̄гаччханту бхаданта̄, иччха̄ми да̄нан̃ча да̄тум̣, дхамман̃ча сотум̣, бхиккхӯ ча пасситу’’нти, гантаббам̣, бхиккхаве, сатта̄хакаран̣ӣйена, пахите, на твева аппахите. сатта̄хам̣ санниватто ка̄таббо.

идха пана, бхиккхаве, упа̄сакена бхиккхунисан̇гхам̣ уддисса…пе… самбахула̄ бхиккхунийо уддисса…пе… екам̣ бхиккхуним̣ уддисса…пе… самбахула̄ сиккхама̄на̄йо уддисса…пе… екам̣ сиккхама̄нам̣ уддисса…пе… самбахуле са̄ман̣ере уддисса…пе… екам̣ са̄ман̣ерам̣ уддисса…пе… самбахула̄ са̄ман̣ерийо уддисса…пе… екам̣ са̄ман̣ерим̣ уддисса виха̄ро ка̄ра̄пито хоти…пе… ад̣д̣хайого ка̄ра̄пито хоти… па̄са̄до ка̄ра̄пито хоти… хаммийам̣ ка̄ра̄питам̣ хоти… гуха̄ ка̄ра̄пита̄ хоти… паривен̣ам̣ ка̄ра̄питам̣ хоти… кот̣т̣хако ка̄ра̄пито хоти… упат̣т̣ха̄наса̄ла̄ ка̄ра̄пита̄ хоти… аггиса̄ла̄ ка̄ра̄пита̄ хоти … каппийакут̣и ка̄ра̄пита̄ хоти… чан̇камо ка̄ра̄пито хоти… чан̇каманаса̄ла̄ ка̄ра̄пита̄ хоти… удапа̄но ка̄ра̄пито хоти… удапа̄наса̄ла̄ ка̄ра̄пита̄ хоти… поккхаран̣ӣ ка̄ра̄пита̄ хоти… ман̣д̣апо ка̄ра̄пито хоти… а̄ра̄мо ка̄ра̄пито хоти… а̄ра̄маваттху ка̄ра̄питам̣ хоти. со че бхиккхӯнам̣ сантике дӯтам̣ пахин̣еййа – ‘‘а̄гаччханту бхаданта̄, иччха̄ми да̄нан̃ча да̄тум̣, дхамман̃ча сотум̣, бхиккхӯ ча пасситу’’нти, гантаббам̣, бхиккхаве, сатта̄хакаран̣ӣйена, пахите, на твева аппахите. сатта̄хам̣ санниватто ка̄таббо.

189. идха пана, бхиккхаве, упа̄сакена аттано аттха̄йа нивесанам̣ ка̄ра̄питам̣ хоти…пе… сайанигхарам̣ ка̄ра̄питам̣ хоти… удосито ка̄ра̄пито хоти… ат̣т̣о ка̄ра̄пито хоти… ма̄л̣о ка̄ра̄пито хоти… а̄пан̣о ка̄ра̄пито хоти… а̄пан̣аса̄ла̄ ка̄ра̄пита̄ хоти… па̄са̄до ка̄ра̄пито хоти… хаммийам̣ ка̄ра̄питам̣ хоти… гуха̄ ка̄ра̄пита̄ хоти… паривен̣ам̣ ка̄ра̄питам̣ хоти… кот̣т̣хако ка̄ра̄пито хоти… упат̣т̣ха̄наса̄ла̄ ка̄ра̄пита̄ хоти… аггиса̄ла̄ ка̄ра̄пита̄ хоти… расаватӣ ка̄ра̄пита̄ хоти… чан̇камо ка̄ра̄пито хоти… чан̇каманаса̄ла̄ ка̄ра̄пита̄ хоти… удапа̄но ка̄ра̄пито хоти… удапа̄наса̄ла̄ ка̄ра̄пита̄ хоти… поккхаран̣ӣ ка̄ра̄пита̄ хоти… ман̣д̣апо ка̄ра̄пито хоти… а̄ра̄мо ка̄ра̄пито хоти … а̄ра̄маваттху ка̄ра̄питам̣ хоти… путтасса ва̄ ва̄реййам̣ хоти… дхӣтуйа̄ ва̄ ва̄реййам̣ хоти… гила̄но ва̄ хоти… абхин̃н̃а̄там̣ ва̄ суттантам̣ бхан̣ати. со че бхиккхӯнам̣ сантике дӯтам̣ пахин̣еййа – ‘а̄гаччханту бхаданта̄, имам̣ суттантам̣ парийа̄пун̣иссанти, пура̄йам̣ суттанто на палуджджатӣ’ти. ан̃н̃атарам̣ ва̄ панасса киччам̣ хоти – каран̣ӣйам̣ ва̄, со че бхиккхӯнам̣ сантике дӯтам̣ пахин̣еййа – ‘‘а̄гаччханту бхаданта̄, иччха̄ми да̄нан̃ча да̄тум̣, дхамман̃ча сотум̣, бхиккхӯ ча пасситу’’нти, гантаббам̣, бхиккхаве, сатта̄хакаран̣ӣйена, пахите, на твева аппахите. сатта̄хам̣ санниватто ка̄таббо.

190. идха пана, бхиккхаве, упа̄сика̄йа сан̇гхам̣ уддисса виха̄ро ка̄ра̄пито хоти. са̄ че бхиккхӯнам̣ сантике дӯтам̣ пахин̣еййа – ‘‘а̄гаччханту аййа̄, иччха̄ми да̄нан̃ча да̄тум̣, дхамман̃ча сотум̣, бхиккхӯ ча пасситу’’нти, гантаббам̣, бхиккхаве, сатта̄хакаран̣ӣйена, пахите, на твева аппахите. сатта̄хам̣ санниватто ка̄таббо.

идха пана, бхиккхаве, упа̄сика̄йа сан̇гхам̣ уддисса ад̣д̣хайого ка̄ра̄пито хоти…пе… па̄са̄до ка̄ра̄пито хоти… хаммийам̣ ка̄ра̄питам̣ хоти… гуха̄ ка̄ра̄пита̄ хоти… паривен̣ам̣ ка̄ра̄питам̣ хоти… кот̣т̣хако ка̄ра̄пито хоти… упат̣т̣ха̄наса̄ла̄ ка̄ра̄пита̄ хоти… аггиса̄ла̄ ка̄ра̄пита̄ хоти… каппийакут̣и ка̄ра̄пита̄ хоти… ваччакут̣и ка̄ра̄пита̄ хоти… чан̇камо ка̄ра̄пито хоти… чан̇каманаса̄ла̄ ка̄ра̄пита̄ хоти… удапа̄но ка̄ра̄пито хоти… удапа̄наса̄ла̄ ка̄ра̄пита̄ хоти… джанта̄гхарам̣ ка̄ра̄питам̣ хоти… джанта̄гхараса̄ла̄ ка̄ра̄пита̄ хоти… поккхаран̣ӣ ка̄ра̄пита̄ хоти… ман̣д̣апо ка̄ра̄пито хоти… а̄ра̄мо ка̄ра̄пито хоти… а̄ра̄маваттху ка̄ра̄питам̣ хоти. са̄ че бхиккхӯнам̣ сантике дӯтам̣ пахин̣еййа – ‘‘а̄гаччханту аййа̄, иччха̄ми да̄нан̃ча да̄тум̣, дхамман̃ча сотум̣, бхиккхӯ ча пасситу’’нти, гантаббам̣, бхиккхаве, сатта̄хакаран̣ӣйена, пахите, на твева аппахите. сатта̄хам̣ санниватто ка̄таббо.

идха пана, бхиккхаве, упа̄сика̄йа самбахуле бхиккхӯ уддисса…пе… екам̣ бхиккхум̣ уддисса…пе… бхиккхунисан̇гхам̣ уддисса…пе… самбахула̄ бхиккхунийо уддисса…пе… екам̣ бхиккхуним̣ уддисса…пе… самбахула̄ сиккхама̄на̄йо уддисса…пе… екам̣ сиккхама̄нам̣ уддисса…пе… самбахуле са̄ман̣ере уддисса…пе… екам̣ са̄ман̣ерам̣ уддисса…пе… самбахула̄ са̄ман̣ерийо уддисса…пе… екам̣ са̄ман̣ерим̣ уддисса…пе….

191. идха пана, бхиккхаве, упа̄сика̄йа аттано аттха̄йа нивесанам̣ ка̄ра̄питам̣ хоти…пе… сайанигхарам̣ ка̄ра̄питам̣ хоти… удосито ка̄ра̄пито хоти… ат̣т̣о ка̄ра̄пито хоти… ма̄л̣о ка̄ра̄пито хоти… а̄пан̣о ка̄ра̄пито хоти… а̄пан̣аса̄ла̄ ка̄ра̄пита̄ хоти… па̄са̄до ка̄ра̄пито хоти… хаммийам̣ ка̄ра̄питам̣ хоти… гуха̄ ка̄ра̄пита̄ хоти… паривен̣ам̣ ка̄ра̄питам̣ хоти… кот̣т̣хако ка̄ра̄пито хоти… упат̣т̣ха̄наса̄ла̄ ка̄ра̄пита̄ хоти… аггиса̄ла̄ ка̄ра̄пита̄ хоти… расаватӣ ка̄ра̄пита̄ хоти… чан̇камо ка̄ра̄пито хоти… чан̇каманаса̄ла̄ ка̄ра̄пита̄ хоти… удапа̄но ка̄ра̄пито хоти … удапа̄наса̄ла̄ ка̄ра̄пита̄ хоти… поккхаран̣ӣ ка̄ра̄пита̄ хоти… ман̣д̣апо ка̄ра̄пито хоти… а̄ра̄мо ка̄ра̄пито хоти… а̄ра̄маваттху ка̄ра̄питам̣ хоти… путтасса ва̄ ва̄реййам̣ хоти… дхӣтуйа̄ ва̄ ва̄реййам̣ хоти… гила̄на̄ ва̄ хоти… абхин̃н̃а̄там̣ ва̄ суттантам̣ бхан̣ати. са̄ че бхиккхӯнам̣ сантике дӯтам̣ пахин̣еййа – ‘‘а̄гаччханту аййа̄, имам̣ суттантам̣ парийа̄пун̣иссанти, пура̄йам̣ суттанто палуджджатӣ’’ти. ан̃н̃атарам̣ ва̄ панасса̄ киччам̣ хоти каран̣ӣйам̣ ва̄, са̄ че бхиккхӯнам̣ сантике дӯтам̣ пахин̣еййа – ‘‘а̄гаччханту аййа̄, иччха̄ми да̄нан̃ча да̄тум̣, дхамман̃ча сотум̣, бхиккхӯ ча пасситу’’нти, гантаббам̣, бхиккхаве, сатта̄хакаран̣ӣйена, пахите, на твева аппахите. сатта̄хам̣ санниватто ка̄таббо.

192. идха пана, бхиккхаве, бхиккхуна̄ сан̇гхам̣ уддисса…пе… бхиккхунийа̄ сан̇гхам̣ уддисса… сиккхама̄на̄йа сан̇гхам̣ уддисса… са̄ман̣ерена сан̇гхам̣ уддисса… са̄ман̣ерийа̄ сан̇гхам̣ уддисса … самбахуле бхиккхӯ уддисса… екам̣ бхиккхум̣ уддисса… бхиккхунисан̇гхам̣ уддисса… самбахула̄ бхиккхунийо уддисса… екам̣ бхиккхуним̣ уддисса… самбахула̄ сиккхама̄на̄йо уддисса… екам̣ сиккхама̄нам̣ уддисса… самбахуле са̄ман̣ере уддисса… екам̣ са̄ман̣ерам̣ уддисса… самбахула̄ са̄ман̣ерийо уддисса… екам̣ са̄ман̣ерим̣ уддисса… аттано аттха̄йа виха̄ро ка̄ра̄пито хоти…пе… ад̣д̣хайого ка̄ра̄пито хоти… па̄са̄до ка̄ра̄пито хоти… хаммийам̣ ка̄ра̄питам̣ хоти… гуха̄ ка̄ра̄пита̄ хоти… паривен̣ам̣ ка̄ра̄питам̣ хоти … кот̣т̣хако ка̄ра̄пито хоти… упат̣т̣ха̄наса̄ла̄ ка̄ра̄пита̄ хоти… аггиса̄ла̄ ка̄ра̄пита̄ хоти… каппийакут̣и ка̄ра̄пита̄ хоти… чан̇камо ка̄ра̄пито хоти… чан̇каманаса̄ла̄ ка̄ра̄пита̄ хоти… удапа̄но ка̄ра̄пито хоти… удапа̄наса̄ла̄ ка̄ра̄пита̄ хоти… поккхаран̣ӣ ка̄ра̄пита̄ хоти… ман̣д̣апо ка̄ра̄пито хоти… а̄ра̄мо ка̄ра̄пито хоти… а̄ра̄маваттху ка̄ра̄питам̣ хоти. са̄ че бхиккхӯнам̣ сантике дӯтам̣ пахин̣еййа… ‘‘а̄гаччханту аййа̄, иччха̄ми да̄нан̃ча да̄тум̣, дхамман̃ча сотум̣, бхиккхӯ ча пасситу’’нти, гантаббам̣, бхиккхаве, сатта̄хакаран̣ӣйена, пахите, на твева аппахите. сатта̄хам̣ санниватто ка̄табботи.

сатта̄хакаран̣ӣйа̄нуджа̄ната̄ нит̣т̣хита̄.

110. пан̃чаннам̣ аппахитепи ануджа̄нана̄

193. тена кхо пана самайена ан̃н̃атаро бхиккху гила̄но хоти. со бхиккхӯнам̣ сантике дӯтам̣ па̄хеси – ‘‘ахан̃хи гила̄но, а̄гаччханту бхиккхӯ, иччха̄ми бхиккхӯнам̣ а̄гата’’нти. бхагавато етаматтхам̣ а̄рочесум̣. ануджа̄на̄ми, бхиккхаве, пан̃чаннам̣ сатта̄хакаран̣ӣйена аппахитепи гантум̣, пагева пахите. бхиккхусса, бхиккхунийа̄, сиккхама̄на̄йа, са̄ман̣ерасса, са̄ман̣ерийа̄ – ануджа̄на̄ми, бхиккхаве, имесам̣ пан̃чаннам̣ сатта̄хакаран̣ӣйена аппахитепи гантум̣, пагева пахите. сатта̄хам̣ санниватто ка̄таббо.

идха пана, бхиккхаве, бхиккху гила̄но хоти. со че бхиккхӯнам̣ сантике дӯтам̣ пахин̣еййа – ‘‘ахан̃хи гила̄но, а̄гаччханту бхиккхӯ, иччха̄ми бхиккхӯнам̣ а̄гата’’нти, гантаббам̣, бхиккхаве, сатта̄хакаран̣ӣйена, аппахитепи, пагева пахите – ‘‘гила̄набхаттам̣ ва̄ парийесисса̄ми, гила̄нупат̣т̣ха̄кабхаттам̣ ва̄ парийесисса̄ми, гила̄набхесаджджам̣ ва̄ парийесисса̄ми, пуччхисса̄ми ва̄, упат̣т̣хахисса̄ми ва̄’’ти. сатта̄хам̣ санниватто ка̄таббо.

идха пана, бхиккхаве, бхиккхусса анабхирати уппанна̄ хоти. со че бхиккхӯнам̣ сантике дӯтам̣ пахин̣еййа – ‘‘анабхирати ме уппанна̄, а̄гаччханту бхиккхӯ, иччха̄ми бхиккхӯнам̣ а̄гата’’нти, гантаббам̣, бхиккхаве, сатта̄хакаран̣ӣйена, аппахитепи, пагева пахите – ‘‘анабхиратам̣ вӯпака̄сесса̄ми ва̄, вӯпака̄са̄песса̄ми ва̄, дхаммакатхам̣ ва̄сса карисса̄мӣ’’ти. сатта̄хам̣ санниватто ка̄таббо.

идха пана, бхиккхаве, бхиккхусса куккуччам̣ уппаннам̣ хоти. со че бхиккхӯнам̣ сантике дӯтам̣ пахин̣еййа – ‘‘куккуччам̣ ме уппаннам̣, а̄гаччханту бхиккхӯ, иччха̄ми бхиккхӯнам̣ а̄гата’’нти, гантаббам̣, бхиккхаве, сатта̄хакаран̣ӣйена, аппахитепи, пагева пахите – ‘‘куккуччам̣ винодесса̄ми ва̄, винода̄песса̄ми ва̄, дхаммакатхам̣ ва̄сса карисса̄мӣ’’ти. сатта̄хам̣ санниватто ка̄таббо.

идха пана, бхиккхаве, бхиккхусса дит̣т̣хигатам̣ уппаннам̣ хоти. со че бхиккхӯнам̣ сантике дӯтам̣ пахин̣еййа – ‘‘дит̣т̣хигатам̣ ме уппаннам̣, а̄гаччханту бхиккхӯ, иччха̄ми бхиккхӯнам̣ а̄гата’’нти, гантаббам̣, бхиккхаве, сатта̄хакаран̣ӣйена, аппахитепи, пагева пахите – ‘‘дит̣т̣хигатам̣ вивечесса̄ми ва̄, вивеча̄песса̄ми ва̄, дхаммакатхам̣ ва̄сса карисса̄мӣ’’ти. сатта̄хам̣ санниватто ка̄таббо.

идха пана, бхиккхаве, бхиккху гарудхаммам̣ аджджха̄панно хоти парива̄са̄рахо. со че бхиккхӯнам̣ сантике дӯтам̣ пахин̣еййа – ‘‘ахан̃хи гарудхаммам̣ аджджха̄панно парива̄са̄рахо, а̄гаччханту бхиккхӯ, иччха̄ми бхиккхӯнам̣ а̄гата’’нти, гантаббам̣, бхиккхаве, сатта̄хакаран̣ӣйена, аппахитепи, пагева пахите – ‘‘парива̄сада̄нам̣ уссуккам̣ карисса̄ми ва̄, анусса̄весса̄ми ва̄, ган̣апӯрако ва̄ бхависса̄мӣ’’ти. сатта̄хам̣ санниватто ка̄таббо.

идха пана, бхиккхаве, бхиккху мӯла̄йа пат̣икассана̄рахо хоти. со че бхиккхӯнам̣ сантике дӯтам̣ пахин̣еййа – ‘‘ахан̃хи мӯла̄йа пат̣икассана̄рахо, а̄гаччханту бхиккхӯ, иччха̄ми бхиккхӯнам̣ а̄гата’’нти, гантаббам̣, бхиккхаве, сатта̄хакаран̣ӣйена, аппахитепи, пагева пахите – ‘‘мӯла̄йа пат̣икассанам̣ уссуккам̣ карисса̄ми ва̄, анусса̄весса̄ми ва̄, ган̣апӯрако ва̄ бхависса̄мӣ’’ти. сатта̄хам̣ санниватто ка̄таббо.

идха пана, бхиккхаве, бхиккху ма̄натта̄рахо хоти. со че бхиккхӯнам̣ сантике дӯтам̣ пахин̣еййа – ‘‘ахан̃хи ма̄натта̄рахо, а̄гаччханту бхиккхӯ, иччха̄ми бхиккхӯнам̣ а̄гата’’нти, гантаббам̣, бхиккхаве, сатта̄хакаран̣ӣйена, аппахитепи, пагева пахите – ‘‘ма̄наттада̄нам̣ уссуккам̣ карисса̄ми ва̄, анусса̄весса̄ми ва̄, ган̣апӯрако ва̄ бхависса̄мӣ’’ти. сатта̄хам̣ санниватто ка̄таббо.

идха пана, бхиккхаве, бхиккху аббха̄на̄рахо хоти. со че бхиккхӯнам̣ сантике дӯтам̣ пахин̣еййа – ‘‘ахан̃хи аббха̄на̄рахо, а̄гаччханту бхиккхӯ, иччха̄ми бхиккхӯнам̣ а̄гата’’нти, гантаббам̣, бхиккхаве, сатта̄хакаран̣ӣйена, аппахитепи, пагева пахите – ‘‘аббха̄нам̣ уссуккам̣ карисса̄ми ва̄, анусса̄весса̄ми ва̄, ган̣апӯрако ва̄ бхависса̄мӣ’’ти. сатта̄хам̣ санниватто ка̄таббо.

идха пана, бхиккхаве, бхиккхусса сан̇гхо каммам̣ каттука̄мо хоти таджджанӣйам̣ ва̄, нийассам̣ ва̄, пабба̄джанӣйам̣ ва̄, пат̣иса̄ран̣ӣйам̣ ва̄, уккхепанӣйам̣ ва̄. со че бхиккхӯнам̣ сантике дӯтам̣ пахин̣еййа – ‘‘сан̇гхо ме каммам̣ каттука̄мо, а̄гаччханту бхиккхӯ, иччха̄ми бхиккхӯнам̣ а̄гата’’нти, гантаббам̣, бхиккхаве, сатта̄хакаран̣ӣйена, аппахитепи, пагева пахите – ‘‘кинти ну кхо сан̇гхо каммам̣ на кареййа, лахука̄йа ва̄ парин̣а̄меййа̄’’ти. сатта̄хам̣ санниватто ка̄таббо.

катам̣ ва̄ панасса хоти сан̇гхена каммам̣ таджджанӣйам̣ ва̄ нийассам̣ ва̄ пабба̄джанӣйам̣ ва̄ пат̣иса̄ран̣ӣйам̣ ва̄ уккхепанӣйам̣ ва̄. со че бхиккхӯнам̣ сантике дӯтам̣ пахин̣еййа ‘‘сан̇гхо ме каммам̣ ака̄си, а̄гаччханту бхиккхӯ, иччха̄ми бхиккхӯнам̣ а̄гата’’нти, гантаббам̣, бхиккхаве, сатта̄хакаран̣ӣйена, аппахитепи, пагева пахите – ‘‘кинти ну кхо самма̄ ваттеййа, ломам̣ па̄теййа, неттха̄рам̣ ваттеййа, сан̇гхо там̣ каммам̣ пат̣иппассамбхеййа̄’’ти. сатта̄хам̣ санниватто ка̄таббо.

194. идха пана, бхиккхаве, бхиккхунӣ гила̄на̄ хоти. са̄ че бхиккхӯнам̣ сантике дӯтам̣ пахин̣еййа – ‘‘ахан̃хи гила̄на̄, а̄гаччханту аййа̄, иччха̄ми аййа̄нам̣ а̄гата’’нти, гантаббам̣, бхиккхаве, сатта̄хакаран̣ӣйена, аппахитепи, пагева пахите – ‘‘гила̄набхаттам̣ ва̄ парийесисса̄ми, гила̄нупат̣т̣ха̄кабхаттам̣ ва̄ парийесисса̄ми, гила̄набхесаджджам̣ ва̄ парийесисса̄ми, пуччхисса̄ми ва̄, упат̣т̣хахисса̄ми ва̄’’ти. сатта̄хам̣ санниватто ка̄таббо.

идха пана, бхиккхаве, бхиккхунийа̄ анабхирати уппанна̄ хоти. са̄ че бхиккхӯнам̣ сантике дӯтам̣ пахин̣еййа – ‘‘анабхирати ме уппанна̄, а̄гаччханту аййа̄, иччха̄ми аййа̄нам̣ а̄гата’’нти, гантаббам̣, бхиккхаве, сатта̄хакаран̣ӣйена, аппахитепи, пагева пахите – ‘‘анабхиратам̣ вӯпака̄сесса̄ми ва̄, вӯпака̄са̄песса̄ми ва̄, дхаммакатхам̣ ва̄сса̄ карисса̄мӣ’’ти. сатта̄хам̣ санниватто ка̄таббо.

идха пана, бхиккхаве, бхиккхунийа̄ куккуччам̣ уппаннам̣ хоти. са̄ че бхиккхӯнам̣ сантике дӯтам̣ пахин̣еййа – ‘‘куккуччам̣ ме уппаннам̣, а̄гаччханту аййа̄, иччха̄ми аййа̄нам̣ а̄гата’’нти, гантаббам̣, бхиккхаве, сатта̄хакаран̣ӣйена, аппахитепи, пагева пахите – ‘‘куккуччам̣ винодесса̄ми ва̄, винода̄песса̄ми ва̄, дхаммакатхам̣ ва̄сса̄ карисса̄мӣ’’ти. сатта̄хам̣ санниватто ка̄таббо.

идха пана, бхиккхаве, бхиккхунийа̄ дит̣т̣хигатам̣ уппаннам̣ хоти. са̄ че бхиккхӯнам̣ сантике дӯтам̣ пахин̣еййа – ‘‘дит̣т̣хигатам̣ ме уппаннам̣, а̄гаччханту аййа̄, иччха̄ми аййа̄нам̣ а̄гата’’нти, гантаббам̣, бхиккхаве, сатта̄хакаран̣ӣйена, аппахитепи, пагева пахите – ‘‘дит̣т̣хигатам̣ вивечесса̄ми ва̄, вивеча̄песса̄ми ва̄, дхаммакатхам̣ ва̄сса̄ карисса̄мӣ’’ти. сатта̄хам̣ санниватто ка̄таббо.

идха пана, бхиккхаве, бхиккхунӣ гарудхаммам̣ аджджха̄панна̄ хоти ма̄натта̄раха̄. са̄ че бхиккхӯнам̣ сантике дӯтам̣ пахин̣еййа – ‘‘ахан̃хи гарудхаммам̣ аджджха̄панна̄ ма̄натта̄раха̄, а̄гаччханту аййа̄, иччха̄ми аййа̄нам̣ а̄гата’’нти, гантаббам̣, бхиккхаве, сатта̄хакаран̣ӣйена, аппахитепи, пагева пахите – ‘‘ма̄наттада̄нам̣ уссуккам̣ карисса̄мӣ’’ти. сатта̄хам̣ санниватто ка̄таббо.

идха пана, бхиккхаве, бхиккхунӣ мӯла̄йа пат̣икассана̄раха̄ хоти. са̄ че бхиккхӯнам̣ сантике дӯтам̣ пахин̣еййа – ‘‘ахан̃хи мӯла̄йа пат̣икассана̄раха̄, а̄гаччханту аййа̄, иччха̄ми аййа̄нам̣ а̄гата’’нти, гантаббам̣, бхиккхаве, сатта̄хакаран̣ӣйена, аппахитепи, пагева пахите – ‘‘мӯла̄йа пат̣икассанам̣ уссуккам̣ карисса̄мӣ’’ти. сатта̄хам̣ санниватто ка̄таббо.

идха пана, бхиккхаве, бхиккхунӣ аббха̄на̄раха̄ хоти. са̄ че бхиккхӯнам̣ сантике дӯтам̣ пахин̣еййа – ‘‘ахан̃хи аббха̄на̄раха̄, а̄гаччханту аййа̄, иччха̄ми аййа̄нам̣ а̄гата’’нти, гантаббам̣, бхиккхаве, сатта̄хакаран̣ӣйена, аппахитепи, пагева пахите – ‘‘аббха̄нам̣ уссуккам̣ карисса̄мӣ’’ти. сатта̄хам̣ санниватто ка̄таббо.

идха пана, бхиккхаве, бхиккхунийа̄ сан̇гхо каммам̣ каттука̄мо хоти – таджджанӣйам̣ ва̄, нийассам̣ ва̄, пабба̄джанӣйам̣ ва̄, пат̣иса̄ран̣ӣйам̣ ва̄, уккхепанӣйам̣ ва̄. са̄ че бхиккхӯнам̣ сантике дӯтам̣ пахин̣еййа – ‘‘сан̇гхо ме каммам̣ каттука̄мо, а̄гаччханту аййа̄, иччха̄ми аййа̄нам̣ а̄гата’’нти, гантаббам̣, бхиккхаве, сатта̄хакаран̣ӣйена, аппахитепи, пагева пахите – ‘‘кинти ну кхо сан̇гхо каммам̣ на кареййа, лахука̄йа ва̄ парин̣а̄меййа̄’’ти. сатта̄хам̣ санниватто ка̄таббо.

катам̣ ва̄ панасса̄ хоти сан̇гхена каммам̣ – таджджанӣйам̣ ва̄, нийассам̣ ва̄, пабба̄джанӣйам̣ ва̄, пат̣иса̄ран̣ӣйам̣ ва̄, уккхепанӣйам̣ ва̄. са̄ че бхиккхӯнам̣ сантике дӯтам̣ пахин̣еййа – ‘‘сан̇гхо ме каммам̣ ака̄си, а̄гаччханту аййа̄, иччха̄ми аййа̄нам̣ а̄гата’’нти, гантаббам̣, бхиккхаве, сатта̄хакаран̣ӣйена, аппахитепи, пагева пахите – ‘‘кинти ну кхо самма̄ ваттеййа, ломам̣ па̄теййа, неттха̄рам̣ ваттеййа, сан̇гхо там̣ каммам̣ пат̣иппассамбхеййа̄’’ти. сатта̄хам̣ санниватто ка̄таббо.

195. идха пана, бхиккхаве, сиккхама̄на̄ гила̄на̄ хоти. са̄ че бхиккхӯнам̣ сантике дӯтам̣ пахин̣еййа – ‘‘ахан̃хи гила̄на̄, а̄гаччханту аййа̄, иччха̄ми аййа̄нам̣ а̄гата’’нти – гантаббам̣, бхиккхаве, сатта̄хакаран̣ӣйена, аппахитепи, пагева пахите – ‘‘гила̄набхаттам̣ ва̄ парийесисса̄ми, гила̄нупат̣т̣ха̄кабхаттам̣ ва̄ парийесисса̄ми, гила̄набхесаджджам̣ ва̄ парийесисса̄ми, пуччхисса̄ми ва̄, упат̣т̣хахисса̄ми ва̄’’ти. сатта̄хам̣ санниватто ка̄таббо.

идха пана, бхиккхаве, сиккхама̄на̄йа анабхирати уппанна̄ хоти…пе… сиккхама̄на̄йа куккуччам̣ уппаннам̣ хоти… сиккхама̄на̄йа дит̣т̣хигатам̣ уппаннам̣ хоти… сиккхама̄на̄йа сиккха̄ купита̄ хоти. са̄ че бхиккхӯнам̣ сантике дӯтам̣ пахин̣еййа – ‘‘сиккха̄ ме купита̄, а̄гаччханту аййа̄, иччха̄ми аййа̄нам̣ а̄гата’’нти, гантаббам̣, бхиккхаве, сатта̄хакаран̣ӣйена, аппахитепи, пагева пахите – ‘‘сиккха̄сама̄да̄нам̣ уссуккам̣ карисса̄мӣ’’ти. сатта̄хам̣ санниватто ка̄таббо.

идха пана, бхиккхаве, сиккхама̄на̄ упасампаджджитука̄ма̄ хоти. са̄ че бхиккхӯнам̣ сантике дӯтам̣ пахин̣еййа – ‘‘ахан̃хи упасампаджджитука̄ма̄, а̄гаччханту аййа̄, иччха̄ми аййа̄нам̣ а̄гата’’нти гантаббам̣, бхиккхаве, сатта̄хакаран̣ӣйена, аппахитепи, пагева пахите – упасампадам̣ уссуккам̣ карисса̄ми ва̄, анусса̄весса̄ми ва̄, ган̣апӯрако ва̄ бхависса̄мӣти. сатта̄хам̣ санниватто ка̄таббо.

196. идха пана, бхиккхаве, са̄ман̣еро гила̄но хоти. со че бхиккхӯнам̣ сантике дӯтам̣ пахин̣еййа – ‘‘ахан̃хи гила̄но, а̄гаччханту бхиккхӯ, иччха̄ми бхиккхӯнам̣ а̄гата’’нти, гантаббам̣, бхиккхаве, сатта̄хакаран̣ӣйена, аппахитепи, пагева пахите – ‘‘гила̄набхаттам̣ ва̄ парийесисса̄ми, гила̄нупат̣т̣ха̄кабхаттам̣ ва̄ парийесисса̄ми, гила̄набхесаджджам̣ ва̄ парийесисса̄ми, пуччхисса̄ми ва̄, упат̣т̣хахисса̄ми ва̄’’ти. сатта̄хам̣ санниватто ка̄таббо.

идха пана, бхиккхаве, са̄ман̣ерасса анабхирати уппанна̄ хоти…пе… са̄ман̣ерасса куккуччам̣ уппаннам̣ хоти… са̄ман̣ерасса дит̣т̣хигатам̣ уппаннам̣ хоти… са̄ман̣еро вассам̣ пуччхитука̄мо хоти. со че бхиккхӯнам̣ сантике дӯтам̣ пахин̣еййа – ‘‘ахан̃хи вассам̣ пуччхитука̄мо, а̄гаччханту бхиккхӯ, иччха̄ми бхиккхӯнам̣ а̄гата’’нти, гантаббам̣, бхиккхаве, сатта̄хакаран̣ӣйена, аппахитепи, пагева пахите – ‘‘пуччхисса̄ми ва̄, а̄чиккхисса̄ми ва̄’’ти. сатта̄хам̣ санниватто ка̄таббо.

идха пана, бхиккхаве, са̄ман̣еро упасампаджджитука̄мо хоти. со че бхиккхӯнам̣ сантике дӯтам̣ пахин̣еййа – ‘‘ахан̃хи упасампаджджитука̄мо, а̄гаччханту бхиккхӯ, иччха̄ми бхиккхӯнам̣ а̄гата’’нти, гантаббам̣, бхиккхаве, сатта̄хакаран̣ӣйена, аппахитепи, пагева пахите – ‘‘упасампадам̣ уссуккам̣ карисса̄ми ва̄, анусса̄весса̄ми ва̄, ган̣апӯрако ва̄ бхависса̄мӣ’’ти. сатта̄хам̣ санниватто ка̄таббо.

197. идха пана, бхиккхаве, са̄ман̣ерӣ гила̄на̄ хоти. са̄ че бхиккхӯнам̣ сантике дӯтам̣ пахин̣еййа – ‘‘ахан̃хи гила̄на̄, а̄гаччханту аййа̄, иччха̄ми аййа̄нам̣ а̄гата’’нти, гантаббам̣, бхиккхаве, сатта̄хакаран̣ӣйена, аппахитепи, пагева пахите – ‘‘гила̄набхаттам̣ ва̄ парийесисса̄ми, гила̄нупат̣т̣ха̄кабхаттам̣ ва̄ парийесисса̄ми, гила̄набхесаджджам̣ ва̄ парийесисса̄ми, пуччхисса̄ми ва̄, упат̣т̣хахисса̄ми ва̄’’ти. сатта̄хам̣ санниватто ка̄таббо.

идха пана, бхиккхаве, са̄ман̣ерийа̄ анабхирати уппанна̄ хоти…пе… са̄ман̣ерийа̄ куккуччам̣ уппаннам̣ хоти… са̄ман̣ерийа̄ дит̣т̣хигатам̣ уппаннам̣ хоти… са̄ман̣ерӣ вассам̣ пуччхитука̄ма̄ хоти. са̄ че бхиккхӯнам̣ сантике дӯтам̣ пахин̣еййа – ‘‘ахан̃хи вассам̣ пуччхитука̄ма̄, а̄гаччханту аййа̄, иччха̄ми аййа̄нам̣ а̄гата’’нти, гантаббам̣, бхиккхаве, сатта̄хакаран̣ӣйена, аппахитепи, пагева пахите – ‘‘пуччхисса̄ми ва̄, а̄чиккхисса̄ми ва̄’’ти. сатта̄хам̣ санниватто ка̄таббо.

идха пана, бхиккхаве, са̄ман̣ерӣ сиккхам̣ сама̄дийитука̄ма̄ хоти. са̄ че бхиккхӯнам̣ сантике дӯтам̣ пахин̣еййа – ‘‘ахан̃хи сиккхам̣ сама̄дийитука̄ма̄, а̄гаччханту аййа̄, иччха̄ми аййа̄нам̣ а̄гата’’нти, гантаббам̣, бхиккхаве, сатта̄хакаран̣ӣйена, аппахитепи, пагева пахите – ‘‘сиккха̄сама̄да̄нам̣ уссуккам̣ карисса̄мӣ’’ти. сатта̄хам̣ санниватто ка̄табботи.

пан̃чаннам̣ аппахитепи ануджа̄нана̄ нит̣т̣хита̄.

111. саттаннам̣ аппахитепи ануджа̄нана̄

198. тена кхо пана самайена ан̃н̃атарасса бхиккхуно ма̄та̄ гила̄на̄ хоти. са̄ путтасса сантике дӯтам̣ па̄хеси – ‘‘ахан̃хи гила̄на̄, а̄гаччхату ме путто, иччха̄ми путтасса а̄гата’’нти. атха кхо тасса бхиккхуно етадахоси – ‘‘бхагавата̄ пан̃н̃аттам̣ саттаннам̣ сатта̄хакаран̣ӣйена пахите гантум̣, на твева аппахите; пан̃чаннам̣ сатта̄хакаран̣ӣйена аппахитепи гантум̣, пагева пахитети. айан̃ча ме ма̄та̄ гила̄на̄, са̄ ча анупа̄сика̄, катхам̣ ну кхо майа̄ пат̣ипаджджитабба’’нти? бхагавато етаматтхам̣ а̄рочесум̣. ануджа̄на̄ми, бхиккхаве, саттаннам̣ сатта̄хакаран̣ӣйена аппахитепи гантум̣, пагева пахите. бхиккхусса, бхиккхунийа̄, сиккхама̄на̄йа, са̄ман̣ерасса, са̄ман̣ерийа̄, ма̄туйа̄ ча питусса ча – ануджа̄на̄ми, бхиккхаве, имесам̣ саттаннам̣ сатта̄хакаран̣ӣйена аппахитепи гантум̣, пагева пахите. сатта̄хам̣ санниватто ка̄таббо.

идха пана, бхиккхаве, бхиккхусса ма̄та̄ гила̄на̄ хоти. са̄ че путтасса сантике дӯтам̣ пахин̣еййа – ‘‘ахан̃хи гила̄на̄, а̄гаччхату ме путто, иччха̄ми путтасса а̄гата’’нти, гантаббам̣, бхиккхаве, сатта̄хакаран̣ӣйена, аппахитепи, пагева пахите – ‘‘гила̄набхаттам̣ ва̄ парийесисса̄ми, гила̄нупат̣т̣ха̄кабхаттам̣ ва̄ парийесисса̄ми, гила̄набхесаджджам̣ ва̄ парийесисса̄ми, пуччхисса̄ми ва̄, упат̣т̣хахисса̄ми ва̄’’ти. сатта̄хам̣ санниватто ка̄таббо.

идха пана, бхиккхаве, бхиккхусса пита̄ гила̄но хоти. со че путтасса сантике дӯтам̣ пахин̣еййа – ‘‘ахан̃хи гила̄но, а̄гаччхату ме путто, иччха̄ми путтасса а̄гата’’нти, гантаббам̣, бхиккхаве, сатта̄хакаран̣ӣйена, аппахитепи, пагева пахите – ‘‘гила̄набхаттам̣ ва̄ парийесисса̄ми, гила̄нупат̣т̣ха̄кабхаттам̣ ва̄ парийесисса̄ми, гила̄набхесаджджам̣ ва̄ парийесисса̄ми, пуччхисса̄ми ва̄, упат̣т̣хахисса̄ми ва̄’’ти. сатта̄хам̣ санниватто ка̄таббо.

саттаннам̣ аппахитепи ануджа̄нана̄ нит̣т̣хита̄.

112. пахитейева ануджа̄нана̄

199. идха пана, бхиккхаве, бхиккхусса бха̄та̄ гила̄но хоти. со че бха̄туно сантике дӯтам̣ пахин̣еййа – ‘‘ахан̃хи гила̄но, а̄гаччхату ме бха̄та̄, иччха̄ми бха̄туно а̄гата’’нти, гантаббам̣, бхиккхаве, сатта̄хакаран̣ӣйена, пахите, на твева аппахите. сатта̄хам̣ санниватто ка̄таббо.

идха пана, бхиккхаве, бхиккхусса бхагинӣ гила̄на̄ хоти. са̄ че бха̄туно сантике дӯтам̣ пахин̣еййа – ‘‘ахан̃хи гила̄на̄, а̄гаччхату ме бха̄та̄, иччха̄ми бха̄туно а̄гата’’нти, гантаббам̣, бхиккхаве, сатта̄хакаран̣ӣйена, пахите, на твева аппахите. сатта̄хам̣ санниватто ка̄таббо.

идха пана, бхиккхаве, бхиккхусса н̃а̄тако гила̄но хоти. со че бхиккхусса сантике дӯтам̣ пахин̣еййа – ‘‘ахан̃хи гила̄но, а̄гаччхату бхаданто, иччха̄ми бхадантасса а̄гата’’нти, гантаббам̣, бхиккхаве, сатта̄хакаран̣ӣйена, пахите, на твева аппахите. сатта̄хам̣ санниватто ка̄таббо.

идха пана, бхиккхаве, бхиккхугатико гила̄но хоти. со че бхиккхӯнам̣ сантике дӯтам̣ пахин̣еййа – ‘‘ахан̃хи гила̄но, а̄гаччханту бхаданта̄, иччха̄ми бхаданта̄нам̣ а̄гата’’нти, гантаббам̣, бхиккхаве, сатта̄хакаран̣ӣйена, пахите, на твева аппахите. сатта̄хам̣ санниватто ка̄таббо.

тена кхо пана самайена сан̇гхасса виха̄ро ундрийати. ан̃н̃атарена упа̄сакена аран̃н̃е бхан̣д̣ам̣ чхеда̄питам̣ хоти. со бхиккхӯнам̣ сантике дӯтам̣ па̄хеси – ‘‘саче бхаданта̄ там̣ бхан̣д̣ам̣ а̄ваха̄пеййум̣, даджджа̄хам̣ там̣ бхан̣д̣а’’нти. бхагавато етаматтхам̣ а̄рочесум̣. ануджа̄на̄ми, бхиккхаве, сан̇гхакаран̣ӣйена гантум̣. сатта̄хам̣ санниватто ка̄табботи.

пахитейева ануджа̄нана̄ нит̣т̣хита̄.

васса̄ва̄сабха̄н̣ава̄ро нит̣т̣хито.

113. антара̄йе ана̄паттивассаччхедава̄ро

200. тена кхо пана самайена косалесу джанападе ан̃н̃атарасмим̣ а̄ва̄се вассӯпагата̄ бхиккхӯ ва̄л̣ехи убба̄л̣ха̄ хонти. ган̣хим̣супи парипа̄тим̣супи. бхагавато етаматтхам̣ а̄рочесум̣.

идха пана, бхиккхаве, вассӯпагата̄ бхиккхӯ ва̄л̣ехи убба̄л̣ха̄ хонти. ган̣хантипи парипа̄тентипи. есева антара̄йоти паккамитаббам̣. ана̄патти вассаччхедасса.

идха пана, бхиккхаве, вассӯпагата̄ бхиккхӯ сарӣсапехи убба̄л̣ха̄ хонти. д̣ам̣сантипи парипа̄тентипи. есева антара̄йоти паккамитаббам̣. ана̄патти вассаччхедасса.

идха пана, бхиккхаве, вассӯпагата̄ бхиккхӯ чорехи убба̄л̣ха̄ хонти. вилумпантипи а̄кот̣ентипи. есева антара̄йоти паккамитаббам̣. ана̄патти вассаччхедасса.

идха пана, бхиккхаве, вассӯпагата̄ бхиккхӯ писа̄чехи убба̄л̣ха̄ хонти. а̄висантипи ханантипи [оджампи харанти (сӣ.), харантипи (сйа̄.)]. есева антара̄йоти паккамитаббам̣. ана̄патти вассаччхедасса.

идха пана, бхиккхаве, вассӯпагата̄нам̣ бхиккхӯнам̣ га̄мо аггина̄ дад̣д̣хо хоти. бхиккхӯ пин̣д̣акена киламанти. есева антара̄йоти паккамитаббам̣. ана̄патти вассаччхедасса.

идха пана, бхиккхаве, вассӯпагата̄нам̣ бхиккхӯнам̣ сена̄санам̣ аггина̄ дад̣д̣хам̣ хоти. бхиккхӯ сена̄санена киламанти. есева антара̄йоти паккамитаббам̣. ана̄патти вассаччхедасса.

идха пана, бхиккхаве, вассӯпагата̄нам̣ бхиккхӯнам̣ га̄мо удакена вӯл̣хо хоти. бхиккхӯ пин̣д̣акена киламанти. есева антара̄йоти паккамитаббам̣. ана̄патти вассаччхедасса.

идха пана, бхиккхаве, вассӯпагата̄нам̣ бхиккхӯнам̣ сена̄санам̣ удакена вӯл̣хам̣ хоти. бхиккхӯ сена̄санена киламанти. есева антара̄йоти паккамитаббам̣. ана̄патти вассаччхедасса̄ти.

201. тена кхо пана самайена ан̃н̃атарасмим̣ а̄ва̄се вассӯпагата̄нам̣ бхиккхӯнам̣ га̄мо чорехи вут̣т̣ха̄си. бхагавато етаматтхам̣ а̄рочесум̣. ануджа̄на̄ми, бхиккхаве, йена га̄мо тена гантунти.

га̄мо дведха̄ бхиджджиттха. бхагавато етаматтхам̣ а̄рочесум̣. ануджа̄на̄ми, бхиккхаве, йена бахутара̄ тена гантунти.

бахутара̄ ассаддха̄ хонти аппасанна̄. бхагавато етаматтхам̣ а̄рочесум̣. ануджа̄на̄ми, бхиккхаве, йена саддха̄ пасанна̄ тена гантунти.

тена кхо пана самайена косалесу джанападе ан̃н̃атарасмим̣ а̄ва̄се вассӯпагата̄ бхиккхӯ на лабхим̣су лӯкхасса ва̄ пан̣ӣтасса ва̄ бходжанасса йа̄вадаттхам̣ па̄рипӯрим̣. бхагавато етаматтхам̣ а̄рочесум̣.

идха пана, бхиккхаве, вассӯпагата̄ бхиккхӯ на лабханти лӯкхасса ва̄ пан̣ӣтасса ва̄ бходжанасса йа̄вадаттхам̣ па̄рипӯрим̣. есева антара̄йоти паккамитаббам̣. ана̄патти вассаччхедасса.

идха пана, бхиккхаве, вассӯпагата̄ бхиккхӯ лабханти лӯкхасса ва̄ пан̣ӣтасса ва̄ бходжанасса йа̄вадаттхам̣ па̄рипӯрим̣, на лабханти саппа̄йа̄ни бходжана̄ни. есева антара̄йоти паккамитаббам̣. ана̄патти вассаччхедасса.

идха пана, бхиккхаве, вассӯпагата̄ бхиккхӯ лабханти лӯкхасса ва̄ пан̣ӣтасса ва̄ бходжанасса йа̄вадаттхам̣ па̄рипӯрим̣, лабханти саппа̄йа̄ни бходжана̄ни, на лабханти саппа̄йа̄ни бхесаджджа̄ни. есева антара̄йоти паккамитаббам̣. ана̄патти вассаччхедасса.

идха пана, бхиккхаве, вассӯпагата̄ бхиккхӯ лабханти лӯкхасса ва̄ пан̣ӣтасса ва̄ бходжанасса йа̄вадаттхам̣ па̄рипӯрим̣, лабханти саппа̄йа̄ни бходжана̄ни, лабханти саппа̄йа̄ни бхесаджджа̄ни, на лабханти патирӯпам̣ упат̣т̣ха̄кам̣. есева антара̄йоти паккамитаббам̣. ана̄патти вассаччхедасса.

идха пана, бхиккхаве, вассӯпагатам̣ бхиккхум̣ иттхӣ нимантети – ‘‘ехи, бханте, хиран̃н̃ам̣ ва̄ те деми, суван̣н̣ам̣ ва̄ те деми, кхеттам̣ ва̄ те деми, ваттхум̣ ва̄ те деми, га̄вум̣ ва̄ те деми, га̄вим̣ ва̄ те деми, да̄сам̣ ва̄ те деми, да̄сим̣ ва̄ те деми, дхӣтарам̣ ва̄ те деми бхарийаттха̄йа, ахам̣ ва̄ те бхарийа̄ хоми, ан̃н̃ам̣ ва̄ те бхарийам̣ а̄немӣ’’ти. татра че бхиккхуно евам̣ хоти, ‘лахупариваттам̣ кхо читтам̣ вуттам̣ бхагавата̄, сийа̄пи ме брахмачарийасса антара̄йо’ти, паккамитаббам̣. ана̄патти вассаччхедасса.

идха пана, бхиккхаве, вассӯпагатам̣ бхиккхум̣ весӣ нимантети…пе… тхуллакума̄рӣ нимантети… пан̣д̣ако нимантети… н̃а̄така̄ нимантенти… ра̄джа̄но нимантенти… чора̄ нимантенти… дхутта̄ нимантенти – ‘‘ехи, бханте, хиран̃н̃ам̣ ва̄ те дема, суван̣н̣ам̣ ва̄ те дема, кхеттам̣ ва̄ те дема, ваттхум̣ ва̄ те дема, га̄вум̣ ва̄ те дема, га̄вим̣ ва̄ те дема, да̄сам̣ ва̄ те дема, да̄сим̣ ва̄ те дема, дхӣтарам̣ ва̄ те дема бхарийаттха̄йа, ан̃н̃ам̣ ва̄ те бхарийам̣ а̄нема̄’’ти. татра че бхиккхуно евам̣ хоти, ‘лахупариваттам̣ кхо читтам̣ вуттам̣ бхагавата̄, сийа̄пи ме брахмачарийасса антара̄йо’ти, паккамитаббам̣. ана̄патти вассаччхедасса.

идха пана, бхиккхаве, вассӯпагато бхиккху асса̄микам̣ нидхим̣ пассати. татра че бхиккхуно евам̣ хоти, ‘лахупариваттам̣ кхо читтам̣ вуттам̣ бхагавата̄, сийа̄пи ме брахмачарийасса антара̄йо’ти, паккамитаббам̣. ана̄патти вассаччхедасса.

антара̄йе ана̄паттивассаччхедава̄ро нит̣т̣хито.

114. сан̇гхабхеде ана̄паттивассаччхедава̄ро

202. идха пана, бхиккхаве, вассӯпагато бхиккху пассати самбахуле бхиккхӯ сан̇гхабхеда̄йа параккаманте. татра че бхиккхуно евам̣ хоти, ‘гаруко кхо сан̇гхабхедо вутто бхагавата̄; ма̄ майи саммукхӣбхӯте сан̇гхо бхиджджӣ’ти, паккамитаббам̣. ана̄патти вассаччхедасса.

идха пана, бхиккхаве, вассӯпагато бхиккху сун̣а̄ти – ‘‘асукасмим̣ кира а̄ва̄се самбахула̄ бхиккхӯ сан̇гхабхеда̄йа параккамантӣ’’ти. татра че бхиккхуно евам̣ хоти, ‘гаруко кхо сан̇гхабхедо вутто бхагавата̄; ма̄ майи саммукхӣбхӯте сан̇гхо бхиджджӣ’ти, паккамитаббам̣. ана̄патти вассаччхедасса.

идха пана, бхиккхаве, вассӯпагато бхиккху сун̣а̄ти – ‘‘асукасмим̣ кира а̄ва̄се самбахула̄ бхиккхӯ сан̇гхабхеда̄йа параккамантӣ’’ти. татра че бхиккхуно евам̣ хоти – ‘‘те кхо ме бхиккхӯ митта̄. тйа̄хам̣ ваккха̄ми ‘гаруко кхо, а̄вусо, сан̇гхабхедо вутто бхагавата̄; ма̄йасманта̄нам̣ сан̇гхабхедо руччиттха̄’ти. кариссанти ме вачанам̣, суссӯсиссанти, сотам̣ одахиссантӣ’’ти, паккамитаббам̣. ана̄патти вассаччхедасса.

идха пана, бхиккхаве, вассӯпагато бхиккху сун̣а̄ти – ‘‘асукасмим̣ кира а̄ва̄се самбахула̄ бхиккхӯ сан̇гхабхеда̄йа параккамантӣ’’ти. татра че бхиккхуно евам̣ хоти – ‘‘те кхо ме бхиккхӯ на митта̄; апи ча йе тесам̣ митта̄, те ме митта̄. тйа̄хам̣ ваккха̄ми. те вутта̄ те ваккханти ‘гаруко кхо, а̄вусо, сан̇гхабхедо вутто бхагавата̄; ма̄йасманта̄нам̣ сан̇гхабхедо руччиттха̄’ти. кариссанти тесам̣ вачанам̣, суссӯсиссанти, сотам̣ одахиссантӣ’’ти, паккамитаббам̣. ана̄патти вассаччхедасса.

идха пана, бхиккхаве, вассӯпагато бхиккху сун̣а̄ти – ‘‘асукасмим̣ кира а̄ва̄се самбахулехи бхиккхӯхи сан̇гхо бхинно’’ти. татра че бхиккхуно евам̣ хоти – ‘‘те кхо ме бхиккхӯ митта̄. тйа̄хам̣ ваккха̄ми ‘гаруко кхо, а̄вусо, сан̇гхабхедо вутто бхагавата̄; ма̄йасманта̄нам̣ сан̇гхабхедо руччиттха̄’ти. кариссанти ме вачанам̣, суссӯсиссанти, сотам̣ одахиссантӣ’’ти, паккамитаббам̣. ана̄патти вассаччхедасса.

идха пана, бхиккхаве, вассӯпагато бхиккху сун̣а̄ти – ‘‘асукасмим̣ кира а̄ва̄се самбахулехи бхиккхӯхи сан̇гхо бхинно’’ти. татра че бхиккхуно евам̣ хоти – ‘‘те кхо ме бхиккхӯ на митта̄; апи ча, йе тесам̣ митта̄ те ме митта̄. тйа̄хам̣ ваккха̄ми. те вутта̄ те ваккханти ‘гаруко кхо, а̄вусо, сан̇гхабхедо вутто бхагавата̄; ма̄йасманта̄нам̣ сан̇гхабхедо руччиттха̄’ти. кариссанти тесам̣ вачанам̣, суссӯсиссанти, сотам̣ одахиссантӣ’’ти, паккамитаббам̣. ана̄патти вассаччхедасса.

идха пана, бхиккхаве, вассӯпагато бхиккху сун̣а̄ти – ‘‘амукасмим̣ кира а̄ва̄се самбахула̄ бхиккхунийо сан̇гхабхеда̄йа параккамантӣ’’ти. татра че бхиккхуно евам̣ хоти – ‘‘та̄ кхо ме бхиккхунийо митта̄. та̄хам̣ ваккха̄ми ‘гаруко кхо, бхагинийо, сан̇гхабхедо вутто бхагавата̄; ма̄ бхагинӣнам̣ сан̇гхабхедо руччиттха̄’ти. кариссанти ме вачанам̣, суссӯсиссанти, сотам̣ одахиссантӣ’’ти, паккамитаббам̣. ана̄патти вассаччхедасса.

идха пана, бхиккхаве, вассӯпагато бхиккху сун̣а̄ти – ‘‘амукасмим̣ кира а̄ва̄се самбахула̄ бхиккхунийо сан̇гхабхеда̄йа параккамантӣ’’ти. татра че бхиккхуно евам̣ хоти – ‘‘та̄ кхо ме бхиккхунийо на митта̄. апи ча, йа̄ та̄сам̣ митта̄, та̄ ме митта̄. та̄хам̣ ваккха̄ми. та̄ вутта̄ та̄ ваккханти ‘гаруко кхо, бхагинийо, сан̇гхабхедо вутто бхагавата̄. ма̄ бхагинӣнам̣ сан̇гхабхедо руччиттха̄’ти. кариссанти та̄сам̣ вачанам̣, суссӯсиссанти, сотам̣ одахиссантӣ’’ти, паккамитаббам̣. ана̄патти вассаччхедассати.

идха пана, бхиккхаве, вассӯпагато бхиккху сун̣а̄ти – ‘‘амукасмим̣ кира а̄ва̄се самбахула̄хи бхиккхунӣхи сан̇гхо бхинно’’ти. татра че бхиккхуно евам̣ хоти – ‘‘та̄ кхо ме бхиккхунийо митта̄. та̄хам̣ ваккха̄ми ‘гаруко кхо, бхагинийо, сан̇гхабхедо вутто бхагавата̄. ма̄ бхагинӣнам̣ сан̇гхабхедо руччиттха̄’ти. кариссанти ме вачанам̣, суссӯсиссанти, сотам̣ одахиссантӣ’’ти, паккамитаббам̣. ана̄патти вассаччхедассати.

идха пана, бхиккхаве, вассӯпагато бхиккху сун̣а̄ти – ‘‘амукасмим̣ кира а̄ва̄се самбахула̄хи бхиккхунӣхи сан̇гхо бхинно’’ти. татра че бхиккхуно евам̣ хоти – ‘‘та̄ кхо ме бхиккхунийо на митта̄. апи ча, йа̄ та̄сам̣ митта̄ та̄ ме митта̄. та̄хам̣ ваккха̄ми. та̄ вутта̄ та̄ ваккханти ‘гаруко кхо, бхагинийо [аййа̄йо (сӣ.)], сан̇гхабхедо вутто бхагавата̄; ма̄ бхагинӣнам̣ [аййа̄нам̣ (сӣ.)] сан̇гхабхедо руччиттха̄’ти. кариссанти та̄сам̣ вачанам̣, суссӯсиссанти, сотам̣ одахиссантӣ’’ти, паккамитаббам̣. ана̄патти вассаччхедасса̄ти.

сан̇гхабхеде ана̄паттивассаччхедава̄ро нит̣т̣хито.

115. ваджа̄дӣсу вассӯпагаманам̣

203. тена кхо пана самайена ан̃н̃атаро бхиккху вадже вассам̣ упагантука̄мо хоти. бхагавато етаматтхам̣ а̄рочесум̣. ануджа̄на̄ми, бхиккхаве, вадже вассам̣ упагантунти. ваджо вут̣т̣ха̄си. бхагавато етаматтхам̣ а̄рочесум̣. ануджа̄на̄ми, бхиккхаве, йена ваджо тена гантунти.

тена кхо пана самайена ан̃н̃атаро бхиккху упакат̣т̣ха̄йа вассӯпана̄йика̄йа саттхена гантука̄мо хоти. бхагавато етаматтхам̣ а̄рочесум̣. ануджа̄на̄ми, бхиккхаве, саттхе вассам̣ упагантунти.

тена кхо пана самайена ан̃н̃атаро бхиккху упакат̣т̣ха̄йа вассӯпана̄йика̄йа на̄ва̄йа гантука̄мо хоти. бхагавато етаматтхам̣ а̄рочесум̣. ануджа̄на̄ми, бхиккхаве, на̄ва̄йа вассам̣ упагантунти.

ваджа̄дӣсу вассӯпагаманам̣ нит̣т̣хитам̣.

116. вассам̣ анупагантаббат̣т̣ха̄на̄ни

204. тена кхо пана самайена бхиккхӯ руккхасусире вассам̣ упагаччханти. манусса̄ уджджха̄йанти кхиййанти випа̄ченти – ‘‘сеййатха̄пи писа̄чиллика̄’’ти. бхагавато етаматтхам̣ а̄рочесум̣. на, бхиккхаве, руккхасусире вассам̣ упагантаббам̣. йо упагаччхеййа, а̄патти дуккат̣асса̄ти.

тена кхо пана самайена бхиккхӯ руккхавит̣абхийа̄ вассам̣ упагаччханти. манусса̄ уджджха̄йанти кхиййанти випа̄ченти – ‘‘сеййатха̄пи мигалуддака̄’’ти. бхагавато етаматтхам̣ а̄рочесум̣. на, бхиккхаве, руккхавит̣абхийа̄ вассам̣ упагантаббам̣. йо упагаччхеййа, а̄патти дуккат̣асса̄ти.

тена кхо пана самайена бхиккхӯ аджджхока̄се вассам̣ упагаччханти. деве вассанте руккхамӯлампи ниббакосампи упадха̄ванти. бхагавато етаматтхам̣ а̄рочесум̣. на, бхиккхаве, аджджхока̄се вассам̣ упагантаббам̣. йо упагаччхеййа, а̄патти дуккат̣асса̄ти.

тена кхо пана самайена бхиккхӯ асена̄саника̄ вассам̣ упагаччханти. сӣтенапи киламанти, ун̣хенапи киламанти. бхагавато етаматтхам̣ а̄рочесум̣. на, бхиккхаве, асена̄саникена вассам̣ упагантаббам̣. йо упагаччхеййа, а̄патти дуккат̣асса̄ти.

тена кхо пана самайена бхиккхӯ чхавакут̣ика̄йа вассам̣ упагаччханти. манусса̄ уджджха̄йанти кхиййанти випа̄ченти – ‘‘сеййатха̄пи чхавад̣а̄хака̄’’ти. бхагавато етаматтхам̣ а̄рочесум̣. на, бхиккхаве, чхавакут̣ика̄йа вассам̣ упагантаббам̣. йо упагаччхеййа, а̄патти дуккат̣асса̄ти.

тена кхо пана самайена бхиккхӯ чхатте вассам̣ упагаччханти. манусса̄ уджджха̄йанти кхиййанти випа̄ченти – ‘‘сеййатха̄пи гопа̄лака̄’’ти. бхагавато етаматтхам̣ а̄рочесум̣. на, бхиккхаве, чхатте вассам̣ упагантаббам̣. йо упагаччхеййа, а̄патти дуккат̣асса̄ти.

тена кхо пана самайена бхиккхӯ ча̄т̣ийа̄ вассам̣ упагаччханти. манусса̄ уджджха̄йанти кхиййанти випа̄ченти – ‘‘сеййатха̄пи титтхийа̄’’ти. бхагавато етаматтхам̣ а̄рочесум̣. на, бхиккхаве, ча̄т̣ийа̄ вассам̣ упагантаббам̣. йо упагаччхеййа, а̄патти дуккат̣асса̄ти.

вассам̣ анупагантаббат̣т̣ха̄на̄ни нит̣т̣хита̄.

117. адхаммикакатика̄

205. тена кхо пана самайена са̄ваттхийа̄ сан̇гхена еварӯпа̄ катика̄ ката̄ хоти – антара̄вассам̣ на пабба̄джетаббанти. виса̄кха̄йа мига̄рама̄туйа̄ натта̄ бхиккхӯ упасан̇камитва̄ паббаджджам̣ йа̄чи. бхиккхӯ евама̄хам̣су – ‘‘сан̇гхена кхо, а̄вусо, еварӯпа̄ катика̄ ката̄ ‘антара̄вассам̣ на пабба̄джетабба’нти. а̄гамехи, а̄вусо, йа̄ва бхиккхӯ вассам̣ васанти. вассам̣вут̣т̣ха̄ пабба̄джессантӣ’’ти. атха кхо те бхиккхӯ вассам̣вут̣т̣ха̄ виса̄кха̄йа мига̄рама̄туйа̄ натта̄рам̣ етадавочум̣ – ‘‘ехи, да̄ни, а̄вусо, паббаджа̄хӣ’’ти. со евама̄ха – ‘‘сача̄хам̣, бханте, паббаджито ассам̣, абхирамеййа̄махам̣ [абхирамеййам̣ ча̄хам̣ (сӣ.)]. на да̄на̄хам̣, бханте, паббаджисса̄мӣ’’ти. виса̄кха̄ мига̄рама̄та̄ уджджха̄йати кхиййати випа̄чети – ‘‘катхан̃хи на̄ма аййа̄ еварӯпам̣ катикам̣ кариссанти ‘на антара̄вассам̣ пабба̄джетабба’нти. кам̣ ка̄лам̣ дхаммо на чаритаббо’’ти? ассосум̣ кхо бхиккхӯ виса̄кха̄йа мига̄рама̄туйа̄ уджджха̄йантийа̄ кхиййантийа̄ випа̄чентийа̄. атха кхо те бхиккхӯ бхагавато етаматтхам̣ а̄рочесум̣. на, бхиккхаве, еварӯпа̄ катика̄ ка̄табба̄ – ‘на антара̄вассам̣ пабба̄джетабба’нти. йо кареййа, а̄патти дуккат̣асса̄ти.

адхаммикакатика̄ нит̣т̣хита̄.

118. пат̣иссавадуккат̣а̄патти

206. тена кхо пана самайена а̄йасмата̄ упанандена сакйапуттена ран̃н̃о пасенадисса косаласса васса̄ва̄со пат̣иссуто хоти пуримика̄йа. со там̣ а̄ва̄сам̣ гаччханто аддаса антара̄магге две а̄ва̄се бахучӣвараке. тасса етадахоси – ‘‘йам̣нӯна̄хам̣ имесу двӣсу а̄ва̄сесу вассам̣ васеййам̣. евам̣ ме бахум̣ чӣварам̣ [бахучӣварам̣ (ка.)] уппаджджиссатӣ’’ти. со тесу двӣсу а̄ва̄сесу вассам̣ васи. ра̄джа̄ пасенади косало уджджха̄йати кхиййати випа̄чети – ‘‘катхан̃хи на̄ма аййо упанандо сакйапутто амха̄кам̣ васса̄ва̄сам̣ пат̣иссун̣итва̄ висам̣ва̄дессати. нану бхагавата̄ анекапарийа̄йена муса̄ва̄до гарахито, муса̄ва̄да̄ вераман̣ӣ пасаттха̄’’ти. ассосум̣ кхо бхиккхӯ ран̃н̃о пасенадисса косаласса уджджха̄йантасса кхиййантасса випа̄чентасса. йе те бхиккхӯ аппиччха̄…пе… те уджджха̄йанти кхиййанти випа̄ченти – ‘‘катхан̃хи на̄ма а̄йасма̄ упанандо сакйапутто ран̃н̃о пасенадисса косаласса васса̄ва̄сам̣ пат̣иссун̣итва̄ висам̣ва̄дессати. нану бхагавата̄ анекапарийа̄йена муса̄ва̄до гарахито, муса̄ва̄да̄ вераман̣ӣ пасаттха̄’’ти. атха кхо те бхиккхӯ бхагавато етаматтхам̣ а̄рочесум̣…пе… атха кхо бхагава̄ етасмим̣ нида̄не етасмим̣ пакаран̣е бхиккхусан̇гхам̣ саннипа̄та̄петва̄ а̄йасмантам̣ упанандам̣ сакйапуттам̣ пат̣ипуччхи – ‘‘саччам̣ кира твам̣, упананда, ран̃н̃о пасенадисса косаласса васса̄ва̄сам̣ пат̣иссун̣итва̄ висам̣ва̄десӣ’’ти? ‘‘саччам̣, бхагава̄’’ти. вигарахи буддхо бхагава̄…пе… катхан̃хи на̄ма твам̣, могхапуриса, ран̃н̃о пасенадисса косаласса васса̄ва̄сам̣ пат̣иссун̣итва̄ висам̣ва̄дессаси. нану майа̄, могхапуриса, анекапарийа̄йена муса̄ва̄до гарахито, муса̄ва̄да̄ вераман̣ӣ пасаттха̄. нетам̣, могхапуриса, аппасанна̄нам̣ ва̄ паса̄да̄йа…пе… вигарахитва̄…пе… дхаммим̣ катхам̣ катва̄ бхиккхӯ а̄мантеси –

207. идха пана, бхиккхаве, бхиккхуна̄ васса̄ва̄со пат̣иссуто хоти пуримика̄йа. со там̣ а̄ва̄сам̣ гаччханто пассати антара̄магге две а̄ва̄се бахучӣвараке. тасса евам̣ хоти – ‘‘йам̣нӯна̄хам̣ имесу двӣсу а̄ва̄сесу вассам̣ васеййам̣. евам̣ ме бахум̣ чӣварам̣ уппаджджиссатӣ’’ти. со тесу двӣсу а̄ва̄сесу вассам̣ васати. тасса, бхиккхаве, бхиккхуно пуримика̄ ча на пан̃н̃а̄йати, пат̣иссаве ча а̄патти дуккат̣асса.

идха пана, бхиккхаве, бхиккхуна̄ васса̄ва̄со пат̣иссуто хоти пуримика̄йа. со там̣ а̄ва̄сам̣ гаччханто бахиддха̄ упосатхам̣ кароти, па̄т̣ипаде [па̄т̣ипадена (ка.)] виха̄рам̣ упети, сена̄санам̣ пан̃н̃апети, па̄нӣйам̣ парибходжанӣйам̣ упат̣т̣ха̄пети, паривен̣ам̣ саммаджджати. со тадахева акаран̣ӣйо паккамати. тасса, бхиккхаве, бхиккхуно пуримика̄ ча на пан̃н̃а̄йати, пат̣иссаве ча а̄патти дуккат̣асса.

идха пана, бхиккхаве, бхиккхуна̄ васса̄ва̄со пат̣иссуто хоти пуримика̄йа. со там̣ а̄ва̄сам̣ гаччханто бахиддха̄ упосатхам̣ кароти, па̄т̣ипаде виха̄рам̣ упети, сена̄санам̣ пан̃н̃апети, па̄нӣйам̣ парибходжанӣйам̣ упат̣т̣ха̄пети, паривен̣ам̣ саммаджджати. со тадахева сакаран̣ӣйо паккамати. тасса, бхиккхаве, бхиккхуно пуримика̄ ча на пан̃н̃а̄йати, пат̣иссаве ча а̄патти дуккат̣асса.

идха пана, бхиккхаве, бхиккхуна̄ васса̄ва̄со пат̣иссуто хоти пуримика̄йа. со там̣ а̄ва̄сам̣ гаччханто бахиддха̄ упосатхам̣ кароти, па̄т̣ипаде виха̄рам̣ упети, сена̄санам̣ пан̃н̃апети, па̄нӣйам̣ парибходжанӣйам̣ упат̣т̣ха̄пети, паривен̣ам̣ саммаджджати. со двӣхатӣхам̣ васитва̄ акаран̣ӣйо паккамати. тасса, бхиккхаве, бхиккхуно пуримика̄ ча на пан̃н̃а̄йати, пат̣иссаве ча а̄патти дуккат̣асса.

идха пана, бхиккхаве, бхиккхуна̄ васса̄ва̄со пат̣иссуто хоти пуримика̄йа. со там̣ а̄ва̄сам̣ гаччханто бахиддха̄ упосатхам̣ кароти, па̄т̣ипаде виха̄рам̣ упети, сена̄санам̣ пан̃н̃апети, па̄нӣйам̣ парибходжанӣйам̣ упат̣т̣ха̄пети, паривен̣ам̣ саммаджджати. со двӣхатӣхам̣ васитва̄ сакаран̣ӣйо паккамати. тасса, бхиккхаве, бхиккхуно пуримика̄ ча на пан̃н̃а̄йати, пат̣иссаве ча а̄патти дуккат̣асса.

идха пана, бхиккхаве, бхиккхуна̄ васса̄ва̄со пат̣иссуто хоти пуримика̄йа. со там̣ а̄ва̄сам̣ гаччханто бахиддха̄ упосатхам̣ кароти, па̄т̣ипаде виха̄рам̣ упети, сена̄санам̣ пан̃н̃апети, па̄нӣйам̣ парибходжанӣйам̣ упат̣т̣ха̄пети, паривен̣ам̣ саммаджджати. со двӣхатӣхам̣ васитва̄ сатта̄хакаран̣ӣйена паккамати. со там̣ сатта̄хам̣ бахиддха̄ вӣтина̄мети. тасса, бхиккхаве, бхиккхуно пуримика̄ ча на пан̃н̃а̄йати, пат̣иссаве ча а̄патти дуккат̣асса.

идха пана, бхиккхаве, бхиккхуна̄ васса̄ва̄со пат̣иссуто хоти пуримика̄йа. со там̣ а̄ва̄сам̣ гаччханто бахиддха̄ упосатхам̣ кароти, па̄т̣ипаде виха̄рам̣ упети, сена̄санам̣ пан̃н̃апети, па̄нӣйам̣ парибходжанӣйам̣ упат̣т̣ха̄пети, паривен̣ам̣ саммаджджати. со двӣхатӣхам̣ васитва̄ сатта̄хакаран̣ӣйена паккамати. со там̣ сатта̄хам̣ анто санниваттам̣ кароти. тасса, бхиккхаве, бхиккхуно пуримика̄ ча пан̃н̃а̄йати, пат̣иссаве ча ана̄патти.

идха пана, бхиккхаве, бхиккхуна̄ васса̄ва̄со пат̣иссуто хоти пуримика̄йа. со там̣ а̄ва̄сам̣ гаччханто бахиддха̄ упосатхам̣ кароти, па̄т̣ипаде виха̄рам̣ упети, сена̄санам̣ пан̃н̃апети, па̄нӣйам̣ парибходжанӣйам̣ упат̣т̣ха̄пети, паривен̣ам̣ саммаджджати. со сатта̄хам̣ ана̄гата̄йа пава̄ран̣а̄йа сакаран̣ӣйо паккамати. а̄гаччхеййа ва̄ со, бхиккхаве, бхиккху там̣ а̄ва̄сам̣ на ва̄ а̄гаччхеййа, тасса, бхиккхаве, бхиккхуно пуримика̄ ча пан̃н̃а̄йати, пат̣иссаве ча ана̄патти.

идха пана, бхиккхаве, бхиккхуна̄ васса̄ва̄со пат̣иссуто хоти пуримика̄йа. со там̣ а̄ва̄сам̣ гантва̄ упосатхам̣ кароти, па̄т̣ипаде виха̄рам̣ упети, сена̄санам̣ пан̃н̃апети, па̄нӣйам̣ парибходжанӣйам̣ упат̣т̣ха̄пети, паривен̣ам̣ саммаджджати. со тадахева сакаран̣ӣйо паккамати…пе… со двӣхатӣхам̣ васитва̄ акаран̣ӣйо паккамати…пе… со двӣхатӣхам̣ васитва̄ сакаран̣ӣйо паккамати…пе… со двӣхатӣхам̣ васитва̄ сатта̄хакаран̣ӣйена паккамати. со там̣ сатта̄хам̣ бахиддха̄ вӣтина̄мети. тасса, бхиккхаве, бхиккхуно пуримика̄ ча на пан̃н̃а̄йати, пат̣иссаве ча а̄патти дуккат̣асса…пе… со двӣхатӣхам̣ васитва̄ сатта̄хакаран̣ӣйена паккамати. со там̣ сатта̄хам̣ анто санниваттам̣ кароти. тасса, бхиккхаве, бхиккхуно пуримика̄ ча пан̃н̃а̄йати, пат̣иссаве ча ана̄патти…пе… со сатта̄хам̣ ана̄гата̄йа пава̄ран̣а̄йа сакаран̣ӣйо паккамати. а̄гаччхеййа ва̄ со, бхиккхаве, бхиккху там̣ а̄ва̄сам̣ на ва̄ а̄гаччхеййа, тасса, бхиккхаве, бхиккхуно пуримика̄ ча пан̃н̃а̄йати, пат̣иссаве ча ана̄патти.

208. идха пана, бхиккхаве, бхиккхуна̄ васса̄ва̄со пат̣иссуто хоти паччхимика̄йа. со там̣ а̄ва̄сам̣ гаччханто бахиддха̄ упосатхам̣ кароти, па̄т̣ипаде виха̄рам̣ упети, сена̄санам̣ пан̃н̃апети, па̄нӣйам̣ парибходжанӣйам̣ упат̣т̣ха̄пети, паривен̣ам̣ саммаджджати. со тадахева акаран̣ӣйо паккамати. тасса, бхиккхаве, бхиккхуно паччхимика̄ ча на пан̃н̃а̄йати, пат̣иссаве ча а̄патти дуккат̣асса.

идха пана, бхиккхаве, бхиккхуна̄ васса̄ва̄со пат̣иссуто хоти паччхимика̄йа. со там̣ а̄ва̄сам̣ гаччханто бахиддха̄ упосатхам̣ кароти, па̄т̣ипаде виха̄рам̣ упети, сена̄санам̣ пан̃н̃апети, па̄нӣйам̣ парибходжанӣйам̣ упат̣т̣ха̄пети, паривен̣ам̣ саммаджджати. со тадахева сакаран̣ӣйо паккамати. тасса, бхиккхаве, бхиккхуно паччхимика̄ ча на пан̃н̃а̄йати, пат̣иссаве ча а̄патти дуккат̣асса.

идха пана, бхиккхаве, бхиккхуна̄ васса̄ва̄со пат̣иссуто хоти паччхимика̄йа. со там̣ а̄ва̄сам̣ гаччханто бахиддха̄ упосатхам̣ кароти, па̄т̣ипаде виха̄рам̣ упети, сена̄санам̣ пан̃н̃апети, па̄нӣйам̣ парибходжанӣйам̣ упат̣т̣ха̄пети, паривен̣ам̣ саммаджджати. со двӣхатӣхам̣ васитва̄ акаран̣ӣйо паккамати. тасса, бхиккхаве, бхиккхуно паччхимика̄ ча на пан̃н̃а̄йати, пат̣иссаве ча а̄патти дуккат̣асса.

идха пана, бхиккхаве, бхиккхуна̄ васса̄ва̄со пат̣иссуто хоти паччхимика̄йа. со там̣ а̄ва̄сам̣ гаччханто бахиддха̄ упосатхам̣ кароти, па̄т̣ипаде виха̄рам̣ упети, сена̄санам̣ пан̃н̃апети, па̄нӣйам̣ парибходжанӣйам̣ упат̣т̣ха̄пети, паривен̣ам̣ саммаджджати. со двӣхатӣхам̣ васитва̄ сакаран̣ӣйо паккамати. тасса, бхиккхаве, бхиккхуно паччхимика̄ ча на пан̃н̃а̄йати, пат̣иссаве ча а̄патти дуккат̣асса.

идха пана, бхиккхаве, бхиккхуна̄ васса̄ва̄со пат̣иссуто хоти паччхимика̄йа. со там̣ а̄ва̄сам̣ гаччханто бахиддха̄ упосатхам̣ кароти, па̄т̣ипаде виха̄рам̣ упети, сена̄санам̣ пан̃н̃апети, па̄нӣйам̣ парибходжанӣйам̣ упат̣т̣ха̄пети, паривен̣ам̣ саммаджджати. со двӣхатӣхам̣ васитва̄ сатта̄хакаран̣ӣйена паккамати. со там̣ сатта̄хам̣ бахиддха̄ вӣтина̄мети. тасса, бхиккхаве, бхиккхуно паччхимика̄ ча на пан̃н̃а̄йати, пат̣иссаве ча а̄патти дуккат̣асса.

идха пана, бхиккхаве, бхиккхуна̄ васса̄ва̄со пат̣иссуто хоти паччхимика̄йа. со там̣ а̄ва̄сам̣ гаччханто бахиддха̄ упосатхам̣ кароти, па̄т̣ипаде виха̄рам̣ упети, сена̄санам̣ пан̃н̃апети, па̄нӣйам̣ парибходжанӣйам̣ упат̣т̣ха̄пети, паривен̣ам̣ саммаджджати. со двӣхатӣхам̣ васитва̄ сатта̄хакаран̣ӣйена паккамати. со там̣ сатта̄хам̣ анто санниваттам̣ кароти. тасса, бхиккхаве, бхиккхуно паччхимика̄ ча пан̃н̃а̄йати, пат̣иссаве ча ана̄патти.

идха пана, бхиккхаве, бхиккхуна̄ васса̄ва̄со пат̣иссуто хоти паччхимика̄йа. со там̣ а̄ва̄сам̣ гаччханто бахиддха̄ упосатхам̣ кароти, па̄т̣ипаде виха̄рам̣ упети, сена̄санам̣ пан̃н̃апети, па̄нӣйам̣ парибходжанӣйам̣ упат̣т̣ха̄пети, паривен̣ам̣ саммаджджати. со сатта̄хам̣ ана̄гата̄йа комудийа̄ ча̄тума̄синийа̄ сакаран̣ӣйо паккамати. а̄гаччхеййа ва̄ со, бхиккхаве, бхиккху там̣ а̄ва̄сам̣ на ва̄ а̄гаччхеййа, тасса, бхиккхаве, бхиккхуно паччхимика̄ ча пан̃н̃а̄йати, пат̣иссаве ча ана̄патти.

идха пана, бхиккхаве, бхиккхуна̄ васса̄ва̄со пат̣иссуто хоти паччхимика̄йа. со там̣ а̄ва̄сам̣ гантва̄ упосатхам̣ кароти, па̄т̣ипаде виха̄рам̣ упети, сена̄санам̣ пан̃н̃апети, па̄нӣйам̣ парибходжанӣйам̣ упат̣т̣ха̄пети, паривен̣ам̣ саммаджджати. со тадахева сакаран̣ӣйо паккамати…пе… со двӣхатӣхам̣ васитва̄ акаран̣ӣйо паккамати …пе… со двӣхатӣхам̣ васитва̄ сакаран̣ӣйо паккамати…пе… со двӣхатӣхам̣ васитва̄ сатта̄хакаран̣ӣйена паккамати. со там̣ сатта̄хам̣ бахиддха̄ вӣтина̄мети. тасса, бхиккхаве, бхиккхуно паччхимика̄ ча на пан̃н̃а̄йати, пат̣иссаве ча а̄патти дуккат̣асса…пе… со двӣхатӣхам̣ васитва̄ сатта̄хакаран̣ӣйена паккамати. со там̣ сатта̄хам̣ анто санниваттам̣ кароти. тасса бхиккхаве, бхиккхуно паччхимика̄ ча пан̃н̃а̄йати, пат̣иссаве ча ана̄патти.

пат̣иссавадуккат̣а̄патти нит̣т̣хита̄.

вассӯпана̄йикаккхандхако татийо.

119. тассудда̄нам̣

упагантум̣ када̄ чева, кати антара̄васса ча;

на иччханти ча сан̃чичча, уккад̣д̣хитум̣ упа̄сако.

гила̄но ма̄та̄ ча пита̄, бха̄та̄ ча атха н̃а̄тако;

бхиккхугатико виха̄ро, ва̄л̣а̄ ча̄пи сарӣсапа̄.