61. двеупасампада̄пеккха̄диваттху

123. тена кхо пана самайена а̄йасмато маха̄кассапасса две упасампада̄пеккха̄ хонти. те виваданти – ахам̣ пат̣хамам̣ упасампаджджисса̄ми, ахам̣ пат̣хамам̣ упасампаджджисса̄мӣти. бхагавато етаматтхам̣ а̄рочесум̣. ануджа̄на̄ми, бхиккхаве, две ека̄нусса̄ване ка̄тунти.

тена кхо пана самайена самбахула̄нам̣ тхера̄нам̣ упасампада̄пеккха̄ хонти. те виваданти – ахам̣ пат̣хамам̣ упасампаджджисса̄ми, ахам̣ пат̣хамам̣ упасампаджджисса̄мӣти. тхера̄ евама̄хам̣су – ‘‘ханда, майам̣, а̄вусо, саббева ека̄нусса̄ване карома̄’’ти. бхагавато етаматтхам̣ а̄рочесум̣. ануджа̄на̄ми, бхиккхаве, две тайо ека̄нусса̄ване ка̄тум̣, тан̃ча кхо екена упаджджха̄йена, на твева на̄нупаджджха̄йена̄ти.