28. ан̇гулима̄лачораваттху

91. тена кхо пана самайена чоро ан̇гулима̄ло бхиккхӯсу паббаджито хоти. манусса̄ пасситва̄ уббиджджантипи, уттасантипи, пала̄йантипи, ан̃н̃енапи гаччханти, ан̃н̃енапи мукхам̣ каронти, два̄рампи тхакенти. манусса̄ уджджха̄йанти кхиййанти випа̄ченти – ‘‘катхан̃хи на̄ма саман̣а̄ сакйапуттийа̄ дхаджабандхам̣ чорам̣ пабба̄джессантӣ’’ти. ассосум̣ кхо бхиккхӯ тесам̣ манусса̄нам̣ уджджха̄йанта̄нам̣ кхиййанта̄нам̣ випа̄чента̄нам̣. атха кхо те бхиккхӯ бхагавато етаматтхам̣ а̄рочесум̣…пе… на, бхиккхаве, дхаджабандхо чоро пабба̄джетаббо. йо пабба̄джеййа, а̄патти дуккат̣асса̄ти.

ан̇гулима̄лачораваттху нит̣т̣хитам̣.