7. тин̣аваттха̄ракам̣

212. тена кхо пана самайена бхиккхӯнам̣ бхан̣д̣анаджа̄та̄нам̣ калахаджа̄та̄нам̣ вива̄да̄панна̄нам̣ вихаратам̣ бахум̣ асса̄ман̣акам̣ аджджха̄чин̣н̣ам̣ хоти бха̄ситапариккантам̣. атха кхо тесам̣ бхиккхӯнам̣ етадахоси – ‘‘амха̄кам̣ кхо бхан̣д̣анаджа̄та̄нам̣ калахаджа̄та̄нам̣ вива̄да̄панна̄нам̣ вихаратам̣ бахум̣ асса̄ман̣акам̣ аджджха̄чин̣н̣ам̣ бха̄ситапариккантам̣. саче майам̣ има̄хи а̄паттӣхи ан̃н̃аман̃н̃ам̣ ка̄ресса̄ма, сийа̄пи там̣ адхикаран̣ам̣ каккхал̣атта̄йа ва̄л̣атта̄йа [каккхал̣ата̄йа ва̄л̣ата̄йа (сйа̄. кам̣.)] бхеда̄йа сам̣ваттеййа. катхам̣ ну кхо амхехи пат̣ипаджджитабба’’нти? бхагавато етаматтхам̣ а̄рочесум̣.

‘‘идха пана, бхиккхаве, бхиккхӯнам̣ бхан̣д̣анаджа̄та̄нам̣ калахаджа̄та̄нам̣ вива̄да̄панна̄нам̣ вихаратам̣ бахум̣ асса̄ман̣акам̣ аджджха̄чин̣н̣ам̣ хоти бха̄ситапариккантам̣. татра че бхиккхӯнам̣ [татра че бхиккхаве бхиккхӯнам̣ (сйа̄.)] евам̣ хоти – ‘амха̄кам̣ кхо бхан̣д̣анаджа̄та̄нам̣ калахаджа̄та̄нам̣ вива̄да̄панна̄нам̣ вихаратам̣ бахум̣ асса̄ман̣акам̣ аджджха̄чин̣н̣ам̣ бха̄ситапариккантам̣; саче майам̣ има̄хи а̄паттӣхи ан̃н̃аман̃н̃ам̣ ка̄ресса̄ма, сийа̄пи там̣ адхикаран̣ам̣ каккхал̣атта̄йа ва̄л̣атта̄йа бхеда̄йа сам̣ваттеййа̄’ти, ануджа̄на̄ми, бхиккхаве, еварӯпам̣ адхикаран̣ам̣ тин̣аваттха̄ракена вӯпасаметум̣. еван̃ча пана, бхиккхаве, вӯпасаметаббам̣. саббехева екаджджхам̣ саннипатитаббам̣, саннипатитва̄ бйаттена бхиккхуна̄ пат̣ибалена сан̇гхо н̃а̄петаббо –

‘‘сун̣а̄ту ме, бханте, сан̇гхо. амха̄кам̣ бхан̣д̣анаджа̄та̄нам̣ калахаджа̄та̄нам̣ вива̄да̄панна̄нам̣ вихаратам̣ бахум̣ асса̄ман̣акам̣ аджджха̄чин̣н̣ам̣ бха̄ситапариккантам̣. саче майам̣ има̄хи а̄паттӣхи ан̃н̃аман̃н̃ам̣ ка̄ресса̄ма, сийа̄пи там̣ адхикаран̣ам̣ каккхал̣атта̄йа ва̄л̣атта̄йа бхеда̄йа сам̣ваттеййа. йади сан̇гхасса паттакаллам̣, сан̇гхо имам̣ адхикаран̣ам̣ тин̣аваттха̄ракена вӯпасамеййа, т̣хапетва̄ тхуллаваджджам̣, т̣хапетва̄ гихиппат̣исам̣йутта’’нти. ‘‘екатопаккхика̄нам̣ бхиккхӯнам̣ бйаттена бхиккхуна̄ пат̣ибалена сако паккхо н̃а̄петаббо –

‘‘сун̣анту ме а̄йасманта̄. амха̄кам̣ бхан̣д̣анаджа̄та̄нам̣ калахаджа̄та̄нам̣ вива̄да̄панна̄нам̣ вихаратам̣ бахум̣ асса̄ман̣акам̣ аджджха̄чин̣н̣ам̣ бха̄ситапариккантам̣. саче майам̣ има̄хи а̄паттӣхи ан̃н̃аман̃н̃ам̣ ка̄ресса̄ма, сийа̄пи там̣ адхикаран̣ам̣ каккхал̣атта̄йа ва̄л̣атта̄йа бхеда̄йа сам̣ваттеййа. йада̄йасманта̄нам̣ паттакаллам̣, ахам̣ йа̄ чева а̄йасманта̄нам̣ а̄патти, йа̄ ча аттано а̄патти, а̄йасманта̄нан̃чева аттха̄йа, аттано ча аттха̄йа, сан̇гхамаджджхе тин̣аваттха̄ракена десеййам̣, т̣хапетва̄ тхуллаваджджам̣, т̣хапетва̄ гихиппат̣исам̣йутта’’нти.

‘‘атха̄паресам̣ екатопаккхика̄нам̣ бхиккхӯнам̣ бйаттена бхиккхуна̄ пат̣ибалена сако паккхо н̃а̄петаббо –

213. ‘‘атха̄паресам̣ екатопаккхика̄нам̣ бхиккхӯнам̣ бйаттена бхиккхуна̄ пат̣ибалена сан̇гхо н̃а̄петаббо –

‘‘сун̣а̄ту ме, бханте, сан̇гхо. амха̄кам̣ бхан̣д̣анаджа̄та̄нам̣ калахаджа̄та̄нам̣ вива̄да̄панна̄нам̣ вихаратам̣ бахум̣ асса̄ман̣акам̣ аджджха̄чин̣н̣ам̣ бха̄ситапариккантам̣. саче майам̣ има̄хи а̄паттӣхи ан̃н̃аман̃н̃ам̣ ка̄ресса̄ма, сийа̄пи там̣ адхикаран̣ам̣ каккхал̣атта̄йа ва̄л̣атта̄йа бхеда̄йа сам̣ваттеййа. йади сан̇гхасса паттакаллам̣, ахам̣ йа̄ чева имесам̣ а̄йасманта̄нам̣ а̄патти, йа̄ ча аттано а̄патти, имесан̃чева а̄йасманта̄нам̣ аттха̄йа, аттано ча аттха̄йа, сан̇гхамаджджхе тин̣аваттха̄ракена десеййам̣, т̣хапетва̄ тхуллаваджджам̣, т̣хапетва̄ гихиппат̣исам̣йуттам̣. еса̄ н̃атти.

‘‘сун̣а̄ту ме, бханте, сан̇гхо. амха̄кам̣ бхан̣д̣анаджа̄та̄нам̣ калахаджа̄та̄нам̣ вива̄да̄панна̄нам̣ вихаратам̣ бахум̣ асса̄ман̣акам̣ аджджха̄чин̣н̣ам̣ бха̄ситапариккантам̣. саче майам̣ има̄хи а̄паттӣхи ан̃н̃аман̃н̃ам̣ ка̄ресса̄ма, сийа̄пи там̣ адхикаран̣ам̣ каккхал̣атта̄йа ва̄л̣атта̄йа бхеда̄йа сам̣ваттеййа. ахам̣ йа̄ чева имесам̣ а̄йасманта̄нам̣ а̄патти, йа̄ ча аттано а̄патти, имесан̃чева а̄йасманта̄нам̣ аттха̄йа, аттано ча аттха̄йа, сан̇гхамаджджхе тин̣аваттха̄ракена десеми, т̣хапетва̄ тхуллаваджджам̣, т̣хапетва̄ гихиппат̣исам̣йуттам̣. йасса̄йасмато кхамати амха̄кам̣ има̄сам̣ а̄паттӣнам̣ сан̇гхамаджджхе тин̣аваттха̄ракена десана̄, т̣хапетва̄ тхуллаваджджам̣, т̣хапетва̄ гихиппат̣исам̣йуттам̣, со тун̣хасса; йасса наккхамати, со бха̄сеййа.

‘‘десита̄ амха̄кам̣ има̄ а̄паттийо сан̇гхамаджджхе тин̣аваттха̄ракена, т̣хапетва̄ тхуллаваджджам̣, т̣хапетва̄ гихиппат̣исам̣йуттам̣. кхамати сан̇гхасса, тасма̄ тун̣хӣ, еваметам̣ дха̄райа̄мӣ’’ти.

214. ‘‘атха̄паресам̣ екатопаккхика̄нам̣ бхиккхӯнам̣ бйаттена бхиккхуна̄ пат̣ибалена сан̇гхо н̃а̄петаббо –

‘‘сун̣а̄ту ме, бханте, сан̇гхо. амха̄кам̣ бхан̣д̣анаджа̄та̄нам̣ калахаджа̄та̄нам̣ вива̄да̄панна̄нам̣ вихаратам̣ бахум̣ асса̄ман̣акам̣ аджджха̄чин̣н̣ам̣ бха̄ситапариккантам̣. саче майам̣ има̄хи а̄паттӣхи ан̃н̃аман̃н̃ам̣ ка̄ресса̄ма, сийа̄пи там̣ адхикаран̣ам̣ каккхал̣атта̄йа ва̄л̣атта̄йа бхеда̄йа сам̣ваттеййа. йади сан̇гхасса паттакаллам̣, ахам̣ йа̄ чева имесам̣ а̄йасманта̄нам̣ а̄патти, йа̄ ча аттано а̄патти, имесан̃чева а̄йасманта̄нам̣ аттха̄йа, аттано ча аттха̄йа, сан̇гхамаджджхе тин̣аваттха̄ракена десеййам̣, т̣хапетва̄ тхуллаваджджам̣, т̣хапетва̄ гихиппат̣исам̣йуттам̣. еса̄ н̃атти.

‘‘сун̣а̄ту ме, бханте, сан̇гхо. амха̄кам̣ бхан̣д̣анаджа̄та̄нам̣ калахаджа̄та̄нам̣ вива̄да̄панна̄нам̣ вихаратам̣ бахум̣ асса̄ман̣акам̣ аджджха̄чин̣н̣ам̣ бха̄ситапариккантам̣. саче майам̣ има̄хи а̄паттӣхи ан̃н̃аман̃н̃ам̣ ка̄ресса̄ма, сийа̄пи там̣ адхикаран̣ам̣ каккхал̣атта̄йа ва̄л̣атта̄йа бхеда̄йа сам̣ваттеййа. ахам̣ йа̄ чева имесам̣ а̄йасманта̄нам̣ а̄патти, йа̄ ча аттано а̄патти, имесан̃чева а̄йасманта̄нам̣ аттха̄йа, аттано ча аттха̄йа, сан̇гхамаджджхе тин̣аваттха̄ракена десеми, т̣хапетва̄ тхуллаваджджам̣, т̣хапетва̄ гихиппат̣исам̣йуттам̣. йасса̄йасмато кхамати амха̄кам̣ има̄сам̣ а̄паттӣнам̣ сан̇гхамаджджхе тин̣аваттха̄ракена десана̄, т̣хапетва̄ тхуллаваджджам̣, т̣хапетва̄ гихиппат̣исам̣йуттам̣, со тун̣хасса; йасса наккхамати, со бха̄сеййа.

‘‘еван̃ча пана, бхиккхаве, те бхиккхӯ та̄хи а̄паттӣхи вут̣т̣хита̄ хонти, т̣хапетва̄ тхуллаваджджам̣, т̣хапетва̄ гихиппат̣исам̣йуттам̣, т̣хапетва̄ дит̣т̣ха̄викаммам̣, т̣хапетва̄ йе на таттха хонтӣ’’ти.