3. чатта̄лӣсакам̣

160. тена кхо пана самайена ан̃н̃атаро бхиккху паривасанто виббхами. со пуна пачча̄гантва̄ бхиккхӯ упасампадам̣ йа̄чи. бхагавато етаматтхам̣ а̄рочесум̣.

‘‘идха пана, бхиккхаве, бхиккху паривасанто виббхамати. виббхантакасса, бхиккхаве, парива̄со на рухати. со че пуна упасампаджджати, тасса тадева пуримам̣ парива̄сада̄нам̣. йо парива̄со динно судинно, йо паривуттхо супаривуттхо, авасесо париваситаббо.

‘‘идха пана, бхиккхаве, бхиккху паривасанто са̄ман̣еро хоти. са̄ман̣ерасса, бхиккхаве, парива̄со на рухати. со че пуна упасампаджджати, тасса тадева пуримам̣ парива̄сада̄нам̣. йо парива̄со динно судинно, йо паривуттхо супаривуттхо, авасесо париваситаббо.

‘‘идха пана, бхиккхаве, бхиккху паривасанто умматтако хоти. умматтакасса, бхиккхаве, парива̄со на рухати. со че пуна анумматтако хоти, тасса тадева пуримам̣ парива̄сада̄нам̣. йо парива̄со динно судинно, йо паривуттхо супаривуттхо, авасесо париваситаббо.

‘‘идха пана, бхиккхаве, бхиккху паривасанто кхиттачитто хоти. кхиттачиттасса, бхиккхаве, парива̄со на рухати. со че пуна акхиттачитто хоти, тасса тадева пуримам̣ парива̄сада̄нам̣. йо парива̄со динно судинно, йо пуривуттхо супаривуттхо, авасесо париваситаббо.

‘‘идха пана, бхиккхаве, бхиккху паривасанто ведана̄т̣т̣о хоти. ведана̄т̣т̣асса, бхиккхаве, парива̄со на рухати. со че пуна аведана̄т̣т̣о хоти, тасса тадева пуримам̣ парива̄сада̄нам̣. йо парива̄со динно судинно, йо паривуттхо супаривуттхо, авасесо париваситаббо.

‘‘идха пана, бхиккхаве, бхиккху паривасанто, а̄паттийа̄ адассане, уккхипиййати [уккхипийати (сйа̄.), уккхипӣйати (ка.)]. уккхиттакасса, бхиккхаве, парива̄со на рухати. со че пуна оса̄риййати [оса̄рийати (сйа̄.), оса̄рӣйати (ка.)], тасса тадева пуримам̣ парива̄сада̄нам̣. йо парива̄со динно судинно, йо паривуттхо супаривуттхо, авасесо париваситаббо.

‘‘идха пана, бхиккхаве, бхиккху паривасанто, а̄паттийа̄ аппат̣икамме, уккхипиййати. уккхиттакасса, бхиккхаве, парива̄со на рухати. со че пуна оса̄риййати, тасса тадева пуримам̣ парива̄сада̄нам̣. йо парива̄со динно судинно, йо паривуттхо супаривуттхо, авасесо париваситаббо.

‘‘идха пана, бхиккхаве, бхиккху паривасанто, па̄пика̄йа дит̣т̣хийа̄, аппат̣иниссагге, уккхипиййати. уккхиттакасса, бхиккхаве, парива̄со на рухати. со че пуна оса̄риййати, тасса тадева пуримам̣ парива̄сада̄нам̣. йо парива̄со динно судинно, йо паривуттхо супаривуттхо, авасесо париваситаббо.

161. ‘‘идха пана, бхиккхаве, бхиккху мӯла̄йапат̣икассана̄рахо виббхамати. виббхантакасса, бхиккхаве, мӯла̄йапат̣икассана̄ на рухати. со че пуна упасампаджджати, тасса тадева пуримам̣ парива̄сада̄нам̣. йо парива̄со динно судинно, йо паривуттхо супаривуттхо. со бхиккху мӯла̄йа пат̣икасситаббо.

‘‘идха пана, бхиккхаве, бхиккху мӯла̄йапат̣икассана̄рахо са̄ман̣еро хоти…пе… умматтако хоти…пе… кхиттачитто хоти…пе… ведана̄т̣т̣о хоти…пе… а̄паттийа̄ адассане уккхипиййати…пе… а̄паттийа̄ аппат̣икамме уккхипиййати…пе… па̄пика̄йа дит̣т̣хийа̄, аппат̣иниссагге, уккхипиййати. уккхиттакасса, бхиккхаве, мӯла̄йапат̣икассана̄ на рухати. со че пуна оса̄риййати, тасса тадева пуримам̣ парива̄сада̄нам̣. йо парива̄со динно судинно, йо паривуттхо супаривуттхо. со бхиккху мӯла̄йа пат̣икасситаббо.

162. ‘‘идха пана, бхиккхаве, бхиккху ма̄натта̄рахо виббхамати. виббхантакасса, бхиккхаве, ма̄наттада̄нам̣ на рухати. со че пуна упасампаджджати, тасса тадева пуримам̣ парива̄сада̄нам̣. йо парива̄со динно судинно, йо паривуттхо супаривуттхо. тасса бхиккхуно ма̄наттам̣ да̄таббам̣.

‘‘идха пана, бхиккхаве, бхиккху ма̄натта̄рахо са̄ман̣еро хоти…пе… умматтако хоти…пе… кхиттачитто хоти…пе… ведана̄т̣т̣о хоти…пе… а̄паттийа̄ адассане, уккхипиййати…пе… а̄паттийа̄ аппат̣икамме, уккхипиййати…пе… па̄пика̄йа дит̣т̣хийа̄, аппат̣иниссагге, уккхипиййати. уккхиттакасса, бхиккхаве, ма̄наттада̄нам̣ на рухати. со че пуна оса̄риййати, тасса тадева пуримам̣ парива̄сада̄нам̣. йо парива̄со динно судинно, йо паривуттхо супаривуттхо. тасса бхиккхуно ма̄наттам̣ да̄таббам̣.

163. ‘‘идха пана, бхиккхаве, бхиккху ма̄наттам̣ чаранто виббхамати. виббхантакасса, бхиккхаве, ма̄наттачарийа̄ на рухати. со че пуна упасампаджджати тасса тадева пуримам̣ парива̄сада̄нам̣. йо парива̄со динно судинно, йо паривуттхо супаривуттхо; йам̣ ма̄наттам̣ диннам̣ судиннам̣, йам̣ ма̄наттам̣ чин̣н̣ам̣ сучин̣н̣ам̣, авасесам̣ чаритаббам̣.

‘‘идха пана, бхиккхаве, бхиккху ма̄наттам̣ чаранто са̄ман̣еро хоти…пе… умматтако хоти…пе… кхиттачитто хоти…пе… ведана̄т̣т̣о хоти…пе… а̄паттийа̄ адассане, уккхипиййати…пе… а̄паттийа̄ аппат̣икамме, уккхипиййати…пе… па̄пика̄йа дит̣т̣хийа̄, аппат̣иниссагге, уккхипиййати. уккхиттакасса, бхиккхаве, ма̄наттачарийа̄ на рухати. со че пуна оса̄риййати, тасса тадева пуримам̣ парива̄сада̄нам̣. йо парива̄со динно судинно, йо пуривуттхо супаривуттхо; йам̣ ма̄наттам̣ диннам̣ судиннам̣, йам̣ ма̄наттам̣ чин̣н̣ам̣ сучин̣н̣ам̣, авасесам̣ чаритаббам̣.

164. ‘‘идха пана, бхиккхаве, бхиккху аббха̄на̄рахо виббхамати. виббхантакасса, бхиккхаве, аббха̄нам̣ на рухати. со че пуна упасампаджджати, тасса тадева пуримам̣ парива̄сада̄нам̣. йо парива̄со динно судинно, йо паривуттхо супаривуттхо; йам̣ ма̄наттам̣ диннам̣ судиннам̣, йам̣ ма̄наттам̣ чин̣н̣ам̣ сучин̣н̣ам̣. со бхиккху аббхетаббо.

‘‘идха пана, бхиккхаве, бхиккху аббха̄на̄рахо са̄ман̣еро хоти…пе… умматтако хоти…пе…

кхиттачитто хоти…пе… ведана̄т̣т̣о хоти…пе… а̄паттийа̄ адассане, уккхипиййати…пе… а̄паттийа̄ аппат̣икамме, уккхипиййати…пе… па̄пика̄йа дит̣т̣хийа̄, аппат̣иниссагге, уккхипиййати. уккхиттакасса, бхиккхаве, аббха̄нам̣ на рухати. со че пуна оса̄риййати, тасса тадева пуримам̣ парива̄сада̄нам̣. йо парива̄со динно судинно, йо паривуттхо супаривуттхо; йам̣ ма̄наттам̣ диннам̣ судиннам̣, йам̣ ма̄наттам̣ чин̣н̣ам̣ сучин̣н̣ам̣. со бхиккху аббхетаббо.

чатта̄лӣсакам̣ саматтам̣.